昌發泰國粉麵屋

好後悔冇睇食評就衝咗入去街頭呢一間泰國菜館, 因為佢嘅門口擺咗好多泰國食品出嚟, 色彩繽紛好吸引, 畀佢引咗入去. 一坐低發現就發現有一股奇怪嘅氣味. 然後兩個人點咗一個湯, 三個菜, 兩款飲品, 以下逐一介紹：冬陰公湯（小）算係正常嘅蝦醬炒芥蘭冇乜蝦醬味, 芥蘭好硬亦都冇乜菜味.半隻泰式海南雞係雞髀嚟嘅, 但係都係冇乜味, 雞肉比較軟淋, 就加埋個醬都係冇乜味, 好淡口.泰式煎蠔餅同平時食開嘅潮式蠔餅有好大分別, 蠔係肥嘅, 但係同啲蛋炒埋一齊「散收收」咁, 冇鑊氣, 底下墊咗大量芽菜, 成碟味道都係淡口, 連魚露味都冇, 連個辣醬亦只係得辣味冇乜鹹味.飲品我哋點咗椰青同埋龍眼冰最正常就係飲品好失望！去九龍城諗住食正宗泰菜, 點知入到去係前所未有嘅淡口. 但係好奇怪, 雖然係淡口, 但係食埋兩杯飲品都係會覺得好口渴㗎喎, 埋單都要四五百蚊, 早知睇多幾間先坐低.另外亦都值得一提, 呢間舖頭店入面坐低嘅位置係收唔到電話嘅, 所以想即場睇食評再點嘢食就要上佢提供嘅wi-fi, 但係我就基於安全理由就冇上wi-fi所以冇喺店內睇食評就點餐, 可能係咁所以冇點中佢出色嘅嘢.…查看更多

今日專程嚟到九龍城原本想去食越南粉，但係因為距離比較遠，而且今日天氣極度炎熱。路過呢一間舖頭見到門口貼咗幾張相，睇佢個相都覺得係整得幾好食嘅樣。叫咗一碗遊船河，一碗清邁咖喱米線，仲有一碟扎肉沙律，一杯泰式奶茶，一杯梳打。遊船河粉配料都OK嘅，喺個湯個味淡咗啲。清邁咖喱米線，難食到飛起，成兜嘢個賣相已經好唔開胃，好似食淨撈埋一碟咁。啲豬紅爛蓉蓉，雞腳又係一嚿嚿碎晒，入面仲有好多碎骨，啲菇臭臭地，成碗米線都唔係好覺得有咖喱味。賣相同味道一樣咁差。扎肉沙律啲扎肉都幾好食，但係剩低嘅蔬菜部份就麻麻哋，佢撈咗個類似生蝦刺身嘅汁都幾惹味。凍奶茶出奇地難飲，我以為都係手標溝水開出嚟，我覺得佢落得太多水。青檸梳打就係青檸梳打囉。俾錢我都唔會再食粉麵，其他菜式或者都有可能再幫襯，但係區內咁多選擇，機會都比較微。…查看更多

今日中午約1點到九龍城的昌發泰國粉麵屋，門面低調但人氣向來不俗。這次運氣不錯，剛踏入店內便可即刻坐下，避過午市的等位高峰。點了店內招牌之一「遊船河」($55)。湯底香氣淡雅，入口清爽，但若能再濃郁一點、多一層魚露與香料的厚度會更出彩；河粉滑順，肉料份量剛好，整體味道屬「穩打穩紮」型，不驚艷但耐吃。在這條遍佈泰菜名店的街區，昌發給人的感覺更像一間「街坊速食老舖」——價格親民、出餐快、味道有誠意。若你只是想在午飯時段來一碗熱湯河粉取暖解饞，這裡仍是值得重訪的一站。…查看更多

上網見佢食評唔錯滿心歡喜嚟食下佢嘅嘢食本身嚟之前都食咗嘢所以只係叫左佢個遊船河、泰東豬肉生菜包同埋一杯椰汁珍多冰杯椰汁珍多冰正正常常幾好飲個生菜包少少辣都可以但個河就真係好失望望落個湯底都幾深色但食落好淡無咩味….啲餸都好普通下次未必會再試了…查看更多

係九龍城要食泰國粉，我通常都會去依間，食得最多都係依間。點解呢，因為佢叫泰國粉面屋，所以食得泰國粉我都去佢到。我暫時未見到第二間叫泰式粉麵既店舖，所以無得揀。同埋佢有一個優勢，就係近，我係九龍城做野，可以話係行兩步就到，所以都方便。不過如果我係正佢舖頭隔離返工，就會再方便啲。食物方面，佢都有齊基本既泰式湯底，每個湯粉你都可以自己選擇唔同嘅面底，金邊粉，粗幼河粉，唔同種類嘅面都有。咁呢個係幾好嘅，有時同一種湯底搭配唔同嘅面底出嚟都會有唔同嘅效果同感覺。我一般叫彩虹湯河，遊船河，或者鴨肉湯河。再加上有有喺泰國食嘅辣椒粉同魚露等俾你自己任加，味道都相當濃郁。有時我會加多個通菜，或者加多個小食，最主要睇吓我嗰日腸胃暢唔暢順啦，始終食多啲菜幫助消化好啲。😂😂😂整體我俾85分💙…查看更多

店子是街坊格局，環境一般，坐底睇啱食咩就自己用筆寫紙落單。點了椰青、炒金邊粉、沙嗲串燒和炸蝦餅。椰青，只要不是變壞了，一般都唔會令人失望。炒金邊粉，order後2分鐘左右上了枱，溫的但不是熱的，究竟係咪即叫即炒的呢一碟粉大大碟，味道上，個人覺得欠了點羅望子的酸味，粉的質感又好似濕了少少，黏黏濕濕，有點漿口，口感差了點。串燒有6枝，豬、牛、雞各2，全沒有燒的香味，但點了沙嗲醬食都還可以。蝦餅最好食，外脆，蝦肉都實在彈牙。…查看更多

價錢唔貴，味道可以，仲可以自己用紙仔落單，有懷舊的味道，食物質素良好，不過唔好要求又好靚嘅裝修，普通食吓飯係好選擇，串燒味道OK，豬頸肉沙律調味偏淡，炸蝦餅就一般。…查看更多

家人晚飯，簡簡單單又一餐。叫咗個豬頸肉炒河粉、魚蛋河粉，椰青，同雜錦串燒。份量夠，調味輕手但豐富，食泰菜，一定食小店。最後叫咗個芒果糯米飯，椰漿調過味嚟，咸甜交配，好唔錯。service…唔講lu。…查看更多

放假出九龍城食泰國嘢 喺條街度行嚟行去 見到呢一間粉麵$50/1個lunch都幾抵 就行咗入去鮮蝦炒金邊粉蝦肉新鮮大隻，不過得兩隻。金邊粉有彈性唔易斷。船麵呢間嘅泰國船麵真係我食過最好食 個湯底好濃郁 而且料都幾多 豬潤爽脆清邁椰汁咖喱雞麵呢個本身唔啱我口味。同埋啲雞似係俾啲海南雞飯嘅餸頭餸尾，不過呢一碗麵個份量最多加咗個泰國生果就咁食嘅話冇乜特別。但係佢枱上面有個辣椒魚露加咗之後別有一番風味，建議大家試吓！…查看更多

馬拉盞炒通菜馬拉盞通菜係廚師推介，可惜馬拉盞味道不突出，菜的份量算多嘅。冬蔭功 (小)份量啱晒兩個人，每人大概有兩大碗。雖然冇得揀辣度，但係呢個預設嘅辣度啱香港人口味。不過，味道酸咗少少。 內裏的冬菇和蕃茄仔都好多，大蝦就有一隻半。炸蝦餅拼魚餅上碟時兩樣嘢都係熱嘅蝦餅兩件切半，入面有少少馬蹄增加爽口感，正常嘢。魚餅偏硬少少，係正宗個款泰式魚餅，好重香料味。清邁豬肉生菜包上碟熱辣辣， 肉碎和生菜嘅份量都好多， 兩個人食唔使追加生菜。不過，肉碎實在太鹹了，食完呢餐飯嗰晚好口渴🥵生蝦刺身生蝦都算大隻，個人認為肉質比較硬，未夠爽口，係新鮮嘅，印象中好似得6隻定8隻，泰汁唔係向泰國綠色個款，但友人都已經覺得好辣五樣餸加可樂，埋單395蚊，價錢算係咁。不過味道一般，相信同區會有更好的選擇。…查看更多

朋友係英國返黎，又去返飯堂，以前成日食，呢幾年少咗。叫左個木瓜沙律，只係覺得個價錢比以前貴左一倍，黎到勁大蝶😂以為比錯。個青咖喱真係好好味，以前必叫。叫左個椰菜苗，但居然無😅以前去食差唔多full house,而家得我哋一枱客…. 其實佢有的食物真係可以保持質素，已經唔錯.…查看更多

玩完潑水節更係係九龍城食埋飯先走喇🤩平時食開一間又想試新野行過見到昌發印象中上網見多人都讚二話不說就入左去泰式生蝦大大隻👍🏻夠凍👍🏻又彈豬牛雞串燒除左牛串好多筋之外豬同雞都好食👍🏻至於個酸辣明鱸魚整左半個鐘先到好濃既湯但濃到係醬黎既條魚又乾又多骨呢個真係超級伏…查看更多

一想食泰國野就一定會黎九龍城，皆因夠正宗夠道地！雖然餐廳環境沒有華麗裝修，但個人認為夠地道，以往去泰國餐廳一定會叫以下幾款， 今次都唔例外-燒豬頸肉豬頸肉燒得香脆，切得均勻，而且醃製入味！個人認為重點是伴隨的豬頸肉辣醬，沾少少已辣得過癮。拼盤炸物是邪惡的！叫拼盤可一次過試所有口味， 拼盤有炸春卷、炸蝦餅、炸雞卷及魚餅！ 炸得香脆，又唔會太油膩。鮮蝦炒金邊粉金邊粉的份量是一人份量，蝦肉大隻爽口; 炒粉香味撲鼻，伴花生碎及青檸，是泰國口味！青檸蒸烏頭魚每次食魚都好期待，因為泰式蒸煮烏頭都會連爐一齊上，保持住熱度！成條魚上面鋪滿多塊青檸檬加辣椒；賣相已經好吸引！烏頭肉質鮮甜，大條厚肉，夾雜青檸等配料十分開胃惹味 ; 而且辣度十足!…查看更多

九龍城一直都係地道泰菜集中地，今次就去咗昌發，想食泰麵就要識😆食完真心驚喜👏🏻小店嚟講，呢度唔單止多選擇，食物質素高，價錢夠抵，真正大件夾抵食，會再幫襯。1️⃣遊船河(金邊粉) $50天氣涼番，食碗熱辣辣♨️嘅船河填肚好滿足。呢個船河湯頭都算濃郁，配牛肉片同豬肉丸。粉麵揀番金邊粉，我認為係最吸收到湯汁精華😋，泰式香料都新鮮，整體水準有B+，香港食到嘅味道嚟講叫正宗啦！2️⃣泰東豬肉生菜包 $69泰國東北菜較重口味，著重辣、咸同酸味，所以呢個生菜包嘅肉碎會更酸辣開胃，米香味出眾，配爽脆生菜，一啖咬落去真係好夾，份量仲要足到爆，食極唔完咁👀3️⃣蠔仔煎蛋 $128見隔離枱食得咁開心，聞落又好香，所以抵受唔住引誘叫咗😆。想講：值得嗌！蠔仔煎蛋用鐵板上，熱力將香氣送入你個鼻，仲要大大塊好震撼。煎蛋嘅底部酥脆香口💯，蠔仔夠多，肥美又唔腥，仲有海量芽菜墊底平衡油膩感👍🏻👍🏻，附上甜辣醬，所以一啖接一啖都唔覺滯。不過有時店舖會轉粉多脆口個款，所以落單嗰時可以講明要腍嗰隻。4️⃣芒果沙冰 $38勁勁勁大杯，滿到瀉；芒果味可以再濃啲，不過唔係死甜，都收貨啦😌📍環境較細、座位偏窄、唔算光猛整潔，但老舖小店，小妹唔太介懷📍自行手寫落單…查看更多

以前間唔中黎食船麵，今次試飯，揀左青咖哩雞飯（50蚊），等左15分鐘，其他遲我入坐既都食緊了...  個青咖喱汁幾惹味，有6舊切半既泰式圓茄子，至於雞肉呢，全部都係骨多過肉，兩舊斬半既雞翼骨，半截雞腳，一隻細雞翼尖😤 啲肉加埋都唔夠一條冰鮮雞胸肉咁多，食到一半已經係食汁撈飯。啲飯又乾又硬勁似隔夜飯。…查看更多