昌發泰國粉麵屋

營業中

休息中

宋王臺站開通後第一次坐地鐵去九龍城食泰國嘢，今次去咗昌發泰國粉麵屋，未到12點已經好多人，今日竟然冇海南雞飯有啲失望，叫咗個菠蘿炒飯，上面啲海鮮只是用水淥過就加入去炒一啲味都冇，叫咗一個小食拼盤，所有小食都即叫即炸好香脆，最鍾意佢個蝦餅夠彈牙，個濕炒雞肉河粉啲汁多到嚇死，個汁太稀，個河粉黐埋一齊，不過上面嘅蔬菜就好多，芒果沙冰芒果唔夠，用得太多芒果果醬好甜，有少少失望，唔知係咪因為地鐵開通左太多人來食質素好似有啲下降

食物普通，最差是店員服務質素以及等候時間，叫了一個冬陰功等了1小時仍未送上而追單只回覆一句：等下啦。眼見其他食客都是同樣待遇。菜式沽清但店員沒有提及，要下單後半小時追單才知道沒有。水準越做越差，沒有下次。

經好友介紹我嚟呢間餐廳食晚飯 我哋一行10人 食得好開心🥳 我哋叫咗生蝦刺身 豬頸肉沙律 生菜包 青咖喱雞 薄餅 炸蝦餅拼炸魚餅 飛天通菜 雜錦串燒 芒果糯米飯 啲嘢食好好味好正宗😋😋我就覺得啲嘢食有少少辣但係我啲屋企人就覺得好好味一啲都唔辣😅😅 我最鍾意食係啲串燒同炸蝦餅 佢最正係個芒果糯米飯啲糯米好軟熟 好香 凍咗都一樣咁好味 不過份量太多一定要同人分享🤣🤣 因為佢餐牌仲有好多嘢食 太飽啦下次我會再嚟試多幾次😂😂😂老闆娘仲好好人送咗個西米糕甜品俾我哋食👍🏻👍🏻😘😘

九龍城泰菜林立我同我老公try過唔少間當中不缺大眾推廣食店感覺都好味 但就點都唔及呢間咁impressive 其實原本我哋係想食泰式素菜但去到過咗三點佢哋話已落場係勁失落又肚餓嘅情況下我哋就過咗對面覓食求其揾咗呢間坐低然後意外得到驚喜因為決定咗今天不吃禽畜類我們選擇不多就分別叫了香葉海鮮炒河同埋蝦仁炒金邊粉當食物送到時我哋已有第一個驚喜就係60零蚊嘅價錢竟然得到jumbo size嘅食物而且無論海鮮同素菜配料都份量十足內心已經直豎姆指不過咁 我個金邊粉食落係有2個小小意見第一 佢唔夠冇益 即係唔夠鹹感覺唔夠過癮第二係佢嗰條點綴用生韮菜 絕對不是我的菜 但可能人家只用來裝飾不知我為何要食埋佢（主要因為我老公叫）但係咁 呢個炒粉甜酸味就拿揑得好好麵嘅乾濕度同煙靱度亦十分理想最要大大力讚係佢裏面個蛋天呀！香味濃烈到暈又好有鑊氣 就算我幾咁怕肥但食晒落肚 真係好食到爆炸然後可以講吓我老公個粉個乾濕度冇得頂個河粉同乾炒牛河嗰種河唔同軟稔啲 冇咁滯魷魚彈牙又鹹香整體來說比我那碟美味我老公呢啲閹尖王都話讚至於個蝦就一食就知急凍貨但咁嘅價錢想食新鮮蝦？放心 我又冇咁離譜 最後 想講佢個咖啡好甜又好苦

去九龍城食泰菜必去昌發泰國粉麵屋, 既經濟又好味😋沒一次令我們失望🤗😙😙看完餐牌自行落單遞給服務員, 食物好快就會呈現在眼前😬木瓜絲沙律木瓜絲, 甘筍絲 蕃茄, 蝦乾仔, 花生, 豆角&新鮮生菜. 加埋沙律汁, 青檸汁&魚露撈埋一齊, 好味又醒胃😋冬陰功湯(細)冬陰功湯料, 湯內有蝦&草菇. 味道不太酸亦不太辣. 可以淺嘗辣味的朋友, 應該也可以飲到脆肉炒椰菜苗脆肉我沒吃不能comment. 另外椰菜苗, 我覺得比較硬身. 本人較為喜歡馬拉盞或鹹魚炒菜, 惹味一點😬燒豬頸肉豬頸肉肥瘦相約, 燒得非常好, 香口&爽口, 肉質又淋又多汁, 極力推介😋😋😋遊船河湯底好不用多說, 湯底濃味, 不油, 食完又不渴. 食過昌發粉麵的朋友一定知道😏 河粉是濶身那種, 連湯一齊食絕配👍鮮蝦炒金邊粉這個炒金邊粉就比較失色了, 味道平平無奇, 又沒有鑊氣. 泰式咖啡以泰式咖啡來說, 它是合格的. 若然你對咖啡好有要求, 它未能完全滿足到你我們4人總共叫了9種食物/飲品, 埋單都是$448. 各人食得飽飽, 又滿足😋😋 既經濟又好味用膳完畢, 還可以在店外購買一些食物/甜品回家中品嚐😬😬

由於疫情嘅關係冇得去旅行，為咗消除好想去泰國旅行的癮，今日專登搭車嚟到九龍城食泰國嘢。天氣凍想食啲熱湯嘅嘢，揀咗呢間好出名食黑湯河的昌發泰國粉麵屋。每次嚟到都一定會嗌正宗泰國船河，入面有豬肉有肉丸，味道非常之正宗，就好似喺泰國食到嘅一樣，而且價錢唔係好貴，四五十蚊就可以食到一碗。友人揀咗冬陰功湯河，味道一般，有啲淡。所以他都好後悔冇嗌到出名嘅船河。咁多人叫佢黑湯可係因為湯底濃到好似黑色咁，我下次嚟到一定會試豬雜河，應該更襯呢個湯底。不過略嫌肚餓嘅話食一碗好似唔夠食。

人人都知九龍城係個泰國小區 好多居港泰國人都選擇喺九龍城開檔 由於太多選擇嘅關係 選擇困難症又發作！昌泰係一位泰籍朋友介紹我去對我嚟講呢度嘅船麵真係絕對寶藏之一🤩 餐廳由泰國人主理 裝修簡陋 每款食物都真係令我誤以為自己身處曼谷 如果你嗌外賣就會發現餐廳包裝食物就同泰國啲夜市一模一樣 用透明膠袋包住啲湯再打個結😂個招牌遊船河嘅湯底係超級!!超級!!超級!!濃郁 睇相未必睇得出 不過真係好正😂 而河粉係用咗泰國嘅粗身河粉 蘿蔔入味又無揸 論味道我比滿分🔥 仲有芒果沙冰同椰汁冰添啊😍

哩間泰國菜，每隔一排就會有心癮，想去食佢嘅豬手同船麵。見近排天氣涼咗，又係去食返碗熱粉麵暖胃嘅時間。今次叫咗鳳爪湯金邊粉、咖哩雞金邊粉、豬手、椰汁冰。鳳爪質素一時時嘅，我試過佢太好生意，未煮夠身就要賣，咁個鳳爪就會偏爽啦。今次哩碗係啱啱好，滷水好入味，皮軟而未至於融掉，入口一啜啲肉連皮就即刻離晒骨。超好味。咖哩雞個汁好濃好夠味，辣辣地好暖身。原本每次嚟都會叫豬手粉或豬手飯嘅，但今次覺得叫碟爭豬手可能會抵啲；的確無決定錯。豬手好大碟好抵食呢。豬皮好多膠質，好軟好入味，就算皮內嘅瘦肉都唔會硬.... 結果兩個人，一人一碗粉，再加成碟豬手，食晒..... 哩度粉麵嘅份量我覺得都唔算細，隔離枱一個大男人食一碗湯粉唔加其他嘢都夠。4-50蚊一碗咁有質素嘅泰粉超級抵食。佢仲有好多其他菜式㗎，小食小炒全部都好得，不過近排唔知係咪疫情關係，無開爐無小炒食，如果唔係必叫馬拉戔炒芥蘭。

上次同女友黎食完之後一直都好回味, 所以今次黎開九龍城就帶埋屋企人黎試下, 人多可以叫多幾款野食嘛！1）遊船河 呢個係上次叫左好味今次再encore 既！果然無令我失望, 同上次一樣咁好味, 湯底好濃郁, 而且呢度既河粉好粗身好特別, 平時好少地方食到。2) 馬拉盞炒通菜冬天其他餐廳好少有通菜食, 見到呢度有梗係即刻order 啦！d 通菜好新鮮翠綠, 一上菜既時候好香, 但炒得有少少油, 鍾意食濃味野既我就覺得馬拉盞味唔算好濃, 反而爹哋媽咪就覺得味道啱啱好。3) 椰汁咖喱牛肉呢個咖喱好香椰汁味, 甜甜地得黎帶少少微辣, 好啱送飯, 而且牛肉都有好多片, 我地仲特登嗌多左份印度薄餅去送咖喱4) 鐵板煎蠔仔蛋呢個餸真係超級驚喜同超抵食, 個蠔仔蛋超足份量, 大過塊面而且佢係放上一個熱辣辣既鐵板度, 超級香, 加埋附上既既甜辣醬, 不禁令人一吃再吃！不過提提大家一上菜時要即時撈起, 如果唔係會痴鐵板同燶,而且佢下面仲舖左好多芽菜, 聽媽咪講話連埋一齊食可以無咁熱氣喎。最後我地叫左咁多野食都係300蚊左右埋單, 係香港黎講真係好經濟, 推薦大家黎開九龍城一定要試下, 支持小店

今日放工，同朋友一齊去九龍城搵食，今次呢間係同行朋友介紹，所以都幾有期待，佢地有兩間鋪相連，位置唔算大，係一般九龍城泰菜嘅格局一坐低就叫左個生蝦刺身，可惜蝦味欠奉，有點失望（$98）海鮮木瓜沙律好好食，有蝦，鮮魷及青口，花生香口鬆脆，酸甜辣味適中，好開胃船麵有得揀米粉，米線等...我地揀左金邊粉，船麵唔錯，湯底味道偏甜，最緊要趁熱食咖哩炒大蜆，我覺得味道不過不失，可能落奶比例較多，所以較creamy，相對咖喱味少左，蜆肉都新鮮，整體ok最後仲叫左蒜香雞翼，非常香脆可口，值得一試總括然而，我覺得整體不過不失

嚟到九龍城小泰國梗係要品嚐下泰菜。差唔多下晝兩點，又唔想食咁多嘢，既然呢間餐廳有好多泰國湯河嘅選擇，盲舂舂就入咗去。豬什湯河和冬陰功湯河都好足料，泰式河粉又滑又闊，湯底都唔錯，分量方便可能要迎合香港市場，所以都算係叫做大份，價錢算係貴咗少少，不過想一嚐正宗泰國風味，都冇計啦⋯⋯ 糯米釀雞翼炸得好脆，不過啲糯米就有啲糜爛，裏面只係加咗啲蝦米，略為單調，價錢不值，整體比較一般。服務都可以接受，環境方面就好地道，不過就狹窄咗啲，所以出入都要小心啲呀！而家冇得去泰國，都可以嚟呢度感受下泰國風情啦⋯⋯😆

Summary: Great option for nice, easy, affordable AND authentic Thai food. The Goods: Very affordable and authentic Thai food - you can do as little as HK$48. Friendly staffs (all Thai). The Bads: Food tends to be to salty end (not too bad). A bit small but again, it's HK standard.Damage: We (2 persons) ordered quite a lot and the bill came up at HK$259 (no SC applicable) for lunch. That's a lot of food though; I ended up over ate a bit.This is the very first time I decided to have something in K

假日和女友閒逛九龍城,當然要食泰國菜啦,身處於泰國食府林立既九龍城,間間都唔野小架,最後揀左昌發泰國粉麵屋6點幾入到去,都坐左唔少人,但總算有位,店內環境唔算大,但有兩層,由泰國人打理,裝修佈局充滿地道泰國風味。叫左著名既遊船河（$48）+鮮蝦炒金邊粉($59) 一齊share食,價錢相宜,等左一陣就有得食,好有效率！遊船河湯底既味十分濃都,據聞係用豬血淆製而成,幾好味喎,一d 腥味都無，可能個人偏愛濃湯口味啦我同女友飲晒成碗湯都唔覺口渴！其它材料有豬潤,肉片,肉丸同羅勒葉,味道唔錯,原來泰國河粉面積闊大,成匹布咁,幾新奇鮮蝦炒金邊粉用左櫻花蝦,豆腐乾,蛋,鮮蝦同菜脯炒成既金邊粉,炒得幾香喎,酸酸地又幾開胃,再加d青檸汁同花生碎撈埋一齊食,好快就食哂,佢d蝦都好新鮮彈牙但就得2隻，如果比多幾隻就好了臨走前見到隔離枱食一碟好香口既鐵板蠔仔煎蛋,香氣撲鼻！可惜我地得兩個人，食唔到咁多野，下次一定叫黎食,一探究竟！最尾埋單都係107蚊，真係又經濟又好味！總括而言,本人十分滿意呢餐,下次定必再來一戰！！！

夜闌人靜特別肚餓，去咗屋企附近嘅九龍城食泰國嘢做宵夜。兩個人叫咗三樣嘢，🥢泰式炒河 - 味道正宗， 份量正常。 配埋個青檸汁同埋花生， 超好食！🥢冬陰功湯 - 味道偏甜， 唔辣， 有幾隻大蝦， 抵食！🥢青木瓜沙律 - 比平時食開嘅冇咁酸，我鐘意！青木瓜好爽口。 整體感覺好抵食， 味道亦正宗（9龍城嘅泰國菜好小唔正宗）， 可以再幫襯！

最近冇得去旅行唯有去九龍城整轉泰式按摩止下癮按完就梗係要食下泰國菜醫埋個肚先走啦近近地按完行過對面就見到呢間泰菜價錢都算合理就決定試一試冬蔭公(小) $69辣度適中但偏咸，足料！兩個人飲夠哂架喇！蝦餅拼春卷 $69新鮮熱辣，味道正正常常雞肉湯河 $48雞肉嫩滑，河粉比較粗身湯底不錯，整體份量算多，抵食鮮蝦炒金邊粉 $59味道不錯，但得三隻🦐哈哈哈如果花生碎多d會更好整體黎講味道不錯，價錢都算合理可以一試