一如既往朋友聚餐，搵餐廳見到西班牙菜，又覺得好少食西班牙菜就決定試吓呢間。雖然早到咗，但係都唔洗等。建議要book位，入座時睇到有walkin客，waiter話今日滿booking。 坐低咗，雖然餐廳唔大得8張4人枱，但係環境舒服，音樂🎶都唔大聲，好怕餐廳音樂好嘈連自己枱講嘢都聽唔到。 等人齊期間就叫咗個檸檬藍青口同鹽烤西班牙鬼椒。青口熟度啱啱好，諾曼第汁配麵包，good。鬼椒以為會椒如期名辣死人，食落完全唔辣，椒味濃郁。 人齊就叫主食，西班牙海鮮飯海鮮味夠，飯粒偏乾身。跟住個烤乳豬味道野味，不過價格稍貴。仲有個黑松露餛飩，黑松露愛好者要試吓。 最後當然唔少得甜品，個提拉米蘇好大份，心太軟個流心做得好好，朱古力濃郁，配個甜橙一流。 最後人均500左右，包每人一杯調酒，cp值都幾高ge西班牙餐廳，可以搵日再嚟試埋其他菜。

禮拜日打算食拉麵，就去歌賦街搵野嘢食。到咗歌賦街，發現幾間想食ge拉麵店都要排隊，天氣又好熱，見到藏拉麵唔洗排隊，就入去試吓。 日式擺設，牆上貼滿日文菜單，睇唔明唔緊要有中文菜單係枱面。 坐低見到隔離枱面食緊咖哩，忽然又好想食，就叫咗咖哩吉列豬扒飯。普通日式咖哩，偏甜，吉列豬扒炸得好食，配上檸檬沙瓦，都係唔錯ge配搭。 食食吓又見到牆上貼咗煎餃子ge菜單，就加點咗，點知係伏，個餃子皮煎得唔夠，又軟又濕，後悔加點。 如果嚟食，都係乖乖哋，點拉麵就ok。

固定朋友聚餐，想試新菜系，見到有中東菜就book位。入到餐廳，就中東充滿中東風情，可能係餐廳滿人，我哋坐咗係最近入面，冷氣有d唔夠，如果怕熱就要坐緊門口d冷氣先夠。 開始點餐，因為坐咗係最入面，叫店員有d麻煩，店員會見唔到我哋舉手示意，要有耐性。嘢食都上得幾快，嚟第一個蒜泥醬薯條，蒜味夠鍾意蒜頭ge一定要叫。跟住個玫瑰蜜糖雞翼，雞翼就有d細只，味普通。 跟住就上主食，伊朗香菜羊，羊肉燉得好夠時間，不過自己鍾意食重騷味ge羊，呢個適合食淡羊味ge朋友。Masala牛肋條燴飯，牛油加中東香料味，仲有少少辣，意外哋可以接受。 最後就係甜品埋尾，土耳其開心果千層酥，如果你係螞蟻人，一定超鍾意，因為絕對夠甜。 初嘗試中東菜，原來中東菜都幾好食，入門中東菜好選擇。

趁泰國新年期間，想同fd入九龍城食個泰國嘢。1點幾到，見到好多人排隊，以為入唔到去食，但好好彩又入到去。 樓下無位，所以上咗樓上坐。提提大家樓上係網路沙漠，無上網訊號，個餐廳wifi我哋又用唔到，唯有專心食飯。 我就叫咗個香葉肉碎飯，好正宗味道濃郁，譚仔5小辣辣度，份量超足夠。再點杯椰汁冰沙，慢慢椰奶味，天時熱辣辣最適合不過。 椰汁冰沙，解渴又清涼。 沙爹燒烤串，雞牛豬都有叫到，個人覺得🐔最好食，最入味。 同行友人叫咗船河，偷飲咗個湯，不得了要下次嚟食過。總括嚟講，如果掛住泰國嘢食，推薦入九龍城，食翻餐。

又到假期，搵新餐廳食飯，係app見到新開拉麵店，咁就嚟試新嘢。一入餐廳，見到環境就有少少伏味，好似普通茶記，幻覺嚟嚇我唔到ge，最近要係d嘢食。 可能係禮拜日加假期，午市得我一個人。就落單叫咗雞湯拉麵套餐加唐揚炸雞。 個麵嚟到，份量有d細，個拉麵無蔥無筍連蛋都無切，有d寡。想講個湯係夠濃，不過有陣雞腥味。個雞肉就好重胡椒味，想壓走個雞腥味。 跟住兩款炸物，炸池魚仔個吉列夠脆，唔錯吓。不過唐揚炸雞就麻麻，雞皮同雞肉分開，個雞又炸到好乾，可以試其他。

意想不到的泰式餐廳，一行三人食飯。7點準時到餐廳，餐廳雖然唔大但係非常乾淨企理。 落完單傾咗一陣計就上嘢食and嘢飲，速度都幾快。3個人叫咗6樣嘢3杯嘢飲，份量對男仔嚟講會偏少，但女仔絕對夠。 其中覺得個木瓜沙拉最突出，夠辣夠酸，非常做到開胃ge效果。仲有個串燒拼盤，配佢個沙爹醬，都可以話十分之突出。之後上ge鹽烤烏頭，香料用得適當，無咩魚腥味比個good。 最後每人唔洗300蚊埋單，絕對值得再嚟食過。

同同事7個人去食午市放題，以為禮拜日食會多人，入到去還好唔多人，見到walk in 都唔洗等。 坐低就開始叫嘢食，先上ge係d泡菜，豆芽，菠菜前菜類，係中上水平。之後就上熟食，佢個包餡雞翼同黑椒牛粒好正，之後都叫咗好多嚟食。 講到韓燒唔可以唔講佢d牛，雖然係最普通果餐，但係d牛ge水準好ok，醃到啱啱好ge牛小排，大大塊ge牛排，都係非常ok。海鮮類，帶子，蝦，魚塊都好新鮮。肯能係我哋群人食得淡，個豬頸肉我哋覺得好鹹，其他肉都相當唔錯。 最後不得不讚賞佢個蔬菜類，蔬菜類切得夠大塊，唔會燒一陣就燶曬，齋點少少鹽就非常好食。 我哋食嘢果日唔知店長心情係味好好，每次佢行過都聽到佢跟住餐廳bgm唱，真係好正。

今日一行三人食飯，約咗7點3食，點知7點就齊人，都可以提早入座。坐低就叫咗美國牛小排火鍋放題，第一輪肉係我出去拎完嘢飲同菜就上到，跟住無幾耐第一輪ge雞翼同燒烤就上。雞翼食蒜蓉牛油and蜜糖就ok，麻辣雞翼除非你自認好食得辣粉，因為d辣粉係會包死只雞翼，辣到嘴都痛埋。燒烤就普通水平，不過不失，唯一唔建議係雞皮，可能係個火力唔夠，塊雞皮燒唔透，好似食緊塊雞油咁。第二輪又叫咗火鍋牛and炸物，雞翼，燒烤。就剩係上咗火鍋料同炸物，個蝦多士好可怕，入面好多油，其他炸物都一樣。最後個雞翼同燒烤係我哋都話就飽先上，當日先場都唔係好多人，如果多人應該會無嘢食。總括嚟講，係openrice book枱，有85折，一個300蚊內落樓，不過不失，如果上嘢快d就會係CP值高ge餐廳。

今日lunch同同事一行6個人食，嘢食好鹹，尤其係個飯上面d鹹味粉，鹹到跟本食唔晒，個飯仲要淋咗個唔知咩汁落去，又鹹又水，其實比個白飯仲好。有個同事叫咗個豚角煮，等成個鐘其他人都食飽曬，都味上，問佢係味漏單又唔答，再追問又換人嚟話幫你問吓，最後真係要打卡遲到話cut咗個飯先話等多3分鐘，最後都係要cut單走人，最後個同事要去買杯面翻公司食，真係好慘。總括嚟講，以前食西餐果時係好嘢，依家轉咗日式嘢食後，要去食真係要諗吓先。

放假想食拉麵，經過就入去食。 要咗個蝦濃湯拉麵，第一啖覺得個湯底蝦味濃，配埋佢d櫻花蝦，個味好正(❀ฺ´∀`❀ฺ)ﾉ跟住食個面，個人比較鍾意食硬面，所以面要咗硬d，最後口感啱啱好(๑˙❥˙๑)仲有叫咗個蝦多士，佢啱啱炸起個樣真係好吸引，不過食落個人覺得有d油。所以下次再嚟會試吓佢個餃子好唔好食。 店內環境都乾淨，d嘢食落單到嚟都唔會話等好耐。不過食完走果陣好多人排隊，如果lunch時間就要考慮會唔會唔夠時間食。