旺角海鮮菜館

營業中

休息中

朋友介紹食呢間海鮮傳統老店，真係冇介紹錯。嘢食好食之餘，價錢都公道。見門面寫米芝蓮班底，所以都好期待！ 杏汁豬肺湯 呢個花功夫嘅菜式，豬肺炆得好林，咬落去彈口而且非常入味。 本身以為豬肺湯飲落有少少杏仁味🤣先知道係杏汁豬肺湯。個味道同豬肺非常夾，而且豬肺識落冇乜異味，清潔得非常乾淨！ 白灼鮮豬脷 必食我平時好少食豬脷，因為有啲會比較腥。 今次試食一舊，點知忍唔住食多幾舊！ 佢嘅豬脷非常新鮮，咬落去好軟身，而且好入味。白灼海蜇頭 特色成日喺出邊酒樓食海蜇，海蜇頭真係好少食。 不過味道相當唔錯，鹹鹹地又有麻油味，仲要係海蜇頭，比起海蜇特別有咬口！ 蒜蓉粉絲蒸大元貝 蒜蓉同粉絲非常多，元配都好大隻。粉絲吸晒蒜蓉同海鮮嘅味道，再加埋啲醬汁，上邊讚左一層油超級入味好好食。 招牌炸子雞 💯外表脆卜卜金黃色，識落啲雞皮真係好脆口。 裏面嘅雞肉仲要係非常嫩滑外脆內軟。而且隻雞本身雞味都好重，以為餐廳主打海鮮，點知隻炸子雞都好出色，好食過好多出邊嘅酒樓！ 蒸老虎斑 大大條魚，條魚好新鮮 ，蒸嘅時間啱啱好。啲肉仲係好嫩滑 。再加埋啲薑蔥同讚油調味，冇得頂！ 番薯糖水原來會送糖水，仲要係每日新鮮煲，唔

今晚想食海鮮，近近地搵左旺角一家老飯店「旺角海鮮菜館」，套餐每位四百餘元起，單點價錢一樣清晰，都幾均真。店員都係相當具經驗嘅叔叔，但反而好nice好有親切感，會同你介紹下菜式，問你岩唔岩食等等……白灼粉腸（$48）：粉腸軟腍之餘，非常爽滑有嚼勁，內裡帶粉粉口感，十分上頭，令人食唔停口。簡單以豉油調味，蘸指天辣豉油更惹味。白灼海蜇（$48）：海蜇頭顆顆飽滿，質感Q彈爽脆，其獨特口感加上少少辣椒豉油已能令人回味無窮。杏汁菜膽白肺湯（$68）：湯頭呈奶白色，濃郁杏香撲鼻，口感滑溜，杏汁味恰到好處，豬肺亦軟腍入味。豉椒炒蟶子皇配煎米底+$78 （$352/4隻）：蟶子皇夠大隻，二人其實食三隻都夠，其新鮮，味道鮮甜，煮製時間恰到好處，質感仍保持幼嫩爽口，以豉椒爆炒，調料亦沒遮蓋其鮮味。煎米粉底脆香，吸曬啲豉汁，非常香口惹味，但卡路里計算者慎點。清蒸虎杉斑（$388）：都幾大條，起碼成斤重，夠三至四人享用，虎斑非常新鮮，肉質爽實有彈性，條魚係咪靚，真係食清蒸就知質素，蒸魚豉油香甜，唔想曬就記得嗌碗白飯撈撈佢。

前菜海哲和杏汁菜膽白肺湯出色😋白胡椒粉絲蟹煲必食推介👍🏻新鮮大隻超級多肉勁好味🤤呢度有位叔叔非常貼心一定要搵佢介紹喔🫰🏻上湯浸時蔬用咗白雲耳好清甜、仲有甜品送已經抱住個肚走整體店員服務質素有禮、498至尊三人餐抵食一定會再嚟食🫶🏻

openrice想揾海鮮食，見到哩間咁多好評，就一行5個試一試，推介椒鹽豆腐好滑，白胡椒粉絲蟹煲多粉絲。環境自成一角，生日聚會又可以慢慢坐，員工有善仲送糖水，整體感覺好好，最後仲叫我地慢慢坐飲杯茶傾下計

叫咗兩個湯, 兩個都好飲, 杏汁燉豬肺同胡椒豬肚雞，比較推薦胡椒豬肚雞湯 香而吾辣黑胡椒龍蝦粉絲煲 香胡椒味 但係唔辣 好啱吾食辣既人 龍蝦新鮮彈牙, 其他菜式都好出色 炒蜆好新鮮調味好食 咕嚕肉有鑊氣 個質感好好 好食

懷舊餐廳裝修食物質素，非常差 🫣白灼海蜇頭 - 極咸，有蠔油汁 😮‍💨 白灼韭菜花 - 正常薑蔥炒肉蟹 - 無味菠蘿咕嚕肉 - 一團炸粉 (9歲囡囡都話，呢個唔係肉) 粉絲蒸蚌 - 粉絲未浸軟身，蚌有沙唔會再去食，亦非常不推介大家

本身以為呢次生日要自己一個過竟然有三位美女邀請與我共進晚餐一齊飲飽食醉仲食唔好多好美味嘅海鮮又新鮮又大隻最重要係有美女相伴見到肥妹食得咁開心，我都好開心真係好正

第一次試到陳村粉炒蟹，有特色，好食，大人小朋友都適合！而他的杏汁豬肺湯更加特別又好味！胡椒豬肚湯比出面的較辣，十分惹味，但偏辣味，小朋友未必岩飲。餐廳環境不錯，服務很好，會經常幫手換骨碟。

之前已經留意到這間傳統餐廳，今日終於試咗！得👍🏻 價錢公道選擇多食材新鮮值得推介！雖然地方不大，但出品相當可靠！海鮮蒸煮時間拿捏恰到好處！一定會過嚟再試！好食！

點了油浸虎杉斑，火候控制得非常到家，肉嫩而有油香；蒜蓉粉絲蒸蝦，蝦肉鮮甜配上金蒜的甘香，兩者配合得天衣無縫；小炒皇香口清新，層次豐富，更是下酒必選，砵酒焗鮮蠔，鮮蠔來自美國，肥美而汁多，加上砵酒散發出淡淡的酒香，真的可以一啖吞兩隻

今晚一行六人公司食飯成班同事話想食海鮮，在公司附近搵到一間旺角海鮮菜館，佢主打有個胡椒龍蝦粉絲煲係名菜，我哋係咁搏命點啊點，點左10幾樣餸，好彩啲餸唔係太大碟我哋六個人食都還可以首先講吓個胡椒粉絲龍蝦煲，入口香濃非常惹味超香濃胡椒味粉絲彈牙龍蝦新鮮豉椒炒蜆非常香惹味食到有兒時感覺黃金蝦勁龍鹹蛋黃味咕嚕肉非常有驚喜，年輕一輩個個中意其他海鮮不過不失 都有水準嘅鮑魚雞煲都唔錯 食唔晒我打包了如果旺角想食海鮮值得一試

用料新鮮，傳統粵菜口味😋是晚四人order套餐，蒸炒煮灼乜都有👍🏻白胡椒粉絲龍蝦，識食一定食粉絲🤭白灼粉腸同豬肚點豉油，家的味道👍🏻四人聚暢，無所不談🍷

旺角洗衣街有間老字號 細個已經成日去食 餐廳仲保留以前舊年代的裝潢感覺1秒穿越返去30年前一面牆仲有好多明星簽名海鮮小菜非常出名-當日我哋比較夜 差唔多九點但係依然全場爆滿我哋鍾意呢間餐廳嘅原因係明碼實價！價錢寫好晒喺出面塊板二人餐價錢七百零蚊都有仲已經有游水海鮮 🦞 如果鍾意食龍蝦仲有龍蝦餐而且大廚的做法 完全係米芝蓮質素唔怪得出面寫住係米芝蓮班底先揀2款前菜旺角六小福：白灼海蜇白灼豬脷/牛脷就食得多 作為前菜 兩款都係經典菜白灼唔會太寡淡 因為用特製醬汁調味食落好開胃海蜇用上 更爽口的海蜇頭 所以食落去 口感更好天氣凍凍地 梗係飲番碗靚湯燉湯夠晒養生 杏汁菜膽白肺湯⚪️越嚟越少餐廳會供應 買少見少因為杏汁豬肺 需要好多工序去處理飲落真係好濃 杏汁好細滑 豬肺清潔得好好 呢碗湯水仲非常滋潤值得！最好係唔使嗌太大份量/胡椒豬肚雞湯想飲返碗雞湯 加埋胡椒就夠晒驅寒味道香濃 仲見到有少少雞油好香-海鮮的環節：因為比較夜，我哋就揀咗簡單啲嘅油浸 虎杉斑呢個做法 好少酒樓識得整因為需要比平時用更多工序外皮好香脆 魚肉嫩滑骨比較較少 熟手嘅服務員會幫我哋處理一下有服務豉油王炒麵始終呢度係老字號 所

很好吃的懷舊老店 粵菜很有功夫聖子很好吃 湯很好喝 值得推薦海蜇皮很軟嫩 還有懷舊可樂 店面很有老香港味道 十分推薦 大家可以來吃 還有套餐和各種甜品糖水☺️ 親朋好友聚會好地方

見食評唔錯就和家人去試下，感覺好失望，食物質素OK，但服務差到一個點，唔怪得大家情願北上食飯，都不留港消費。餐廳有d取巧，分兩輪限時食飯喺香港好common，但收完按金先講就有d被人焗的感覺，明明之前book枱都無講，收完按金先話要8:00pm還枱，叫我哋一係5:00去食，但家人唔慣咁早食晚飯，6:00pm先開始食，勉強食得切。去到餐廳發現環境都好差，坐得好迫，其中一位位家人仲要坐圓形板凳，廁所衛生情況好惡劣。而且d侍應大叔黑口黑面，見你唔係點好多海鮮態度好差，自己落錯單，就同廚房屈我哋落完單先講，上菜時仲要俾說話我哋聽，真係一肚氣。本身餐廳收費都唔平，以咁嘅服務，真係冇下次，一定唔會介紹朋友去食。