日月茶點點心專門店 (紅磡灣中心)

聽街坊推薦我都去試試. 我覺得樣樣都幾好食. 價錢一般, 冇加一幾好. 樣樣都即叫即整, 好新鮮. 茶芥每位 $18雪山叉燒包 $30薑汁千層糕 $24金錢肚 $30帶子鳳眼餃 $33棉花雞 $32蒸鯪魚球 $26椒鹽魷魚鬚 $40煎堆仔 $24 雪山叉燒包 ~ 酥皮鬆化、包身綿軟、叉燒嫩滑. 味道鹹甜交織, 香而不膩.薑汁千層糕 ~ 薑味濃郁好味道煎堆仔 ~ 流心奶黃熱辣辣, 好好味 日月茶點專門店（紅磡）紅磡必嘉街92-112號紅磡灣中心地下14A號…查看更多

一行四人星期六下午一點幾到訪，需要輪候一陣先入座，環境較擠迫，冷氣唔係好夠茶位 $6，免加一，一共點咗 13 個點心，一共 $393整體點心質素唔錯，食材新鮮，唔似預製點心；蝦餃蝦肉夠爽，皮薄輕韌；燒賣味道口感都恰如其份；雪山叉燒包餡較少；牛肉球好多芫茜；蘿蔔糕夠脆，蘿蔔味可以再重少少；叉燒腸好滑，叉燒好味；紅油抄手質素正常；金錢肚好滑同入味；薑汁糕有薑味好煙韌，唔會好甜服務方面，店員態度比較冷淡，唔係好有禮貌，有待改善！…查看更多

出黃埔俾返啲嘢俾朋友，本身搵咗好幾間，都唔啱心水。咁就索性飲過夜茶。墊枱紙嘅食物係多過點餐紙，不過墊枱嗰張紙有啲食物就冇做。同埋食嘢嚟講都真係好個人口味。芋荔好似播火咗啲，但食落去又OK唔會食到成口油。本身個friend怕熱氣唔諗住叫咁多炸嘢，點知鮮竹卷都係炸嘅，我就覺得幾好食，因為新鮮熱辣啲蝦肉又夠爽，但係個friend就食到成個厭世樣咁，所以食嘢嚟講真係好個人口味同當口心情。牛仔骨幾特別下邊有幾片菠蘿墊底，食完又真係冇咁膩。有少少失望，就係個雪山叉燒包，一咬開好似食緊空氣包咁，希望個包可以有啲改善啦。…查看更多

今朝（19-1-2024 Sun）送別亞叔前食早餐，一早嚟到紅磡，邊行邊search，由於距離大殮預備時間重有2個鐘，要搵可以坐耐啲嘅地方食，茶餐廳應該冇可能，search到有點心專門店，於是搵佢。搵到後內進，坐低後叫壺香片，然後剔點心，要咗：1. $30.00嘅雪山叉燒包一客三個，一食外脆同甜甜地，叉燒鬆軟，有驚喜。5分2. $26.00嘅蜂巢芋角盒好耐冇食，一食，外層係脆，但芋蓉淡到近乎冇味，大失所望，而內裡嘅餡鹹淡適中。2分3. $26.00嘅山竹牛肉球即刻即起好熱，口感味道正常。3分4. $32.00嘅沙薑雞鮮蝦腐皮卷先唔蘸喼汁食，係食到沙薑味，皮脆，但好似冇乜雞肉，唔通打爛晒？鮮蝦口感正常嘅。而蘸咗喼汁就蓋咗沙薑嘅味道。4分5. $30.00嘅韭黃鮮蝦腸呢個腸粉好厚，但蝦仁大隻，韭黃好少。3.5分環境：坐一張四人枱都幾舒適，不過冷氣比較大。4.5分抵食係2.5分…查看更多

下午六點去光顧，點了芋角，菜乾粥同叉燒包。芋角係淋嘅，粥冇味，只有叉燒包是正常。比起剛開業，水準差了很多，作為老街坊，本來對這家餐廳評價不錯，但食完這次應該沒下次了！…查看更多