日月堂

營業中

休息中

今時今日香港有好多台式料理，但食過都係令人遺憾。但係今晚試呢間位置隱秘既台式料理絕對係令人眼前一亮！非常值得大家一試！牛三寶麵（牛腱肉，牛筋，牛腩） $80湯頭濃而不咸，重有紅蘿蔔香味，一試就知道精心熬製，麵條軟硬適中，份量恰當。牛三寶都炆得好淋！少數將牛腱肉處理得好好既店家❤️牛筋入口即溶，口感衝擊非常強烈😋牛腩味道突出又夠淋，真係非常好味！炸鹽酥雞 $48鹽酥雞真係冇得彈！香脆外皮，雞肉大件得黎唔會韌，仍然保持香滑既口感，店家重設有鹽酥粉可以自行再添加，超級惹味😋宜蘭花枝丸 $38香酥外皮包裹住大大粒既花枝丸，完全冇令人失望！咬落口彈牙得黎又啖啖花枝肉，好食到一粒接一粒😋珍珠奶茶（凍） $28可惜現時唔可以用膠杯所以睇唔到飲品既內涵，非常多珍珠，值得大讚口感好Q彈，比好多台式食肆出色！黑糖珍珠奶茶（凍） $34比珍珠奶茶更加出色，同樣份量十足，黑糖味道充分得黎唔會太甜導致膩感，超級好飲！

突然好想食台灣菜，於是嚟到觀塘的「日月堂」食lunch😋😋餐廳主打正宗台灣料理，包括台灣牛肉麵、小食、便當、捲餅同飲品等，有好多選擇！整體性價比高，值得推介❤️❤️🍜紅燒半筋半肉麵 $75✨牛肉麵係佢地的招牌菜之一，一定要試試！！湯頭味道濃郁，帶點藥材香氣～牛筋同牛肋條炆得軟腍、啖啖肉，份量都好多！加上Q彈的麵條，全部都好入味🤤🤤🍳起司肉鬆蛋捲餅 $40✨蛋餅外層煎得香脆，裡面包住滿滿的拉絲芝士🧀同肉鬆，好香口！係邪惡之選！！🍹凍百香果綠茶 (+$14)✨茶底清新，入口帶百香果的果香！味道酸酸甜甜，飲完好解渴👍🏻👍🏻

呢期多喺觀塘搵食，有一間係久唔久都想翻啅，特別係當你好耐無去台灣既時候😂😂【牛肉蔥油拌麵】$56呢個拌麵好有驚喜，蔥油極香！成碗麵立即升華左去另一個階段！牛肉亦很嫩，大推！【梅子地瓜條】 $36唔係每間台灣料理都有呢一道我超喜歡的梅子地瓜條！建議可添加更多梅子粉更好吃哦！【台灣香腸】 $40無得輸既台灣香腸，連埋平時唔會食既蒜片真係好搭！【仙草芋圓】 $32食台灣野點少得芋圓！加埋餐飯簡直滿分！【珍珠奶茶】 $28【黑糖珍珠鮮奶】 $34兩杯手搖喺餐廳嗌先至呢個價真係好抵飲！仲要唔加一，可以喺邊度搵？😍

如果你響觀塘區想食正宗嘅台灣牛肉麵，「日月堂✨」絕對係一個好選擇！呢間餐廳除咗有超正嘅台灣牛肉麵，仲有好多不同款式嘅台式小食，例如花枝丸、鹽酥雞同埋台式蛋餅，絕對值得一試！首先要介紹嘅就係「紅燒半筋半肉麵」🍜，呢碗麵真係好味到爆！牛肉嫩滑，湯底濃郁，仲有啲牛筋，食落去口感超級豐富，簡直係牛肉麵嘅代表作！接住就係「牛三寶麵」🍜，呢碗麵入面有牛腱肉、牛筋同牛肋條，非常有層次感，每一口都好滿足，而且牛肉味道一流！然後就係「玉米起司捲蛋餅」🌽🥚，外脆內軟，加入咗鮮甜嘅玉米同香濃嘅起司，食到口中真係好幸福，適合當小食或者早餐！小食方面，唔好錯過佢哋嘅「宜蘭花枝丸」🐙，口感彈牙，味道鮮美，真係好好味！飲品方面，「香芋奶茶」🧋同「荔枝紅茶」🍹都係必試之選！香芋奶茶滑順香甜，而荔枝紅茶清新可口，飲落去非常開胃！總之，「日月堂✨」不論係食物定飲品都相當有質素。

今日去觀塘接朋友放工，之後就一齊喺觀塘覓食。之後發現工廈入面有一間人氣台菜，於是就試吓係咪真係咁好食！紅燒半筋半肉麵$75湯底非常濃郁，牛肉亦都炆得好腍，份量都非常之多。麵條非常之有咬口，好有質感。麵條吸晒湯底味道，食起上嚟尚算濃味。蚵仔煎$42蚵仔煎份量啱啱好可以兩個人一齊share，蚵仔份量都唔少👍🏻蚵仔都幾新鮮，非常重蚵仔味😋同蛋味互相配合，好好食起司雞扒便當$63雞扒份量非常之多，又非常厚切！上面鋪滿拉絲芝士，非常邪惡🤤滷肉飯非常入味，滷肉脂肪同肉嘅比例啱啱好，唔會俾人覺得太過肥膩👍🏻仲有半隻滷水蛋同酸蘿蔔做配菜，好豐富👍🏻虎咬豬(刈包)$36喺香港比較少餐廳有得食刈包，所以一見到就即刻叫咗一個！刈包質感比較似中式蒸包，入面包住一塊五花肉，非常之香😋刈包都非常飽肚👍🏻飲品可以有微甜少甜走甜嘅選擇，今次就叫咗兩杯飲品！茉香奶綠走甜茉莉香味好濃，每一啖都充滿濃郁嘅茉莉花香，令奶綠充滿淡淡嘅清香，非常好飲仙草奶茶少甜仙草份量非常之多，同奶茶非常之夾👍🏻甜度啱啱好

自己比錢ga 第一次嚟食俾錢自費㗎，呢間餐廳喺觀塘好容易搵到㗎咋，唔會好多人亦都唔使等好耐就有位我哋5:30就已經去食啦佢哋嘅台灣美食真係好正我哋嗌咗兩個主菜一個係大嘅滷肉飯同埋一個係豬手油拌麵真係超級好食，仲要勁大份我同兩個人一齊分嚟食都覺得好鬼飽我哋仲嗌咗水餃水餃有八隻超級好食，唔會太過油膩仲有啊我哋嗌咗肉鬆芝士蛋餅好好食呀食完其實已經覺得好飽肚㗎啦叫即整熱辣辣脆卜卜好好食仲嗌咗佢哋嘅台式特飲添啱晒而家炎炎夏日嘅天氣

地膽帶我去佢嘅飯堂~餐廳喺工廠大廈到，自己真係唔會識揾~坐低一陣轉頭就滿座~可以反映到質素~🔹牛三寶麵🔹 三寶有牛腱肉，牛筋，牛肋條~牛腱肉淋得黎好有咬口~牛筋簡直係骨膠原化身，入口即融~牛肋條又係好淋，好入味~好有牛香~🔹紅燒豬腳拌麵🔹豬腳就係彈牙，爽口~啲刀削麵厚薄適中，撈埋啲汁，好好味~🔹麻辣鴨血🔹台灣嘅味道~而且真係鴨血，唔係豬紅~🔹酥炸鱿魚🔹鹽酥版嘅炸魷魚鬚~外脆內軟，又好野味~🔹飲品🔹凍蜂蜜綠茶 - 野飲好抵，呢個清清地，好解膩~凍黑糖珍珠奶茶 - 黑糖剛剛好，珍珠都有甜味，唔錯~

到底係乜嘢令到一間位置一般嘅台灣餐廳，平日八點幾都仲全院滿坐？“日月堂”喺觀塘興業街唔算起眼嘅工廠大廈之中，有間台灣餐廳非常熱鬧，連店內都企滿排隊嘅人。一打開餐牌，幾十蚊嘅主食、三四十蚊嘅小食、廿幾蚊嘅嘢飲，兼免加一，彷彿返到十年前嘅一樣。當然，平冇用嘅，質素先重要。牛三寶麵 (牛腱肉/牛筋/牛肋條) $80 - 好大碗麵！用料充足，手腱肉大到食兩塊都飽飽地，牛筋好大條，牛肋條實淨爽口，浸埋湯非常入味。講開湯，非常濃，好有牛肉香，好spicy好夠咸香，似乎並冇刻意遷就本地人口味，而盡量做得地道。紅燒豬腳拌麵 $60 - 豬腳皮好大塊，食落好滿足。但佢最大嘅亮點係個拌麵，蔥油香蒜香滿佈，麵條煙靭有實感，食完會覺得好滿足。個人覺得最抵叫係佢。玉米起司蛋卷餅 $38 - 有粟米同芝士坐鎮，基本上好難唔好食。現實上甜鹹兼備，唔會好乾，最重要係夠熱，亦都係非常抵食嘅小食。酥炸魷魚 $48 - 外型唔算特別嘅酥炸魷魚，貴重之處係佢啲粉唔會散開，基本上係完全黐實喺啲魷魚上面。更重要嘅係啲炸粉唔會濕粒粒，亦好乾身，冇乜油滲出嚟。另外叫咗兩杯嘢飲 - 凍黑糖珍珠鮮奶 $34 同 凍仙草奶茶 $28，都係

今日出開去淘多多買嘢 醒起有間人氣台式小店係附近唔遠即刻去試一試先 紅燒牛肉麵麵底煙靭帶質感 入面有四片牛肉 牛肉煮得夠腍入味 配菜有白菜同白蘿蔔 索曬湯汁更好味 蚵仔煎蚵仔有好多粒好飽滿 薯粉同蛋漿嘅比例啱啱好再配上酸酸甜甜嘅醬汁好夾 係台灣食到嘅味道 肉鬆蛋捲餅蛋捲入面包住滿滿嘅肉鬆 每啖都食到肉鬆同蛋香味好完美結合 滷雞腿便當啖啖肉嘅雞髀滷得夠入味 魯肉肥瘦均勻啲汁撈飯好食 飲品香芋奶茶桂圓紅棗茶 🍽日月堂觀塘興業街14號永興工業大廈4樓C2室

在觀塘地區經營多年台式餐廳，主打台式牛肉麵、便當、特色小食及台式飲品，尤其在午市時非常受歡迎。👬👭- 紅燒牛肉麵 HK$75 🌶️🐂🍜出色又經典牛肉麵!!牛肉使用牛展部位，肉質燉到非常柔軟又富有牛肉香氣，鹵水味道入味。紅燒湯底超香濃，香料味道十分濃郁，惹味非常!!麵質有口感又滑溜，掛湯一流!!小食有地瓜條及甜不辣，十分有誠意!!- 冬瓜茶 ☕跟餐附送!!味道十分足料，充滿冬瓜純正香甜!!- 清燉牛肉麵 HK$75🐂🍜- 台式滷雞腿飯 HK$65 🍗🍛

觀塘區抵食台灣菜！收工時間嚟到日月堂果然爆滿，建議晚市提前預約。牛三寶麵！有牛腱肉，牛筋同牛肋條，牛肉麵嘅牛肉超級多，牛肉軟稔入味，紅燒湯底相當濃郁！細食的話二人分享一碗都可能夠了起司雞排便當雞排配拉絲的芝士，睇到都流晒口水，一定要襯熱食！配雞蛋滷肉飯食相當滿足！酥炸魷魚魷魚炸到脆卜卜，台式的炸魷魚比港式大排檔的炸魷魚略咸一點，配飯就岩岩好起司肉鬆蛋捲餅誠心推薦，呢個蛋餅真係好好味，流心的芝士配肉鬆，簡單得嚟夠惹味。黑糖珍珠鮮奶可珍珠煙韌，怕甜嘅人可以選擇少，奶味香濃，推薦總結：位置尚算方便，價錢抵食，服務周到，推薦。

觀塘食堂🫶🏻掛住佢啲蛋餅又要再黎幫襯啦食飯時間餐廳好爆 要預早黎呀🫢⭕️ 牛三寶新竹米粉牛三寶配料好豐富有齊牛筋 牛肋條同牛腱大件之餘又入味今次仲轉左新竹米粉自己就好中意食依款較幼細既米 勁索湯👍🏻⭕️ 半筋半肉冬粉半筋半肉同樣係餐廳招牌🎖️轉冬粉同新竹米粉都係要加$5冬粉係透明煙煙韌靭咁隻 好有咬口一樣好入味 連湯底既精華都唔放過😌⭕️ 滷水雞翼有驚喜🤩滷水汁好入味雞翼又飽滿 啖啖肉好正👍🏻⭕️ 芝士肉鬆蛋餅 蛋餅入口有陣陣煙燻味熱辣辣既芝士做出拉絲效果🧀蛋味香 加少少肉鬆做點綴always my favourite💖🧋加配部分飲品會有半價優惠以外賣杯去serve 同坊間手搖店既size差唔多真係勁抵飲⋯⋯👍🏻

工廈一向好多隱世小店，今次黎到觀塘，同大家二訪一間工廈人氣台式料理 一 日月堂 @sunmoon_402c 🌟紅燒半筋半肉麵 $75之前就同大家介紹過清燉牛三寶，今次就同大家試下紅燒半筋半肉麵 ，有别於清燉湯底比較清新，紅燒牛肉湯底比較濃郁，牛筋燘得入味軟腍而不爛，依然保有咬口，滿滿既骨膠原。而牛肉大大塊之餘，牛肉味亦相當濃郁，搭配口感Q彈既刀削麵🤤👍🏻🌟炸盬酥雞 $48盬酥雞炸皮夠薄，炸得金黃之餘，口感外酥內嫩，絕對不愧人氣之名🤤🌟仙草奶茶 $28飲品，我就嗌左仙草奶茶，有茶香之餘有奶順滑既口感，搭配口感Q彈既仙草🤤📍日月堂地址：觀塘興業街14號永興工業大廈4樓C2室

餐廳位於觀塘橫街的一棟工廈4/F內，門外的水泥牆有射燈照射着一句窩心的話語，餐廳內播放着輕鬆的台灣流行歌曲，令人倍感放鬆。📌牛三寶麵🍜麵條是人手製作的闊麪，厚實而富嚼勁，牛腱肉、牛筋、牛肋條和蘿蔔炆得又腍又入味，帶膠質的湯底香濃。📌酥炸魷魚🦑外脆內嫩，毫不油膩，再沾上鹽酥粉，讓人一口接著一口。📌蚵仔煎🍳蚵仔煎表面微脆，餅皮Q彈有嚼勁，飽滿的蚵仔，完全無腥味，搭配酸甜醬汁，讓人回味。📌凍鳳梨綠茶 + 珍珠🥤綠茶清新不澀，帶有鳳梨的果香。📌凍香芋奶茶 + 珍珠🧋茶味適中帶香芋味，甜度恰到好處，珍珠口感Q彈。📌仙草芋圓🍧仙草滑嫩順口，味道甘甜，芋圓和地瓜圓口感煙韌，消暑佳品。🍽️日月堂 (觀塘)📪觀塘興業街14號永興工業大廈4樓C2室

唔甘心食唔到蛋餅，轉戰另一間工廈（有少少隱蔽）！呢間牆壁貼左明信片，有客棧壁畫，重點係蛋餅冇咁快售罄😆 即刻叫左份起司肉鬆蛋捲餅，好味呀芝士有拉絲，肉鬆係深啡色個隻烤肉鬆，滿足了。碗紅燒牛肉麵湯頭今次唔係甜底，係咸香而濃，落咗類似磨豉醬，仲有幾粒豆豉，牛肉同紅蘿蔔炆到又稔又入味，仲有配白菜仔。揀左刀削麵，麵質煮得剛剛好，浸住濃湯食，飲番啖奶茶中和更佳。香芋奶茶係回憶中嘅紫色，飲落有少少芋頭沙沙感覺，冇講少甜都唔錯，嘿嘿~