新華苑酒家

營業中

休息中

曾經與同事在這裏慶功，發現這裏的蒸海鮮質素非常高，因此今次特登帶女朋友嚟感受下。這裡環境不算很華麗，一般人不會被酒樓外觀或內裡布置吸引進來，所以是滄海遺珠吧。內部有很多新鮮海鮮任飲，推薦 竹蔗茅根醬料區有點失色， 豉油味道有少少怪頭盤乳鴿非常juicy貝殼類非常新鮮，鮮甜扇貝鮮味十足，火候剛好班片味道一點也不失色配料唔濃味，不會搶走聖子鮮味蒸雞非常鮮嫩，時間準確牛肉丸特別彈牙粥底吸收盡蒸氣海鮮之精華雖然醬料一般，亦因如此可以完全感受到海鮮既新鮮鮮甜，沒有令我失望，每道餸火候準確，全靠這裡勤力員工。

男友說以前食過這間蒸海鮮，感覺不錯，就帶我黎試下不過佢上次黎係單點，今次發現原來有任食蒸汽套餐，每人只需$288感覺更抵食，所以我地就揀左呢個蒸汽火鍋套餐啦！酒樓除了有普通圓台，還有卡位如果海鮮唔新鮮都唔會咁放出黎比人揀！首先黎既係每人半隻既乳鴿，乳鴿非常多汁，好味！除左乳鴿，還會有一份蜆海鮮方面，每人可以選擇四款海鮮，是限量的。我地就揀左聖子皇、大元貝、象拔蚌仔同龍躉片，呢碟就係二人既份量啦每一款食物都有店員幫手設定蒸煮時間，火候控制得很不錯呢元貝好大粒好厚肉👍🏻聖子皇有筷子咁長，而且比起元貝更鮮甜！好好食象拔蚌就比較爽口，都好鮮甜，完全唔洗落調味龍躉件好大塊，魚肉及魚刺部位都有除左海鮮，仲有好多其他食材選擇，例如手切和牛、自家製肉丸、蔬菜等推薦一定要試手切和牛片，牛味濃郁、入口即溶另外蟲草蒸雞同污糟雞都不錯，雞肉好滑最後既粥底簡單加d鹽已經好夠味呢個任食套餐仲有飲品任飲，真係好抵食！

一諗起蒸氣海鮮鍋，我就諗起生猛既海鮮，大大隻既元見，超大隻既蜆😍😍所以我即刻約女朋友去食蒸氣鍋，我地選左一間向旺角既鋪頭，叫新華苑酒家。入到去，空間感好大，坐得好舒適。而且佢地既海鮮，好新鮮，一睇就知😍一隻隻大元貝放向冰入面，排到好靚，其他海鮮就向魚缸入面游游下，好吸引😍佢個餐包左4款海鮮，同埋乳鴿，重有啲配菜可以無限追加。先首好粥底，就開始食大餐啦😀我地點左大元貝，聖子皇，鮑魚同埋象拔蚌仔。首先上菜既係乳鴿，好好味，熱辣辣。好味指數⭐️⭐️⭐️⭐️再黎就係海鮮，全程都有人幫手整熟啲野食，可以坐向到等食😂所有海鮮都好新鮮，好甜，我連豉油都無加，就咁食，完全食到海鮮既鮮甜😍無限追加我地食左好多菜，重有好多手切和牛，都好好味。食完晒所有野之後，另一個重點係個粥，吸收晒海鮮既鮮味，我少少豉油，勁好味，我食左4碗粥😍😍大家都可以去試下，重有任飲啤酒Tim。抵食指數⭐️⭐️⭐️⭐️

去完T.O.P.買嘢，諗住同屋企人行返去奧海城食晚飯。途中見到呢間新酒樓，屋企人又話想休息陣，話不如試下。有海鮮蒸氣鍋同小菜，見小菜價錢咁街坊價，就決定試試。燒雞 - 份量估唔到咁足，個皮燒得幾香，特價$1，抵！重慶辣雞煲 - 辣度夠，肥媽話齋：「香蔥蒜有齊，實香」雞肉唔鞋口，沙鍋沙沙聲咁兜下，香到呢！招牌小炒皇 - 平時食開係唔辣嘅，呢個微辣，料足而且韭菜新鮮無渣。馬拉盞通菜鮮魷 - 通菜新鮮，鮮魷炒得剛好，而且入味，唔錯。估唔到假期去酒樓食飯加埋白飯茶芥汽水加一，只係3百幾

之前去附近打邊爐的時候，發現這間位於戲院對面的海鮮蒸鍋幾抵食，所以今晚就同友人黎開心一下!仿間的海鮮蒸鍋一向都好貴，同埋食完一轉海鮮就唔會再有其他野食，所以有時都會覺得唔夠飽，但係這裡粥底同海鮮都可以揀，仲有每人半隻乳鴿送，仲要有多款食物可以任食，汽水啤酒也可以任飲，真係物超所值!粥底有三款可選擇，而海鮮可以在8款中揀4款。揀選好後，店員便先把粥底倒到窩中。脆皮燒乳鴿，每人有半隻，乳鴿一D都唔hea，皮脆肉嫩，味道亦剛剛好!蜆是送的，每人大概有5隻，食落冇沙鮮甜!海鮮我們揀選了海蝦、鮑魚、大元貝同埋象拔蚌仔。大元貝有粉絲同蒜蓉，調味後仍能食到佢既鮮甜!鮑魚有蟲草同蔥粒調味，唔會好韌而且爽口!海蝦食得出好新鮮，蝦肉爽口彈牙!而象拔蚌仔也有蒜蓉同粉絲襯托，很惹味!蟲草花蒸雞，雞肉很嫩滑，雞也有稍為調味，所以味道不錯!馬拉糕，第一次食海鮮蒸鍋有馬拉糕食，馬拉糕鬆軟，跟平時酒樓吃的一樣美味!淮山雞粥，這裡的粥底比平時係出面食的綿，唔會好水!而且個粥好香雞油味，所以最後忍唔住都食哂成盤!總括黎講，雖然是普通酒樓的裝修，但是食物質素都好好，仲要係任飲任食!而且店員還是幫忙蒸，不用自己動手!有機會一

嗰日經過旺角道 新華苑酒家， 蒸氣海鮮餐 好似幾好喎， 三個人 坐低叫咗 一啲海鮮， 海鮮包括鮑魚，蟶子皇，象拔蚌仔， 貝殼拼盤 ， 同埋海蝦添。 仲有其他食物，有自家製鮮牛丸，手切 和 牛肉 ， 蟲草花蒸雞 。所有海鮮蒸三四分鐘就可以食啦 。鮑魚蒸得啱啱好 ， 嫩滑有咬口。 蟶子皇 同象拔蚌仔 食落非常有 口感 。 海蝦 生猛新鮮 非常爽口。 最後食埋 自家製鮮牛丸 手切和牛同 蒸雞 已經 好飽。 但原來早喺石鍋 放咗啲米煲粥 ，蒸海鮮啲 海鮮汁 已經落曬喺啲粥度。 所以啲粥非常好味 雖然已經好飽 但我都好貪心咁食咗兩碗 ，要捧住個肚返屋企。

海鮮是很受歡迎的美食，我和家人也不例外，每星期總有一天出外吃海鮮餐，之前總是用很濃味去烹調，現在不只希望美味，還要求健康，昨晚和家人去旺角揾食，經過新華苑酒家門口有職員遞上傳单介紹任揀任食蒸汽海鮮餐，啱晒我們喎，就入去試試，主餐包每枱任揀4款生猛海鲜，新鲜必食有回味無窮的燒乳鴿，貝殼拼盤還有任食的蒸雞，和牛肉，豬肉丸，鲜牛丸，鯪魚球，鮮冬菇，南瓜件等等……,款式多多最後還有個很美味的准山雞粥，這是加埋蒸海鮮的晶華，又好味又有益還有汽水及貼心的竹蔗水任飲，有種抵飲抵食的感覺，因收費真的物有所值。

一家四人假日唔想煮飯，緊係要出去食餐好嘅。呀爸呀媽都鐘意食中菜，所以今次就帶左佢地嚟呢間新華苑酒家到食晚飯。夜市唔算好多人，一家人食飯傾計都唔會覺得嘈。芝士龍蝦伊麵 龍蝦伊麵大大碟勁抵食！龍蝦肉又肥美多汁！一人可以食到兩件添。伊麵有彈性得嚟唔易斷，吸收埋啲芝士汁，簡直可以話係入味三分呀。魚香茄子煲茄子煲得唔會太腍，幾香魚香味。拎嚟送飯簡直係一流。大大煲都只係$48，性價比好高。七味脆豆腐豆腐外皮炸至金黃色，薄薄嘅表面更舖上七味粉同炸蒜，香脆惹味又可口。軟滑既豆腐外脆肉軟，入口唧溶，配埋喼汁同淮鹽，令豆腐更加開胃。欖角排骨講到出色，不得不提呢碟欖角排骨。排骨配上欖角汁，酸酸甜甜，非常惹味。排骨亦唔會煎得太老，食落乾淨俐落無痴牙。欖角炒至半焦，味道甘香可口。

我真係好鍾意食海鮮，自從食過一次蒸氣鍋就愛上左我都試過好多間蒸氣鍋，今日又再試間新既就係旺角既新華苑酒家，記得唔好去錯，係新華苑，因為我自己就去錯左另一間又係旺角個名只係差個字蒸氣鍋套餐$288，包左每人半隻乳鴿，大蜆，自選四款海鮮，自選粥底，其他火鍋配料任食同埋飲品任飲飲品有可樂，雪碧，忌廉，芬達同竹庶茅根，嘉士伯啤酒，竟然仲有Asahi任飲，鍾意飲酒嘅朋友一定翻到本出面亦都有自助調味區，醬料都好齊全仲有魚缸同冰櫃，擺放嘅海鮮都好新鮮第一樣上嘅係紅燒乳鴿，燒得個皮都幾脆，Size都算大隻，都幾多肉食跟住店員就會開始幫我地蒸海鮮，首先就係蒸左蜆先，每人大概四至五隻，蜆肉都飽滿新鮮，而且冇沙自選海鮮我哋揀咗扇貝，鮑魚，蟶子王，象拔蚌仔，最鍾意就係有蒜蓉粉絲墊底，蒜蓉用鹽調過味，格外好食，海鮮全部都好鮮甜，而最出色嘅就係象拔蚌仔，好大隻，朝鮮味，而且所有海鮮都蒸到啱啱好，唔會過數影響咗原本嘅味道任食配料方面，必食嘅就一定係一口和牛粒，牛味好香手打丸類同韭菜餃都幾好食甜點就一定要叫馬拉糕同紅棗糕，紅棗糕有好香嘅薑汁味，煙煙韌韌又唔會太甜全程蒸嘢食都有侍應serve，完全唔使自己落手，所以我都

今日同朋友一齊食蒸氣石鍋，咁啱旺角係我地既中間點，唔想去啲大品牌同人逼，就上openrice搵下有無啲新地方發掘下。見呢間酒家係新開既，就打算黎試下質素如何。呢度係一間酒家，可以食小菜或者呢度主打既蒸氣石鍋。平日$268，假期或週末就$288。醬油花生另外+$20。要加一。海鮮可以八款入面揀四款，另外每人半隻乳鴿，同埋貝殼拼盤。其他食物就任食，啤酒汽水竹蔗茅根任飲。兩個人，選擇困難症發作，就每樣野叫一人份量睇下係點既情況。原來份量都啱啱好，每樣試過已經7成飽。蒸左咁多食物，最後個瑤柱鮮淮山粥底真係超好味，因為集合海鮮同牛肉雞肉既精華。呢度有侍應幫手蒸，同埋有計時器，一響就有侍應幫手分，然後擺其他食物入去蒸。有卡位有圓枱，都既適合唔同類型既聚會。醬料都算多選擇，最鍾意麻醬加沙茶醬。一。飲品櫃任飲。

I’ve always wanted to have steam hotpot 👏🏻so I asked as my fds and they recommend this best to prince Edwards Very Chinese and I like the interior simple bit straight to point. Simply telling you their main point is Steam dish”so I’ve order the individual seafood set” for each person it comes with 4 single dish yes you’ve read it right” single” as in One piece of seafood for 4 different choice” on the positive side it’s Really fresh” complimentary 🕊 very juicy and it’s one of the Chinese dish p

7點黎到已經有幾枱食整 蒸起海鮮味好香首先揀左4款海鮮同粥底 之後就上左熱辣辣既乳鴿 好香 望落脂肪層好少 肉質好嫩 連骨位好易就咬開首先蒸既係每人一份既蜆 都大隻 同有咸咸地海水味桶蠔有半隻手掌大 而且好厚身 用左薑蔥一齊蒸 就咁食甜甜地好新鮮 自己再加芫茜一齊食都好夾龍躉大細不一 但都厚身 皮好厚好滑 肉質都嫩 大元貝同象拔蚌一齊蒸 元貝好鮮甜好嫩 加上好多蒜蓉 鋪底粉絲吸晒汁同味非常好食 我本身麻麻象拔蚌 佢冇元貝咁多汁所以粉絲冇咁香 不過爽口 份量都多 食完海鮮已經非常滿足 如果依個價錢食多兩款海鮮冇任食其他野就正 任食之中比較推介幾樣手剁鮮蝦丸 - 彈牙 手切和牛肉/和牛粒 - 牛肉蒸分半鐘廢食得 唔算嫩但好重牛味 和牛粒就要蒸耐d 好嫩同多肉汁瑤柱鮮淮山粥最後食粥 因為蒸左雞好多雞油 呀姨好細心不起晒d油 只係蒸左5樣海鮮 比起其他蒸全海鮮既粥底冇咁甜 但瑤柱味都出 而且個粥好綿 份量好多 每人頂盡兩碗 呀姨主動俾左膠盒我地裝走 話咁靚既粥唔好晒 支持環保好好呀!

幾個麻甩去吹水，要搵啲有好嘢食嘅地方，最緊要係啤酒任飲 😜見到openrice'新華苑'Asahi都係任飲👍於是就同朋友一齊去暢飲、暢所欲言🤘地方寬敞，我們選擇了海鮮鍋，當然就係想任飲任食啦😅可以選擇四款海鮮: 我選擇聖子皇、桶蠔，朋友選了鮑魚和象拔蚌。原來仲有貝殼拼盤同埋乳鴿添😍 乳鴿正好係我哋送酒嘅佳餚囉😋😋😋乳鴿醃得好入味，皮香肉嫩，一啖乳鴿一啖酒，再傾下講下真的不錯🍻蜆肉粒粒肥嘟嘟，最重要係冇沙， 十分美味👍蟶子皇size真不少，店員蒸不足一分鐘就可以。 蟶子肉爽甜味美，用蒜蓉粉絲蒸，簡直是絕配👍粉絲索晒啲聖子同蒜蓉味，超正😋😋😋象拔蚌同樣是蒜蓉粉絲蒸，但口感更爽，味道同樣鮮甜😍鮑魚用蟲草花蒸，鮑魚肉厚清甜，爽而不韌😋桶蠔好大隻，口感一流，鮮甜吾腥，啖啖味美👍食完海鮮就緊係食牛肉啦呢度有手切和牛同和牛粒，兩款牛肉味都濃郁，我地叫左幾個round 😅汽水啤酒都係任飲，仲有送酒嘅絕配~花生我地飲左成半打啤酒，真係返晒本😅全程仲有侍應幫我地蒸海鮮、牛肉，蒸嘅時間掌握得好，自然特別好食啦～今晚真係飲飽食醉，暢所欲言，呢三百零蚊，洗得抵，超值👍

慶祝媽媽生日，多人既話酒樓係首選👀👀大家叫唔同既小菜再share😋尼間新開既酒樓超抵食！！而且坐得舒服 環境唔錯～距離地鐵站大約5分鐘距離芝士龍蝦（2隻）伊麵（$198 芝士+$20）見到promotion即叫！超級抵！黎到果然份量十足，龍蝦超級肥美多肉！伊麵索哂d汁好惹味🤤🤤🤤唯一美中不足既係芝士味唔係好夠，似白汁多d七味脆豆腐 （$68）尼碟豆腐完全做到外脆內滑😋連埋七味粉非常惹味！每一粒既size都係one bite，不知不覺食左好多🙈沙嗲金菇肥牛煲（$68）尼個價錢完全超值！勁大煲 粉絲同肥牛既份量好足 而且係好好味！d 汁可以送到好多碗飯！唔叫小菜，大家仲可以食蒸氣火鍋咖！

食得西餐多想食下小菜，但旺角又無咩大排檔，搵下搵下見倒呢間新開酒樓，好似唔錯。酒樓主打海鮮蒸氣鍋，好抵食！見倒任食都只係$268一位，可惜近排食得太多海鮮，所以唔試住。餐廳仲有個海鮮區，放滿多款海鮮俾客人出黎揀，可以睇清楚新唔新鮮！小菜最平$48！！！仲有三款優惠菜式，雞、龍躉仔同埋龍蝦伊面。黑椒薯仔和牛粒，醬汁係黑椒加燒汁，好惹味，薯仔有先炸過，外脆內軟和牛粒好香牛味。生熟度剛好，好腍！椒絲腐乳通菜，好夠鑊氣通菜好嫩，食落爽脆！食落辣辣地，腐乳亦無太鹹。最後叫左晚市優惠，$48沙巴龍躉仔。條魚一啲都唔細，師傅控制火喉好好！魚肉仲好嫩滑，再點埋蒸魚豉油估唔倒呢個價錢食到咁高質既小菜