新聚寶素食

營業中

休息中

之前嚟過好多次，但呢排嚟發覺都幾多後生仔嚟食。今次嚟食都問埋呀女嚟唔嚟試下，發覺佢都好樂意嚟一嚐素食。其實好食嘅齋鋪係唔會比人覺得你係食緊齋。食齋其實都好豐富，好多選擇。每次嚟都係呢度嘅招牌菜，我睇差唔多每枱都係點呢幾味：素叉燒：素叉燒基本每間中式素食餐廳都會有，但就唔係間間都好味。呢間嘅叉燒就幾好味，口感和味道都做得幾好，加上仲有燶邊效果。呀女都覺得幾好食。鐵板牛扒：呢個牛扒分量都好多，望落同真肉無咩分別，味道一啲唔遜色於真肉。仲食到啖啖肉香。咕嚕猴頭菇：猴頭菇取代肥肉，口感更彈牙。

是日約左一位長輩出黎見個面, 適逢舊曆十五長輩要食齋所以就去左附近既齋菜店 - 新聚寶素食不過由於唔太肚餓既關係我地只係叫左鐵板串燒雞柳同埋干燒伊麵串燒雞柳幾乎以假亂真, 當然食真啲就知佢係以菇菌代替雞肉調味方面亦做得相當惹味, 味道絕對唔會比真肉遜色呢度既干燒伊麵係比較乾身個種, 唔會有太多汁醬配以紅蘿蔔媽、銀芽等蔬菜一齊煮, 食得飽肚同健康好少食齋菜既我覺得今次體驗唔錯, 可以多啲嘗試食齋菜清理下身心店內既牆身都掛有詩詞共賞用字簡單易明，但又有幾多人可以真正參透箇中意思?值得細想

婆婆一慣有食齋習慣，難得今日放假就嚟陪婆婆出去食齋。之前因為自己係食肉獸，所以就好抗拒食齋嘅，不過個人老啦，唔食得咁多肉，要注意飲食均衡。所以近排會定時同婆婆去食齋。而食得最多就係呢間新聚寶，味道真係唔錯，食物質素幾好，性價比都幾高。叉燒係差唔多間間素食店都有嘅餸，呢度蜜汁馬拉叉燒做得唔錯，幾惹味，肉嘅味道同口感都做得幾逼真。素菜都有幾款我覺得味道幾好，一個係梅菜蒸茄子，送飯一流。豆腐雜菜煲都好味。

星期六同阿媽去咗食齋，新聚寶我哋之前無食過，所以入去時都唔知好唔好食。結果係幾好食，仲食唔晒，要包走。齋滷味份量其實都唔會細碟，酸齋味道足，夠酸夠甜，好食。咖喱齋如果咖喱味再濃D就仲好味。齋燒鵝都好入味，口感唔錯，齋滷味整體都水準以上，可以再食。芋頭魚外面炸得好香脆，入面芋蓉好滑，好紮實質感十足，點埋甜酸汁食一流，又可以解膩，我一個都食咗4件。紅燒豆腐豆腐新鮮，有豆香。炸完再去紅燒，香濃的醬汁令到豆腐唔會太過寡，都唔錯。乾燒伊麵望落都好正常，不過太飽我食唔到，包咗返屋企。

每逢初一十五我都會食齋中午既時候出左深水埗買野, 咁啱行過呢間新聚寶見到佢有午市套餐就入去幫襯啦佢地既午市套餐有小菜同炒粉麵揀仲免收茶芥加一添~都幾抵既我就揀左個香草崧子炒飯都幾大碟, 同埋都真係幾香除左崧子仲有菜心粒同菇粒香草同調味料都落得足, 唔會話勁淡味個種炒飯炒得夠乾身, 啲飯唔會痴埋一舊, 算係唔錯啦佢地仲有外賣既糕點同酸齋可以買返去食我就揀左馬蹄糕同咸水角馬蹄糕清甜爽口, 唔會有酸味, 幾好食早知買多兩件啦, 依家好少見到有馬蹄糕買咸水角都唔錯, 雖然凍左, 但仍然保持鬆脆, 著實不錯

其實離上次食素都隔咗幾耐下 ，今次同食齋嘅朋友出嚟，終於有機會食齋，都幾開心。其實食齋嘅好處好多，食完覺得個人輕盈，好少會覺得飽滯。朋友就嚟過好幾次，佢負責點菜，我就負責享受。鐵板牛扒：肉餅形狀，有黑椒汁和燈籠椒作調味，咬落彈牙，有牛味。食落幾似真肉。做得幾好。咕嚕猴頭菇：其實我就好唔輕易嘗試咕嚕肉，因為呢整個唔好就好難食。呢個咕嚕猴頭菇好正，酸甜汁調得幾好，唔會酸到攻鼻，猴頭菇嘅口感比起肉更好食。栗子蓮藕煲：我就鐘意食啲粉粉地嘅嘢，栗子同蓮藕都係我的愛吃物，鐘意食素菜餐廳嘅原因之一就係覺得有好多素菜揀，味道亦不錯。

今日係小妹生日，因為屋企有人食素既緣故，奧爾加得閒就會去食下素。今次揀左深水埗呢間三個人點左兩位用既A餐套餐（$238）招牌靚湯推介小菜，白合好新鮮腰果夠脆配西芹，清新之選個炒飯都幾足料番薯糖水好滋潤

我們做完健身運動，去對面食素，之前都跟家人食過，難得老公又肯，食素健康的。店員提供餐牌，我們決定叫二人餐，都非常夠食蓮藕髮菜湯素湯很足料，蓮藕湯係我至愛，想像唔到素湯都可以很清甜,湯料有不少豆類香草炒飯份量都好大，每粒飯粒沾滿香草汁，亦有不少素肉粒，粒粒飯炒得乾身，香草味濃，很美味碧綠發輪卷腐竹卷外脆內軟，很有心思的素菜，餡料有冬菇絲，金菇絲等等，切開一件件，容易食，外層煎到脆卜卜，鋪底的是綠油油的生菜，份量都多，而且玻璃茨做得很好，欣賞這道菜脆皮乳豬拼盤像真度及味道超似，素乳豬表皮很脆，加上醬汁，很滋味，叉燒更加惹味，因為加了欖角，突出了味道，而且麵筋質感軟滑，不錯臭草綠豆沙綠豆沙真材實料，很多豆，而且加了臭草，很喜歡這樣的味道，不太甜，細細碗都夠飽

近年注重健康，希望每天可以做到其中一餐會吃素食。今次與朋友來到深水埗逛街後，知道附近有素食館，便來試試。-環境：傳統的素菜館，牆上掛了經文，貼上店主派飯的相片，充滿正能量。-HK$238/2位自選晚飯套餐招牌靚湯～西洋菜湯非常足料，有粟米紅蘿蔔、豆類及南北杏。呷一口好清甜又舒服，適合少湯水的我。-馬來蜜汁叉燒～叉燒上黑色的是欖角，增加鹹香感。咬一口真的像半肥瘦叉燒的肉質但沒有油膩感配白飯真的不錯👍🏻。-京都火腿卷～外層是鬆脆香口的腐皮包著由蒟蒻做的火腿卷。沾上醒胃的酸甜醬，外脆內軟，真是吃過不停口。-香草炒飯～炒飯有鑊氣、飯粒分明。飯中有松子伴炒，增加咀嚼感。-綠豆沙～海帶多，清熱解毒，一流。

呢排因新型冠狀病毒搞到大家都唔敢出街， 甚至要停工停學，我因去開深水埗買野經過一間食齋的舖頭，我就同麥生提意食下齋啦…我地叫我左齋滷味，五柳魚， 沙嗲粉絲素牛煲， 藥膳素湯， 琵琶豆腐齋滷味味道好味，特別果酸齋做唔會好酸有別其他齋舖酸齋味道五柳魚是用腐皮做魚肉， 紫菜做魚皮，但食落第一啖真係食到魚嘅味道好得意😎，老闆娘解釋因為紫菜有少少🤏腥味，所以就做到好似食魚的鮮味藥膳素湯第一次飲素湯嘅味道係好清甜，好香，真係無諗過素湯咁好飲，細細一碗湯都好多料，抵食又好食😋琵琶豆腐我本身唔鍾意食豆腐㗎，所以見到豆腐料理一定要叫，呢個真係外脆內軟加滑、再加上好貼心咁將㊙️製蠔油汁另上，再加上琵琶豆腐内裡有d紅蘿蔔及髮菜做配料，口感豐富又美味沙嗲粉絲素牛煲比平時食嘅沙嗲汁比較淡啲，但特別在果素牛肉，口感好似食緊肉，好特別，同埋內裡有好多粉絲，但都幾大煲，我都兩個食唔晒最後老闆娘就請左我食紅豆沙，紅豆沙煲到起沙又唔會太甜食落重有淡淡陳皮味道

新年過後中意食個素，清清腸胃，重新出發。今年揀左「新聚寶素食」，貪佢位於深水埗地鐵站附近，放工同朋友meet up 夠晒方便！.咕嚕猴頭菇無論賣相同口感都好似咕嚕肉。完全唔覺得係由菇類製成，配上秘製甜酸醬，酸酸甜甜很開胃！.齋滷味每次食素都是必點，一碟有齊酸齋、豉油齋、咖哩齋幾款口味，總有一款岩大家口味。 自己中意食齋叉燒，中意佢既口感軟嫩有咬口。.芋頭魚預先切開一舊舊，夾起手好方便！食落外層好鬆脆，但入面芋頭卻綿密滑口，口感豐富！點埋酸甜醬汁，不但更添層次，解膩仲一流添!

朋友話想試下新式素菜，一試後對素菜有新的印像，原來素菜都好好味❤。很可惜黃金蝦買曬，真係好想試😋😋。叫了一個2人套餐，都很夠飽。花生發菜蓮藕湯：勁濃味好好味😍，素湯都可以咁濃味，正！魚生叉燒并盤：估唔到素魚生咁似，叉燒像肥叉感覺，真係好驚喜😍👍🏻👍🏻👍🏻👍🏻炸鰻魚：唔講真的很似真鰻魚，只係用菇都咁似鰻魚。外脆内淋超好味❤😋😋！菠蘿咕嚕肉：原來用喉頭菇做。真係唔講都唔知，食落好似真架豬肉，菠蘿酸酸甜甜，個酸甜汁架味剛剛好😋😋！素雲吞：我係食肉獸，所以跟真肉雲吞會差很遠！芝麻糊：都很不錯。

👭春有百花秋有月 夏有涼風冬有雪若無閑事掛心頭 便是人間好時節👭 今日我由早餐至晚餐沒吃過一點肉，食素日😊😊其實日日都食甘多肉，食下素又幾舒服🥬🥒🍆🌶🌽🥔🥒🥬呢間素食鋪之前都成日有買佢哋既齋滷味食，味道又好味，尤其是酸齋同埋齋叉燒我特別喜愛，做得非常出色，而且呢到既老闆娘好有善心，經常派飯盒比老人家食，所以間中想食齋滷味的時候，都會係到買吓食咗，堂食就今次第一次食，估唔到餸菜都做得咁出色。天氣涼涼地，叫齋菜煲熱辣辣就最好味，一路食都暖笠苙🌞🌟沙爹粉絲素牛肉煲——牛肉味道質地都咁似牛肉，沙爹又惹味，唔食牛肉既人可以食吓素牛，又可以滿足到食牛的滋味😂😂南乳茄🍆子鮮竹煲——南乳味道適中，茄🍆子惹昧，足料大大煲招牌一品煲——有🦐，包魚、瑤柱、翅、冬🍄菇和..........等等（當然全部是素😂😂但食落味道同埋質感就真係仿如好似食更真肉👍😉）素乳豬——-乳豬皮的脆度仿似真係食更乳豬一樣，點埋乳豬醬一齊食仿真度極似😂😂😂😂食完仲有甜品送，芝麻糊——-香濃芝麻好味道見到仲有盆菜、又有新年的油角煎堆預訂👏👏👏👏👏環境舒適，老闆娘的善心，服務招呼週到👍

今年除夕晚餐，搞搞新意思，食齋，揀中左新聚寶素食餐廳，一直都有買開呢間的外賣齋拼盤，齋叉燒，酸齋，咖哩齋，不會太油，口感逼真。餐廳內布置簡潔，做緊冬季素火鍋的推廣，好多枱客人帶都揀左火鍋，感覺好吸引！我地先叫左一煲老火靚湯，今天系發菜赤小豆蓮藕湯，真系超正，勁足料，湯底濃郁，十分養生！三菜一湯，泰式魚，鐵板牛扒，馬拉汁叉燒，豐富得呢！馬粒汁叉燒賣相不俗，就咁睇過去，就系一碟叉燒！太逼真了，黑色的欖角扮燶咗既部分，完全似食緊真叉燒，呢個手工真不錯！鐵板黑椒牛扒，咬落去有牛味！點做到的？店員話系商業秘密，所以真系要來食先知佢幾咁有牛味了。竟然食到牛肉既肉絲，厲害厲害！泰式魚，其實齋魚有黃花魚同泰式魚，魚本身一樣，系汁唔同，我地揀左泰式，酸酸辣辣很開胃，只係少少辣，唔食得辣的人都可以食。魚肉系由腐皮，紫菜，一卷卷包住，入面餡系用支竹打溶扎成，所以極似魚肉的口感，有時仲可以食到粉絲，原來粉絲扮緊魚骨！正吖！

同媽咪食飯，為左食得健康D就去搵素食餐廳，呢間係幾唔錯既，又平好食！首先叫左份二人晚餐，有兩款小菜、兩碗湯、一碟主食同甜品，再加多兩個小菜，好夠四個人食。湯係西洋菜湯，好足料，飲得出煲咗一段時間，夠火喉。最鍾意係蜜汁叉燒！正到爆，一黎味道好似真叉燒，質感同個樣又似，幾可亂真。菠蘿咕嚕肉都係必點，係由猴頭菇炸完再炒，好香口，汁酸酸甜甜好開胃，係唔錯的！另外呢款黃花魚好特別，係扎實豆腐加紫菜再炸，再加豉汁，好考功夫，好似魚肉質地，好食～呢幾樣就係平時食素都會點既齋小食，好平好抵食。福建炒飯重點既汁！唔同既菇扮海解，豐富口感，好食。最後係送二人餐既糖水，好足料，有薏米、花生等等。食素都食到好飽呀！