新聚寶素食

營業中

休息中

星期六同阿媽去咗食齋，新聚寶我哋之前無食過，所以入去時都唔知好唔好食。結果係幾好食，仲食唔晒，要包走。齋滷味份量其實都唔會細碟，酸齋味道足，夠酸夠甜，好食。咖喱齋如果咖喱味再濃D就仲好味。齋燒鵝都好入味，口感唔錯，齋滷味整體都水準以上，可以再食。芋頭魚外面炸得好香脆，入面芋蓉好滑，好紮實質感十足，點埋甜酸汁食一流，又可以解膩，我一個都食咗4件。紅燒豆腐豆腐新鮮，有豆香。炸完再去紅燒，香濃的醬汁令到豆腐唔會太過寡，都唔錯。乾燒伊麵望落都好正常，不過太飽我食唔到，包咗返屋企。