47
6
2
| 餐廳: | 新聚寶素食 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵深水埗站 B2 出口, 步行約3分鐘
繼續閱讀
電話號碼
27082728
營業時間
今日營業
07:30 - 22:00
星期一至日
07:30 - 22:00
*齋期營業至晚上8時
以上資料只供參考, 請與餐廳確認詳情
食家推介
招牌菜
平時都好少食齋，今次特登搵到依間餐廳去試吓素食。羅漢齋炒麵 🍜 5/5一入到去見到好多客人都嗌依樣嘢，於是到跟風叫，麵條炒得金黃香脆，裡面有冬菇、雲耳同埋素肉雜菌，色香味俱全。每一口都充滿咸香嘅蔬菜味，清新健康，食得心情都好好👍🏻🤪！素椒鹽鮮魷 🦑 3/5素椒鹽鮮魷，係用蒟蒻整成鮮魷嘅模樣，好似樣好搞笑有紋理🤣，口感外脆內滑，咬落去有啲Q彈感，撒上香濃嘅椒鹽同埋腰果，但可惜今次比較鹹重口味，如果冇食飯會覺得太鹹。素金菇牛肉卷 🌱4/5素金菇牛肉卷，用芋頭整成牛肉嘅模樣，外觀誘人，內裡包住香脆金菇，咬落去味道同口感都好似牛肉🤩，層次分明，每一口都係滿滿嘅享受！我哋嗌咗二人餐就有兩個小菜同埋一個炒粉麵，仲加埋每日例湯，食到飽一飽就送埋麥米粥俾我哋食🥰🥰。埋單$340連埋加一，見到餐廳會派埋福米比附近老人家，好有愛心善心🫶。
繼續閱讀
好耐都冇食素菜，近期食得太多肉想食清D，所以同屋企人晚飯食素，雖然我平時好小食素，但今晚餐素食比我想像中好食馬來蜜汁叉燒 （推薦）第一碟上枱既係叉燒，最非好食，欖角增加鹹香味。口感好似半肥瘦叉燒的肉質但沒油膩感，配白飯一流芋頭魚 （推薦）芋頭魚芋頭表面炸得鬆脆，芋頭蓉味道香濃，再加上泰式醬，好味招牌一品煲味道偏淡普通豆豉黃花魚黃花魚賣相用卷做幾特別，表面炸內面豆腐加紫菜，再加豉汁淋面，好食～鴛鴦炒飯味道好似去左酒樓叫既一樣，比想像中大碟同好食又送湯，又送馬蹄糕（熱熱地好食），又送紅豆沙個個都食到飽飽下次我都會再來食，必點叉燒
繼續閱讀
今日又想食素, 上openrice睇下深水埗邊度有, 諗緊試西式的素年定中式素食店好, 最後揀左佢😅, 不過d街道號數有d奇怪, 對面百幾號, 另外一邊是幾拾號, 餐牌都好多選擇, 唔知揀乜嘢好, 都係食d屋企難煮到的菜色😜, 開左壺水仙🍵店員又比個兜我洗餐具, 服務唔錯👍, 又想食粥, 最後要左個法海蒲團同羅漢齋粥, 飲啖茶先🍵, d茶幾香🤩好飲, 唔會好似有d茶樓完全d茶無味😅, 等左一陣羅漢齋粥送來, 幾有誠意🤭唔係即叫即拿出來, 入面有粟米, 發菜, 雲耳, 冬菇, 素雞, 雪耳, 本菇等, d料都幾多😙, 店員又話唔係好大碗🤣查實都好多, 粥底味道唔錯有味😘 而且熱辣辣😅不過如果無薑絲應該會夾d🤪, 再等一回法海蒲團送到, 份量都唔少😋都幾靚的賣相, 知道一定食唔晒, 叫店員另外比個外賣盒我包走一d☺️, 外面有層腐皮, 入面有雪耳素雞本菇秀珍菇雲耳粟米冬菇等, 上面鋪左層發菜, 個底有幾條菜心, 食落唔油又清淡, 味道整得唔錯👍不過可能我自己對素雞麻麻地, 我個人就覺得唔好加素雞會更好食😘🤩, 之後店員問我食唔食糖水🤣我話我都食唔晒要包走, 我話唔洗了😄😃整體服務同味道好滿意, 有親切感的素食小店, 不過大家留意會有加一服務費, 第日有機會再過去食😅☺️
繼續閱讀
食得多肉，都想清一清食下齋嘅。呢間深水埗老店齋鋪食過一次，真係幾唔錯。所以今日帶埋屋企人試多啲菜式。平日夜晚七點去到舖頭，地面嗰層都坐滿啦，唯有上2樓坐。店員服務態度不過不失，不過有樣嘢好就係佢哋會送甜品1️⃣齋滷味🌕🌕🌕🌗🌑腐皮應該下午整定，到晚上已經淋咗，下午係超級正2️⃣紅燒素翅🌕🌕🌕🌕🌗味道媲美真翅3️⃣欖菜菇粒炒飯🌕🌕🌕🌕🌕有鑊氣，調味適中4️⃣馬拉蜜汁叉燒🌕🌕🌕🌕🌕必點之選，甜度適中又有燒烤的味道5️⃣涼瓜鮮竹煲🌕🌕🌕🌕🌖夠淋夠入味
繼續閱讀
入去之前又話唔會收+1，又話唔會收服務費咁本身叫咗個二人餐，$288雖然預咗食素菜都唔會好平，但轉個頭埋單變咗三百幾蚊，簡直就係騙子。啲嘢食質素呢都還好嘅，服務員態度都還好，不過收費咁嘅話就唔會再去囉
繼續閱讀