新聚寶素食

營業中

休息中

之前嚟過好多次，但呢排嚟發覺都幾多後生仔嚟食。今次嚟食都問埋呀女嚟唔嚟試下，發覺佢都好樂意嚟一嚐素食。其實好食嘅齋鋪係唔會比人覺得你係食緊齋。食齋其實都好豐富，好多選擇。每次嚟都係呢度嘅招牌菜，我睇差唔多每枱都係點呢幾味：素叉燒：素叉燒基本每間中式素食餐廳都會有，但就唔係間間都好味。呢間嘅叉燒就幾好味，口感和味道都做得幾好，加上仲有燶邊效果。呀女都覺得幾好食。鐵板牛扒：呢個牛扒分量都好多，望落同真肉無咩分別，味道一啲唔遜色於真肉。仲食到啖啖肉香。咕嚕猴頭菇：猴頭菇取代肥肉，口感更彈牙。