新潮發海鮮菜館

營業中

休息中

/個日入左長洲，食埋夜晚飯先走。長州大街好多食小菜既餐廳，全部都係幾百蚊幾個餸，應該係全部com好晒價錢，求其入咗間，天氣涼涼哋，坐喺出邊食，係幾有風味。最後揀咗$368 任選4款，送左個炒生菜同粟米魚肚羹，個炒生菜正常，唔係好油，不過個魚肚羹落左好多生粉，好似粟米斑塊上邊嗰啲芡😂😂😂😂叫左粉絲蒸扇貝，薑蔥炒蟹，水煮東風螺，黃金蝦，個粉絲蒸扇貝都ok，粉絲幾好食😂😂😂水煮東風螺個汁幾好食，東風螺都okay，最好食係呢味餸薑蔥炒蟹個蟹麻麻地，有d霉，黃金蝦都唔係話特別新鮮，不過算係咁，叫對得住個價錢，為起每人大概100蚊，可以食道咁多海鮮，真係算係咁😂😂

這間新潮發海鮮菜館位於長洲北社海旁路嘅地舖 ，係一間道地小菜嘅店舖，店面環境鄰近海旁，係到食嘢感覺都唔錯!.三款小炒 $278蒜蓉開邊蝦呢一款蒜蓉開邊蝦賣相都唔錯🤔，店員送到上枱散發香噴噴😙蒜蓉味，色香味都幾好，開邊蝦肉質爽口沾滿蒜末汁液帶出味道更加正😋，尤其是佢嘅粉絲軟滑沾吓D汁液一樣咁好食!.菠蘿生炒骨呢一碟好有道地風味🤔，色澤味道都睇得吓🤤，食到入口酸酸甜甜都好醒胃，生炒骨外脆口內腍嫩味道都幾好😋!.醬爆魷魚呢款醬爆魷魚夠哂穫氣🤔，好有大牌擋風味😙，魷魚口感煙韌帶點腍口味道都好惹味😋，帶有小小辣嘅味道，加埋D配菜西芹、紅椒增添色澤都唔錯!.

來到長洲一定要吃海鮮呢！你會怕海鮮時價然後獅子開大口嗎？沒有問題！這裡的價錢全部明碼實價😆🔥完全不需要擔心會被坑，大家放心過來吃👍🏻凡惠顧，店家還送了蒜蓉炒生菜以及粟米羹呢🌽——— ✤ 自選海鮮小菜套餐｜$𝟐𝟕𝟖（任選𝟑款） ✰ 剁椒蒸蟶子 小知識💡你知道剁椒和辣椒有什麼分別嗎？原來剁椒是北方的辣椒，經過醃漬，味道帶濃郁的酸味🌶️蟶子算不上肥美，但勝在份量夠多，配上海量濃郁的剁椒和蒜頭🧄，攪拌粉絲包裹醬汁，鮮味與辣味瞬間另整到菜層次豐富，推薦好味😋 ✰ 豉汁蒸白膳｜+$𝟑𝟎新鮮熱辣辣的白膳肥美無比，帶有少量幼小碎小魚骨，大家記得注意小心！味道調味恰到好處，最後淋上滾燙的熱油激發鮮味😋✰ 椒鹽鮮魷這個相對略為失色，椒鹽鮮魷的外皮略為過於厚，粉感偏重，魷魚彈牙完全不會有雪藏味以及肉質完全不會霉🦑

難得終於唔使戴口罩今日同朋友入咗去長洲玩，咁耐以來去長洲都未試過食海鮮所以今日中午特登嚟咗食海鮮餐由碼頭行過去超近基本上第一間就係蒜蓉蒸扇貝扇貝超大粒而且又新鮮上面啲蒜蓉調味超級好，配飯一流估唔到咁平嘅海鮮飯都可以揀黃金蝦，平時喺出邊食一碟黃金下最少都要百幾二百，而且佢份量重要好多，隻隻都炸得好脆可以全隻由頭到尾都食到！豉汁蒸鱔豉汁同鱔永遠都係最佳嘅拍檔，鱔相當肥美而且爽口，配埋豉汁味道鮮美而且唔會太鹹整體呢一個價錢食到咁豐富嘅海鮮餐係冇得挑剔

今日同朋友入長洲玩，玩完之後我哋每次都會必食嘅海鮮店，咁啱我哋早咗入去所以唔使等位如果唔係之後都要等一陣，我哋就叫咗一個四個餸嘅套餐，都非常之抵食。逢親食小炒，我哋都一定會試叫嘅椒鹽鮮魷，蠔仔煎蛋，今次我哋仲叫做咖喱牛腩煲和招牌生菜。佢哋嘅椒鹽鮮油非常之有穫氣，而且炸得非常乾身，調味亦都10分足夠。蠔仔煎蛋亦都非常足料，佢哋嘅蠔仔都非常之肥美，食落去非常之夾！另外天氣唔係好熱嘅時候都好鍾意叫嘅咖喱牛腩煲，食完之後成個人暖笠笠，佢哋嘅牛腩亦都問得非常之滑，咖喱用嚟撈飯不知不覺就食晒幾碗飯！

呢間應該算係海鮮街第一檔，個姐姐企係路中心攔人推銷話3餸1湯188，送一個菜同湯。我同朋友掃住街過嚟本身已經半飽，諗住試下長洲d海鮮先走就坐低咗。仲睇緊食咩嘅時候另一個姐姐就就過嚟係咁吹落得單未，咁我哋就叫咗東風螺+開邊蝦+帶子，然後個姐姐勁惡話我哋咁多人淨係叫三個菜😥 大佬啊成個長洲咁多嘢食你理得我哋叫幾多wo，但係費事嘈所以又叫多咗個海鮮😕 咁個姐姐就話我哋叫4個淨係+40蚊就得，結果埋單果時又變做跟佢餐牌4個餸嘅價錢d嘢食真係麻麻，東風螺無味又有沙，開邊蝦係尾指咁大嘅蝦一開二，完全唔值呢個價，長洲咁多嘢食真係食其他鋪頭好過

剛上星期六去了長洲玩， 更品嚐了一頓豐富海鮮餐呢！這間海鮮🦞菜館便是長洲海旁， 假日都比較人山人海， 晏少少過了午餐時間比較鬆動，而見到餐牌食物相都已好吸引了，可按需要自選二至十二款餸！二百多元已有三款餸，選海鮮類更是平靚正之選，性價比好高！我自己點了蒜蓉粉絲蒸扇貝、蒜蓉蝦、炸九肚魚！蒜蓉粉絲蒸扇貝 色香味俱全，蒜蓉粉絲扇貝簡直絕配！蒜蓉蝦同樣惹味又好吃，蝦肉新鮮！🦐新潮發海鮮菜館長洲北社海旁路13號地下C號舖

入長洲做嘢，一落船向左行就見到呢間嘅宣傳易拉架😚 睇落都幾吸引，去到現場就更加肯定要食佢‼️ 星期一，一點半左右竟然得返一張空枱，見到都係信心嘅保證😂 兩款$188、三款$278、4款$368🤔 最多去到$1088，平均$91-94不等🤤 幾多個人嚟都一定就到😚 因為係同同事嚟食，所以無特別嗌太多海鮮，過下口癮算🤭我今次三個人叫咗三樣，蠔仔煎蛋 、菠蘿咕嚕肉、黃金蝦，白飯就$12/碗😋 我全部都嗌晒佢有👍🏻嘅，最令我有驚喜絕對係蠔仔煎蛋🤤 佢足料、賣相靚，夠味，唔好俾佢Menu嗰樣呃咗😂 呢啲天氣望住嗰海都真係幾舒服，仲會送嗰菜同湯羹🤤仲有特別要一提係Google map 同Openrice 嗰地圖有少少偏差，開始懷疑自己嘅時候繼續向前行就係😂

⭐️新潮發海鮮菜館⭐️📍: 長洲北社海旁路13號地下C號鋪放假去左長洲小旅行，好耐無入黎長洲多左好多街頭小食，去長洲當然要食海鮮啦，經過海傍呢間新潮發海鮮菜館做緊海鮮餐優惠幾抵食就入去試下~精選3款小菜套餐 ($278)🌟黃金蝦黃金蝦表面脆醬不厚還帶脆，金黃色的鹹蛋鹹香惹味，食落唔會好漏，推介🌟椒鹽九肚魚每次食中菜我多數都會叫既椒鹽九肚魚，一上枱超級香噴噴，而且熱辣辣，記得趁熱食! 九肚魚炸得香脆，外脆內軟，入口有化開既感覺，而且炸粉唔算好厚，超惹味🌟椒鹽骨又一款香口小菜，份量都幾多，配埋椒鹽同炸蒜粒調味，好好食

趁平日放假，入長洲 行下踏下單車，食下海鮮午餐揀左人流最多嘅#知名 #新潮發海鮮菜館服務員落力招呼💪驚喜送😍😍 粟米羹/湯必食黃金蝦：咸蛋黃沾滿開邊蝦所以蝦肉都食到黃金味唔止於蝦殼，蝦肉嫩爽。蠔餅煎蛋：粒粒脹卜卜蠔肉好足料，蛋煎得好香唔油膩， 不錯。椒鹽九肚魚：肥美大條， 我初初以為係魷魚， 表皮酥脆可口 好like 佢少油。蒜蓉炒菜：蒜蓉好香 蔬菜碧綠爽口 下次約埋多D朋友再來佢地既海鮮同小菜都好好食特別係蒜茸蒸開邊蝦蝦仁蒸蛋再叫埋聖子皇， 蒸扇貝，瀨尿蝦，東風螺。。🤤🤤🤤🤤坐在室外邊位可以吹下風 睇下海景食下海鮮 ， 一流享受🥰

長洲都有不少海鮮餐廳， 今日去完長洲玩， 就順便食餐海鮮， 大排檔的風味，可以喺餐廳盡顯。今餐揀左4個餸都只係328 今日嘅主菜包括：蠔仔煎蛋、黃金大蝦、蒜蓉炒菜心和椒鹽鮮魷。 蠔仔煎蛋，蛋煎得好金黃，蠔仔每粒都好飽滿， 仲有少少海水的味道。 其次就是黃金大蝦， 雖然份量唔係好多， 但炸得好香脆。 椒鹽鮮魷，皮薄而鮮魷很彈牙。 最後就是蒜蓉炒菜心，綠油油嘅菜，識落唔會滿口油， 菜心都絲爽口， 唔會過淋。 整體來說，如果想喺長洲食完晚餐才離開可以揀選一下這些海鮮酒家。

近排週末大家都好鐘意去離島玩下行下，我今個週末就去左長洲😊去長洲最好就係食下小食，之後食番個海鮮餐。今日經過海旁路揀左一間叫新潮發海鮮菜館食海鮮小菜，都覺得幾抵食，想推薦比大家。佢叫兩個小菜係$188，3個小菜係$278。今日我地兩個人食左＜3個小菜餐＞： 🔸️蒜蓉蒸開邊蝦（8／10）都幾大碟，蒜蓉味好足，啲蝦細細隻但係好甜。 🔸️豉汁蒸倉魚（8.3／10）呢條魚唔錯，幾新鮮，肉質又夠實，豆豉味好出。 🔸️蒜蓉蒸扇貝 （7.8／10）總共有四隻，蒜蓉味又係好出，啲粉絲吸曬啲蒜蓉味好正。扇貝都有鮮味。 另外老闆仲跟左個粟米魚肚羹同埋炒左碟生菜俾我地，配埋白飯成餐就非常滿足飽肚。😊😊 ✏️總括而言，二百幾蚊食到三樣海鮮10分抵。

去離島玩左成日肚餓，梗係要食下海鮮、小菜啦，呢間地道餐館，抵食又好味，仲好有feel🥰望住海邊海景，人又唔多，特別有風味，呢種港式情懷呢度特別正，識食就食呢隻👍🏻價錢經濟實惠，百幾元已經有交易，今日揀三款海鮮都係$278，市區點會食到吖😍而且旁邊有海鮮檔，客人亦可以自己買比餐廳加工，下次一於要試吓😀原來呢度仲會贈送湯羮比客人，日日不同，當然遲來賣哂就無啦，今日係粟米魚肚羹，好味又暖胃，正，咁懂待客之道，唔怪之得佢咁旺埸啦👍🏻👍🏻👍🏻白勺鮮魷🦑，夠份量，配料多，入口彈牙爽口，一個字「鮮」😋招牌菜「黃金蝦」🦐，極力推薦，送酒一流，外脆內軟，真係連殼都食埋，滋味可口👍🏻豉汁蒸白鱔，陣陣香味，未食已經口水流，肉嫰無骨，蒸得啱啱好，好快就俾我哋食晒😂呢度環境好，招呼周到，性價比極高，入開嚟長洲，真係一定要試吓👍🏻👍🏻👍🏻

新潮發海鮮菜館是一家令人印象深刻的海鮮餐廳，我最近在這裡用餐，非常滿意這裡的菜式和服務，很有驚喜！首先，我為這裡的粟米魚肚羹印象深刻。這道菜式味道香甜，魚肚質地軟滑，而粟米則增加了一些脆度，使得整道菜式更加美味。其次，我也嘗試了這裡的椒鹽炸魷魚鬚，這道菜式味道香脆，結合了椒鹽的風味使得整道菜式更加獨特。再來，我還嘗試了這裡的蒜蓉蒸開邊蝦，這道菜式味道鮮美，蝦肉質地軟滑，而蒜蓉則為整道菜式增加了香味。最後，我還嘗試了這裡的豉汁蒸白鱔，這道菜式味道風味十足，鱔魚肉質軟滑，而豉汁則為整道菜式增加了濃郁的味道。總的來說，我非常推薦新潮發海鮮菜館。這裡的菜式味道美味，而且餐廳的服務也非常好，是一家非常值得推薦的餐廳。如果您喜歡海鮮，請務必前往品嚐品嚐！

新年冇去拜年，就去長洲行個大運！到最後梗係要食個豐富嘅海鮮餐先走！見到呢間個餐牌都幾抵食，三百幾蚊仲有四個餸，而且四個餸都可以揀晒海鮮，同埋見到有咁多人幫襯，於是我哋都決定試吓呢間我哋叫咗薑蔥炒蟹、蒜蓉粉絲蒸扇貝、黃金蝦、豉椒炒蜆薑蔥炒蟹有兩隻蟹，個蟹仲有膏添！豉椒炒蜆既蜆肉粒粒飽滿，而且唔會有沙，都幾新鮮蒜蓉粉絲蒸扇貝都唔錯，最正係將個蒜蓉撈埋粉丝一齊食黃金蝦整得都幾香，蝦殼都可以食埋，整體嚟講真係幾抵食