新潮發海鮮菜館

本身冇諗住比評價 不過差到貼地真係成世人都未食過咁難食嘢海鮮知道入長洲唔應該食海鮮 但都唔係咁呀叫咗幾碟海鮮 全部都勁唔新鮮極度懷疑佢哋自己都唔會得落首先係白灼花螺 啲螺極霉仲有陣苦味食咗幾粒就已經放唔到入口心諗算啦呢個可能唔係招牌菜點知個椒鹽鮮魷同黃金蝦都難食到pk 椒鹽鮮魷還好 啲鮮魷叫食到落肚啦唔算好韌 ok有啲咬口不過椒鹽就唔知去咗邊 炸完出嚟係腍晒 如果有得揀唔會食囉個黃金蝦真係最噁心炸完又係腍嘅 又係完全冇鹹蛋香味得一層好難食嘅炸粉味啲蝦極度霉 勁淋完全冇咬口狗都唔食 唔明點解咁都上到枱啲嘢食難食都算啦間嘢最弊係連service都冇仲要嗰日咁啱要收加一個阿叔成程黑口黑面態度差如果真係咁唔等住做生意就唔該退返錢比我哋成餐飯都冇一樣嘢係好食嘅加埋佢哋咁嘅態度真係唔知講咩好長洲啲餐廳越做越衰懷疑佢哋幾間海鮮餐廳喺度鬥做得差總之去長洲就唔應該食海鮮…查看更多

在長洲玩了半天後，決定吃完晚餐才走，經過這家時，看到價錢合理，坐下試試，特意選了海邊座，涼涼的海風非常寫意我們點了$278/3款餸菜，店員說每桌都送湯和炒菜炒生菜送上的生菜不欺場，生菜爽脆鮮甜粟米魚肚羹裡面粒粒粟米和魚肚，雖然免錢但很大碗，而且質素有驚喜豉椒炒蜆豉椒味道鹹香，令蜆肉更添鮮味，蜆肉份量不少，而且完全沒沙，推介蒜蓉蒸開邊蝦蒜蓉香氣撲鼻，蝦肉彈牙，粉絲吸飽蒜蓉的香氣和蝦汁的鮮甜，非常下飯蒜蓉蒸班頭腩 +$30班頭腩魚肉結實，魚味香濃，魚皮煙韌充滿骨膠原口感，魚鮮出色性價比非常高的海鮮菜館，下次來長洲會再來…查看更多

新潮發海鮮菜館地址：長洲北社海旁路13號地下C號舖海旁呢間「新潮發海鮮菜館」真係唔錯，海鮮同小菜都出色！今日呢餐真係勁有海鮮風味，啖啖滋味，食得滿足！🍽️🦐🐟 最喜歡喺下面呢兩樣❤️❤️白灼鮮魷 🦑鮮魷肉質鮮嫩爽口，咬落去彈牙又啖啖鮮甜🔥✨簡單嘅白灼做法保留晒原始海洋鮮味，食落特別鮮香惹味！絕對係海鮮控必試嘅一道美味😋🥢 ❤️ 蒜茸蒸開邊蝦🦐蒸到啱啱好，啲肉嫩到冇朋友！每一啖都爽滑彈牙，加埋香噴噴嘅蒜蓉，好味！底仲鋪滿爽脆銀芽，淋埋豉油，雖然做法簡單，但係味道夠晒層次，認真抵食！🦐🤤✨…查看更多

🍽️新潮發海鮮菜館📍長洲北社海旁路13號地下C號舖呢間海鮮同小菜都幾好食，去開長洲玩嘅朋友可以試吓，呢幾樣都好味呀😋～豉汁蒸鯧魚🐟🍲鯧魚肉質嫩滑，吸滿豉汁嘅香濃味道，鹹香入味，咬落去啖啖都係鮮甜，感覺非常滿足！ ～豉油王煎蝦🦐🔥大蝦煎到金黃香脆，豉油王嘅鹹鮮味滲晒入蝦肉，帶出濃郁嘅蝦香，無得輸🤩～油鹽水蜆🐚🍲蜆肉鮮甜爽口，簡單煮法保留晒天然鮮味，鹽水輕輕提味，每粒都係海洋嘅精華！ ～蒜蓉牛仔骨🥩🧄牛仔骨外脆內嫩，蒜蓉嘅香氣爆棚，每口都係肉汁同蒜香嘅完美融合，食落超滿足😄 ～ 蒜茸蒸開邊蝦🦐蝦肉爽滑嫩口，蒜香十足，簡單而又出色，淋埋豉油食到你唔停口😬…查看更多

今日係拍拖週年紀念，我地一早計劃咗離島半日遊，可惜….下雨，但也無咗我們出發嘅決心，就向長洲去。老公一落船就話要醫肚，本打算掃街，食大魚丸、糯米糍、平安包….但被多間海鮮店極力推介$188/2款、$278/3款…仲送湯和油菜，抵！飯店整齊企理，座位唔少，坐外面仲可望住海，幾舒適寫意。超多選擇，有多種海鮮外，仲有肉類、蔬菜可選，而粉麵飯就雖單點。馬上送來魚肚粟米羹 ($0)，十分足料，魚肚鮮美，粟米爽口多汁，順滑可口，不錯！白灼生菜 ($0) 新鮮爽嫩，淋上熟油，賣相亮麗。老公愛肉，點了蒜蓉牛仔骨 ($$278/3餸)，好夠鑊氣，舖上炸蒜碎，蒜味濃郁，香氣撲鼻，肉嫩入味，大大碟，好食又抵食！我一揀就揀果皮蒸班頭腩  ($$278/3餸)，每件都份量十足，好厚肉。肉質雪白，嫩滑鮮美，魚皮黏滑富膠質，搭配甘香的果皮，最佳拍擋。再點推介的黃金蝦  ($$278/3餸)，外層沾上香濃的鹹蛋黃，鹹香可口，蝦仁啖啖肉，連殼都可食，口感味道層次豐富。…查看更多