新漢記飯店

營業中

休息中

早排心思思想食吓手工中菜，無訂枱又試下Walk In ，有食神眷顧果然有位。一直都知道係比較有心思同有水準嘅客家菜，只是份量偏小同定價略為偏高，不過一次半次就照食，附近真係無乜太多選擇。———————————————————————————🥢自家製黃酒炒雞🐔💬薑米同黃酒味道非常濃郁，滲透入每一件雞裡面，雞柔軟嫩滑，仲有紅棗的確係滋補😌.🥢三杯焗新鮮豬腸🐽💬呢個豬腸煲好惹味又夠乾身，豬腸襯熱食唔會韌，三杯汁係最出色嘅配搭😌.🥢鹹菜炆本地黑毛豬肉🐽💬本地嘅新鮮黑毛豬腩肉，夠晒份量，配搭鹹菜炆煮，餸飯一流😌.🥢豆醬炒青瓜苗🥒💬係青瓜未長大嘅時候係最嫩同爽口，感覺係唔會經常食到，每一次都會叫嚟食😌.🥢豬油砵仔飯🍚💬無論肚腩有幾大，都無阻豬油撈飯放入口中，油香飯香真係無法抗拒😌.🥢自家製黑蔗糖蜂巢糕💬黃金糕變奏版本，黑糖嘅甜味令人停唔到口，不過要適可而止😌

▫️客家鹹菜紅炆鮮豬肉_$168「鹹菜喺客家菜好常見，新漢記嘅鹹菜鹹中帶甜，而且吸滿豬油，淨係白飯撈鹹菜都好開胃。鮮豬肉嘅肥膏輕輕痴住瘦肉，冇冰鮮味又炆到極之軟爛，用脷一頂已經可以頂散～」識食：🧡🧡🧡🧡🧡🧡▫️沙薑走地雞飯_$55 (午市套餐價)「走地雞竟然都做到好似海南雞咁嫩滑，份量亦一啲都唔小氣！仲要唔係俾白飯而係油飯，啖啖入口都有雞油香。套餐包咗例湯，聲稱不含味精，味道正常。」識食：🧡🧡🧡🧡🧡🖤▫️韭菜珍珠蠔煎蛋飯_$55 (午市套餐價)「珍珠蠔係喺附近沙頭角海取貨嘅新鮮蠔仔，唔會有腥味，不過味道稍咸。而煎蛋同韭菜組合點會有錯，套餐同樣包例湯。」識食：🧡🧡🧡🧡🧡🖤.環境：🧡🧡🧡🧡🖤🖤服務：🧡🧡🧡🧡🖤🖤抵食：🧡🧡🧡🧡🧡🖤//客家菜有唔同分支，新漢記嘅係圍頭版本。特色係將海鮮同河鮮加入農家菜，同埋使用更豐富嘅醬料調味。除咗上述嘅抵食午市套餐，佢哋嘅紅蔥爆連墨汁鮮吊桶、炸門鱔亦係圍頭客家菜嘅代表。//.🍽新漢記飯店🚪@sunhonkee📍粉嶺聯和墟和豐街28號囍逸商場地下G01號舖.

· 油浸本地水培大筍殼筍殼魚油炸後，再淋上甜豉油，魚肉好嫩滑，真正外脆內嫩，好味👍🏻· 招牌梅菜扣新鮮豬肉梅菜扣肉必點，豬肉好大塊，肥瘦相間，口感腍身，好入味，撈飯一流。· 回鍋花生苗上菜先知呢啲比較粗身好似芽菜嘅係花生苗，口感爽脆，加咗肉碎炒，小小辣，幾惹味。· 香煎墨魚餅食到粒粒墨魚，但口感唔算彈牙，相比較普通。· 鮮鳳梨山楂咕嚕肉記憶唔深刻，不過不失。· 豬油砵仔飯豬油撈飯冇得輸🥹用砵仔蒸飯，飯粒相對會乾身啲，飯粒同樣粒粒分明，比較有口感。· 自家製黑蔗糖蜂巢糕黑糖味好香，唔會太甜，帶小小煙韌感。

個個餸過百， 唔算唔值錢嘅餸都貴過出面 20-30％味道還好，唔太特別。啲嘢好細碟 。限時要90分鐘食， 一過少少就趕你走。明明無等位，大把位都驚你阻住佢收工咁。但我係食6pm 到7半。

平日都好少係粉嶺揾食，但好耐之前已經聽過人介紹呢間號稱新界大班樓嘅地方，港島大班樓就試過啦，咁今日就黎一探究竟，屋企人大約兩星期前訂位，一行六人～去到7:30等左大約十分鐘就入坐啦由於屋企人都唔算好大食量所以好似叫左好少野咁～之後再黎就係黃酒煮雞，味道偏甜，得個人黎講就好鐘意，啲雞夠滑同埋份量都唔會太少之後呢個肥腸面個啲個味幾好味，但底個啲有大半個底係燶左，呢個要扣少少分鮮鳳梨山楂咕嚕肉，不過不失，不過我自己本身對咕嚕肉比較高要求，我食完都無咩印象，所以呢個可叫可唔叫另外就係呢個秘製生炒糯米飯，好味，但同强記比都係爭少少，但佢都係一個有水準既糯米飯紅蔥爆豬潤，呢個好惹味，火喉好好唔會過老第一碟黎既係香煎墨魚餅，呢個做得唔錯，一啲都唔油同埋夠彈，賣相好靚價錢又唔貴，必試黑蔗糖蜂巢糕好好味呀，一啲都唔甜炒菜都係正常野啦，無咩特別

I recently visited this Hakka restaurant in Hong Kong and had a wonderful experience. The food was flavorful and reasonably priced, and what impressed me the most was that I didn't experience any dryness in my mouth after eating, which can be a sign of MSG use in Chinese cuisine. It seems like this restaurant doesn't use MSG in their dishes, which is a rarity for Hakka restaurants in Hong Kong.I highly recommend this restaurant to anyone who is looking for authentic and delicious Hakka cuisine.

晚飯食過幾次，反而午餐未試過，趁今日有時間，專程由九龍入去試吓，午餐由11:30-15:00！我哋1:00去到，有啲驚要等位，好在只係得幾枱客😅不過陸陸續續開始多人入嚟！睇到有食評講d服務好差，但係自己親身感受到又超級好🤔，姐姐收嘢會講吾好意思，唔使阻住， 慢慢坐🤭兩個人今日揀咗🥢 蔥油走地雞飯 $55👍- 整體叫幾好食，由其蔥油豉油（下次一定要叫多蔥油同多食色），敗筆係飯吾夠熱😅🥢鹹蛋黃燉肉餅飯 $50👍- 呢個餸喺夜晚係必食， 所以試吓午餐，當然份量少好多，味道同夜晚都相似， 敗筆都係飯唔夠熱😅

網上介紹這店 客家味道正宗 便去一試 預先訂了位 到達時見客人不多 有很多吉位 裝修頗新穎設有是日午餐 但原來訂位是不可以點午餐呢餐牌的價錢初看不算很貴 但當食物送上時 大家都O咀 因為份量超少 一客釀涼瓜 只有5件 梅菜扣肉 用傳統公鷄碗上菜 大小可知 煎墨魚餅 小菜收費 點心size 純以味道來看 很正宗 豬油撈飯雖不健康但很香 另慢煮滷鵝 火喉差了些 較難咬開剛吃完這餐不久 我們很快就要去吃下午茶 因為大家都吃不飽唯一讚的是服務員很熱情 不過唔會再來呢

一行六人訂左6點，7:30 前要交枱，基本上我哋食完都吾冼7點。鹹菜胡椒豬肚湯$98，煲得完全吾夠時間，好似一個加左大量水嘅鹹味湯。梅菜扣鮮豬肉$198，豬肉入口即化，幾好。紅蔥頭爆吊桶仔$198，好有獲氣好惹味。白灼豬前腿筋$168，主要系食個汁，好一般。鮑汁鵝掌撈麵$268，要趁熱食，否則啲麵會一舊舊糊住，因為有豬油，所以幾肥膩。咕嚕肉$128，d肉好乾，唯一亮點佢系用新鮮菠蘿。炒青瓜苗$128，口感古怪，試過就算。地瓜丸10粒$88 和黑糖蜂巢糕8件$68，成晚最好食系這兩樣。豬油撈飯$15/客，冇試。埋單$1568，整體來說，食物質素、份量和價格不對等，若然系附近就可以一試，但山長水遠去，就真係冇咁嘅需要。試過便算，不用再去。

由舊鋪食到新鋪 食物/ 服務每況越下本應第一次去新鋪食都覺得好似爭左d 但都比多次機會啦 始終都住呢頭附近 今次第二次去 諗住問下筍殼魚幾錢 點知一聽到覺得個價錢完全唔值 而且講完價錢又無話你知大細/ 幾重 （咁當我唔識野啦） 之後我地話咁我地再考慮 然後態度就180 度轉變叫佢地加個水 大大力擺落枱發脾氣咁 最後賣單發現計多左 2個飯 其實每次去佢地都會sell 你所謂既「王牌菜式」 有叫既服務咪正正常常 市區大把選擇 唔係就屋企人都唔會再食無下次 貼錢賣爛受 呢個價錢名過於實

第一次聽到新漢記是一位喜吃美食的朋友，推介為新界區的大班樓。然後陸續聽到朋友話好難訂檯，所以去之前已滿有期待。作為一個港島人，去粉嶺真的路途遙遠。幸好店旁有停車場，非常方便。我訂了 下午 6:30檯，凖時抵達，因要8:00前交回枱。一看餐牌，不得了。太多菜想試，幸好今次人多，就多點一些菜。白烚豬前腿筋軟腍，但有㬭勁，沾店自家醬汁，用來送酒一流。白烚第一刀（梅頭肉）梅頭本身肉質靚，白烚較健康，沾少許醬汁更美味。香煎墨魚餅是我記憶中最好味的墨魚餅，比起潮州菜館更出色，香脆但不油膩，魚餅彈牙。梅菜扣新鮮豬肉作為一間客家菜館，梅菜扣肉也是必試菜式。梅菜不會太鹹，略帶甜美，送飯一流。紅蔥爆連墨汁鮮吊桶鑊氣夠，吊桶鮮，咬下即有墨汁噴出，很快已整碟清空。鮑汁鵝掌撈蝦子麵鵝掌炆得夠入味，用沙鍋上夠熱，全枱人大讚。豬油渣生炒涼瓜茄子這道菜頗有驚喜，從未吃過這組合，但又出奇的夾。三杯焗新鮮豬腸豬腸用三杯汁的造法，比較冶味，但內臟始終不宜多吃。自家製黑蔗糖蜂巢糕（半份）特色是質感，一般蜂巢糕較chewy, 但這款是鬆軟的，而且用黑蔗糖，感覺甜得柔和，老人家和小朋友吃也合適。服務的女侍應非常殷勤，對餐牌非常熟

都聽聞過呢間餐廳啲嘢好好食，所以特登咁遠水路到揸車入去粉嶺食。樣樣嘢食嘅水準都好高，真係好食㗎。不過每碟餸嘅size唔算大，如果多啲人一齊食，就可以試到好多唔同嘅菜式。餐廳都幾爆，所以我哋坐嘅位都幾迫，我哋五個人，佢都係比張四人枱我哋姐。餐廳門口裝修望落去都幾靚，但係入到去其實感覺就有啲hea feel 。 但係嘢食就真係好好食，必食嘅係有豬腳筋，佢哋仲有炒青瓜苗，真係第一次食同第一次見！ 不過價錢來講真係有啲貴，似係中環嘅價錢，但係喺粉嶺就會覺得有啲唔值。

之前生日飯其中一餐揀左有新界大班樓之稱既新漢記 @sunhonkeeUmmm 真係唔知邊個幫佢起呢個朵(  ･᷄֊･᷅ )佢明明係食客家菜既試左唔少野 唔差既但唔知係咪太高期望感覺整體係underwhelmed既◦香辣蟹拌麵◦當初吸引我bookmark就係佢.ᐟ‪‪‬呢個係好食既辣勁十足 蟹都頗大隻兼多肉拌麵吸收哂精華但以佢價錢 麵份量可以慷慨啲啊◦紅蔥爆連墨汁鮮吊桶◦另一個睇運先叫到既招牌菜都係唔錯既 吊桶連墨汁原隻上爆炒過既紅蔥好食覺得可以更惹味◦香煎墨魚餅◦墨魚餅食得出係自家製 好厚身墨魚味滿滿 唔係用粉充斥係其中一樣大家都讚既菜式我個人prefer有番啲粒粒口感◦白烚第一刀◦即係烚梅頭肉嗯 大家都唔太食得出佢過人之處理應比味既特調紅蔥油豉油都唔出色◦豆醬炒青瓜苗◦新奇既蔬菜 幾爽口不過又未至於係想再食◦自家製手打一品鮮魚麵◦呢個係最跌眼鏡佢既手打鮮魚麵同食開既魚片完全無分別配料同調味都好平平無奇總結 我會努力等大班樓開新booking(;´д｀)✿✿✿✿✿✿✿✿✿✿✿Follow @lastbitematters for more

好耐冇嚟過 因為住得唔近😹 但水準依然保持住 以下三樣前菜酒餚係每次嚟都必叫👍🏻: - 白烚豬前腿筋: 一隻豬得兩條前腿筋位 滿滿嘅膠質有嚼口🤤  - 白烚第一刀: 即係梅頭豬肉位 啖啖肉肉質軟腍😋 - 麻辣牛胸爽: 咬落爽口十分惹味😚 其實點菜嘅時候都好難決揀因為樣樣都招牌菜 想食特別野可以打去直接搵漢哥寫菜‼️  📸 1️⃣ 金牌鹽焗重皮盤 ($1082/4隻) 2️⃣ 白烚豬前腿筋 ($168) 🌟 3️⃣ 香辣蟹加麵底 ($726) 4️⃣ 白烚第一刀 ($168) 🌟 5️⃣ 油浸本地大筍殼 ($588) 6️⃣ 客家豆豉豬肉缽 ($238) 7️⃣ 走地大扇雞 ($298) 8️⃣ 紅蔥爆連墨汁鮮吊桶 ($297) 9️⃣ 麻辣牛胸爽 ($368) 🌟 🔟 自家製黑蔗糖蜂巢糕 ($64)

長途跋涉專程從港島到粉嶺朝聖這間正宗客家菜，體驗到此小店對食物和服務的質素非常堅持：他們所謂的正宗客家菜，豬肉必須要非常油膩，麵要夠硬，霸王米粉要清淡無味；老闆為我們落單時，溫馨提示點食物要一次過，因為他們上菜要慢慢來，但顧客要食得快；店員奉上食物時，再溫馨提示為我們切食物時，汁和油會四濺，顧客要彈開自保；開瓶費標價60 ，實收要100加一；最後還沒有享盡食物之前，已被邀請離開，因為下一台客已經在等候。