新泰東南亞餐廳 (興旺閣)

營業中

休息中

好耐冇食過泰國菜，今日就去到呢個餐廳食啦😊🔖燒豬頸肉💰78幾乎每一次食泰國菜都一定會嗌燒豬頸肉🤩豬頸肉肉質爽彈，油脂分布平均，配上惹味嘅泰式醬汁，兩個人好快就清晒呢一碟嘅燒豬頸肉啦🤣💫推薦指數: 8.5/10🔖泰式柚子蝦沙律💰98入面除咗香同柚子之外，原來仲有魷魚㗎🦑另外仲有好多唔同嘅配料，所以食落去個味道非常有層次😋最鍾意係佢入邊仲有啲腰果添，非常香口！💫推薦指數: 9/10🔖冬蔭公海鮮炒飯💰88大大碟嘅海鮮炒飯，味道非常濃郁，但唔洗膽心會好辣🙈入面嘅海鮮有蝦、魷魚同青口😆啖啖滿足啊！💫推薦指數: 8.5/10🔖越南鮮胡椒炒牛𦟌💰88呢個菜式好惹味，香料味都幾重下🐽入面係有洋蔥、三色椒同九重塔等等~牛𦟌份量十足，質感軟腍，正啊🤓💫推薦指數: 8/10🔖三色冰💰38呢杯飲品帶有濃濃嘅椰香味🥥色彩繽紛，仲好冰涼，夏天飲就最啱☀️💫推薦指數: 7/10🔖泰國椰青💰45泰國菜總係偏油膩，呢個時候就最適合飲清甜嘅椰青🥥椰青大大個，而且仲刮到好多嘅椰果肉啊🤭💫推薦指數: 9/10

夏天熱辣辣，唔想食粥粉麵飯，淨係想食啲開胃嘢, 同朋友黎咗灣仔大王東街呢間泰國餐廳，就咁睇openrice食評好似好好食咁，一於試吓餐廳環境都唔錯，似泰國傳統餐廳，座位都闊落，我哋叫咗唔同嘅嘢食，包括有大蝦柚子沙律，串燒沙(雞豬各一半)，泰式青咖哩雞，印度薄餅同泰式炒椰菜仔，野飲叫咗兩杯沙冰，椰青沙冰同菠蘿🍍沙冰食物上枱，串燒新鮮熱辣辣，燒得剛剛好將雞肉及豬肉嘅肉汁鎖住，唔會乾身及鞋身，點埋個沙爹醬汁，YUMMY 好惹味。大蝦柚子沙律，食泰國菜必吃，新鮮柚子加上大蝦，仲有酸酸辣辣的醬汁，大蝦新鮮彈牙，食到停唔到口泰式炒椰菜仔，椰菜仔細細粒，清甜易入口。泰式青咖哩雞&印度薄餅，青咖哩雞汁濃，唔辣，要黎送薄餅一流。最後介紹番兩杯沙冰，椰青沙冰賣相一流，沙冰好澎湃，多到漏晒出嚟，飲落好清新唔太甜，反而菠蘿沙冰有甜甜的菠蘿味，解暑必飲~~ 總括嚟講，可以再試

黎到見到三層高既泰國餐廳，真係嚇左一跳，好有泰國特色！🇹🇭同大部分泰國餐廳類近，食物種類好多，價錢亦都合理，性價比都算高👍🏻👍🏻。今次我地就坐左上2樓，內部裝修都好有泰國風情～再加上有塊大玻璃，採光一流！先叫左個冬陰功湯，2個人食，細份剛剛好2碗多小小，配料十足，味道濃郁，好好既開胃菜。🤤講到泰式燒烤，燒豬頸肉真係人見人愛，佢地燒得幾好，再配上自家製既泰式酸辣醬汁，好惹味～～有肉有湯點小得條魚，見好多人都推介鹽焗鱸魚，試試佢！一打開魚肉，香氣撲鼻，魚汁出晒黎，好食得黎又健康👍🏻，符合現代人既飲食習慣。馬拉盞炒通菜相信都會係每個人食泰菜必叫既食物，菜份量極多，亦有唔小馬拉盞，一上台時就香味四溢，果然係必叫之選。臨尾叫埋炒金邊粉食，完完整整既泰國晚餐。金邊粉份量算多，有個靚靚既蛋網包住，配料十足，抵食又好食👍🏻。最尾，今個夏天真係熱死人🥵，無得唔叫返杯椰青，大大個又清爽，一流！椰汁三色冰有驚起，入面竟然除左綠色果款，仲有黃色既大樹菠蘿肉！口感豐富又好飲，可以試試佢！

前排同朋友一齊食咗泰國菜～咁岩喺灣仔道搵到一間泰國餐廳入到去嘅時候會覺得嗰個裝修嘅環境非常之有泰國嘅風味，同埋啲侍應都係泰國人我哋叫咗幾個菜，同埋一個椰子沙冰～椰子沙冰真係成個椰子拎出嚟俾你，可以食到好多椰子肉，個感覺真係好爽！之後燒雞入邊有炒飯，炒飯充滿咗所有雞嘅香味，超級好食！同埋特別推薦食魚！佢嘅湯汁配上魚係非常之好食！

今晚放工約左朋友食泰國野，事前梗緊book左位先，新泰一向既評語都唔錯，地方夠大坐得夠舒服，雖然有成3層，但即使係星期四晚，都坐得好滿，唔想等既最好都係book位先。串燒拼盤，可自選雞牛豬，我就每樣都有叫，燒得好夠火候，充滿泰式風味，配上佢個沙嗲醬簡直係一流，好耐未食過咁高質既串燒。小食拼盤，分別有炸蝦餅同埋魚餅，兩樣都係新鮮炸起的，十分脆，餡料都好足，唔會粉多！泰式蟹肉炒粉絲，分量好足有成大碟，粉絲炒得乾爽，唔會過份油膩，因為配左大量既蔬菜去炒，蟹肉分量都幾多，食前撈一撈就可以啖啖蟹肉！最後當然要食返個泰國甜品，泰式甜品小拼盤，每樣都有兩件，同朋友一齊分就岩岩好，個人比較推薦班蘭糕同椰汁糕，味道都原汁原味，唔會過甜

舊同事即將移民, 約出黎聚下, book咗灣仔呢間泰國菜新泰, 多年來曾經幫襯多次, 食物味道質素值得一再encore!餐廳樓高三層, 環境裝修富有泰國時尚風格, 每晚幾乎全場滿座, 多年keep得住人氣。Menu款式多, 我地點咗幾款share回味。醃無骨鳳爪沙律: 無骨鳳爪有軟筋連帶, 夾集洋蔥絲、蔥絲、茜芹絲、車厘茄, 加入了酸辣汁平均撈起, 爽口鳳爪軟筋配合唱口嘅配料, 酸酸辣辣又有層次, 好開胃。每次黎都必點!日本南瓜焗海鮮飯: 原個南瓜裝住個海鮮飯, 面層芝士可以拉起絲, 配搭豐富, 包括有爽口嘅蝦、墨魚、大大隻青口, 以炒飯做底, 大量南瓜汁能將整個飯撈起, 令飯質濕潤, 當中亦加入了好林、近似南瓜蓉嘅南瓜粒, 每啖都有南瓜嘅清甜, 南瓜盅內仲有少少南瓜肉, 可以刮埋黎食, 兩個人食, 已經好飽肚。原個椰青大菜糕 : 大菜糕充滿清甜椰青味, 味道很清新, 夾集了多片林中帶微爽嘅椰青肉, 正!

今晚去左灣仔新泰食泰國菜，好耐無食過，吾知食物質素有無變呢？醃無骨鳳爪沙律 $68 ：黎親新泰實會order依款小食。首先酸酸辣辣作為開胃菜一流。而且份量相當多，當中除左無骨鳳爪之外，仲加入洋蔥、西芹、小番茄等配料，令食起黎充滿多重口感。泰式去骨海南雞（半隻） $128 ：食泰國野一定會叫海南雞黎食，餐廳既海南雞肉、雞皮非常滑口，吾算太過油膩。由於去骨關係，所以食落啖啖肉。可惜，依度既海南雞醬汁只提供兩款，無甜豉油好似差左啲味道甘。不過辣汁也不錯，令雞肉多份味道。串燒沙嗲 $88 ：串燒均有兩串豬、牛、雞。最好味的竟然系雞串燒。雞肉好滑口，完全吾乾吾硬，每粒雞肉亦大大粒。相反，豬、牛串燒相比下，口感乾和硬口，吾太食得出當中味道。不得不提餐廳既沙嗲醬極度濃郁，完全吾似出面好水好稀既醬汁！芒果糯米飯 $68：芒果肉味道甜中帶少少酸，食落幾開胃。而糯米飯也分有黑糯米、白糯米，黑糯米較為有點硬硬地更有口感，而白糯米口感則會較黏軟。上面加有甜椰漿，令整個糯米飯更香口又帶左一份甜味。

新泰有好幾間分店，質素有保證出去灣仔要突然好想食泰國野，即刻諗起新泰灣仔分店原來有兩層高,地方非常之闊落二樓更加有私人房,大圓枱非常適合一大班人聚會星期日都有lunch set,抵讚，仲可以加錢食小食泰式蝦炒金邊粉基本上係泰國餐廳必叫，呢間都幾水準，蝦又炒得爽口冬陰功湯❤️非常足料，除了平時的配料還有手掌甘大的蝦湯非常鮮甜,微微 辣飲完非常開胃無骨鳳爪沙律凍冰冰酸中帶辣，配搭西芹蘿蔔絲。越食越辣越食越野味

之前食過新泰灣仔舊店，有日行開bakehouse先知原來新泰搬咗黎大王東街，仲要晒一座三層嘅building，咁應該唔駛等咁耐位喇🤣🤣我地今晚被安排坐一樓嘅枱，地方闊落，依然係充滿泰式風情。嚟到第一件事自然係揀定杯解辣飲品，男友嘅珍多冰唔算甜，如果啫喱粗條啲應該仲好食；我嘅椰青清甜好飲，不過真係一食辣嘢飲幾啖就見底😂😂我地兩個人叫咗客細嘅冬陰公，賣相自然冇大份咁搶眼，湯好惹味，有兩隻半隻嘅開邊蝦，唔駛剝殼幾貼心。小食叫咗豬頸肉同鹽焗鱸魚，兩個都係食醬汁嘅，本身調味唔算濃，一點個醬即刻昇華幾倍。新店好似炒嘢嘅廚師特別出色，今晚最好食係馬拉盞通菜同炒金邊粉，通菜又爽脆又香，金邊粉都炒得軟腍又乾身👍🏻👍🏻太飽嘅關係我地冇嗌到甜品，灣仔區食到飽到行唔到都係人均$300真係好抵食

今日嚟到灣仔食飯，發現原來呢頭附近有好幾間餐廳，都係佔全幢building，有幾層樓高。呢問餐廳亦都唔例外，有三層樓高，非常大，好多位置。位置好闊落，每張枱之間嘅距離都唔近，所以坐落去都非常舒服。而旦價錢唔貴都幾抵食。炭燒豬頸肉，有成10塊咁多。燒嘅時間啱啱好，豬頸肉咬落去非常之軟熟，一啲都唔乾，點埋個醬汁一齊食，非常之惹味。泰式奶茶，大大杯，幾滑幾好飲。甜品拼盤，一份有晒咁多種款式嘅甜品，同朋友來share就最適合啦，芒果糯米飯嘅芒果好甜，糯米飯嘅院屬程度剛好，椰汁亦都非常之香濃。

夏天終於到了！天氣非常炎熱🥵⋯⋯口淡淡！冇乜胃口！老婆建議食泰國菜啦！酸酸甜甜又加啲辣最啱呢個時候食啦⋯⋯以前就可以飛去泰國⋯⋯不過呢間餐廳食物水準拍得住泰國⋯⋯味道相當正宗！🍴🍴新泰東南亞餐廳🍴🍴芒果冰沙芒果🥭冰沙非常清甜，大大杯！最啱就係食泰國菜啦⋯⋯泰式柚子蝦沙律🥗蝦仁非常爽脆，柚子酸酸甜甜，又有辣味！非常滋味！腰果仲保持香脆！醬汁超好味😋必食！馬沙拉咖喱我哋叫咗豬肉片！把沙拉咖喱佢有獨特嘅香氣！因為混合了很多香料！好多人會覺得未到接受唔到！但係我就覺得好好食⋯⋯印度酥餅鬆化香脆！外酥內軟啱晒用嚟點馬沙拉咖喱！

真係好想飛去泰國旅行！實在太掛住泰國的😆美食！所以特意選擇一間正式泰式餐廳紓解下我嘅🤨情緒，我嘅情意結⋯⋯🇹🇭🇹🇭新泰東南亞餐廳🇹🇭🇹🇭椰青冰沙椰青超大！用椰青水打上冰沙，超甜又解渴⋯⋯消暑飲品😘串燒沙嗲有三種選擇豬丶牛丶雞！梗係每款各兩串，每款都可以試到😬，肉質新鮮，最重要佢嘅沙嗲醬汁調校得非常美味可口⋯⋯冬陰功海鮮金邊粉份量超大，海鮮非常新鮮，勁多海鮮配料😋湯頭非常濃郁😋金邊粉吸收了鮮味的冬陰功湯底，超正😋必食🙆‍♀️⋯⋯椒鹽軟殼蟹呢款菜式做到避風塘椒鹽軟殼蟹，口感酥脆，又可保留軟殼蟹的肉汁，相當惹味⋯⋯餐廳整體食物相當美味正宗！而且服務質素高⋯⋯

上星期日和家人相約到泰國風情餐廳- 新泰東南亞餐廳短聚。除了因為爸爸愛吃泰國菜外，家中的大嫂也表示之前跟朋友也吃過，很是推薦。於是我們一行8人就出發去灣仔分店用餐用餐時間一個半小時，上菜速度超快，整頓飯都不停忙著吃個不停。店員態度友善，不時為我們收捨空碟。.那先分享一下點了什麼：燒豬頸肉（$78），串燒（$88），麵包焗咖哩軟殻蟹（$208），泰式青咖哩（$88），印度酥餅（$32），越式燒春雞釀香茅黃飯（$188），馬拉盞通菜（$75），青檸蒸魚（$168），泰式蝦炒金邊粉（$108），椰青沙冰（$58x4）。.1️⃣燒豬頸肉（$78）豬頸肉，即是豬面頰附近，由於脂肪比例較高，所以口感特別軟滑爽彈，是泰國菜館必點的菜單之一。新泰東南亞餐廳的豬頸肉肉質雖不至格外細緻，未算肥美滑溜來形容，唯油脂均勻分布，不顯柴澀或過於油膩。2️⃣串燒（$88）通常人多的飯局，都適合點一碟串燒併盤。我們先把肉類從竹籤中抽取出來，以便大家分享。印象較深刻的是雞肉串，鮮嫩多汁，濃香惹味！配搭泰式醬汁，吃得津津有味。3️⃣麵包焗咖哩軟殻蟹（$208）巨型磚頭麵包的造型就是賣相吸引，尤其是被挖空的中央，還盛著椰香撲鼻的濃咖哩

呢日收工約左朋友食飯喺佢公司附近揀左間泰國餐廳有3層樓 喺鬧市灣仔嚟講都算係不得了原來仲係30年老字號 感覺好勁裝修好靚 好闊落每一層約十幾張枱坐位同坐位中間有一定距離如果人多仲可以坐自成一角既大枱非常適合一班朋友一齊坐低食飯吹水餐牌選擇非常多你講得出既泰國菜都有齊明爐烤魚、咖哩、串燒、泰式炒飯/麵應有盡有先叫左個串燒沙爹$88有雞、牛、豬各兩串份量都唔惹小 可以大大啖肉咁食😆3款都燒得好香 加上沙爹汁食 簡直係去左泰國咁冬蔭海鮮飯$88又一誠意之作冬蔭味道好香濃每一粒飯都充滿左香味海鮮有蝦、魷魚同青口食完非常滿足泰式甜品小拼盤$88有8件 份量都幾多當中最鍾意食斑蘭糕 好香但食落去又唔會甜好食得嚟份量又十足服務都幾好 會留意加水同收碟推介！

係港島呢頭收工，各款美食種類多不勝數，有西式有韓國野又有印度野，不過我都係鐘情泰國菜。 估唔到呢間餐廳係有兩層，我地就被安排上樓下一樓用餐，坐得好闊落。明爐泰式烏頭有個爐熱住，D湯汁慢慢滲入魚肉入面，食落酸酸甜甜，帶到鮮味出來😋條魚都好大條，亦配有蔥蒜等配菜，非常滿足冬陰功湯係泰國菜既靈魂! 酸酸辣辣，特別開胃😚湯入面有好多料，當然有我最鍾意食嘅草菇～大熱天時，叫個椰青飲就最嘆喇!另外亦嗌咗個軟殼蟹春卷，賣相好吸引，色彩繽紛，亦好有內涵，足料！