新泰東南亞餐廳

營業中

休息中

每次經過，都擠滿客人排隊。今天與朋友興祝，特意在這間餐廳食飯，因和朋友很久沒見，而且為生日餐，因此，朋友訂了六時入坐，但門口有職員表示，入座後，開始計九十分鐘埋單，唯有等埋朋友六時，才一起入去用餐。吃了大半晚餐時，時間約一小時，職員已經開始問你，是否需要加單，否則先埋單，朋友向職員查詢：不是吃九十分鐘嗎？ 職員黑面回應：是。埋單後，再次問職員：我們是否可坐多一會兒，職員繼續黑面回應：可以。在再坐多十多分鐘時間，有不同職員問我們可否早些離開，心諗：唉...去老麥都任坐唔止一個鐘啦。回顧：經曆難忘，完。

食物一般，沙嗲好似叮叮一樣服務0由入座開始已經不停向我們倒數時間，不斷重複你時間的重要性！Order 分兩次都被話你會唔夠時間食⋯⋯終於倒數余下15分鐘時，衝過黎你地夠時間架位，快啲食！未夠鐘未食完都比定張單你埋定單，收左錢之後食緊仲收野！確實人客很多，仲好多人排隊等位。我哋如賤民一樣⋯⋯趕你地一樣大把人黎食。請都唔會再黎！不知所謂的餐廳！

今日朋友帶我黎依間餐廳食，叫左1）小食拼盤（蝦餅/冬蔭餅/春卷）；味道較淡口，無乜特別2）細冬蔭公湯；唔辣、唔酸、偏甜3）青木瓜沙律🥗；無乜特別4）麵包焗咖哩軟殼蟹；軟殼蟹粉多再加埋咖喱汁淋哂5）印度酥度；上枱唔夠熱、口感較硬（好似食緊麵粉）6）👎🏻越式燒春雞釀香茅黃飯；燒春雞食落無味，雞肉有點梅，而香茅黃飯完全爛到好似糊仔咁7）酥炸香茅魚配芒果沙律🥗；炸魚食落唔夠脆，又係淋左、芒果沙律味道酸甜8）馬拉盞通菜；唔夠馬拉盞味限時90分鐘，時間到⏰仲食緊既我地同未食晒既餸，職員行過嚟問我地洗唔洗打包？唔洗幫我地收哂去🤣食得慢既朋友仔要留意👀需然門口仲好多人排隊爆曬場，但總結食物無咩特別，被趕走的感覺很差，沒有下次

每次去完K11 都見到呢間餐廳大排長龍，一直好想試下係咪咁好食。對於有期待既餐就梗係想搵多幾個朋友一齊去試多幾款菜式啦！點知換黎既係失望，味精同一肚氣！預訂時間為7點，我地早左6點43分已到達(點解記得咁清楚因為男經理叫我地走時話我地早左入黎，要係正90分鐘好離開），同行朋友因天然熱一早已常坐低飲杯野，於是早左入去，店內好大, 我地被安排到卡位就坐，坐位舒適，見佢哋有好多大枱，但仲維持到坐枱與坐枱之間有一家距離，實屬市區難得既坐位佈置。難怪吸引咁多一大班fd黎食飯既客人訂坐。剛坐下我地已點每人1杯飲品，但他們的飲品真係幾細杯，味道賣相一般。反而叫椰青會抵啲！因意識到限時90分鐘，我地好快已決定食物，但都想按次序先點前菜同小食先，於是打算分開落主菜，但女店員話軟殼蟹咖哩麵包要等得耐著我們先落哂所有訂單，於是我地都聽聽話話咁將前菜到主菜都點左一round, 其後女店員已馬上收走哂啲menu, 好似生怕我地再點菜拖延時間咁。奇怪既係，女店員話要等得耐既軟殼蟹咖哩麵包第一時間已上枱，碟野唔熱，只係暖暖的，但麵包有少少脆度，咖哩與麵包係黃金組合，再加上索汁既軟殼蟹，雖然味道唔算出色但轉地都好快清

專程來到尖沙咀新泰東南亞美食餐廳，因為知道餐廳都好受歡迎，所以專程約7點前就到餐廳，比較容易有位置！果然來到的時候人不算太多人，但坐落之後大約七點半已經全餐廳坐滿，真係極之受歡迎嘅餐廳；我們點了餐廳的招牌菜：燒春雞黃薑飯、越式庶蝦、馬拉肉骨茶等等！這裏用機械人送餐比較有特色，雖然唔係送到每一台客人前面，但都覺得佢比較有效率！餐廳服務員態度亦都相當之好！燒雞黃薑飯，果然係餐廳的打卡名菜，當劏開雞肉看見肉下面的熱騰騰嘅香茅黃飯，實在令人口水流！再加上沙律一併食，口感層次相當複雜，但唔會有黐口的感覺，雞肉亦都多汁，皮雖然唔脆，但係食落都好香；而庶蝦再加上下面嘅檬粉，淋上魚露醋，實在係十分之美味，最緊要就係啖啖肉！蝦沙律十分之開胃，雖然辣辣地，但也有甜辣嘅香味，柚子的甜味更加中和了辣味！最尾我們想點椰皇雪糕芒果糯米飯，但可惜當晚沒有棷皇，所以只點了芒果糯米飯但都十分出色。

今晚去左我最喜歡的泰國餐廳食晚飯， 叫了最喜歡的柚子沙律、 鳳爪、咖喱包軟殼蟹、飛天通菜、鐵板豪仔、冬陰公、豬頸肉、生菜包、芒果糯米飯及幾杯沙冰。吾知點解全部熱食都係暖的， 連冬陰公湯用火焙住都係吾熱的， 全部都好似煮好後放左好耐先用機械人送餐， 而且全部菜size 縮水一半，好吾抵食。跟之前比起是差－半，真係大失所望🤦‍♀️。另外待應也不太理會客人，她們太忙了，只會不停提你的用餐時間。見隔離枱也投訴菜遲遲未上， 上完發現只係暖，其實如果咁多客人表態 有問題，老闆就應該去檢討一下，雖然食物味道有一般水準， 但品質差就會流失客人。

經過朋友介紹知道呢間餐廳嘢食質素都可以，所以琴晚同朋友一同3人去食晚餐。男經理服務態度惡劣， 送飲品黎既時候將飲筒飛過黎。然後到咗埋單時候，記得食咗$749 ，我就放咗兩張$500，當時員工都冇係我地面前對數就攞咗過去收銀，然後返黎話我地淨係俾咗1張$500。男經理過黎處理第一句就同我地講「我地呢度未試過收錯錢㗎喔，你地係唔係俾少咗自己都唔覺」，佢既語氣覺得我地屈佢地咁。我地要求查看cctv，經理話老細會睇，結果淨係得一張截圖冇事發經過。一番爭執後，男經理話報警等警察處理，隔咗15分鐘左右佢地係隔離檯執到一張$500，過黎話「搵返啦，依家水落石出，大家都冇錯，就咁算數好唔好」。我地非常嬲，男經理想就咁講幾句就當解決咗問題。覺得男經理既處理方法非常差！從來未試過食餐飯食到一肚氣，如此委屈！一定唔會再幫儭

嗰日係尖沙咀行街唔知食咩好，就隨便簡左k11對面間泰國餐廳！呢間餐廳位置好方便，所以Peak hour都會見到有人等位。餐廳要落地下一層，佔地好大，重點係裝修得泰式風情十足，冷氣又開得好夠，所以一坐落去都幾開心⋯泰式青芒果沙律 $78：青芒果食落好清爽，酸酸甜甜配上泰式辣汁，好清爽解膩，入面仲有啲蝦米仔，仲有少少鮮味。馬拉盞炒通菜 $75：調味岩岩好，唔會過咸過辣，通菜爽口。蒜蓉越南牛油雞翼 $78：佢唔係我哋想像嗰種包炸漿落去炸既牛油雞翼，係比較似生炸🥲雞翼係deep fried，炸得比較乾身，有好多炸蒜。泰式蝦炒金邊粉 $108：蝦有啲霉，亦唔算大隻，金邊粉味道唔係太夠，反而俾銀芽既草青味(臭)搶左，如果走銀芽可能會好啲🥲。泰式明爐魚 $188：我地簡左烏魚。魚肉係嫩滑既，湯既味道都唔錯。不過魚皮上仲有魚鱗未清乾淨，以至於食既時候都會唔小心食到，扣分。性價比：我地兩個人叫左以上既野，再加一個椰青，人均都要$300有多，每樣菜既份量其實都偏少。佢既餐廳裝修氣氛係好好，但味道真係有啲失望，不太推薦🥲。

我和朋友一起到尖沙咀新泰東南亞餐廳食晚飯，這是朋友介紹在尖沙咀開張不久的一間東南亞美食餐廳，這餐廳比較特別，餐廳入口在地舖，而餐堂就在地牢，環境亦都相當闊大；我之前也有幫襯過別的新泰餐廳，感覺裝修都頗為一致；但發覺餐牌內的餸菜都有一些更新，好快趣我哋就點咗幾個新泰餐廳比較出名嘅餸菜如蔗蝦、肉骨茶和柚子蝦沙律，燒春雞釀香茅黃飯；這裏的服務員服務周到，不停為我們加添暖水！肉骨茶首先送到檯面，雖然沒有油炸鬼等配送，但當歸嘅香味亦都唔錯，排骨亦都淋滑，至於庶蝦方面就好有特色，三條庶蝦下面放滿檬粉，更有魚露醋奉上，食落都好有特色；柚子蝦沙律十分醒胃，酸酸辣辣不錯嘅開胃菜；燒春雞釀黃飯，賣相吸引，再加埋一小碗嘅沙律，打卡最佳選擇，可能黃飯在雞裏面比較潮濕，所以最初食嘅時間會覺飯粒比過淋，但當加埋沙律一齊食嘅時候，又剛剛好所以記緊食黃飯的時候要加埋沙律一齊食呀！會有不同層次感！而又唔會黐口，宜雞肉方面，雖然係燒雞但係都仲算淋滑和有肉汁，好有雞味；最後我哋點咗個椰汁香芒糯米飯做甜品，濃濃的椰汁之下有黑白兩半球狀的糯米飯，再加上半個芒果，芒果十分之清甜，糯米飯有煙韌感，再加上甜甜嘅椰汁！要嚟作為一個甜品

呢間餐廳之前同幾個朋友黎食過, 印象唔錯, 咁啱係附近做完瑜伽, 於是再黎試下!餐廳空間夠大, 除左二人枱之外, 仲有四人卡位同六人卡位, 而且仲有張大枱可以坐10+個人添!今晚餐廳都有八九成滿, 好多staff 做野, 而且仲有送餐機械人幫手串燒 (6串) $88有雞、牛、豬揀，我地每款要兩串!串燒黎到嘅時候熱辣辣, 而且d 肉唔會好乾好柴, 配埋香濃嘅醬汁, 好惹味!燒西冷牛扒 $118牛扒燒得啱啱好, 一點都唔韌, 而且個底仲有d 醃蘿蔔做配菜, 非常開胃張枱有個牌, 做緊西柚味啤酒嘅promotion , 好吸引! 不過聽朝仲要返工, 留番下次飲, 所以叫左杯龍眼冰龍眼冰 $38我最怕假甜味嘅龍眼冰, 但呢杯好清甜, 而且仲有5,6粒原粒龍眼添!蒜蓉炒貴妃苗 $75一上菜嘅時候已經聞到好香! 而且唔會好鹹, 啱晒我口味!另外仲見到好多人叫左酥咋香茅魚, 個賣相非常靚仔! 不過我今次實在食唔晒, 所以都係留番下次試下!整體黎講, 呢間係一間質素高嘅東南亞餐廳, 而且坐得舒服, 最緊要價錢合理! 絕對可以再encore !

同家人喺K11行到肚餓，但商場多連鎖野，價錢又唔平。一行出商場，見到對面馬路有間好大的泰國菜，好多人幫襯。門口已經有濃濃的泰國風味。裡面好大，可以容納好多張枱，所以多客人都唔洗等好耐。餐牌好多選擇，實有野啱食。*泰式生蝦*夠新鮮~點埋醬料好鮮甜！好好食。*鐵板蠔仔炒蛋*一上枱見到份量呆左，超足料超大份，而且好有鑊氣，唔講以為食緊蠔餅，好香脆。蠔的份量好慷慨，大大粒。串燒有牛、雞、豬，香口惹味，上枱好快清哂。*蒜容炒貴妃苗*食返碟菜平衡下，點知都好有驚喜。夠哂蒜味，貴妃苗好爽好新鮮，冇草青味。呢到夠大又好坐，野食多選擇，都幾啱一家人黎食。

原來K11對面有間咁好食又地道嘅泰國餐廳🇹🇭😋 入到間餐廳真係好驚喜，裝修好有泰國特色，職員又係泰國人，感覺好似去咗旅行咁🥳 而且亦完全估唔到，原來落咗樓梯之後，餐廳係咁大間呢🍴🤩Menu超多選擇，有多款泰國小食、湯、燒烤類、咖喱、肉類、海鮮同甜品菜式😋 眼闊肚窄，所以叫咗一碟冰鎮泰式生蝦，凍冰冰超級新鮮，包埋生蒜同辣椒，仲有泰式酸辣秘製醬汁，認真一流🌶️另外，仲俾個日本南瓜焗海鮮飯吸引住🎃🥘 從未試過喺另一間餐廳見到呢個菜式！上菜一刻真係超級震撼，大大個南瓜，舖滿芝士同充滿椰汁味嘅醬汁🤤 海鮮用料充足，有蝦、魷魚同蜆肉🍤🦑 配埋一粒粒南瓜肉，或者刮下個南瓜嘅肉，真係絕配呀！配埋椰青，大大個超滿嘅椰水，今餐大滿足🤰🏻

服務態度極差，book了位都沒有用，去到一直叫你等，一小時都還說就快，那麼我們為什麼要預約？很多人都跟我們一樣，都等到不耐煩了，重點是那個服務員一直都說一些假話，一直說下一張到我們，差差义一

食唔到太辣的我🙊但又勁愛泰國菜新泰其實我已經食過好幾次，每次有朋友生日總喜歡再來☺️環境坐得幾舒服，而且大部份食物都幾ok😋🐔泰式燒春雞釀香茅黃姜飯超好食，燒春雞肉嫩滑，而且保留到肉汁😋釀在燒雞內的黃姜飯，吸收了雞汁精華🤤真的好香好好食吖！🍢🐷🐂沙爹串燒《豬、牛》好多肉汁👍🏻唔會烤得好乾，好吃😋呢個我每次必點🥗泰式柚子蝦沙律這個不算好吃，麻麻地，下次可以不用點但總括來說每次大部份食物都係好食嘅😋

.◾️◾️【 ✨尖沙咀抵食高質東南亞餐廳✨ 】 ◾️◾️◾️▎滋味高質 性價比高👍👍成日在尖沙咀經過這家泰國餐廳我都見到有很多人排隊今晚和朋友就專登預約咗係這家泰國餐廳吃晚飯餐廳不論食物和環境的質素都很高🤓👍👍果然無令我失望🙈◾️◾️◾️◾️◾️ 【 General Info 】 ◾️◾️◾️◾️◾️▎Overall rating：8 out of 10▎Will Revisit?：yes▎菜式分類：#mayfoodie_tsimshatsui ▎人均消費：Ard HKD 200▎地區分類：#mayfoodie_泰國菜 ▎前往方法：尖東站N2出口行1分鐘▎餐廳位置：📍 新泰東南亞餐廳 (尖沙咀)📍尖沙咀加拿分道25-31號國際商業信貸銀行大廈地下1A號舖及地庫◾️◾️◾️◾️◾️【 環境方面 】 ◾️◾️◾️◾️◾️👉Rating：8 out of 10餐廳位於地庫，面積很大裝修以淺棕色的木和竹為主枱與枱之間隔得很開坐得幾舒服👍👍👍◾️◾️◾️◾️◾️【 精選菜式 】 ◾️◾️◾️◾️◾️ （1）✨越南鮮胡椒炒牛展✨牛展很爽口這道菜用了芝麻及三色椒來炒令口感的層次更為豐富雖然這道菜看似用了很多辣椒來炒但吃起來只是微辣連我不吃得辣的朋友也能接受（2）✨日本