新斗記

營業中

休息中

一去到餐廳乾乾淨淨冇奇怪味，同埋唔似其他餐廳咁油益味服務都冇問題，我地個日位咗佢地好似落場都冇人比面色我地，有個高高瘦瘦後生仔好有耐性態度都好好叉燒香以不膩，仲要燶邊，正，個日有老人家特登同佢地講唔好咁肥，但一啲都唔鞋仲好爽燒鵝一啲都唔蘇，脆皮就基本啦，食完已經好飽，但都想叫多半隻，下次都會再叫仲有我見到，隔離有個火燒乳豬，幾吸引眼球，但都係冇叫，因為都冇咁多人食到最後個千層糕，好出色唔係好甜，可以encore ，好食到相都冇影

由入座講起，一路行緊去座位嘅時候，已經聞到好大陣煙味，應該有人包咗房好大聲唱緊卡拉OK，隔音又差，啲煙味湧晒出嚟，可以話酒樓任何一個角落都聞到。一坐低開壺茶，茶壺仲有食物餸汁嘅漬，好明顯洗都冇洗過。叫咗個招牌乳豬，皮就正方形有10塊 ，肉就長方形有十幾塊，係唔知點樣砌呢碟嘢出嚟嘅。以上各種嘢都唔夠最後呢樣嘢咁差，就係個短髮惡女收銀，我話俾佢聽我張枱冇嚟過前菜，問佢可唔可以喺張單度減返，佢嘅態度超級惡劣。結論就係唔會再有下一次幫襯，唔怪得星期六晚市都可以得兩成入座。

今日公司搞春茗，超失望～人手不足，服務還可以～有鮑魚、雞、乳豬拼盤、蟹鉗、翅、伊麵、蒸魚、炒飯、瑤柱扒豆苗、燒鵝、楊枝甘露大菜糕同紅豆沙⋯⋯1. 次序混亂，中間上一碟伊麵，好似冇搞過酒席咁～2. 鮑魚、乳豬拼盤嘅乳豬同叉燒、蟹鉗、蒸魚還可以～3. 雞好霉、乳豬拼盤嘅海蜇勁鹹、羹冇料冇味,似糊4. 炒飯似碟頭飯，仲要放咗好耐，表面好乾，好似柴皮一樣～5. 瑤柱咸同豆苗好老，燒鵝放到凍左～6. 楊枝甘露大菜糕冇味，冇特別～7. 紅豆沙冇味冇陳皮，蓮子係苦嘅、百合係未熟嘅，勁失望～

原本打算去對面的酒樓下午茶，姑姑看到這邊下午茶有全單半價優惠，還有老人家免茶，所以便提議過來一試。 但是，接待的女士態度很惡劣，問佢嘢總是望住手機回答，一唔係就指向接待桌上的告示牌叫我們自己睇。這樣的態度，莫説是五折，就算是免費也令人「卻步」！難怪人家要北上嚐美食，因那邊的服務到食品都好！雖然這裡的食品是美味的，食品質素挺好，又夠熱，樓面的服務也很不錯….但是接待姐姐的「趕客」服務態度實在令我們不想再試了！

不需要再去，本來是一餐開心愉開的冬至飯，到換來是一肚氣，早在冬至個多星期前亭了位還預訂了套餐，早一天已經確認訂位和套訂，當晚準時出席，還同他們說了可以起菜，但等了半小時沒有一樣餸菜到，這段期間追了服務人員好幾時，他們說十分鐘內一定有餸到，但當時已經是八點，一枱人已經坐了一小時有多，但幾分鐘後等來一個樣似高級的員工跟我們說，今日廚房和樓面的員工比較新同時我叫的套餐漏了單，真是火都來了，一枱人立即起身離場，而他們一聲抱歉都沒有。如果平分可以比負分，一定是負分

一星期前訂枱order 咗餐，7點準時到，05分叫起菜，一路追到八點都起唔到菜，最後竟然有條阿伯出嚟話冇入過單，完全唔想再同佢講即刻起身走人，佢哋完全唔覺得有問題，所以真係香港多呢啲酒樓食屎啦。

無諗過一間米芝蓮餐廳係咁嘅質量！無論食物同服務，簡直令人徹底失望！食物嚟到係溫到凍，得個骨係熱！乳豬不過不失，鵝腸冇味，椒鹽魷魚鬚唔脆！欖角冰梅骨熱嘅，好味！炒飯可以。

本身同屋企人諗住去煌府1號，點知人哋包場冇得飲下午茶去左隔離新斗記，開頭諗住試新嘢啦，點知中伏，落單成45分鐘一樣都無上嚟，D 職員又無禮貌，竟然話係咁樣架啦叫我地等，最嬲係有籠蝦餃燒賣上咗枱面又拎返走，我哋已經等咗好耐㗎啦亦都問過2，3次😡其實漏咗單咪講囉，唔肯承認錯誤，一句唔好意思都冇最後嬲到走，你唔怪得啲人會返晒大陸食嘢

炒個飯都要一個鐘20分鐘先到，平均每碟餸要等半個鐘先嚟到，催咗好多次，服務態度好差 每次都淨係話等多一陣 炒緊，係冇米定係冇電飯煲？足足坐咗成個半鐘😅😅嘢食一般，仲要等咁耐，一啲都唔值得🙂‍↕️

中秋節成肚火，一早訂左位，食19:30。19:40分落單，等到20:51先黎一碟乳豬，等足超過一個鐘。老人家餓到唔舒服，胃痛，自己都等到無哂胃口。真心等到燥。叫個經理起碟飯先頂一頂肚都唔肯。明白、理解大時大節出街食飯，除咗快餐店，餐廳會忙，上菜都要等等，但等足超過一個鐘，完全唔合理，點都講唔通。一係預早係訂枱時，就同客人講定：要早一個鐘落單，唔係既，不如唔好開門啦！不知所謂垃圾餐廳永久黑名單！ 永遠唔會再黎食！好失望！

有陣時啲嘢真係唔使plan咁多 plan 好晒今日嘅行程結果完全失控諗住同阿媽複診完去飲過茶（地點響佐敦）book好晒，點知都係撻Q，比預期早咗，book好嗰間茶樓都未開門😮‍💨最怕就係呢啲臨時臨急改行程，搞到連搭車都搭錯咗！結果返九龍灣都搞咗成個幾鐘其實最怕就係帶住媽媽，佢又心急嘅同時，我又唔好意思，好彩佢今日冇發脾四咋。MegaBox呢間因為媽媽識人，所以嚟親呢度都會揀呢間，當然好似貴賓咁由送呢樣餸嗰樣啦我哋三個大人，一個小朋友都嗌咗好多嘢食喎又有炸魷魚鬚、金錢肚、牛肉煲仔飯、虎皮尖椒、菜苗餃、炸兩、奶皇包、腐皮卷仲有麻辣魚皮。虎皮尖椒原本畫咗，但係之後諗住嗌第二樣嘢delete咗又以為我哋畫咗😮‍💨係媽媽鍾意食嘅，不過超級辣炸魷魚鬚同腐皮卷就好一般啦，我覺得牛肉煲仔飯，竟然有啲飯焦喎食炸兩我姪女淨係可以食啲皮，黐咗啲蔥花佢都不知幾鍾意食至於麻辣魚皮呢，基本上我都唔鍾意食魚皮，淨係鍾意佢個麻辣feel同埋花生其實我哋三個大人食咁多嘢都幾誇張，仲要因為識人送咗糖水同埋紅豆糕飽到上心口

妹妹係中度弱智嘅， 坐住輪椅入去新斗記, 一開始 有一個姨姨 對我哋都幾好， 仲畀咗個闊落啲嘅位我哋擺輪椅。 我妹妹只係嗌咗兩三下， 當然有其他客戶會望兩下啦， 都係人之常情。 點知一位短髮 疑似經理嘅 女士， 同我 阿媽 講會影響其他客戶。 又同我哋講叫佢唔好再嗌。 黑口黑面好似想講我哋走咁。我同佢講你畀我媽坐低同佢一齊坐，其實佢就唔會嗌。 然後我唔理佢叫我媽坐低， 之後我妹都冇 再嘈。 其他客人都繼續食佢哋嘅嘢。其實真係可以唔使咁黑口黑面， 講真我哋真係冇阻住其他客人， 唔使咁樣歧視。 我同我妹妹去酒店食嘢都冇畀人咁樣話過。 呢間餐廳服務態度仍有待改善。

見到評分有啲驚中伏不過臨近母親節加上搵咗幾間都冇位見呢間有位又有我鍾意食嘅乳豬同埋最近食評都中正面就帶屋企人過黎一試！呢度環境幾闊落職員服務態度都好好我哋五個人嗌咗六樣餸1. 馳名即燒乳豬（1/4隻） $268一般雖然啲皮好脆但皮肉分離食落唔多開心可能半隻或者一隻會好啲掛2. 薑蔥焗美國桶蠔超正3. 蒜蓉粉絲蒸蟶子王聖子王好大隻超鮮甜粉絲蒜蓉都好足4. 。。。5. 。。。6. 。。。隔太耐先寫無心機打咁多雖然晚市選擇唔多不過都想比個好評佢因為啲海鮮好正啲人又好nice推介左兩樣海鮮都好正

其實同事之間食lunch一齊飲茶好平常，不過我呢班同事就盡量可免則免囉今次係因為有人走要Farewell冇辦法氛圍真係好差，有啲完全唔講嘢，有啲溝通唔到，唔想同佢講嘢，結果兩三個兩三個一組叫嘢食又唔知大家係客氣定係乜嘢明明之前講好話要叫叉燒都後來又冇叫到我哋總共八個人嗌咗18碟點心，食物質素就一啲啲啦。先講一啲正正常常嘅代表有蝦餃、叉燒包、炸魷魚、虎皮尖椒、金錢肚、牛肉球、叉燒腸、椒鹽豆腐粒、叉燒酥同蝦腸難食嘅代表有拍青瓜（有一陣怪味）、炸芋頭卷(係同事食咗話好油入面芋頭甜甜地怪怪地）見到個樣唔想食嘅有皮蛋酸薑、菲林卷 （呢兩樣可能同事諗住分開等大家都有得食，點知切開之後勁樣衰，同埋個皮蛋唔係流心皮蛋）冇興趣嘅代表由燒賣、鵪鶉蛋燒賣、菜苗餃、紅豆糕（茶樓有肉嘅燒賣，我就不嬲都唔係好喜歡，假燒賣就鍾意😊，甜品嘅乜糕乜糕我都麻麻哋）茶樓好似擴充咗，我哋坐喺擴充咗嘅部份，不過又好似格格不入。睇

屋企人好想食乳豬 跟住查下邊度有 睇到呢間餐廳食評 有啲怕怕😢都俾個機會佢 試吓 餐廳環境好， 坐得好舒服 唔逼食物外形美觀 叫左孖寶大蝦伊面 小炒皇 1/4乳豬 薑蔥焗魚頭 除咗大蝦伊面易生水一般 其他味道非常好 估唔到小炒皇 材料有帶子 魷魚👍🏻主角 1/4乳豬 脆 香 ！ 薑蔥焗魚頭 遠遠聞到 好好食 下次試吓薑蔥焗蠔服務態度 比我想像好 轉碟速度快逢一上菜就禮貌講多謝又冇企隔離望住 逼你食 ❤️值得過來