新斗記

營業中

休息中

又話乳豬出名，叫左一碟例，唔夠熱又唔夠脆，啲肉仲要多骨！再叫埋煲仔飯，啲飯硬到頂住個胃，啲冬菇好似乾屍咁，師傅係咪冇落水呀？跟住啲雞又多骨。。。樓面服務態度更上一層樓，西面唔再講啦，落落下單，個人又會走左去！米芝蓮一星既餐廳，下次請我去都唔去架啦！

有內地親戚來港，打算帶他去食米芝蓮餐廳，結果是一肚氣回家！一肚氣事件1: 叫了一個套餐，食物一開始時上得好快，但上湯浸菜及炒飯等了超過45分鐘都未到。好聲好氣問侍應，侍應回覆太多單廚房做唔切，叫我哋再等下其實一間米芝蓮餐廳，竟然咁回覆，煮唔切就唔好做生意啦。等了又等，呢兩樣野食終於喺等左1.5小時後出現一肚氣2:另外叫了一個例牌乳豬，好似$248，出嚟嘅係頭頭尾尾咁，啲肉肥到不得了，得8件左右，仲話係最出名今次我連搵侍應換都費事浪費口水，一陣一換又成個鐘。我只會話，以後都唔會再去

米芝蓮一星新斗記早在餐廳還在佐敦及油麻地我已經經常做座上客,正宗粵菜的確無第二家, 尤其是火山石金牌即燒乳豬非其他大排檔/茶樓可以比較,MegaBox新店早早已在我口袋裡, 趁平日不用同人逼果陣,Book 定檯, 同屋企人靜靜地享受米芝蓮一星的招牌粵菜~-MegaBox新店門口大大隻字米芝蓮一星,吸睛, 搶眼, 唔會去錯地方。一路行入去, 一隻隻乳豬掛晒係窗櫥準備燒,睇得出豬仔有幾嫩,地方亦見大, 無論係一大班朋友, 定係商務宴請, 都安排得到。-黎得新斗記當然必食即燒乳豬餐廳以火山石金牌即燒乳豬乳豬打響名堂師傅在燒爐上堆滿火山石, 溫度更猛熱而且乳豬已經去掉了皮下脂肪，乳豬皮吃來皮脆鬆化，香脆肉嫩, 肉有油脂的香吃下去卻不覺得肥膩。-欖角冰梅骨加入冰梅醬製作的肉骨食得出師傅的巧手工藝與鑊氣,肉骨已經走過油, 咬落肉彈牙,食落酸酸甜甜勁開胃菜，絕對是有水準的的粵菜。-生滾拆肉泥孟粥除了金牌即燒乳豬, 生滾拆肉泥孟粥也是新斗記必點的名菜,泥孟粥原鍋上桌, 原鍋熱辣辣, 一打開蓋魚香撲鼻,吃得出魚湯的味道，粥底稀稠適度，泥鯭魚肉鮮甜，而且拆肉泥鯭啖啖肉, 配上陳皮絲，以及蔥花及大頭菜粒完全

新斗記由佐敦搬咗去九龍灣MegaBox新斗記一間係擁有米芝蓮星級美食平價嘅中菜館，食物嘅水平梗係有返咁上下啦！今日我就叫咗例牌燒鵝、龍仔荷葉蟹蒸飯、同埋粟米大魚塊！新斗記嘅燒鵝係一定有保證，今次食嘅燒鵝仍然保留原有嘅味道，外皮香脆之餘，肉質嫩滑，咬落仲有肉汁流出，有陣陣燒香味！粟米大魚塊將粟米汁同埋魚塊分開，係保留炸出嘅魚塊外身香口，就咁一啖食落口，粉唔會太多，魚肉結實之餘仲好嫩口！粟米汁淋落魚上，味道恰到好處！籠仔荷葉蟹蒸飯啲飯蒸出嚟，就唔會太濕身，米飯🍚食落口勁有咬口之餘仲有清香蟹味同荷葉香，成隻蟹係米飯上面一齊蒸，令每粒米都吸收到蟹嘅鮮味，又要掌握得到火候，真係老師傅先做到！所以呢一個菜式最重點嘅係飯入面。

今次來到九龍灣Megabox的米芝蓮星級餐廳【新斗記】，品嚐了他們的馳名火山石即燒乳豬、粟米大魚塊和籠仔蒜香蒸蟹飯。😍馳名火山石即燒乳豬以其獨特的烹調方式和美味的味道而聞名。乳豬的外皮非常酥脆，肉質也非常嫩滑入味，燒得非常完美，十分美味。😋粟米大魚塊啖啖肉，魚肉非常新鮮，口感非常嫩滑，經過炸製後外皮酥脆，非常美味。粟米的甜味和魚肉的鮮味相得益彰，送飯一流。😋最後是籠仔蒜香蒸蟹飯，是一道非常經典的廣東菜，但新斗記的版本做得非常出色。蟹肉非常鮮美，配以大米飯和蒜香味道。蟹肉的鮮味和蒜香味道的搭配非常完美，讓整道菜的味道更加豐富和美味，賣相一流。😍

呢晚近近地就去左mega搵食，新斗記最近進駐左13樓！曾獲米芝蓮一星嘅粵菜，價錢亦唔算好貴，一於試下！店面裝潢走紅色古典奢華風行入黎見到櫃內一隻隻未燒嘅白白豬，就必然要叫馳名即燒乳豬馳名火山石即燒乳豬 （例牌）$218 火山石即燒乳豬薄皮脆卜卜，而且食落脂肪含量較少，較清爽唔會有油感！欖角冰梅骨$128包住一層脆糖嘅效果，甜而不膩肉排口感唔錯～籠仔蒜香蒸蟹飯 $168蟹肉本身鮮甜，籠仔嘅米飯亦呈乾身粒粒分明嘅狀態，蒜香味都有，唯可惜蟹同米飯嘅連結唔夠，唔係好食到鮮味

好想食下粵菜，同事話係九龍灣Mega Box 新開左#新斗記 ，記得細個時都有跟長輩去開飯，又近我於是收工便去開餐囉。酒樓有好多招牌菜，家常小菜可選擇。首先點左同事說必食的～馳名火山石即燒乳豬 (例牌)，皮好薄鬆化脆口，師傅會去了肥膏，故不覺很油膩，肉質調味好味，點埋醬更香甜。生滾拆肉泥孟粥，入口有陣陣果皮香，沒有骨起晒魚肉，粥底軟棉可口，大碗夠足料。籠仔蒜香蒸蟹飯🦀️，熱辣辣香噴噴，花蟹有蟹膏，肉質新鮮，飯有蒜、薑同蔥同炒，好惹味啊。#新斗記 #粵菜 #九龍灣 #脆皮燒鵝皇 #燒乳豬 #MegaBox #yummy #美食 #美味 #識飲識食

為食妹👧🏻發現車肽人*新斗記*蹤影，門口位置見到玻璃櫃掛滿一隻隻乳豬🐷，見到真係忍不住流口水🤤。馳名火山石即燒乳豬🐷例牌豬皮香脆鬆化，肉質幼嫩，蘸上乳豬醬或是砂糖來吃，非常滋味，不愧為鎮店之寶❣️。粟米大魚塊🐟屬八大名菜之一🌟，粟米汁🌽另上，多汁少汁自己話事😬。魚塊剛炸起熱呼呼的，炸漿脆薄，魚肉厚身嫩滑❤️大愛。籠仔蒜香蒸蟹飯🦀️一打開蓋香噴噴，花蟹size正常，肉質鮮甜。飯粒粒分明，拌勻蟹肉、蔥、蒜真係食唔停口😋。

已經好耐好耐冇去過九龍灣Megabox啦，今日朋友約我一齊去果到溜冰，先至發現原來變左好多啦，有好多新開嘅餐廳食肆，見到依間 新斗記 ，聽過之前係佐敦附近開業依家搬左嚟九龍灣餐廳門口相當有氣派🏮，有一種古色古香嘅風格🪭，行入少少就見到一個掛滿乳豬嘅風乾櫃，欣賞完坐定定就叫野食啦，同傳統茶樓一樣會有開胃小食，可以同職員講揀自己啱食架馳名火山石即燒乳豬（例牌）🐖🔥$218脆卜卜嘅乳豬皮非常香口，肉質軟嫩唔會好肥膩，仲有腩骨可以食，雖然肉唔多但勝在夠好味🤣豉油皇特級鵝腸🪿$168鵝腸爽口嫩滑而且好入味，配埋清爽芽菜仔一齊食，相當爽口，只係鵝腸上面有少少脂肪，如果清埋就一百分💯籠仔蒜香蒸蟹飯🧄🍚🦀$168估唔到有咁大籠，米飯吸收晒花蟹同乾蒜嘅香味，食落粒粒分明，將蟹肉起出嚟再撈埋落啲飯到食，好鬼正🤤整體來講，食物質素唔錯，環境都唔差，職員都會主動提供協助，只係去megabox對我嚟講有少少唔就腳🤣

朋友說這裡出名好食，我們先飲湯，看湯渣就知道足料。跟著食卜卜脆乳豬，因為人少就散叫，略嫌不夠熱但也好味。蝦多士，蝦很大隻，多士又脆。龍蝦伊麵正常水準，龍蝦夠新鮮，麫軟淋適中。粟米魚塊普通一點。䈑筍炒牛肉，比較失色因為牛肉”那”得太多。還有叫了雜菜鍋，蛋白炒飯炒得出色。侍應招呼得不錯，整體服務很好，又贈送甜品，雖然只有紅或綠豆沙，但兩樣都十分滋味。

今日去咗MegaBox午飯，正午12點左右，揀咗13樓嘅新斗記，印象中我屋企都有一張新斗記嘅VIP卡，應該係以前佐敦分店比嘅。因為兩位入座嘅撳票係攞到A票，004，剛叫完002，心諗應該唔會太耐，B票就係三位至四位（後來入到去，發現兩位A票同三位B票，都係坐一樣嘅四人卡位）等等下，螢幕顯示前面003票係12:36已經入咗去，跟住就一路都只係叫B票三至四位。我地係出面13樓，全層都係得返我地兩個人罰企，連個接待都消失埋☹️咁我見個女接待出返嚟，就即時上前禮貌地問下，兩位係咪仲要等，佢只係低着頭整理自己已完成嘅一張訂位名單，眼都冇望我一下，就只答‘仲未有位’四個字⋯雙方都dead air咗😑眼見手錶已經到咗13:00，佢又開始不斷按B票號碼，而一直冇人應，佢另一隻手就攞住電話答緊對方訂位，但一直無視我又去咗佢面前，當佢一放低電話，我就即刻阻止佢，問佢其實我兩位A票，係會唔會安排？佢就即刻發火，話佢安排緊啦，另一隻手快速地按A票，按走兩個號碼，突然就去到006，好彩又係冇人應。咁我都唔再客氣同佢出示，話我就係004啦！點知我都未鬧佢無視我，佢就先鬧我😳我做客，真係第一次企喺度要俾職員鬧。如果門

食店人員服務欠佳，明明自己聽錯book位時間，但死口唔認，重要用極差的態度鬧客，不宜選擇。加上，所謂出名的乳豬，又話有幾好食，事實係d片硬過石仔，重要切到大大件，真係一d都唔掂。

知道最近係九龍灣mega box開左呢間曾經獲米芝蓮一星級既傳統中菜館新斗記, 就諗住嚟試下係咪仲維持到之前既質素. 先講下餐廳環境闊落, 我地坐既位剛好同後面果張枱用屏風隔住, 所以有小小自成一角既感覺,空間感十足.香煎蓮藕餅 $128蓮藕餅煎得金黃香脆, 唔會過於油膩, 食到入面粒粒爽口既蓮藕, 十分香口.魚香茄子煲 $108充滿鑊氣, 入口唔會油膩, 有足料既肉碎同鹹魚粒, 味道香濃，送飯一流火山石即燒乳豬 $268 (1/4隻）餐廳招牌菜之一, 乳豬皮燒得夠香脆, 乳豬肉嫩滑得嚟帶小小鹹香, 配埋餐廳既乳豬醬, 口感又多一個層次.生炒上肉排 $128肉排炸得夠脆口, 就算沾左醬汁之後都唔會變腍, 味道足夠酸甜, 又係另一送飯之選.

食物完全貨不對版！琵琶豆腐，成舊琵琶豆腐，豆腐含量得1%，魚肉0%, 粉99%！ 完全打破我食咗30幾年琵琶豆腐既認知！厨師推介，新疆手抓羊排！食過手抓羊排，都會知道、認識，係一條條幾寸長既羊排骨！誰不知上枱見到嘅係一啲斬到碎濕濕嘅排骨，於是，找待應確認是否手抓羊排，佢話，係！啲排骨，斬到又大又細，大嘅都其實好細舊，細嘅就真係超細舊，細到應該係用細粒黎形容！仲要話係新疆，整出嚟個賣相，完全係四川，一大堆乾辣椒，九唔搭八三不像！斬碎嘅手抓羊排我真係第一次見！碎濕濕點樣手抓呢請問！？定係佢嘅意思係我學印度人攞手嚟食呢？就咁逐粒用手黏上嚟食呢？仲夠膽話係廚師推介，真係唔知呢個係咩廚師！招牌乳豬，乳豬皮都還可以啦，但係啲乳豬肉係完全淡而無味好似冇醃過咁，咩料！

早幾日在網上TapNow買了乳豬券，即時用WhatsApp聯絡了店舖，要求安排年初二晚上六時送貨。店舖即時確認了送貨時間。直至今天，15:23 經WhatsApp問店舖司機會怎樣聯絡，店舖亦沒有提過任何問題。晚上18:13，任何消息也沒有， WhatsApp也沒有回應(但電話看到不斷在線上)，直接致電店舖，回覆是司機已在10分鐘前出車。一直等到18:55，仍然是什麼也沒有，電話沒有， whatsapp沒有，致電舖頭，竟然跟我說司機不只送一個地方🤬🤬🤬如無法在指定日期指定時間送貨，是否有責任先告訴客人？尤其是年初二開年飯！後來換了店舖林先生接電話，我跟林先生說， 10分鐘內，如果司機未能送到，請讓他收回。結果，司機致電給我，人仍然未過隧道，根本冇可能10分鐘內送到貨。再多次致電店舖，冇人接電話，致電多次之後，終於有一位女士接聽電話。嗰位女士說我很勞氣，我想請問有哪一位客人在年初二開年飯的時候，等了一個多小時也沒有回音，會不勞氣？當然，最後林先生也沒有回覆電話給我！司機最後也送到乳豬，但整隻乳豬是淋的！究竟這隻乳豬在車裏待了多久？司機究竟送了多少轉貨才到我這邊？奉勸各位，千萬不要幫襯這間店