新斗記

營業中

休息中

由入座講起，一路行緊去座位嘅時候，已經聞到好大陣煙味，應該有人包咗房好大聲唱緊卡拉OK，隔音又差，啲煙味湧晒出嚟，可以話酒樓任何一個角落都聞到。一坐低開壺茶，茶壺仲有食物餸汁嘅漬，好明顯洗都冇洗過。叫咗個招牌乳豬，皮就正方形有10塊 ，肉就長方形有十幾塊，係唔知點樣砌呢碟嘢出嚟嘅。以上各種嘢都唔夠最後呢樣嘢咁差，就係個短髮惡女收銀，我話俾佢聽我張枱冇嚟過前菜，問佢可唔可以喺張單度減返，佢嘅態度超級惡劣。結論就係唔會再有下一次幫襯，唔怪得星期六晚市都可以得兩成入座。