影片
港鐵荃灣站 A4 出口, 步行約9分鐘
繼續閱讀
附加資料
任食任飲汽水
食物多款式,自助式,限時三小時.
營業時間
星期一至日
18:00 - 00:30
以上資料只供參考, 請與餐廳確認詳情
小妹向來都喜歡食韓燒但同時又喜歡打邊爐，今次家人就帶咗小妹一次過滿足兩個願意嘅食店啦！今次家人就帶小妹到荃灣香車街街市嘅新廣發食火鍋同韓燒！雖然地方唔係光鮮，但係都算上係乾淨，如果有潔癖朋友就唔推薦～價錢就真係好抵好化算！每位都只係單火鍋只係＄80，如果火鍋＋韓燒都係＄88。佢地仲有知開爐費，每個只係＄85，所以越多人食就越抵啦！食物款式都算多，而且Refill得好快！小妹推薦韓燒可以試佢地個雞軟骨，真係醃得味道不錯～另外佢地仲齊備不同丸類可以選擇，連比較貴嘅丸，例如：芝士丸、龍蝦丸等都有！當然蔬菜都有，而且都幾新鮮！飲品就有三個雪櫃選擇，可樂、碧泉、沙士、蘋果汁...啤酒就要另外點啦！店員會分開二個爐，一面是火鍋另一邊就係韓燒，火鍋一般都係豬骨湯底！總結：食物都算係新鮮多款式，味道不差，好適合一大班朋友一齊食。但環境上就唔係好似酒家、韓燒店一咁，不竟都係街市樓上。
繼續閱讀
一直都知荃灣有個香車街熟食中心, 但從來都無嚟過. 今日去開愉景shopping, 就順便嚟呢度搵食.一上到去就俾呢間新廣發吸引住 (個名咁熟嘅, 原來就係沙田果間嘅分店) 呢間仲有韓燒添. 火鍋每位$80.00 另加鍋錢$48.00 / 韓燒每位$88.00 另加爐錢$48.00 / 韓燒+火鍋每位$85.00 另加兩個爐錢$96.00 (呢個要一大班人比較抵) 任飲任食3個鐘由於我哋得兩大一細, 如果又打邊爐又韓燒, 要加$96.00兩個爐錢, 感覺唔化算. 上次去沙田就咗某人食燒烤, 今次當然就返我打邊邊啦!食物種類同沙田差不多, 但飲品比沙田多選擇. 我哋主攻脆鯇, 蠔, 青口, 滑牛......都幾新鮮, 其他丸類都係百厭仔貪得意夾兩粒俾佢試. 推介炸魚皮, 辣辣地 齋食夠脆, 浸湯食亦唔差. 肥牛真係好肥又切碎晒, 見到都唔想試. 食飽飽埋單$288.00會再encore (對於我哋嚟講出荃灣點都方便過去沙田嘛!)
繼續閱讀
窮人恩物之前去過一次沙田新廣發，從此愛上…但自從黎左荃灣食之後，就發現呢到環境，人流都好過沙田…所以平均一星期都食1-2次，因為實在性價比太高…每次黎食都有西洋菜，就算而家天氣轉熱都仲有，呢點要俾個讚 基本上韓燒都係熱氣，所以我地成班朋友會選擇拎d配料落煲煲湯，會拎d豬肉，雞件，魚片，栗米，蕃茄，南瓜，西洋菜煲湯，大約30-45分鐘之後飲得，鮮甜無比。最後食埋湯渣唔好浪費食物之於韓燒，基本上配味料唔算多，但絕對足夠，特別推薦燒蠔同螺肉串 飲品方面汽水，啤酒任拎人流方面，基本上星期1-5會無乜人，坐得舒服d…星期六，日會多人到連爐都唔夠供應所以可以的話，盡量星期1-5到，唔洗同人逼，又可以坐得舒服d…環境方面…一般大排檔環境，無冷氣，打邊爐+韓燒係幾熱下，一定會流汗，但清潔程度一定好過沙田新廣發服務方面一般大排檔服務，但呢到d 姐姐叔叔好熱情，會主動加水，都會教你點燒先好味，甚至幫我拎埋野食，又要俾個讚 ，相比沙田，基本上沙田新廣發係無人理…價錢:我都唔記得詳細價錢但愈多人愈平…大約…2人打邊爐+韓燒，平均每人 $12x3人打邊爐+韓燒，平均每人 $11x4-5 人打邊爐+韓燒，平均每人$10x性價比絕對高過一般酒家總結:食物款式多，自由度高，價錢合埋，一班朋友一路食一路吹水既好地方
繼續閱讀
偶然和友人去吃新廣發的＄79火鍋任食任飲放題，叫了兩個鍋（沙爹和清湯）。其實＄79只包一個鍋但加$48可以再加一個。首先，環境方面，這裏環境不太衛生，而且有點擠擁，跟大排檔差不多。湯底方面，沒有什麽評價，因為他也是用湯包來開的。不過值得一讚的是這裏的食物種類挺多，調味料也有提供。食火鍋必備的丸類大概都有十多種，牛丸、豬肉丸都幾爽口。肉類方面就有雞肉，當然不少得肥牛，不過肥牛的味道還可以，只是不太喜歡它被切成非常碎。海鮮方面亦非常豐富，有蝦、蠔、蜆、螺、蛤、懶尿蝦、浸發海參、花膠、青口、脆肉鯇、魷魚等。這裏的蠔是挺大，吃起來挺不錯，但是蜆就比較多沙。其他還有麵、烏冬、菜、菇類、雞蛋等，應有盡有，整體都可以，不過不失。總括而言，食物供應頗充足，以這個價錢能一嚐火鍋任食任飲放題很好。這裏其實還有韓燒，不過還沒有試過，但一般食客都會邊打邊爐邊韓燒，下一次可以試試看。
繼續閱讀