新寧餐廳

營業中

休息中

約了三數好友敍舊，一起到茶座暢敍。下午茶餐一律$70，在銅鑼灣區不算太貴。三個人叫了三客分享，試試不同款式。豬扒豬仔包豬扒薄麵包厚，有點欺場的感覺。豬扒微微煎過，肉是鬆軟的，而麵包亦有用牛油烘香，食吃倒還不錯。蝦多士的多士勁脆，不太油膩，麵包上是鋪著滿滿的蝦膠的，每啖咬下都是蝦肉多過麵包，大滿足。至於西多士銷情較差，西多是脆的，中間有椰汁味，甜度由落糖漿份量多少自行調校，不過小人還是喜歡沒有其他味的原味西多，結果這款下午茶最後都有吃剩。我們坐了整個下午，坐得舒適，食得高興。

叫兩份扒餐，一份5成熟，到檯變成7成; 一份叫3成，上到檯變well done，好好地一餐飯做得非常失敗，一個咁大既錯誤竟然個廚無出黎致歉，雖然一般服務會用其他食品去減低個客既不滿，但並唔係要呢樣野!

We got invited to have lunch here last sunday. We ordered their weekend roast. I had their mushroom cream soup. It reminded me of those western meal i had in local restaurant. The soup tasted like very creamy campell soup, it tasted quite nice actually. It got many slices of button mushroom. When the roast came, i was so shocked at two things. First, the size of the roast was big and it was a thick cut too! Second, it cooked to perfection. It might be a bit raw for some people, but i usually hav

新寧餐廳其實 （在禮頓中心舊店）已經幫襯，出名燒牛肉 （但要星期五，六，日先供應），新店 利舞台 都是第一次來，餐廳服務及環境確實不錯，燈光暗暗地，帶男友，女友來幾好，慢慢上菜，慢慢嘆下，傾下偈，（趕時間千萬別來，由落單到食物上檯，慢。。）。柯打 兩個晚市套餐，羊扒餐，焗田螺西冷牛扒餐，唷，羊扒非常好好味，七成熟度，煮法，肉質都好，好羊肉的朋友，實會滿意。西冷牛扒就普普通通，反而田螺焗得唔錯，亦很美味。餐湯，亦佳，似番個湯，唔會變汁，蘑菇夠多，忌廉湯亦似即煮，不似一大煲煮定。麵包都要讚揚，侍應拿來一大籃麵包，有不同類型，隨你選擇，多少亦得，雖然成本其實不高，但感覺一線高級餐廳。

#bfflove brings me to a #nostalgic #hongkongsteakhouse for #finedining 😜 but we only had 1.5hrs for the #dining #romance before we hit movie for the night😂the staff did explain on the food we picked, mentioning the Pommery Beef is like fully cooked and see if we mind. then a staff came along with a big basket of bread, ranges from baguette, bun, plain toast, wheat toast... we picked a crispy plain toast and baguette with butter spread 😋soup: #potagecomrador tastes like #creamsoup with shreds of

以往食過幾次呢度既燒牛肉，水準都算高，五成熟，多肉汁，粉紅色，肉質鮮嫩，每次都非常滿足！已經隔左半年無食，今晚滿心歡喜想食，點知佢竟然俾左份全熟既燒牛肉我。 最初無為意，以為係邊位先至咁乾，食第三啖時肉質已經又乾又韌，真係好似食橡筋咁！ 後尾望真d塊肉，見個底圓圓地，先估到因爲我係全晚第一個點燒牛肉，所以佢地就切左全舊肉最頭的位置俾我 呢舊野難食過大X樂鐵板餐果塊！ 反而同行朋友果塊就無問題。咁樣都拎得出黎賣，有無搞錯？！ 無下次！以後都唔會再食。當我唔好彩，咁早去食。

雖然小妹偏愛到九龍東「覓食」，不過有時候也會過海聚會， 今次好友就帶小妹到懷舊的扒房－新寧餐廳。 餐廳裝修比較懷舊，晚上感覺更浪漫，適合情侶用餐。 套餐選擇十分多，每份都附有餐湯及麵包， 最驚喜是麵包可以添食，如果不夠只需通知侍應就會送上。 餐湯味道不錯，用料足充，不過感覺偏稀，個人喜歡稠一點。 小妹點了牛柳扒餐，主菜是牛肝菌伴牛柳， 份量十足，女生來說十分足夠。 牛柳肉質軟腍多汁，散發濃濃牛肉香味，絕對是食肉獸至愛， 而且牛柳無須用力咀嚼，質感軟綿，容易入口。 此外，煙肉芝士薯仔十分出色，令人欲罷不能， 芝士香濃再配合薯仔的軟腍，口感層次豐富。 友人點了法國田螺餐，份量很多，男生也足夠。 法國田螺賣相精美，味道也不錯，薯蓉香甜幼滑，令人一試難忘。 炸豬扒的炸粉不會太厚，香脆鬆化，感覺還不錯。 整體水平中上，氣氛適合聊天說地。

在碼頭接完班露營後嘅小朋友！成班好似餓咗好耐，即刻搭車去搵食，因為要泊車優惠，所以去利舞臺揀咗呢間，去到朋友已預早幫我哋落好單！所以一坐低就剛好上菜！地方雅緻，一張長枱比我哋8人！下午茶餐一律$70蝦多士：好少見嘅小食，炸得香脆，蝦膠彈牙唔乾，多士脆，點沙律醬好味！克戟：中文唔知係乜，英文hot cake就好啲！班戟滑身唔乾，忌廉好滑，香蕉夠熟好甜，味道好夾！好味！紅茶：用茶壺上，成件事高級咗，好優雅！紅茶茶味濃！我唔落奶及糖都好味！解膩一流！凍檸檬茶：欣賞糖漿另上！肥髀飲以下係朋友食！焗肉醬意粉：炸豬扒湯麵：炸豬扒豬仔包：西多士：熱朱古力：店員有禮，其實小朋友多真係會嘈啲！佢哋都好包容！食物有驚喜，有啲少見嘅西式小食都有，水準幾好！不過價錢就高級啲！每人$80

朋友啱啱去完旅行返嚟約食飯，佢話想食西餐，我今次就book咗新寧，之前已經食過幾次，都好滿意，但好耐無食了。今次叫咗個set dinner, 同埋一個飯share食。法國田螺餐 $210餐湯：忌廉湯，好creamy，口感幼滑，入面有幾片蘑菇片點綴吓。田螺：半打好香洋蔥味，咸咸哋幾鮮味。薯蓉普通無咩特別。西冷牛扒 自己食開5成熟，但朋友話要7成熟，就吓佢。7成口感都唔會太韌，好香牛味，仲有個焗薯，侍應會行過嚟問你加唔加酸忌廉、煙肉碎同蔥，我每樣要少少。焗薯有少少硬，感覺一般，但蕃茄夠juicy!焗咸牛脷飯 $125已經係第二次叫呢個焗飯，但今次味道好似咸咗少少，但牛脷厚身爽口，個飯又夠多汁，好食。

在11號晚，我和同事因工作O，T晩了.放工後經過Lee Theatre,看见樓上有一間日本菜，我们便上去吃但見很多人因我們太餓了便改旁边較靜的西餐廰，因門口沒有人带位所以我们直人餐廳，看見門囗有卡位我們便座下但有位女部長走到來態度很差說這卡位是四人以上我們不可座oK我们改了座中間位，我们立刻叫田螺餐和肉眼餐二人也是叫牛排四成田螺也很快到但較為失望因咸了忌廉湯也可以但肉眼排很多筋及過熟我朋友的西冷，比我差不多又咸又熟我们叫了她們看但她說牛排是這樣的説到我們像第一次吃一樣這就可能是老餐廳的員工態度，多一個不多，少一個不少，最使我不開心的是我到簽單走時，卡位也是没有人座的，我以後也不會來的。

我到這餐廳吃田螺、紙包牛仔骨、磨菇湯全部都好yummy,yummy,yummy。服務質素，侍應會同顧客打招呼仲會有關禮貌問要什麼。環境又乾淨同沒異味，真是不錯啊！

在cwb行街睇戲攪到夜，九點幾行過呢間西餐廳有些類似太平館。見有位。便入去醫肚。點知中伏我老公點了牛扒田螺餐。記得好似係百幾蚊一個咁嘅餐以為好抵咁多嘢食。點知牛扒叫佢六成熟，就煮到好似柴皮咁。堅韌無比啊。我嗰個餐同樣係百幾蚊差不多價錢。就叫咗羊扒，諗住咁貴嘅價錢應該會好味。點不知一樣係乾爭爭，未至於柴皮，但係冇任何嘅羊肉香味。仲要係冇汁嘅添。至於附上嘅薄荷膏，經典！完全係得甜味，冇薄荷香味，亦冇其他味！唔知佢想點。最後一個經典就係法國田螺，係由琳琳。City Super買到嘅、喺屋企自己焗嘅，肯定好味過佢！加上service極差！你都知道呢d所謂老牌港式西餐廳嘅作風，阿伯waiter serve 你，醒到個樣好似食鹽多過你食米咁呀。唔黑面你都偷笑啦！絕對冇下次！嘥錢、嘥時間、晒胃口啊！

一間好舊式既西餐廳 老字號黎既！我最鐘意佢係可以有幾款麵包選擇...店員會拎住一盤麵包過黎比你揀！有多士呀 麥包 餐包等...-燒牛肉餐仲有湯 麵包 一杯飲品！佢地仲極力推介燒牛肉餐 咁就試下啦！但係就冇得選擇幾多成熟既 因為係燒起左即刻切上碟！um...咁牛肉味道係唔錯既 肉汁好鮮味但有點韌既！但係側邊比較多肥膏 同埋凍冰冰咁......另外仲有ORDER左牛肝菌牛柳扒,牛柳比燒牛肉好味, 肉汁多而唔韌, 肉質比較滑, 上面既牛肝菌都好香, 配埋汁唔錯...總括唔特別...價錢都唔算平！老字號試一次就夠啦_ _ _

朋友同我慶祝生日去左新寧餐廳食.緬懷一下舊上海西餐的風味.1946年創立,一聽就知道係老字號.記得數年前喺上海食過一間1897年創立的德大西餐廳.是日就重返一下上一輩食西餐的味道與情懷.自己叫左西冷牛扒套餐,有羅宋湯及凍咖啡. 朋友叫左白汁雞配沙律.一人可以選一款麵包價錢尚可,主要係食環境同服務.我認為適合情侶或老朋友聚舊.

我去銅鑼灣經過新寧餐廳，聽人講都有啲名氣，於是搵咗一日去試，都幾方便，因為就喺利舞台上面，入到去侍應服務都唔錯。我地叫咗羊架同牛柳，兩樣肉都好嫩，羊肉一啲都唔羶，而牛柳同磨菇汁喺絕配。果度環境都幾靜，幾適合兩個人行完街撐枱腳。