新寧餐廳

營業中

休息中

平時舊式扒房多數都係去金鳳或者名寶石，無意之中發現到原來銅鑼灣有間「新寧餐廳」，咁就試吓啦。對比起其他舊式扒房，入邊環境優雅好多。燈光昏暗，好有情調。而且感覺好乾淨企理，餐廳入面都好安靜。🥖一般餐廳點餐之後會為你送上餐包同埋餐湯，但係呢度佢係會拎住一大籃餐包，入邊有各式各樣唔同種類，例如多士，餐包，燕麥包及小法包等等。客人可以自由選擇，鍾意食麵包嘅揀多一兩款食都可以。🥩主菜到。呢度嘅薯菜係原個焗薯，對比起出邊好多餐廳係炸薯條或者薯角感覺高級好多。塊扒質素一般，但係勝在誠意搭救，上面塗滿咗香草及蒜蓉，令成件事生色不少，香氣四溢。總括而言，我覺得呢度係食環境同埋服務比較多，食物我都會比80分佢嘅，但係整體感覺係食得舒服❤️

原來此西餐廳已有數十年歷史了，我還是頭一次光顧呢😅! 最初我是被其焗田螺的相片所吸引😂🤣。一見有焗田螺吃我雙眼就發光了😍。店座位坐得舒服，一坐下職員幫我們斟完水後，會問我們需否濕紙巾抹手，服務貼心👍，準備開餐😋😋😋😋😋。二人行的我們分別叫了燒羊架餐 (羊架五成熟) 配金必多湯、半打法式焗田螺、酥皮海鮮湯和焗豬扒飯，食指大動。叫餐以後，職員先奉上任選的多款麵包多士，有些如多士乃烘至乾脆的，正👍。法式焗田螺先上場，配湯 (包括酥皮海鮮湯、金必多湯) 伴食😋😋😋😋😋。兩款湯非常好味，確實很久沒飲過如此有質素的西湯了😍! 酥皮海鮮湯內有不少海鮮👍!五成熟的燒羊架和焗豬扒飯陸續上檯。羊架一邊裹上麵包屑才燒，更能提昇羊架的好味程度，滿分💯。至於焗豬扒飯，朋友十分讚賞!惟奇怪的是燒羊架餐附上的意粉是沒汁伴食🤔，經我們再二 (非三😅) 的要求下才給予伴汁 (燒汁來的)。餐茶我選了熱檸蜜，需另加 $10。檸檬有三片，配上一壺熱水之餘還有一甖載得滿滿的蜜糖。蜜糖清香濃厚，份量足夠沖至少四杯。好飲的程度相信是全港最好飲的檸蜜👍👍👍👍👍，大滿足。坦白說，五星級酒店的熱檸蜜也未能及得上。因為實在太飽了，吃不光還

好耐冇去過，難得朋友提議，good idea😃 叫了田螺套餐，焗田螺一貫水準，熱辣辣。羅宋湯好足料。煎豬扒好腍，尤其愛焗薯仔，加cream加beacon加蔥花，正👍🏻

餐廳環境比較暗。每張枱都有枱燈，浪漫又好Relax 。餐前提供的麵包就冇特別。可以慳返個胃唔食。麵包又唔熱 ，牛油都是普通的包裝牛油。焗法國田螺（半打）$120焗出來的確係好香好香。蒜蓉味田螺係好好味。配啲薯蓉勁好食。 頭兩粒都攞唔到田螺出嚟。 服務員好細心幫我換咗。仲幫我將其餘嘅攞曬出嚟。 服務態度真好呀！金必多湯$59呢個中西合璧的湯。係好多香港人喜歡的。忌廉湯內火腿絲、紅蘿蔔絲、洋蔥和主打的賣點幾條素魚翅，最頂有幾滴龍蝦油，畫龍點睛帶出香味。好creamy 又有火腿鹹味。好飲。德國鹹豬手$185可以燒或烚。當然要燒啦！燒脆d碎上。果然出來塊皮外邊脆卜卜。裡邊好煙韌滿滿的骨膠原感覺。係超好食。配的酸菜好食。將豬手的肥膩度大大減低。冇禁漏啊。

急凍龍蝦切成小塊，混在沒有香味的芝士和不知名物料，焗製成超難食的芝士焗龍蝦，龍蝦味如鞋皮，配一件椰菜花和一件薯仔。很努力去食，就是沒辦法食完龍蝦，不信可以一試！

香港傳統懷舊西餐廳 環境舒適 完全係𝙨𝙚𝙡𝙡懷舊扒房氣氛 入面都係有年紀既侍應 真係好有懷舊𝙛𝙚𝙚𝙡!超鍾意呢種𝙫𝙞𝙗𝙚(⁎⁍̴̛ᴗ⁍̴̛⁎)ꕀ 法國田螺餐 $𝟮𝟵𝟳半打焗法國田螺 • 白菌忌廉湯 • 西冷牛扒田螺超甜 有薯蓉係底 忍唔住食晒啲薯蓉白菌忌廉湯真係好有舊式茶餐廳茶餐廳𝙛𝙚𝙚𝙡唔好抱有西餐廳白湯既期望就𝙤𝙠(´･ω･`)牛扒就普普通通 但係都唔錯幾嫩幾多汁 完全唔乾 ꕀ 燒羊扒餐 $𝟮𝟵𝟳鮮菌湯 • 燒羊骨扒飲唔出 鮮菌湯 白菌忌廉湯 嘅分別 都係啲港式茶餐廳味(´･_･`)燒羊骨扒有四塊 無乜蘇味 煎得恰到好處٩(˃̶͈̀௰˂̶͈́)وꕀ 茶或咖啡⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯𓍯 ꜰᴏᴏᴅ 𝟲/𝟭𝟬𓍯 ᴄᴘ ᴠᴀʟᴜᴇ 𝟴/𝟭𝟬𓍯 ʀᴇᴠɪꜱɪᴛ 𝙈𝘼𝙔𝘽𝙀⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

第一次踏進這懷舊扒房入面都是上了年紀的熟手侍應樣子有點似九龍塘百xx的路線但價格就偏貴一點點＼當天是真的很多很多家庭聚會的一家5-6 口在聚會彷佛只有我一個是初來報道😆＼一坐低時開首，侍應們道：「今晚牛仔扒靚！」›¯¯¯¯¯¯¯¯¯¯¯¯¯ 下單後店員會先拿著一籃子麵包分別有餐包、法包🥖同蒜蓉包❖ 燒牛肉餐 $416選了份「當天推薦」燒牛肉大小就跟碟一樣不自覺地「嘩」 左出黎🤣一份上 碟內有焗薯半個、燒牛肉跟兩舊西蘭花🥦同兩片蕃茄作伴碟一切下去已感受得到牛肉的稔滑🥹🫠食落去更加係不負所望😌😍😍主菜到的時候侍應又會捧著🤲🏻一盤六款醬料可以伴著焗薯使用我選的是酸忌廉醬不過我覺得侍應落醬料，非常之豪爽不過我就覺得多了一點點🤏🏻❖ 法國田螺餐 $297套餐入面包半打焗法國田螺 同羅宋湯起西冷扒/龍脷柳/西冷扒/芝士焗雞麵 焗田螺一d 都唔Hea田螺下方有份量不少的薯蓉而田螺都唔細隻呢當你有親身吃過件燒牛肉扒眼前沒有得選擇的醬汁 - 蒜蓉燒汁一大片灑在扒上食落覺得佢係又又鞋又薄身就會立即比下去☹️我選擇了普通餐包，配上的羅宋湯配料是真的很足，酸酸地真係幾開胃🤍☆加一服務費

8月15中午2:00我同朋友之前睇到openrice 介紹依間餐廳 所以黎幫襯。當時門口有位職員帶我地入去坐哩張枱 ，當我想坐果一刻，有位疑似黑色衫女經理，服務態度極差，眼神好兇惡，態度好吾友善，十分無禮貌，叫我吾好坐，當時枱上無任何餐具，得一塊好乾淨枱布，叫人吾好坐往，但都吾使禁惡死架嘛？客氣D，我無得罪佢，吾知點解受到無理對待，於是我地無幫襯，走人，好嬲，大把餐廳選擇，使乜咁受氣！

同長輩食飯，又唔想成日食中餐，強力推介依間！！環境舒適，唔會好嘈，冷氣唔會過凍 服務一流，服務員不時過來查看有冇幫忙，又唔會趕住執野收枱食物 - 成餐飯既重點，簡單講 份量多又好食，非常抵食！侍應俾大家揀完餐包後，不久焗田螺就黎到啦睇下d田螺幾大隻，又juicy！蒜蓉包送上黎熱辣辣，一陣香噴噴既牛油蒜蓉味令我差d唔等埋個湯直接食一啖啦！當食到酥皮海鮮忌廉湯，立刻想起兒時同家人慳住一家人share一份湯既時刻！非常足料，連唔鍾意食西餐既婆婆都讚不絕口！重有牛扒，羊扒，炒飯，意粉， 火焰雪山。。。大家去到就會搵返以前港式西餐廳的感覺啦！

同朋友耐冇見，特意約去食晚飯想搵間餐廳好坐好傾嘅，上網search到lee間開左好耐又曾經搬過嘅懷舊西餐廳: 新寧餐廳係銅鑼灣中心地帶，交通方便又易搵到。入到去服務生態度好好，😊親切嘅，餐牌design唔算好靚但有自己風格。我見好少會有法式田螺食，就試吓lee間整嘅味道啦。服務生指有新翻生蠔🦪，我同朋友都想下有幾新鮮叫左半打！落完單隨即有問餐包，有好幾款包🥯🍞任揀，可以refill嘅，有硬身脆嘅，亦有軟身鬆軟嘅，都ok wor~黎到lee度一定要試吓岀名嘅金必多湯！加錢升級試吓，又真係好飲好少地方有得飲！法式田螺到啦~一黎到已經聞到好香，有Herbs🌱🌿味，肉質偏軟，味道夠，有配薯蓉，食完已經有少少飽。到主菜西冷牛扒到，配焗薯🥔，焗薯醬汁服務生會另外幫你加，可隨心加多減少。🥩西冷牛扒正常，反而焗薯配汁食覺得有記憶點！總括嚟講性價比中等，偏貴，staff服務態度良好有禮👍🏻，環境可接受，當晚去食有小朋友，有少少嘈，但志在食氣氛同情懷，要高質好好食又傾心事嘅就未必符合到你要求啦。(5⭐️最高)味道⭐️⭐️⭐️價錢⭐️⭐️⭐️衛生⭐️⭐️⭐️⭐️服務⭐️⭐️⭐️⭐️情懷⭐️⭐️⭐️⭐️⭐️

朋友介紹這間餐廳係好多年歷史，我哋在星期日中午沒有book位，但很快可以入座，見幫襯的客人大部份都上了年紀或一家大小來幫襯，我哋坐卡位，座位很闊落。兩位朋友點了法國田螺餐，主菜選煎龍脷及西冷牛扒，我選了黑毛豬扒餐。送上的餐包有四款的，有餐包仔，一款似嘉頓麥包多士，餐湯叫羅宋湯，但好普通，我吃的黑毛豬扒餐，扒面上有蘑菇碎，但比較其他茶餐廳的質素，茶餐廳好食又抵食過他，檸檬茶冇茶味，我吃了一口田螺，冇乜特別，朋友食的扒我沒有試，他們亦沒有給我評論。餐廳在利舞臺相信很貴租，所以用這個價錢，係舊食客食懷舊的味道。

 西冷牛扒: 五成熟的西冷牛扒，切開後裡面呈現出粉紅色，非常鮮嫩多汁，容易咀嚼，口感嫩滑。味道非常鮮美，每一口都能感受到牛肉的濃郁肉香。 而且店員會提供酸忌廉，香蔥和煙肉碎調味，令焗薯不會單調。焗蟹肉西班牙飯:  這道菜以西班牙飯為基礎，加入了蟹肉等食材，烤制而成。西班牙飯的口感鬆軟，蟹肉的鮮美味道與米飯的香味完美融合，讓人垂涎欲滴。整道菜外層烤得金黃酥脆，內層軟嫩多汁，每一口都能嘗到蟹肉的鮮美味道。

問咗間餐廳話收夜晚11點，同阿媽星期六晚九點入座， 5分鐘內落好order，9:10pm上完湯，9:15pm上主菜，9:20pm舉手想攞啲配羊𣕧嘅薄荷汁同加水，就以為你要埋單攞張單喺你前面，然後我哋話主菜都未食到一半仲有甜品未上我哋唔係買單，跟住每隔2分鐘分別有三個侍應問咗你四次要飲咩餐茶，真係火都嚟埋，主菜都未食完甜品已經主動上咗，當時連10點都未夠再問多一次侍應佢哋收幾多點然後佢答我11點，跟住我哋就話我哋連主菜都係哽到落10點都未夠一路摧我哋，老實講間嘢啲食物已經冇以前咁好食，我俾緊高級餐廳嘅價錢八百幾蚊，但係食嘢要係快過立食嘅速度真係接受唔到，新寧餐廳係以後唔會幫襯，而且將來佢就算執笠啲侍應失業都唔值得可憐，因為係佢哋自己唔想做😡😡😡😡😡😡😡😡😡😡😤😤😤😤😤😤😤😤😤😤😤😤

經典西餐，服務一流，環境舒適，幫襯10幾年。強烈推薦！由於更改地點與朋友聚會，這個時刻非常難搵位，咁嘅員工在這個時刻安排兩個座位，感謝！食物品質非常好，午餐set lunch 抵食！

疫情舒緩，也出來活動活動，忽然想起這裡的焗田螺餐，馬上訂位。當年還在新寧道時己不時光顧，留下不少回憶，今次仍是點了焗田螺加牛扒，味道依然。剛好坐在燒牛肉餐車附近，不停有客人下單，很快便切完一整舊，下次一定要點。結賬時更送上兔年月曆牌，十分精美。