新寧餐廳

營業中

休息中

新寧餐廳座位舒適，服務員人數比例比一般西餐廳多，效率固然高一點。此店的餐包全是自家製，有多款，水準不俗。尤其推介脆脆「多士包」及大餐包。羅宋湯湯料足，但口味淡，比預期差一點。主菜黑椒西冷扒，西冷扒熟了少許，以致肉質不夠腍，肉汁不足。肉香也是普通喇！配菜有薯條、甘荀粒及肉豆，甘荀粒及肉豆煮得挺腍，亦夠甜，幾好食。

同細佬中午食完SUSHI佢話想食扒.. 所以就去食新寧.. 訂左位6點鍾食晚飯.. 一心想黎食燒牛肉.. 但個經理話只有5-6日晚先有供應咁唯有下次先食.. 燈光偏陰暗.. 幾有情調..由於早去.. 所以無咩人..我地係全場第一台客人.. 想坐卡位.. 但限時一個鍾.. 唔想咁趕所以無坐.. 打開餐牌都唔係平.. 價位中等.. 細佬叫左個芝士牛柳餐.. 我叫左個羊架餐.. 無幾耐就黎左餐包同多士.. 餐包好鬆軟好熱.. 好好食.. 多士凍既.. 細佬鍾意脆.. 所以佢食晒.. 我地都係飲金必多湯.. 好多料.. 味道幾好.. 夠味.. 唔會太結或者太稀.. 飲完湯等左10分鍾到.. 開始黎主菜..細佬個芝士焗牛柳.. 賣相OK.. 想影相個陣細佬因為太餓已經切開左.. 所以無影到..都OK大片.. 但可以芝士粉落太多.. 好咸.. 有配焗薯.. 焗薯好好味!我個羊架都黎埋啦.. 最開心係見到個焗薯.. 羊架有4件.. 自己加左黃芥末同埋佢比左D薄荷JELLY.. 加埋一齊食好味..但薄荷JELLY如果無咁甜會更好食! 食完個餐無有飲品.. 但我地無要到.. 食完坐左一陣就走左.. 2

好朋友生日, 壽星女想食牛扒, 要坐得舒服, 唔好太貴, 又要揀一間 children-friendly 的餐廳, 食家朋友即時推介新寧餐廳, 果然係好介紹. 星期五去食, 仲有 Prime Rib 添. 我點左個田螺餐, 有六隻田螺+薯蓉, 蘑菇湯或羅宋湯, 主菜可揀牛/魚/豬, 包咖啡茶, 同任添麵包. 侍應姐姐捧住一大個包籃問我地想食邊種麵包, 都有好多選擇, 最好味係多士, 好薄好脆, 食到唔停得口, 食完可以再添. 田螺上檯熱辣辣, 都好大隻下, D香草田螺汁撈埋薯蓉一齊食, 正到爆. 我本人認為呢度既羅宋湯好飲過蘑菇湯, 味道好濃, 醮麵包食一流. 主菜塊牛扒我叫左七成熟, 下次叫五成好喇, 生D會再好味D, 配菜個焗薯都好好味, 個侍應會上左碟再幫你加酸忌廉, 脆煙肉同蔥粒. 我老公叫左 Prime Rib, 上檯果陣真係嘩一聲, 眼都突埋, 塊扒大到丫, 超抵食, 仲好鬼 juicy, 肥瘦適中, 好香牛味, 好滿足. 我地帶左蛋糕黎, 要收$50切餅費, 不過都俾得好開心, D服務好好, 大部份員工都係上左年紀的, 全部都好nice, 好friendly, 好有hea

這次開飯的「新寧」，也是相當老牌。原址在銅鑼灣禮頓中心地庫，格仔枱布、燈光昏暗的卡位就是它的 signature。2011 年搬到利舞臺的新址後，環境是企理了，但不知是否舖租貴而要用盡每寸空間的關係，座位非常逼狹，枱與枱之間是垂手可得，差啲攞錯隔離枱碟餐包。點好菜，待應拿著一大籃麵包任君選擇；味道平平，感覺卻很有豪氣，而且餐包是無限續添的。「金必多湯」這湯真的是香港獨有，名字由來不得而知，亦不是很多地方有此湯供應。湯是喝到忌廉味道，十分厚身；內置魚翅、洋蔥、火腿，頗大堆頭，味道亦不錯吃。「牛尾濃湯」湯夠熱材料亦多，內裡有粒粒牛尾肉，肥美。「燒羊骨扒架薄荷啫喱」不是煎，不是焗，而是燒 (grilled)。外面的香草麵包糠令羊皮香口，燒得香脆；四大件羊架份量十足，肉質的確很嫩紅，味道是又羶又香，不錯。反而薄荷啫喱味道太甜，不蘸為上策。「芝士焗牛仔扒」用芝士包牛仔肉去焗，肉味多一份鹹香；可惜焗得過火，肉有點韌，有點浪費了牛仔扒應有的軟滑。「新寧」的甜品「火焰雪山」也是名物之一，是日沒點，皆因它大得四五個人都吃不完；還是留待下次多人點的飯局才品嚐吧！

舊式西餐廳....I like it . 餐廳以前響禮頓中心時已去過幾次。紅湯+田螺係必食嘅, 今次老細請食lunch, 選了這間已搬上利舞臺新址嘅新寧餐廳....入門口個feel有D唔同, 以前黑蚊蚊, e家非常光猛(可能我地又坐近窗口啦) 依然有懷舊feel因為全埸大部份都是上了年紀的僱客。打開Menu,除了午餐喺$78外, 其他的餐都係$150以上 (少少貴la)。因為個金必多湯, 我選了牛仔骨餐($178)。這個湯超多材料, 乜都有(仲有魚翅tim), 好味但飲完經已好飽。麵包有四種選擇, 今次唔熱, 所以麻麻地。牛仔骨用錫紙包住上, 上檯時先打開, 嘩! 打開果下真係好正, 不過D伴菜就麻麻地。牛好淋, 好香, 有少少酒味, 須然我叫五成熟佢上檯變全熟 要扣分, 但入口都ok嘅。同事們叫其他餐; 龍脷柳, 牛柳, 同牛仔肉都話ok。最後我地仲散叫咗一打田螺, 但今次有D咸。但個火焰雪糕(我地叫兩份, 佢地會夾埋一個上嫁) 就好得, 有得玩, 又唔太甜, 好幼滑。最後一提, 我嘅第一次...黑啡就獻咗俾新寧了。

環境：燈光幽暗，配合桌子上的爉燭，很有情調，適合情侶拍拖，也適合我們一家人來吃。食物：羅宋湯深紅色，有很多蔬菜，帶點辣，我最喜愛。焗田螺熱烘烘的，薯蓉很有芝士味，個個爭住食。羊扒肉質鮮嫩，仍能鎖住肉汁。魚柳也煎得很可口嫩滑，配合檸檬汁，很好吃。服務：可能晚巿多客的關係，見待應伯伯十分忙碌，有時都無暇兼顧我們。價錢：每位約200元，應該包了「老字號」在內。

一家人很愛吃燒羊扒，尤其新寧餐廳的燒羊扒，香脆麵包糠包裹的羊扒，香脆感還可以保持羊扒肉汁，每次必食!! 有90分!!昨午與母親大人前往午膳，嘩見午餐燒羊扒餐，價錢平一半 ，於是我問清楚女經理 (不是問侍應生)，請問與百多元燒羊扒有何分別，她答"差不多"，分別午餐3件 (少一件)，OK於是決定落order!約8分鐘燒羊扒午餐到，3件羊扒鋪滿燈色的汁，完全不是食開，但OK都照食，心唸冇90分都有80分，結果差…差…差…差，烚熟D羊扒，何來叫燒羊扒????? 最失敗唔熱兼肉質又老，完全失敗之作!!!! 我真不相信是新寧餐廳的出品!!我非常不滿，於是再請女經理幫我寫多份($150燒羊扒)，並告之午餐問題所在，她竟話"吓唔熱" (不太相信的語氣)，服務態度差…差…差…差!! 10多分鐘燒羊扒到，簡直天堂興地獄的分別!!食唔唒要拿走，個外賣盒要收$5，我照俾埋單時個盒竟然收加一，我都冇唒反應，一間老字號的餐廳，竟然變成如此不濟，深感先望!!!

好多時，餐廳開左分店，又或者搬左鋪，水準同風味已經不再，例子真係多到你唔信，今次主角係由地牢搬上對面樓既新寧。是日預先訂了枱，係食後一輪既八點，準時黎到，不過都要等到八點三先有得入座，其實要等多陣都真係無咩所謂，不過門口的小姐竟然來過黑面，確實係有點hard feeling。到一坐底既時候，坦白講，餐牌都未打開就有位人兄企係黎隔離期望你落單，雖然都預先想好食D乜，不過都想望下MENU，睇下有冇驚喜，乜得佢真係咁趕收工咩，定係仲想做多輪生意呢？說多了，講返食野，先黎既小餐飽係一貫既熱，是穩陣的。唔係個個叫餐既關係，湯只有兩款，係蘑菇湯同周打魚湯，濃郁就係本身既賣點，市面上有不少西餐老店既餐湯已經稀釋得飲不下去，這裡的依舊濃郁，還是飲得過的。吃主菜前有焗田螺同焗西蘭花。焗田螺，薯蓉有芝士香味，焗得熱烘烘，調味正正常常，基本上都冇失手既地方。焗西蘭花，芝士夠多就係呢味既特色。我來這裡的首選係牛仔柳。汁依舊濃郁，肉軟腍，無牙黎食都唔成問題，不過牛柳本身無咩肉味，個味係靠個汁，有點失色了的牛柳。豬手係另一款我會叫的，鹹味唔多夠，肉算是幼滑，可以叫做挽回D分數。羊架要五成熟，不過應該有八成，正正常

我自己一個人, 中午 3 點 走上去吃, 我一直好喜歡 吃 舊式餐廳 的一些 食物, 新寧 餐廳 的 焗田螺 , 田螺肉, 真係 原粒的, 不會像出面 那上 "扒x之王" 的 只有 半粒肉,就 當一粒 給客人我點了 鵝肝醬 多士, 雖然那上 不是 貴價 貨, 但 份量 很多, 而且厚. 一個人真的食不完, 羅宋湯, 用足料的, 很好味, 而且 侍應 他們很有禮, 招呼週到, 地方又 整潔, 坐得 很舒服, 我知很少 年輕人 懂去這類餐廳吃, 去的多是 年齡比較大一點的 人, 但 也是有錢人, 這餐廳 在以前 是 有錢人去的 地方, 所以一直也有 這些人去 這裡 光顧的, 這裡 也寧靜, 不會像一般 餐廳的 嘈雜,

Sunning Restaurant was my all time favourite restaurant during my childhood days. Whenever we went for a celebration, i.e. birthday, my parents would brought me there for a escargot set meal. This is actually the first time I pay visit since they moved to Lee Theatre. The decoration was nice and the shop seems to be a little bigger than the one they had in Leighton Centre.My girlfriend ordered a "Fillet Mignon set", while I continue to order my all time favourite, 'escargot set' that comes with

從小到大都在銅記流連的我，當然認識新寧餐廳。我還記得它在禮頓中心時的樣子。與媽說起，她提起我小學時曾用一張金牛在這兒請爸媽吃飯。可想而知，這餐廳一直都頗貴。作為小朋友的我，想必是覺得很不錯，才會這麼闊卓選這裡請客。這樣藏有老香港情懷的餐廳所剩不多，因此當我為餐廳評分時﹐當中有不少是感情分。新店比舊店裝潢更光猛整潔，格調升級了，但還保留那絲絲懷舊感。餐牌一如以往有很多套餐可供選擇，目不暇給。我選牛仔骨餐。餐湯是金必多湯；它是港式忌廉湯的「富貴遠房親戚」，現在好像只在新寧餐廳才有供應。那個名字真好意頭啊! 濃濃的忌廉湯內有雞絲、火腿絲、菜絲和魚翅，更加了幾滴龍蝦油，材料豐富，味道突出。侍應呈上牛仔骨時以碩紙包裹著，到檯邊才將之打開，一時間香氣撲鼻。牛仔骨頗惹味，但略嫌加了太多鬆肉粉。好戲在後頭，我們選了火焰雪山作甜品。外層蛋白內藏雲利拿雪糕，淋上酒及點著了火，這效果百看不嫌，而且吃下去時內冷外熱，而火焰雪山山頂更放了兩粒車厘子，令童心未泯的我滿心歡喜。。

平日晚上6:30左右到達,門口有侍應招呼.進入有數枱客,燈光暗,嘈吵,空調舒適,雖有燭光但沒情調.二人共點了田螺西冷扒餐及焗肉醬意粉.合共$278.田螺餐有餐包三款任點.來個羅宋湯..差..味淡,沒任何牛腩肉及味,溝水.等了10分鐘有煱田螺,共六粒,大大粒,有齊工具幫挖.味道ok.西冷扒用碟上,有一片蕃茄,數條荷蘭豆,一個煱薯.西冷牛扒七成熟,用鋸扒刀一切,頗實..看來過火了..再食..好難咬..唯有再切細一點,慢慢食完整塊,有點筋,牛扒比較細,比我的手掌還小.約1/4 A4紙大.餐飲熱奶茶,lipton紙包用壼上,花奶及糖另上.侍員態度ok.有老有嫩,十個八個,企哂響度談話,令我整體感覺頗不舒適.但這兒不斷也有食客進入,幾位或是家庭.呢度無下次.去太子名寶石食,會好很多,抵食,平,好味!

今日放假想同老婆二人世界撐枱腳但又唔想食日本嘢(對食材信心問題).左諗右諗結果去左銅鑼灣利利舞台廣場16樓据扒食法國田螺.約7點鐘唔使等位落咗兩客"法國田螺西冷牛扒餐".可能熟客幫襯多環境比較嘈雜.同老婆傾咗約十分鐘就有得食嘞,雖然凍咗啲但餐包夠包味多士夠鬆脆而羅宋湯就好夠味材料十足.前菜嘅焗法國田螺就夠大隻夠肉汁,香草味同螺肉十分配合.主菜嘅西冷扒要咗七成熟,肉質雖然鮮嫩但肉味不足,屬一般水準.最後要杯熱檸茶,檸檬同茶分開上,服務貼心.

豚虎爸爸牛一,為食搞事人提議吃鐵板扒,誰知訂位後才發現原來選了有扒鋸但沒有鐵板的新寧, 這個搞事人真的呆得可以! 一行十人被安排在餐廳最入位置的長桌,城市夜景從輕紗窗簾看來其實蠻漂亮的。老牌餐廳燈光偏暗,加上以假亂真紅玫瑰及紅燭台掩映燭光下,勉強有點羅曼蒂克氣氛,但為什麼不以更有生氣的鮮花代替??一眾侍應都是叔叔嬸嬸輩,要他們招待我們這批大細路真的有點不好意思,從另一方面想就像銀杏館般讓長者仍有工作機會,這也是造福人群。餐廳還提供暖水, 讓我這些腸胃敏感的客人也飲得安心。等候人齊需時, 先來兩個輕食熱身一下。鮮磨菇切片簡單的炒香, 煮法雖簡單也沒其他特別的配菜, 但味道清清的真不錯; 菠蘿雞沙律造型超靚,薯仔沙律外層舖以切片雞胸肉,沙拉醬極仔細如魚網。煮得透心的薯仔伴以適量沙拉醬成沙律,味道不會太特別但好味,雞胸肉不會過於粗糙,去皮後更形健康;四款西瓜/蜜瓜/菠蘿及香橙片皆新鮮甜美多汁,尤似我要多吃的鮮橙為最,不知道為何近來自己買的鮮橙也是不好吃的,灰~~侍應先捧來一大籃麵包任選, 分別有薄薄蒜蓉多士、切片法包及像磨菇的軟餐包。法包外皮香脆中間柔軟,非常新鮮;餐包溫度暖暖, 質感軟軟味

很久沒寫食評, 因為懶.........今年小表妹再來香港過新年. 難得回來, 就和她來嚐嚐這間老牌餐廳, 唔walk-in都唔知原來轉了新舖.After Ocean Park 1-day trip, 個個腳仔軟+肚仔餓(始終裡面餐廳都唔啱食), 搭車出銅鑼灣搵食, 四圍都係人, 又無book枱, 為有搏吓這裡有無着落.以為week-day無咁多人, 估唔到都爆場, 剛剛好有張細枱, 唔駛等.以前來這裡, 感覺自己老餅, 因枱枱客都上了年紀. 而且, 這裡裝潢比較懷舊, 又用candel light, 非常適合談心, 我想應該是很多上世紀XX年代拍拖談心地方. 但我地次次都三五知己來這, 有時唔覺意大聲咗都唔好意思. 轉了新位置, 侍應無變, 感覺寬敞咗, 無咁焗促, 餐具擺設一樣, 价錢貴咗小小, 無法啦! 四圍都加加聲, 為獨是疏乎厘無以前咁一陣風既口感.是晚order 4 sets 法式田螺餐 :-1. 法式田螺 - 粒粒都咁大, 我很喜歡這herbal source, 薯熔面焗得香口. 但Kimmy一路食一路問我啲殼會唔會re-use, 希望唔會啦2. 羅宋湯 + 餐包 (