新南苑私房菜

營業中

休息中

呢日黎到尖沙咀呢間新南苑食好野! 一入到黎已經覺得坐得好舒服, 見到隔離枱D 野食就想盡快落單! 我地揀左A4 和牛餐, 跟住湯底係南瓜公仔蜆湯, 我地揀左要熊仔, 隻熊仔真係超得意~ 見到都好開心! 不過最後都係要放入個鍋度溶左haha ! 跟住仲可以揀多一個主菜, 我地要左金湯酸菜魚! 而呢份酸菜魚係得一份冇得任食, 如果係大滿貫餐就可以任食, 但我覺得而家呢個餐一份都岩岩食! 要多D 位食多D 其他唔同既野! 呢個酸菜魚都不得不讚, 味道非常之好, 魚肉又夠滑, 冇骨! 正! 我地一路打邊爐, 一路食呢D 靚牛, 仲可以睇NOW TV 既足球賽事, 原來可以睇到兩點, 同一班朋友黎食再睇波就岩哂! 另外如果唔想打邊爐, 呢度都有私房菜連同獨立房間再加卡拉OK~ 下次同班親戚黎要試試佢! 另外佢D 牛真係好正, 好有油香同牛味, 真係好抵食!

呢間餐廳嘅招牌麻辣雞煲真係令人驚艷！首先，佢嘅湯底真係獨特至少，唔係一般嘅麻辣湯底。佢哋特意用南瓜公仔蜆湯底，真係第一次試到，新鮮又驚喜。湯底唔會太辣，而係帶有微微甜味嘅南瓜湯，再配上嫩滑嘅蜆肉同公仔蜆，味道更加豐富。唔似其他麻辣煲咁口乾，仲有啲清爽嘅感覺。麻辣雞方面，雞肉爽滑多汁，入口即化，完全吸收咗湯底嘅精髓。啲辣椒同香料都係掌握得恰到好處，辣味嚟得夠勁，但唔會過分刺激，啲香料嘅香氣都可以好好嘅彰顯出嚟。佢地亦有唔同嘅辣度選擇，啲鍾意食辣嘅可以揀高辣，唔鍾意嘅就揀低辣或者無辣都得，好貼心。除咗湯底同雞肉，鍋內仲有豐富嘅配菜。唔少人都鍾意加啲菌菇類，嗰啲新鮮嘅菇菌都係新鮮到彈牙，加埋入鍋一滾，啲菜嘅自然甜味就會融入湯底，增加咗湯底嘅層次感。另外，仲有啲豆腐、海帶絲同豆皮等等，全部都係吸收咗湯底嘅味道，好開胃。

任食放題三步曲#刺身拼盤基本要有既都有，正常放題水準，志在平食🫡三選一#雞煲 #毛血旺 呢兩款，是但一款都可以任食，仲可以揀酸菜魚！我哋就嗌咗毛血旺，好鬼辣🌶️🔥我呢啲退役嘅辣椒妹食唔到，但又辣得好爽😂 #女人就是矛盾 除咗毛血旺，仲有牛肚牛柏葉！都唔錯🫡重點#火鍋任點海鮮拼盤，有波士頓龍蝦🦞某啲套餐係任食，仲有生蠔🦪唔知係咪生食，所以我淥熟咗🤣都幾鮮！牛肉N款任食，禾不行了😂飽到傻，推介A4牛肩胛加極尚牛，嫩到不行☺️plz encore！！！！#南瓜湯底Minion造型，EE不行了，相機📷食先，打卡打卡，味道都唔錯，好濃郁清甜🫡飲品多到眼花撩亂😌有0糖0卡果汁🍹熊仔茶同 #樽仔可樂，媽媽咪呀！有幾何有地方仲有🥹整體都唔錯，我哋食滿足餐，人頭$4xx，回本位，請瘋狂食海鮮同牛肉🥰

抵食又好味既海鮮火鍋放題🥰呢間火鍋裝修別有風味，因為店舖有不少figure可以比我地欣賞或照相。有獨立房間連卡拉OK我揀咗南瓜公仔蜆湯底，海鮮夠新鮮，仲有即劏龍躉片🐟飲品都好有特式，有懷舊樽裝可樂同自製熊仔樽裝冷泡茶🌱

【 午市抵食丼飯 】原本淨係知道呢間有火鍋食，點估到原來午餐除左火鍋之外，都有丼飯食😂今日就決定黎食個lunch先～入到去發現店內擺設左好多Figure比食客欣賞，幾趣致🙈💖想睇更多美食 & 日常分享？快啲Follow @Beerpig.Foodie 留意有咩推介啦🌟—#🍻🍖 質素：🍱三文魚便當盛盒｜$88午市丼套餐包左丼飯·飲品·甜品一個便當有曬｜刺身·卷物·沙律·丼飯｜青瓜絲蟹籽沙律口感層次豐富，丼飯既魚生款式都算多同鮮甜食完主菜就到甜品啦～3.6 北海道牛乳奶凍，牛乳味濃郁，好滑身，仲可以免費任食👍🏻正～—🍻 #新南苑私房菜 🍖📍尖沙咀寶勒巷3-7A號萬事昌廣場2樓1號舖—#BeerPig · #啤酒豬 · #酒肉朋友#hkFoodie #hkfood #foodblog #相機食先#foodie #foodporn #hkfoodblogger #香港美食 #美食 #好吃 #食評 #香港食評#尖沙咀 #尖沙咀美食 #火鍋 #日本菜 #丼 #任食 #放題

超級豐富的大滿貫套餐！小熊花茶很可愛，但這頓晚餐的太多美食了，所以飲品只能是配角。我這天印象最深刻的前菜是麻辣魚皮及蝦多士。魚皮味道不會非常辣，對我來說是刺激但可以接受的辣度。魚皮質感爽口彈牙，整體來說，我非常喜歡這道菜！蝦多士香脆且不油膩。我覺得雖然它不是繁雜的菜餚，但很美味！刺身亦算是這晚的前菜。鮑魚、大蝦、三文魚都很鮮美。各款刺身中我最喜歡鮑魚，因為它很入味，而且肉質軟嫩。品嚐火鍋前，我們先來一份雞煲。它很惹味，但對我來說稍辣。火鍋湯底是Minion南瓜湯（卡通公仔應該是隨機發送吧？）配料除了一般的雲吞、肉丸、肥牛，還有海鮮-龍蝦、蠔等等，選擇非常多！

尖沙咀呢間放題私房菜真係勁豐富，有齊刺身、海鮮、和牛、雞煲同酸菜魚等等～同朋友叫咗呢個「大滿貫餐」，可以自選任食一款雞煲/ 酸菜魚/ 鴨血毛血旺，同埋任食火鍋、刺身同小食～ 我哋揀咗好耐冇食嘅雞煲，落咗好多香料、香蔥同辣椒，好香口惹味，麻辣嘅味道好令人上癮～我哋呢個花雕醉雞鍋湯底好香濃，醉雞件醃得好入味，火鍋配料仲勁豐富添！海鮮同和牛都好高質，大蝦同龍蝦好新鮮，肉質夠彈牙又有鮮味，帶子同蠔都大大粒～ A4和牛入口即化，牛味濃郁，估唔到咁高質素嘅和牛都可以任食～ 其他手工魚丸同餃子亦各有特色～店舖有不少figure供食客欣賞，下次可以約埋figure迷，再黎試吓佢其他套餐，滿足餐、牛牛餐、海鮮餐仲有早鳥/ 貓頭鷹/ 深宵時段嘅優惠價添～

呢間任食火鍋店擺滿左唔同Figure 做裝飾好特別, 食物選擇款式同樣特別, 今次揀左呢個日本A4和牛餐勁抵食($438+10%)一位120分鐘任食🤓 招牌麻辣雞煲/ 麻辣怕血毛血旺/金湯酸菜魚三款主菜揀一款, 各款主食都係任食添嫁😋 今次就揀左平日比較少食到既麻辣怕血毛血旺, 味道幾濃郁夠曬麻好正, 配料既份量都好多😌 時令刺身拼盤1份佐酒小食(5款）各1份3.6北海道牛乳奶凍 任食30幾款火鍋配料任食自製冷泡茶/水果茶/五花茶 任飲刺身拼盤絕對唔馬虎嫁, 有鮑魚, 甜蝦, 各款魚類刺身, 帶子樣樣都好新鮮🤩 因為我地呢個係日本A4和牛餐, 牛既質素會比較好, 雪花分佈平均口感好好👍呢度既食物選擇多元化, 除左和牛餐, 仲有其他幾款唔同既選擇, 大家可以因應自己既喜好去選擇😎

一大班人聚會最岩打邊爐，早排午市同朋友去左尖沙咀左呢間主打火鍋雞煲既餐廳，餐廳有不少figure供食客欣賞，幾特別! 午市除左打邊爐仲有午市丼飯，整體質素都好好午市海鮮餐(4人份量) $298/位湯底揀左南瓜公仔蜆湯，公仔有四款，熊仔真係好打意，南瓜公仔湯底會先俾食客影相，之後先即場倒湯，味道清甜濃郁，用黎打邊爐一流除左火鍋大家可以揀番一款主菜仼食，見隔離枱食招牌麻辣雞煲好似好正，所以叫左黎試，份量都好多，麻辣味香濃，雞件吸收曬啲味好入味，一口接一口好幸福套餐仲會包左時令海鮮拼盤 (每位5款) 同時令刺身拼盤，刺身幾鮮甜，大大舊好有口感，時令海鮮拼盤上枱嘩一聲，好大隻龍蝦，食落爽口彈牙，好鮮甜，其他味道同樣不錯加上30多款火鍋配料任食，連飲品都係任飲，CP值好高，下次會再黎

今日閒逛尖沙咀 到左食lunch時間朋友帶我去搵食 佢話呢間食店有唔少Figure比客人睇😍又有午市邊爐同午市丼飯揀 我地一於去試下店舖坐得好舒服 真係好多唔同嘅figure呀🤭天氣太熱 我地今日揀左丼飯😋套餐仲有飲品同甜品🥢新南苑金箔刺身丼刺身丼份量好充足 賣相好靚 有6款刺身 岩哂我咩都想食刺身味道好鮮甜 最喜歡海膽同赤蝦🥢刺身四色丼朋友話刺身品質好好 夠新鮮 佢最喜歡劍魚腩😻套餐甜品係🥢3.6北海道牛乳奶凍好濃郁香醇奶香味 整得好滑身 正呀！朋友已經約好下次要試佢個晚市火鍋🤣

新南苑餐廳食物多元化，夜晚有得食火鍋、雞煲午市有火鍋、丼飯套餐🍱懷舊樽裝可樂、自製熊仔樽裝冷泡茶相當有特色店內有裝飾櫃擺放不少figure，食飯之餘可以打吓咭📸🎈雜錦粒粒角切魚生丼用料豐富，魚生鋪滿飯面好吸引特別鍾意粒粒八爪魚，食落口感十足🐙配上蟹籽、青瓜更加清新，啱晒夏天🎈火焰豐盛丼裡面有三文魚 吞拿魚 鰈魚 帶子 赤海蝦經過炙燒，魚生嘅魚油夠晒香帶子味道鮮甜大大粒食得超滿足赤蝦肉質結實，同樣鮮味

好耐冇試過同一班同事約得dinner，今晚既然齊人，就決定搵間男士都會鐘意嘅。呢間之前有朋友都介紹過，話店舖有好多figure作為裝飾，而當然我地班男同事一見到立刻wow wow 聲，開始熱烈討論，而我地班女同事就負責點野食。當晚我好滿意個牛牛餐，成盤肉都好新鮮冇雪味！個餐係配埋蟲草花椰子花膠湯湯底，湯底清甜，花膠比人搶住食，大家都大讚！而主菜係任食我最最最鐘意既麻辣鴨血毛血旺，呢間餐廳更加有分時段優惠，滿足餐、牛牛餐、海鮮餐有早鳥，貓頭鷹同深宵時段選擇。

打邊爐冇分季節，呢日約咗班舊同學去敘舊，大家夜晚收工好攰唔想煩就揀咗間任食火鍋店大吃特吃！晚市大滿貫餐 $798@一坐低就奉上餐前小食包括有粟米芯、合桃、木耳同泡菜，湯底我地揀左南瓜公仔蜆湯，隻公仔超得意係Minions公仔！南瓜公仔湯底會俾客人影相先，之後先再倒湯，加湯煮熱後公仔便會瀜化超唔捨得🙈 湯底好清甜！而時令海鮮拼盤超豐富總共有五款每款每人一隻，包括有鮑魚、龍蝦、大蝦、廣島蠔同帆立貝，款款都新鮮甜美。不得不提既係仲有冰鎮鮑魚任食😆😆😆另外套餐仲有麻辣鴨血毛血旺仼食！勁中意食鴨血既我緊係不斷encour😆 而打邊爐又點少得嘢飲，呢到竟然有懷舊樽裝可樂同自家製熊仔樽裝冷泡茶解解渴😋

前排去開尖沙咀行街，朋友話想打邊爐，所以就去左呢間主打火鍋雞煲既餐廳食飯，佢地午市仲有打邊爐/ 午市丼飯! 一入餐廳就見有不少figure供食客欣賞，座位都好舒適午市海鮮餐(4人份量) $298/位除左火鍋大家可以揀番一款主菜仼食，有招牌麻辣雞煲、麻辣鴨血毛血旺或金湯酸菜魚湯底揀左素金鈎野菌冬瓜盅，夏日炎炎清熱一流，入面仲有啲野菌好爽口套餐仲會包左時令海鮮拼盤 (每位5款) 同時令刺身拼盤，刺身好鮮甜，三文魚夠厚切，蝦大大隻又爽口，另外仲有彈牙鮑魚，時令海鮮拼上枱要打個靚卡先，好大隻龍蝦、蟹，輕輕一碌就食得，好有驚喜另外佢地仲有30多款火鍋配料任食，飲品都係任飲架，冰凍水果茶/五花茶有助解膩，最後仲有香濃軟滑的3.6北海道牛乳奶凍，下次會再黎

有朋友介紹呢間私房菜火鍋，佢哋有推出午市火鍋放題($438/1)，有個好豐富嘅午市套餐叫滿足餐，任選一款主菜，其中包括雞煲、酸菜魚同麻辣鴨血毛血旺🤍午市有150分鐘時間任食，上菜速度幾快，所以絕對夠時間！湯底方面，呢度最出名嘅係公仔造型嘅湯底，我哋揀咗個好可愛嘅南瓜公仔蜆湯，打卡一流，店員仲會好貼心，會俾我哋影晒相打晒卡先，再即場倒湯。金湯酸菜魚每枱有一份，雖然酸菜魚唔係任食，但其實都好大份，辣辣哋又幾開胃！魚肉嫩滑又無骨，食落啖啖肉，厚薄適中！另外每枱都有份時令海鮮拼盤，超級新鮮！仲有，佢哋嘅打邊爐配料都勁高質，推薦本地手切牛頸脊同龍躉片，超新鮮又有得任食，好滿足！呢間餐廳其實都幾有心思，除咗供應好多款飲料，仲有懷舊樽裝可樂同自製熊仔樽裝冷泡茶，夠特別！