新南苑私房菜 (已結業)

放題大滿足，一次過可以滿足晒我哋成班朋友嘅需要，有雞煲、刺身、打邊爐、海鮮，啱晒我呢啲多心嘅大胃王。環境都夠乾淨，座位都夠闊落。呢度有好多figures 公仔，俾大家欣賞，都幾特別㗎，好少中式餐廳咁我多figures 公仔，老闆應該係figures公仔迷😃。雞煲任食，有辣有唔辣，雖然雞煲係任食，但一啲都唔馬虎，雞肉鮮嫩入晒味！刺身船有: 帶子、八爪魚、三文魚、北寄貝、蝦…… 刺身夠晒新鮮。三文魚夠肥美！海鮮都有好多選擇，有鮑魚、貴妃蚌、蝦、珊瑚蚌，蝦超級大隻，肉又夠爽。仲有牛、丸、魷魚、雜菜係任食，真係超級滿足！特別介紹，水果茶、五花茶、冷泡茶係任飲❤️！