料理X空間

營業中

休息中

經過門口比餐牌吸引住跟住比好有熱誠既老闆打動左入去同朋友充滿期待咁入座老闆推介煲左4個鐘既冬陰功龍蝦湯同足料焗蟹蓋 我地另外再叫左幾樣冬陰功龍蝦湯：好少見，唔會太辣，龍蝦味好出，青口難得好鮮甜，唔會悔！焗蟹蓋：足料有蟹肉，面頭有層芝士好香，仲會拉絲！金沙雞翼：咸蛋味好夠，煮得好入味！金不換炒豆角：好香香葉味，有鑊氣，送飯一流，忍唔住叫左碗白飯！菠蘿冰：飲得出係鮮菠蘿打出黎，極有心思！最後老闆超好人仲送左個甜品比我地，「兒時回憶」，好特別！

《料理X空間》係最近喺深水埗新開業嘅Fusion泰菜餐廳，個廚之前係做西餐出身，好多食物都好有質素。餐廳由老闆、廚到店員都好nice。好好傾又有趣。傾計時得知食材係佢地自己入貨嘅新鮮肉。烹煮過程唔用味精。真係好用心。當日我地試咗開胃前菜：砵酒鴨肝醬野莓窩夫 $88牛油果蝦酸薑米紙卷 3件$68伴碟嘅沙律係一個驚喜，睇得出用心製作一絲不苟，因為用嘅係新鮮沙律菜除咗預設嘅柚子醋，仲可以問老闆轉黑醋豐富主菜：冬陰功海鮮燴麵 $178馬介休炒菜苗 $78星馬肉骨茶 $98佢仲有個斧頭豬扒。本身我唔食牛，成日想試斧頭扒但係都冇機會試不過今次得我同一個女仔朋友，怕叫咗個斧頭扒就試唔到其他嘢（呢個決定都係好正確，最終我地食到打包）所以決定下次多幾個朋友黎再試。老闆仲話周時有期間限定菜式，係餐牌上面冇嘅，有少少私房菜嘅做法。如果想訂枱食飯不妨問多句，睇吓師傅當晚有咩發板。飲品：LATTE $38荔枝梳打 $58

在深水埗鴨寮街購物，一向是省錢功略，今日專登去購買燈飾，一拼晚飯！車剛好泊在料理X空間門口，吃飯順便看車，在炒牌極盛的日子裏，真的要當心 😂😂😂環境企理親切，滿有年青人氣色，有小玩具可供解悶 👍👍點了招牌掛帥的料理X空間豚肉漢堡 $118 ，賣相不錯。面層煙肉鹹香惹味 😋😋，看上去很美味似的。豚肉扒水份夠，做到鬆軟效果；漢堡麵包換成即做窩夫🧇，口味更好，有心思！廚師原來是米芝蓮三星大廚，專門烹煮泰國、馬拉、及西餐融合菜，在待應推介下，點了泰風味花膠燒雪魚扒 $328雪魚扒外層煎至微焦，魚肉極為嫩滑帶香茅味的泰色醬汁，讓整份魚扒味道更上一層樓！凍濃朱古力 $58，沒有豪華的賣相，卻是一流味道！朱古力味夠濃郁，沒有放冰粒，不會被稀釋，保持濃滑質感，高水準 👍👍👍凍荔枝梳打 $58，清涼香甜，夏日佳品！最後一提，這店是免開瓶費的，可自携酒品慢慢嘆！

係深水埗行完高登黃金之後沿桂林街直上發現一間餐廳，個名幾特別叫 料理X空間。除咗自準備酒水🍾，不收開瓶費外，門口可以泊車🚗又幾方便，廚師係米芝蓮三星大廚，主要係泰國馬拉西餐融合菜👍。焗芝麻芝心蝦多士(大) $78/2件都有幾多蝦膠🦐，充滿口感；芝士🧀有拉絲效果效果。脆蠔餅(細) $108薄薄嘅蛋餅，入面有唔少蠔仔粒🦪。骨膠原咸豬手 $98豬手🐖煮得入味，充滿骨膠原。馬拉沙爹串 (雞、牛) $18/串本來想叫羊🐑，可惜今日冇。串燒表面燒得焦香🔥，入面不乾身。燒牛柳茄茸炒飯 $168牛柳🐂充滿牛味，燒得剛剛好，上面放了蕃茄粒🍅，口感更加豐富。焗芝士蒜蓉包 $48蒜蓉包焗得香脆。

料理X空間芒果酸菜米紙卷芒果酸菜米紙卷係一道清新爽口嘅前菜。米紙包裹著甜軟而有嚼勁嘅芒果乾，包住酸脆清爽嘅泰式酸菜，口感豐富多變。酸甜交織，清新怡人，係泰式開胃菜嘅首選。蟹肉柚子沙律蟹肉柚子沙律清爽解膩，好適合作為開胃菜。以不鏽鋼圓形器皿放上木製托盤，保持住沙律清涼嘅溫度。新鮮嘅蟹肉同多汁嘅柚子碎剁成沙律，酸甜適中，搭配綠意盎然嘅沙律蔬菜，清新開胃。原個菠蘿雞肉炒黃薑飯菠蘿雞肉炒黃薑飯好講究，造型令人愉悅，做法係用整個菠蘿作為主碗，將雞肉同黃薑飯炒得香氣四溢，黃薑飯粒粒分明。菠蘿嘅甜味同各材料嘅鹹香味配合得非常好，口感層次豐富，色香味俱全。芝士焗蟹蓋配多士芝士焗蟹蓋造型非常有心思，以蟹蓋原裝嘅碗，將蟹肉塞入去，表面厚厚一層芝士，烤至金黃酥脆。蟹肉鮮甜，芝士味道濃郁，口感綿密細緻。搭配酥脆嘅多士，吸收咗蟹肉嘅鮮美，帶嚟唔同嘅質感。馬拉沙嗲串馬拉沙嗲烤串可以選擇豬，牛，或者羊。沙嗲調味料散發著濃郁嘅馬拉香料氣息， 建議花生碎作點綴。荔枝梳打荔枝梳打清爽可口。荔枝肉香甜軟糯，梳打清涼爽口，不會過於甜膩。係十分雅致嘅消暑良品。

第一次同朋友路，因為咁啱佢播緊我偶像嘅歌，响門口睇吓餐牌就入咗去，環境非常舒服寧靜，每道菜師傅都用心去做，而且餐廳樓底好高，同朋友坐咗三個幾鐘，唯一就係收得算早，營業時間去到22:00。蝦多士、蟹蓋必食，他他牛係同老闆熟咗之後佢叫師傳炮製的，一定要預訂，非常好味，仲有個龍蝦湯，冬䕃功mix龍蝦湯，鮮到不得了，最值得讚嘅係呢個龍蝦湯嘅心機，同其他食肆無得比，識飲嘅就一定知整個製作過程，唔係開罐頭就算。依家搞到我成日都想再去食，蟹蓋食香味俱全，已經變咗我嘅飯堂😋👍🏻路過經過，唔好錯過

門外有個好可愛嘅斑點狗打卡位，店內木系裝潢，開放式廚房，好有一種家嘅感覺，令人放鬆！主打泰國、馬拉、西餐fusion菜，老闆好友善介紹，原來不時會轉換menu，亦會做私房菜，可自準備酒水，不收開瓶費！👉🏻脆蠔餅 $108唔會好似岀面炸到燶邊，內餡飽滿，有菜甫粒同蠔肉，鮮美多汁，有脆感，而且蛋味濃，好岀息！👉🏻泰豚肉碎生菜包 $98大大塊清脆嘅生菜，包住新鮮多汁嘅豬肉碎，辣味唔會太嗆喉，好惹味，層次豐富！👉🏻焗芝麻芝心蝦多士 $58共兩件，多士係用窩夫底，灑上芝麻增添香氣，咬落就有芝士呈拉絲效果，蝦肉彈牙！👉🏻黃金咸蛋單雞翼 $88共八隻！單骨雞翼易食，酥脆多汁，表面均勻鋪上香濃嘅咸蛋黃，鹹香惹味！配有黑醋沙律伴碟！👉🏻香煎鵝肝忌廉飯送慢煮雞胸 $188鵝肝厚身，好creamy！連帶雞胸肉都沾上鵝肝味道，忌廉飯絕對唔係一pat pat好水嘅汁，而係粒粒飽滿入味！不得不讚係d菇菌，完美地融合！廚師係米芝蓮三星大廚，果然非同凡響！佢地仲好有愛心，如果係醫護界或教育界嘅朋友，只要show到證件就有8折！落地玻璃窗邊位，見到門口可泊車，好方便！就算坐mtr深水埗站 D2 出口，沿桂林街直上4分鐘

喺深水埗黃金商場買完嘢，係附近搵餐廳醫肚先✨上網搵到料理X空間，見個名幾特別就試吓啦🤭地點都好易搵由桂林街直上4分鐘就了，入到餐廳老闆幾好傾，聽佢講廚師仲係米芝蓮三星大廚🧑‍🍳主打泰國+馬拉西餐融合菜，食品幾創新之餘，味道都係有保證😄呢度仲可以自己準備酒水，不收開瓶費，門口可以泊車方便揸車🚗🍽️1️⃣西班牙辣肉腸鮮蝦炒通粉 $168🔥辣肉腸辣度剛剛好，鮮蝦大大隻又彈牙，每粒通粉都滲透濃郁嘅味道，惹味可口👍🏼2️⃣冬陰公海鮮龍蝦湯 $138湯底用龍蝦熬製，材料有青口及大蜆，結合哂鮮味十足😍3️⃣焗芝麻芝心蝦多士 $58外層鋪滿芝麻，香麻可口！內裏是厚厚蝦肉加芝士，多士是用窩夫皮🧇特別之餘又有鬆化口感😋4️⃣醬燒豬腩肉 $98豬腩肉唔會太韌，咬落充滿油香，加上芝麻更加香口😄5️⃣牛油果蝦酸薑米紙卷 $68蘿蔔絲咬落好爽口，加上牛油果🥑及蝦球，內裡有沙律醬，清新又好味🤤想惹味D可以沾旁邊的酸辣醬，配搭效果好好👍🏼

 今日系黃金商場深度遊後，就行上元州街搵食，方便截van 仔番屋企，唔洗系條街等🥵，而位於青山道#料理X空間 ，由港鐵深水埗站 D2 出口，沿桂林街行近4分鐘即到。而門口對出可泊車，旁邊亦有咪錶提供。主打泰國馬拉西餐融合菜式，系深水埗區屬於少見。客人亦可自準備酒水，餐廳唔收開瓶費。另收10%服務費。黃金咸蛋單雞翼（8支）$88金黃色嘅外皮，系底再鋪滿咗滿滿嘅鹹蛋黃。炸雞翼脆得來亦保持到裏面嘅肉軟，濃郁嘅咸蛋黃味道再加埋一大塊蝦餅，令人十分驚喜。芝士焗蟹蓋 $78一上菜芝士芬香撲鼻，芝士仲可以拉絲，焦香芝士下便是大量碎碎嘅蟹肉，口感細膩而延綿，鮮甜可口。自家手打豚肉漢堡配薯仔 $118呢款漢堡係餐廳精選菜式之一，由兩塊香口煙肉系頂，好大個手打豚肉漢堡系中間亦流住芝士醬，偏偏一反傳統漢堡用格餅做底，賣相一流，口感多種層次。真係好好食！西班牙辣肉腸鮮蝦炒通粉 $168勁大碟非常深色，仲要通粉炒得好靚，通粉下面有辣肉腸跟鮮蝦，味道唔會太咸，不會太油膩。凍荔枝梳打 （Iced）$58

料理X空間 (深水埗)深水埗青山道3及5號建新大廈地下E號舖這是一頓充滿東南亞風味的高端泰國美饌,由米芝蓮三星主廚悉心烹飪。每道菜品都講究食材的新鮮與搭配,呈現出層次豐富的口感和香氣,是一次難得的味蕾之旅。1. 芝士焗蟹蓋: - 新鮮的螃蟹肉裹上濃郁的芝士醬，然後焗烤至表層焦脆金黃。芝士和螃蟹肉的香味交織在一起，口感綿密柔滑。2. 焗芝麻芝心蝦多士: - 肥碩的大海蝦裹上芝麻香的粉衣，內餡是絲滑的芝心醬。經過焗烤後外層酥脆,咬下去餡料濃郁鮮香溢出。3. 香煎鵝肝菠蘿沙律: - 新鮮脆爽的菠蘿配上煎得恰到好處的鵝肝,鵝肝外層焦香酥脆,內裡柔軟濃郁。加上沙律的清爽,口感層次豐富。4. 馬拉沙爹串 - 牛肉: - 嫩滑的牛肉串燒,醃製過的牛肉吸收了馬拉薩爹的香料風味,咬下去肉汁流動,回味悠長。5. 冬陰公海鮮龍蝦湯: - 湯頭由新鮮龍蝦和各式海鮮熬製而成,湯汁酸辣鮮美,飽含海洋的鮮甜味。蝦肉質肥美彈牙,搭配其他海鮮,口感層次豐富。6. 青咖喱煮雞: - 雞肉被慢煮入味,浸泡在濃郁順滑的青咖喱醬汁中。咖喱香氣四溢,雞肉肉質鮮嫩,入口即化。7. 烤蔥油薄餅: -

久違的飯局，和yu姐好似好耐無一齊食飯。早兩日就相約去食一間新舖。位於深水埗，鄰近地鐵站的泰國特色料理餐廳。價錢合理相宜，食到飽一飽，人均消費$300有找。冬陰功海鮮龍蝦湯$138一見到橙啡色的湯底，濃郁的質地，感覺已經不錯。果然入口鮮甜，龍蝦和冬陰功的結合，除了完美地保留了龍蝦的鮮味，烹調方式又突顯到冬陰功風味特色。材料豐富，足料，青口、蜆等海鮮都肥美飽滿，新鮮好味。焗芝麻芝士蝦多士$58 賣相脹卜卜，口感脆香可口。底部用了窩夫底去焗，感覺新奇。芝士蝦肉嫩中有彈性，頗特別。芝士焗蟹殼$78 澎湃的芝士佈滿在上面，底部有很多蟹肉，十分足料。每一啖都是芝士和蟹肉的結合。芝士控必選。馬介休炒菜苗$78 清脆幼嫩。爽口又翠綠的感覺，新鮮好味。曾伯鹹水雞$148 好大隻，職員話有3斤重一隻，我們叫了半隻，數一數手指都有1.5斤重，難怪如此大隻。曾伯鹹水雞用慢火烹調熬製，需時15分鐘，但慢工出細貨，肉質果然比普通市面食的雞更嫩更幼滑。熱朱古力$40

行完高登黃金買少少電腦用品之後見到間類似木系cafe 😍當天有新菜單可以一嚐新菜式😌😌店主介紹之下原來Anson Lo 在這裏拍過MV永順街❣️門口可以泊車☺️可自己帶酒去飲不收開瓶費❣️廚師是米之蓮三星大廚主要泰國馬拉fusion菜💜冬陰公海鮮龍蝦湯🌕🌕🌕🌕🌗好濃厚的龍蝦🦞味飲完想再飲💜炒椰菜花🥦🌕🌕🌕🌕🌕好好味🤤我想全碟吃光光好入味又爽口💜焗芝麻芝心蝦多士🌕🌕🌕🌕🌑推介及店裏主打多士餅底用格仔餅製成有芝麻香又有芝士🧀味道幾特別😙要趁熱食😗💜三蝦醬蟹肉蛋白炒飯🌕🌕🌕🌕🌑用三種不同蝦製作而成的醬有蝦米、櫻花蝦在裏邊有XO 醬的味道💜凍青檸梳打凍荔枝梳打青檸🍋‍🟩梳打無糖是健康之選但我還是想要少許糖分快樂一點😚😚料理X空間位置近深水埗站D2 exit 推薦💜冬陰公海鮮龍蝦湯💜炒椰菜花💜三蝦醬蟹肉蛋白炒飯

今日去了深水埗的電子特賣城，裏面的用品平過淘寶，行完後去了附近的【料理X空間】食晚飯，餐廳門口可以泊車，十分方便，而且鄰近港鐵站，行過去都是幾分鐘。餐廳主打泰國馬拉西餐FUSION菜，由米芝蓮三星大廚主理，而且餐廳不收開瓶費，同朋友聚會可自備酒水。肉骨茶濃郁的胡椒香味，加上雞腳豬骨等熬製而成，完全無味精。芝麻芝心蝦多士蝦多士用了窩夫底，中間芝士呈流心狀，蝦膠彈牙，是必食之一。芒果酸菜米紙卷米紙包著酸蘿蔔絲，十分爽脆，加上香甜芒果中和酸味感，十分開胃。馬介休炒菜苗炒菜苗爽脆，有些櫻花蝦灑在表面。西班牙式辣肉腸炒鮮蝦通粉炒通粉爽口，加上辣肉腸咸香味道及彈牙鮮蝦，惹味又飽肚。馬拉沙嗲串燒雞&牛串燒即叫即燒，帶點焦香，加上沙嗲醬的香味，十分惹味。

深水埗出名多野食，不過泰國馬拉菜就真係唔多。呢間食泰國馬拉融合菜，門口設計有特色，睇得出chill既感覺。餐牌上多款特色泰國馬拉食物，生菜包，肉骨茶呢啲代表都有。泰豚肉碎生菜包生菜包唔係咩新嘢，但係豚肉高質，同生菜一樣，新鮮爽彈，有驚喜。燒牛肉酸辣沙律見到menu三隻辣椒，唔使怕，餐廳貼心幫你酸辣汁另上，可以逐啲逐啲試下食幾辣。好多片燒牛肉，加點酸辣汁，配沙律菜，食得滋味。焗芝士蒜蓉包蒜蓉做主，帶出芝士香，最重要焗得脆口。馬介休炒菜馬介休有鹹香，椰菜炒出嚟好惹味。冬陰功煮蜆冬陰功湯香濃，亦嚐到蜆既鮮甜。

位於深水埗的一間別具匠心的fusion料理餐廳,在這裡可以體驗到東西方飲食文化的完美交融。骨膠原鹹豬手,把傳統的鹹豬手完美地融合了現代元素。豬手經過慢煮後,肉質軟嫩入口即化,而且還保留了豐富的膠原蛋白,令人垂涎三尺。加上特製醬汁的鹹香滋味與嫩滑的豬手完美共鳴,讓人百吃不厭。原條燒牛肋骨,牛肋骨經過細緻的處理後,呈現出完美的碳烤香氣,肉質鮮嫩多汁,入口即化。與此同時,特製的醬料為這道菜添加了些許異國風情,為整道菜打造出獨特的東西合璧風格。值得一提的是,餐廳的環境也頗具特色,融合了輕工業和復古元素,營造出別具一格的用餐氛圍。加上服務人員的細心周到,令整個用餐體驗變得格外難忘。