文華雞飯（新加坡） (已結業)

喺中學附近當年好鍾意去文華食, 以學生食飯嚟講價錢偏高 ($4X), 但環境夠靜, 食物質素搭救個人對海南雞飯從來都無咩興趣, 次次去文華都係叫同一個餐 - 喇沙雞米(雖然有好幾次都唔小心叫錯咗做沙嗲雞米, 搞到個waitress 都認得我)先嚟一碗湯, 我覺得湯勝在夠熱, 都算係好味嘅唔使幾耐就嚟主菜望落去好似好油好紅, 食落就覺得好味 (最好就pid 咗D 油去啦XD)佢多數都俾雞全翼再加少少雞胸, 唔肥, 都幾滑米粉就算幼, 但唔係勁幼嗰種, 普普通通OK啦全個精華就在於佢個湯底!!!!!我唔太識用咩味蕾去估材料, 但肉眼見有少少蝦米, 洋蔥咁D 豆卜吸晒D 湯, 好好食個湯底好正, 次次食都會飲晒D 湯

今晚有海南雞半隻，燒雞半隻，雞雜，肉骨茶。海南雞同燒雞都係無骨嘅，雞一個字:滑！我好少食雞皮，但依塊雞皮好值得去破戒！雞皮並無大家最怕嘅肥膏感，而係又滑又嫩。海南雞三寶，薑蓉丶醬油丶辣椒醋都好好食，薑蓉撈雞飯，絕對係好味嘅配搭！肉骨茶裡邊係用咗豬軟骨，夠林夠入味！不過湯偏淡。最後飲咗啖茶，有驚喜！雖然佢用咗普通茶餐廳嘅膠杯，看似用黎洗食具咁。原來飲落去有淡淡清香！應該係花香！正！！--------------------------------------------------------回頭率：8.5/10

已很久沒有來了, 知道這店的份量特別小, 又不是十分好味, 通常都會選擇柯士甸路對住九龍公園的那間(忘記了店名), 但友人不想行太遠, 又想食雞, 唯有求其次啦.上一次, 叫了套餐, 上檯時才發現雞的份量超少, 今次醒目了, 不要套餐, 而是要”半隻雞”, 當然價錢會貴些.上檯時, 份量都是比一般燒味店的少, 經我們研究後, 發現”雞胸”部份並不完整, 問職員, 無結果.... 無論如何, 雞肉是有質素的, 口感軟滑, 可惜雞味不足, 此乃大多店的通病, 此店也不例外, 而已我們也沒有很高的期望, 所以也沒有甚麼失望.餐牌上有白飯$10和油飯$13, 但店員話只得”油飯”, 無所謂, 油飯啦, 除了左邊部份略為濕淋, 整體尚算滿意, 當然, 飯不夠熱又是大多店的通病, 無得投訴吧.芥蘭一碟, 每一條都切去上部, 卒之變為, 葉多過莖, 而且淥得不夠時間, 偏硬.最讚的是, 肉骨茶, 好過樓下 柯士甸路的"家嫂"多多倍, 另外, 更好的是, 三種醬汁自由任取, 唯味道不太滿意, 紅色酸辣汁, 不酸又不辣, 甜豉油, 不甜, 杰度不夠, 薑溶算可以了, 如有蔥花會更好.

首先係量少  冇味 吾好食 D雞完全冇味D汁又吾甲最差係個油飯！！完全吾似油飯！！好似糯米飯咁！從未試過難食到食左一半就吾食仲要八十幾蚊！！！除左可以坐戶外之外  無一賣點

準時放工約了友人到文華雞飯吃晚飯。之前沒有來過，但餐廳位置不難找，山林道一直走到盡頭就是了。到達時大概是7:45pm，人不是太多，不用等位。不過我們入座後就陸陸逐逐有食客入座，到我們走的時候已試差不多滿座。一坐下有位叔叔便叫道：「想食咩？海南雞、燒雞定叉燒？」一心來吃雞的便點了一客海南雞套餐跟一客燒雞碟頭飯，再加一杯凍意米水。很快送來兩碗例湯，唔。。。有點咸，喝了幾口便放下了。套餐送了一碟油菜，正常的油菜，沒有不好吃。很快海南雞跟燒雞飯都送來！看起來都不錯啊！飯夠油也入味，雞是去骨的，肉很滑，燒雞亦很惹味。不過友人覺得雞砌得太細件，我是覺得OK啦～然後來了肉骨茶，很濃，有藥材味，裡面的排骨很軟。但對我來說有點太咸。也是喝了幾口便放下了。意米水是因為聽到旁邊的食客點便突然想喝了，還不錯～！

這是我第一次寫食評,望多多指教!! 話說本人很久看見在雜誌及飲食節目介紹這間海南雞店, 一直都很想試, 今日終於都相約到朋友一起試! 食店位於山林道,只要一直行到尾便到!!去到便與友人坐下,看看餐牌,一個白雞/燒雞飯加換湯 46元, 加嘢飲要8-12元不等~ 有點貴!  我們點之前聽到另一侍應對客說好像沒有燒雞.於是我便問一個上了年紀的男待應,是否沒有燒雞,他的回應:小姐,我地E到賣海南雞,燒雞,點會冇AR!!我覺得服務態度不行!最後我和朋友要了一個白雞/燒雞飯, 黎到碟飯 好細碟,D 白雞 OK 但唔多,食完不覺飽!我和朋友說以後都不會再來!

曾經因為某飲食雜誌的介紹，心底裡對此店一直念念不忘，今日的起心肝一試。分別叫了一份燒雞飯和白雞飯套餐，$72包一碟雞、一個菜、一碗飯、湯或餐飲。飯選了雞油飯，飯身比較硬，雖然說是油飯，仍然偏乾身。是日靚菜乃芥蘭，輕輕一焯，沾少辦蠔油已經相當好味。因為老闆說肉骨有旺血補氣的功效，令我不禁躍躍欲試。顏色像苦茶，賣相委實不是太討好，入口一陣中藥味，但沒有苦，反而是相當咸，令人有點渴。至於主角海南雞，一如店內的牌子所寫的一樣，「白雞滑、燒雞香」。個人還是比較偏愛白雞，因為白雞夠滑，連雞皮食的話，口感味道都一流。不過無論是白雞還是燒雞，都是起了骨的，相當方便。一條山林道，遇上兩位明星。雖然感覺跟雜誌說的有差，不過還是可以一試。

想試左文華雞飯好耐，星期6終於有機會試到由山林道入，沿途經過好多食肆，好多都價錢公道，可以試下~一坐低未叫野食，侍應便送上清湯清湯好清甜，唔油同埋飲到係無落味精既,飲到底有白蘿蔔的薄片，好飲係等緊雞飯既時候可以裝下醬料先~酸辣汁同薑蓉普通, 特別推介黑豉油!!好好味，甜甜地咁，只係用佢黎送飯都可以~白雞飯雞皮無食到，唔知味道如何雞肉嫩滑，雞飯好香，唔太油雞肉下面有幾塊爽脆青瓜另外叫個個燒雞飯SHARE一齊食，燒雞同白雞分別不大,一樣嫩滑, 白雞相對香D雞飯好食, 但份量對女仔黎講都只係岩岩好服務方面麻麻，個女侍應成日大聲講野，叫入廚房

可以卑１０個喊我一定卑！！！！我同女友行完街兩個人過嚟試下個海南雞飯唔須要等位 一入鋪侍應就話收10點 我睇下個時間21:40 心想都有半小時以上食 之後就找張枱坐低店裡只有兩位客人正在用餐坐下未到一分鐘 諗住同女友想想叫什麼食之際 侍應已經用帶有唔耐煩既口吻問你食咩我地話再睇睇先 好快侍應又再問食咩呀(卑你感覺到佢心諗你叫得未呀) 洗唔洗吹得咁趕 卑人諗下得唔得落左單 食物好快送到先係每人各一碗味精湯 同女友飲兩口已經放係度 我點了肉骨茶 女友就海南雞飯才吃了幾口飯 那侍應就開始收拾店舖 其後先前的客人都離開 但我半碟都未食到喎那位侍應就企係我地傍邊 睇住我地食我地個位係對住電視 我地邊食邊睇 佢就去關左個電視重將個冷氣關埋 我食到 feel 到熱 開始有汗見我地無再用個醬汁就嗱嗱聲收埋嗰陣時先剛剛10點我仲食緊那位侍應就掉低張單話$128呀 ~~~~~ 咁即係點呀 想我埋左先呀 跟住繼續睇住你食 係咁卑壓力你 食物質素: 海南雞飯 普通無特別 油飯唔夠香 肉骨茶 太咸無應有的風味

睇完<街坊廚神>見佢地講到咁好食, 上嚟睇吓食評, 本想放心嘗試, 不過見多數不好經歷是團購所致, 都想俾個機會佢....夜晚6:30到, 大把位...但硬要我倆同另外兩位食客坐6人枱 (有點搭枱感覺) 留返張4人枱俾佢地"走棧"喎~~~(算了吧....)接下來講講味道吧~一坐低就來碗湯...怕且是菜湯來, 因為一點雞味都冇. 我們點了一人一份$68的白雞及燒雞套餐. 有一碟好細份的雞, 一碗油飯, 一小碟油菜, 和肉骨茶/飲品油菜一般, 得雜亂的放在碟上, 油飯不夠香, 雞肉也不是太嫩滑, 白雞無味, 燒雞(的雞皮)也不過像豉油雞味, 冇咩特別. 肉骨茶就得個咸字, 略嫌不夠藥材味.唯一好味是點雞的醬汁, 仲係可能自己"不", 喜歡要來撈飯的我, 不怕不夠.埋單計埋加一總共$150以這個價錢來計真係唔值, 所以試過就算, 唔會再來又再一次證明在電視睇好似好好食的, 不一定準確

文華雞飯...聽到個個人都讚好之前食過一次感覺良好...係唔錯嫁wo...可惜今次令人有d失望至少之前有特色有自家風味先...今日變得普通起來可能團購累事啦...一係d雞整唔切...太趕出唔到好貨一係就係價錢問題...令人感覺冇咁好因為平時有個特餐...四十幾蚊又有湯又可以加八蚊要細肉骨茶細肉骨茶(加左價變加十蚊)依家要用團購...竟然只可以選普通餐...成六十八蚊一個咁即係團購左都係唔抵...俾正價仲爽快算啦...錢事少...食左先講肉骨茶(細) 燒雞海南雞飯 白雞海南雞飯 先黎個清雞湯...ok好味個肉骨茶唔算油...看似幾香濃飲落唔係想像中咁醇...偏咸左少少我咁鍾意重味濃味都話咸...就真係咸左d嫁啦肉骨茶係最愛湯款之一...所以都係飲晒以前試過個燒雞飯好喜歡...個皮輕脆味道獨特幾有趣嫁...一試就愛上...唔再想食白雞今次d皮軟晒...俾d汁浸到冇晒彈性勁點個黑豉油之下...有陣怪味原來愈食愈覺得個黑豉油煮重左酒味...蓋左本身o既甜味白雞海南雞味道正常...皮還算爽脆雞肉o鞋唔o鞋睇位置囉...雞脾位就好d油飯都算乾身...反而感覺少左d油...多d仲吸引黑豉油係精

本來我都幾鐘意同推薦依間餐廳俾朋友，不過今次係我最後一次都唔會再推薦！我之前經團購網訂購山林道買$50得$100的coupon，可以用係依間餐廳，但限星期一至五下午3點至6點使用。我就係平日下午5點40分入座，問過張coupon係計入單時間計，所以5點47分就入左單，order左個最貴既$68蚊白雞同叉燒套餐。點知同老闆講左用團購劵之後，分餐既份量比平時用正價少得可憐，雞件皮多過肉，叉燒都ok既有蒜香味。食完就埋單啦，個老闆話過6點要收我加一，我話唔係計入座落單時間計架咩，個老闆話唔得，仲要話如果o甘計你坐到7點8點都得架啦。我6點半離開，坐都坐唔夠一個鐘，就係因為個套餐少得可憐，等都等你個餐三個字，食都好快食完就走啦，係你講既賴死唔走個d客咩？團購劵計入單時間，加一又計埋單時間都幾矛盾。我入來個時寫又唔寫清楚講又唔講清楚，講清楚既我可以選擇第二日來食，而家收多我10幾蚊，食又食唔飽，覺得依間飯店做優惠做得好小家，無下次！

剛剛12:00，店外己有人等位。店鋪細，就要跟鄰座親密一點。碟頭雞飯連例湯$43我和Honey點了無骨海南雞飯和燒雞飯以食物而論，味道不錯，不過找座位/點餐/剛吃完即被店員收食具.....店員匆匆忙忙的，太 " 咄咄逼人 " ，攪到食晏都似上戰場 - - ^

今日同同事來呢度食LUNCH,佢地話D雞飯好出名咁就叫個SET啦我相信海南雞飯大家都食唔小,呢間野個樣都見得下人呀D野食先唔好講正唔正宗,只要有chili sauce,加個黑油,就已經扮到4成啦,最鐘意個chili sauce,有左佢,食咩都好食啦,又酸又spicy個雞呢,就一般啦,唔算滑.其實食海南雞飯重點應該係個飯,咁個飯就無咩雞油味,但係油份又幾高,其實都收貨.反而加左好多香料O個D唔識欣賞個肉骨茶就O岩我口味,藥材味適中!不過呢幾碟野就收我成7x蚊好似,又好似唔係好抵食,因為計埋環境同埋等位,唔值呢個價

今日唔舒服係屋企，老公幫我去買外賣返屋企食，我叫左佢去買文華雞飯，一打開見到啲雞好似咁少咁嘅？係就係味道幾好嫁，不過少得黎又收得貴仲要個底果啲係菜黎嘅；個黃薑飯一啲都唔覺薑；個肉骨茶又係我嘅至愛，特別是哩間個辣味好夠I like it！一個餐本來$68已經唔平，點知外賣話要加$1，都係ok嘅，但係個湯要用另一個碗所以又要加多$1，total即係$70囉~點解唔寫清楚啲呢？總括食物其實真係唔差嫁，不過啲價錢都真係唔見得抵囉！