文興酒家 (曾昭灝大廈)

營業中

休息中

帶左個外國來嘅朋友來食、諗住倫敦嗰間幾好香港呢間都一定好食。點知… 伏 🫠燒味呢就一般，價錢都算貴 😮‍💨 服務態度已經麻麻哋，嘢食又唔平。點知到埋單嘅時候，單上面係多咗個XO醬。我哋本身冇嗌，但係一坐低已經遞上枱。佢哋亦都冇問我哋需唔需要XO醬。買單嗰時候個XO醬係$28 … 仲要再加一… 同侍應講嗰時時候佢話我哋擺低嗰時候你可以唔要㗎。咁如果我知要俾錢梗係唔要啦 🙄 邊有餐廳XO醬辣椒醬嗰啲都要收錢㗎!!!Brought a friend from overseas here for lunch thinking the quality is as good as the one in London - we were totally wrong! The food was very mediocre and it was expensive for roast bbq in hk… The most absurd part is that we had to pay for sauces that we didn’t even order!! We only knew when

屋企人無啦啦提議叫我放半日假，我又傻吓傻吓毫不猶豫咁請咗,其實都冇乜特別嘢做，而係專登過海食咗一餐貴價午餐，原先每個月都計劃好要請一日假陪男朋友而家慳返，可能就係因為咁嬲嬲地話請就請。之前都冇為意，原來就喺以前蓮香樓後面，冇諗過原來要夾成四百幾蚊食個lunch😮又洗大咗我仲以為係普通飲茶食點心，點知⋯先有原條叉燒啦，跟住就嚟一個文興小炒（有韭菜花、腰果，魷魚、鮑魚粒、蝦干，蝦仁🍤等等），再有上湯白菜，薑蔥蠔，瑤柱炒米粉仲有一碟燒肉雞飯同埋馬拉糕。完全顛覆咗我嘅想像😥又唔係特別好好味，諗極都唔明白點解要食啲咁嘅嘢，普通飲個茶啫⋯⋯omg 全條叉燒又冇乜嘢特別，又冇燶邊，雖然而家較為中上嘅酒樓都會有呢一味餸，不過真係好食嘅又有幾多間呢？最好食，我覺得係個米粉，炒得好乾身同埋面頭有啲脆脆唔知係唔係瑤柱碎呢？

上個星期日放假同屋企人出街，媽咪話想食燒味，即刻喺Openrice搵到呢間😌我地就試左休閑午市二人套餐 ，平日係$688，假日仲有優惠，價值$520😳套餐包括前菜、是日燉湯、粵式燒泰國櫻桃鴨、主菜、粉/飯 同埋甜品～前菜揀左雞絲粉皮🤪雞肉新鮮嫩滑，味道好清新仲有青瓜絲🥒粉皮比起平時嗰啲更加爽口彈牙，配埋芝麻醬一齊食夠晒開胃🤤燉湯係猴頭菇螺頭雞湯🍲超級滋陰養顏嘅一個湯，啱晒各位女士們😄啲螺頭同埋雞煲完湯之後都唔會好韌，所以全部湯渣都食晒🤣櫻桃鴨基本上每一位客人都會點！真係無令人失望🥰櫻桃鴨外皮烤得酥脆，肉質鮮嫩多汁，鴨肉偏瘦，配上獨特的粵式燒汁，再加埋瀨粉一齊食真係好滿足☺️主菜就係黑毛豬咕嚕肉😍肉質特別有彈性而且豬味濃郁🤭個脆漿唔會好厚👍🏻甜品係千層糕，上枱既時候仲熱辣辣，捲到好似毛巾咁，超煙韌，質地非常綿密彈牙😛有啲似黃金糕～整體來講，價錢都幾划算😃用餐體驗非常滿意。餐廳環境舒適，服務態度友好，菜品既質量同味道都唔錯！尤其係佢地招牌菜櫻桃鴨，絕對值得一試☺️如果咁岩喺中環附近，又想食燒味，不妨去文興酒家試下呢個休閑午市套餐。

趁住年三十同同事一齊嚟文興食餐收爐飯。不得不試嘅叉燒，有少少燶，肉質鬆軟，蜜汁香濃，正！其他餸都非常之出色，兔年最後一日當然要食返餐好㗎啦！Taking advantage of the 30th of the Lunar New Year, I went with my colleagues to Man Hing to have a year-end dinner. The char siu, which is a must-try, was slightly charred with a tender texture and the honey sauce was rich and fragrant – perfect! The other dishes were all exceptionally outstanding. Of course, on the last day of the Year of the Rabbit, we had to have a good meal!

平時幾好，但係今次真係差得有啲過分。雞少肉多骨，叉燒乾柴咁。就算堂食價錢都無可能接受。Quality is not stable at all. At this price I’d expect more than what I am getting in the photo. This restaurant used to be exceptional but probably not anymore after this experience. Better luck next time.

休閒午市二人套餐 假日優惠$520猴頭菇螺頭燉雞湯 呢個燉湯非常足料～仲超香😍飲落清甜唔油膩，超高質👍🏻我連湯渣都食埋😋青瓜海蜇海蜇份量多，充滿麻油香氣，仲有少少微辣，好清爽又開胃粵式燒泰國櫻桃鴨（半只）泰國櫻桃鴨系餐廳招牌菜，基乎每一張枱都食！燒鴨已經去骨，食落啖啖肉超爽😆色水超靚～油光閃閃👍🏻食落好有驚喜～外皮好脆，而且唔似一般燒鴨咁油膩，肉質緊致有彈性👍🏻另外燒鴨醬汁都好正，點埋有提鮮作用意大利黑醋一字骨味道酸酸甜甜，一字骨肉質嫩滑，另外加咗芝麻同埋花生碎，更加香😋千層糕懷舊千層糕捲成毛巾狀，好煙韌～ 文興酒家 (曾昭灝大廈) (中環)中環威靈頓街160-164號曾昭灝大廈2樓

有一個週末約咗同成班屋企人飲茶親人book咗呢一間聽講話係英國開返過嚟香港嘅中式酒樓 都算係一間新派嘅中菜一行八人叫咗大概7，8樣嘢大部份都幾有特色 幾好食.尤其係嗰個金沙四季豆撈左鹹蛋黃超級邪惡勁好送酒仲有一個意大利黑醋一字骨酸酸甜甜勁開胃，每人一嚿係唔夠食嘅叉燒，煲仔菜都係水準之上.美中不足嘅係甜品方面只有一款合時糖水完全冇其他糕點小甜品咁樣食完大魚大肉想食啲甜品都揀唔到希望遲啲有多一兩款甜品選擇啦

朋友介紹蓮香樓背脊位置有間過江龍，一般聽過江龍一定以為係什麼西日韓餐廳，竟然係中菜，嚟自英國🇬🇧沒有寄望之下，每道菜都好有水準！首先選了肴肉同黃金豆腐粒作為前菜，不錯。之後半隻鴨上枱，由於起哂骨所以啖啖肉，差不多每枱必點，皮脆肉嫩，配合秘製醬汁，又係一口接一口既。再嚟係意大利黑醋一字骨，排骨炸至酥脆，加上黑醋汁濃厚重口味，忍唔住食咗3件！之後既黑松露蝦餃炒蛋，黑松露不欺場，炒蛋又嫩，蝦仁大隻又爽口！惹味四季豆炒嫩牛肉，牛肉真係嫩，四季豆好味，全碟清！可惜已經飽到上心口，如果唔係一定會試吓吉士糕。有老店情懷但係服務十分到位，沒有傳統店那種傲慢反而十分親切！中菜都有plating, 事實係真心好味，近期大推之中菜廳。

英國開業30多年嘅傳統酒家，London開返返嚟香港但絕不鬼佬的唐餐🫡 Decades ago 曾被UK Financial Times譽為世上最好食嘅燒鴨，就係出自於West London 嘅Four Seasons Chinese Restaurant，就連查理斯王子之前都食過。而位於中環衣間鄰近九如坊嘅就係Four Seasons 香港分店！燒櫻桃鴨 🦆 由泰國盤谷牧場入口，每隻鴨都無注入激素及抗生素。櫻桃鴨燒鴨皮下脂肪均勻不會太肥膩，肉質啖啖嫩滑，肉香突出，而且全部都去晒骨，食落啖啖肉。衣碟明爐燒鴨絕唔鬼佬，好味！蜜汁叉燒王 🐷 脂肪肥瘦分布均匀，肉質相當鬆軟細嫩，肥度適宜。甜中更帶淡淡燻香，整體甜度唔會過高，值得推介！酥炸生蠔 🦪 外脆內軟，但略嫌炸得太乾身花膠野菌浸菠菜 🥬 清清地，中規中矩文興乾炒牛河🍝 鑊氣十足📍 文興酒家 Four Seasons 中環威靈頓街160-164號曾昭灝大廈2樓

文興酒家有多年歷史，成立於1990年，從英國首家食店延伸至世界吾同角落。今次趁週末去咗食佢地嘅二人午市套餐，假日優惠價只需要$520😳有前菜、貴妃雞、主菜、甜品。✿ 雞絲粉皮涼拌雞絲粉皮，系吾少中菜館都受歡迎嘅前菜，雞絲肉口感滑溜🐔加入胡麻醬增添許多滋味，然後呢度雞絲粉皮特別在仲落咗芥末，少少辣又幾過癮。✿ 是日炖湯是日炖湯估吾到咁足料，有大大舊翅、雞腳、瘦肉，炖湯啲油系雞肉新鮮滲出黎，瘦肉食完都飽飽哋😬✿ 貴妃雞貴妃雞半隻已經好大隻🐔雞肉大部分部分都滑溜，沾上薑蓉香氣十足🫚用黎送飯一流👍🏼✿ 黑毛豬咕嚕肉用黑毛豬整嘅咕嚕肉果然高級🐷欣賞佢外層好脆卜卜，內裡肉件做到有咬口。菜式本身冇以拔絲命名，但亦做到拔絲效果，打卡效果十足～酸甜醬令人十分開胃。✿ 合時甜品甜品系椰汁千層卷，個樣似卷蛋咁好得意😁好多洞洞透氣度十足，吾會太甜加上軟綿濕潤。

文興酒家被英國《金融時報》譽為世上最好食的燒鴨，連查理斯王子都食過，一定要去試試啦！二人套餐｜$520雞絲粉皮炖湯(兩位)粵式燒泰國櫻桃鴨(半隻)鴛鴦帶子蒸豆腐(兩位)瀨粉(兩位)燒鴨皮薄餡靚，皮下脂肪均勻不會太肥膩，肉質啖啖嫩滑，而配備既肉汁好香，加落瀨粉/米飯都好好食😋最令我驚艷係起骨上碟！食鴨時完全享受啖啖肉而需要吐骨，真係高級享受。另外炖湯非常足料，鮮甜美味，令我一口接一口不為意的好快就飲完。最後食埋回彈力極高而不會過甜既千層糕作結尾。

文興酒家 (曾昭灝大廈)地址: 中環威靈頓街160-164號曾昭灝大廈2樓電話: =====================好耐無去食中菜，星期日都會瞓到11點幾先起身，搵了間中菜去。特惠休閑午市二人套餐有好多野食，$520 （我愛你）haha 前菜青瓜海蜇，食入口就是涼快舒暢,海蜇頭大片口感更爽，咬時口中發出沙沙聲湯品是燉湯，燉得耐食材味煲到出曬去湯水中，有雞腳豬肉侯頭菇粵式燒泰國櫻桃鴨(半隻)，油香十跌口，個皮燒到香噴噴，仲起曬骨。肉汁同油隨嘴嚼時滲出，果然是米芝連必比登推介。意大利黑醋一字骨，個意大利黑醋芳香，個汁加以糖來調節酸甜度上湯瀨粉/絲苗白飯各一，瀨粉用來配個鴨食，爽口彈牙，當鴨油化開在湯中，絕對要試。仲有糖水甜品假日好舒服，慢慢食中菜小炒飲茶。

今日下午在中環吃午飯，這家酒樓位置在蓮香樓後面，要走上山才看到。午市餐廳已有不少客人，不少是慕名而來的韓國和內地遊客，有一定的捧場客。可見這家店的口碑相當不錯。我們點了一個休閒午市的二人套餐，菜品種類豐富。前菜是雞絲粉皮，這道菜口感爽滑，帶有微辣的芥末味道，相當開胃。接著是是日炖湯，猴頭菇燉螺湯，湯的湯底濃郁，十分足料，螺肉鮮嫩可口，這碗湯暖胃又滋補。主菜方面，我們品嚐了粵式燒泰國櫻桃鴨的半隻，鴨皮烤得酥脆，肉質鮮嫩多汁，非常美味。另外還有一道意大利黑醋一字骨，肉質鮮嫩多汁，淋上黑醋的醬汁增添了酸甜的風味。我們點了上湯瀨粉，湯汁鮮美，瀨粉彈牙有嚼勁。絲苗白飯香氣四溢，是一道不可或缺的搭配，配燒鵝吃一流。最後，甜品是千層糕，層次分明，口感軟綿，甜度適中，作為一餐的完美結尾。

之前Duck哥🦆聽朋友講過中環有一間“文興酒家”，佢哋嘅招牌燒鴨🦆非常好食。今日約咗朋友午餐，佢又心思思想食文興燒鴨，見我仲未試過，於是帶我去試下😆。店舖位於蓮香茶樓舊址附近，一般酒樓格局，但地方整潔，店員服務勤快🥰。休閒午市二人餐 $688(假日優惠價$520）前菜 (4️⃣選1️⃣)我地揀咗雞絲粉皮，口感軟滑爽口帶微微勒勁，撈埋雞絲🐓、青瓜絲🥒、山葵及芝麻沙律醬，味道清新鮮美又辛辣🌶。是日燉湯材料豐富，有羊肚菌🍄、瘦肉🐖、雞肉🐓及螺肉🐚，味道鮮甜清香😋。越式燒泰國櫻桃鴨半隻半隻鴨份🦆量足，味道調得非常好又入味😋，鴨皮燒至乾身香脆； 另外，半隻鴨已經起哂所有骨🦴，啖啖肉😍，每食一口，鮮香的肉味及鴨油香味都充滿口腔，非常好食🤤。主菜 (6️⃣選1️⃣)蒜片安格斯牛柳粒牛柳粒🐂一口一粒，質感軟腍無筋，加埋大蔥、洋蔥🧅、青紅椒🫑🌶、薯仔🥔及蒜片🧄一齊炒，惹味又香口😋。絲苗白飯/上湯瀨粉白飯🍚口感軟熟，飯味香甜，一食就知係靚米🥰；上湯清甜，幼身瀨粉爽滑又掛湯，好食😋。合時甜品芝麻糊☕️，自家製甜品，甜度剛剛好，味道天然又熱辣辣，食完非常舒服😋。總括而言，二人餐份量非常之足，如果唔係大食，三個人食都可以，假日優

假日來中環，一定要來文興酒家，試試個休閒午餐雞絲粉皮：滑嫩的粉皮搭配香嫩的雞絲，鮮味濃郁，加上特製醬汁的調味，口感豐富。猴頭菇燉螺雞湯：濃郁的雞湯中融合了猴頭菇的香氣，湯汁鮮甜，螺肉嫩滑，口感豐富。粤式燒泰國櫻桃鴨（半隻）：外皮烤至金黃酥脆，內裡肉質鮮嫩多汁，搭配香氣四溢的燒烤醬汁，風味獨特，誘人食慾。意大利黑醋一字骨：肉質嫩滑多汁，沾上意大利黑醋的酸甜味道，搭配烤至酥脆的一字骨，口感豐富。上湯瀨粉：鮮香的上湯搭配綿密的瀨粉，滑嫩有彈性，吸收了湯汁的風味，清爽又濃郁。絲苗白飯：粒粒分明的絲苗白飯，香氣四溢，米粒Q彈而有嚼勁，吃起來口感細緻，是美食中的經典之選。