撈得喜火鍋冰室

營業中

休息中

入到黎d枱無人執，有d 唔乾淨感覺可能因為係火煱店關係，裝修普普通通，可接受人手似唔夠。野食等好耐 等個西多炸脾等好耐，叫兩個，九個字先出第一個，第二個就差唔多成個鐘，兩點點黎到，成三點先有得食，真係有d耐得過份，懷疑佢入面得一個炸機？其他壞曬？趕時間唔好黎，我見隔離d常餐都等成半個鐘，廚房都似唔夠人手，隻炸脾有d乾身，普通。應該唔會再黎，失望個場唔爆都等咁耐。。。。真係等到傻中午真係唔會黎。。。。。

🌟撈得喜火鍋冰室（大埔）呢間新開嘅餐廳係屋企附近，見價錢都好相宜就入左去打個邊爐 湯底非常多選擇，有成19款～我地簡左椰子雞煲～ 都有好多椰肉同埋有啲馬蹄 飲落都幾清甜～滾起咗就加埋啲雞件 食落肉質都幾嫩肉類🐮手切牛、牛板腱、黑毛豬、肥牛牛板腱都幾有牛味 同埋都refill得幾快🦐海鮮有蝦、蜆、蠔等等除左以上仲有一般火鍋店都有嘅丸、蟹柳、響鈴、鵝腸等等🥤飲品有自家製水果茶 個人覺得幾好飲不過略為甜左啲除咗一般飲品仲有啤酒可以任飲🌟打完邊爐食飽飽仲有甜品同埋雪糕餐廳座位都闊落唔會好逼 坐得都幾舒服

同坊間大部份任食邊爐一樣都係先食雞煲先食雞煲，不過呢度就特別啲，除咗雞煲仲有烤魚揀，但都係收$208一個人，咁我哋揀咗雞煲，叫咗BB辣，個辣度都幾友善，大概有半隻雞，味道都係好濃郁嘅🤓邊爐湯底就直接用返雞煲嗰調味嚟食，肉類嚟講，有手切牛、牛板腱、黑毛豬、肥牛都係任拎任食，牛板腱最有牛味，黑毛豬都幾大塊，至於海鮮就有蟶子仔、海蝦、蜆，最特別係有九肚魚😮 海鮮嚟講，整體都新鮮嘅除咗肉類同海鮮，自助區配料都超過50款，有蟹柳，龍蝦丸，芝士腸，魚皮，響鈴等等，都幾多選擇🤩 質素正常發揮最後食埋有5-6種口味任君選擇嘅自助雪糕，飽飽🤰🏻呢啲任食邊爐最怕就係兩個人嚟食比張細枱你，但呢度勝在九成九都係卡位，就算兩個人嚟都有一張大少少嘅枱，唔使驚無位擺嘢食👍🏻同埋呢度下晝就會以冰室形式經營，有一般茶餐廳提供嘅食物可以嗌😚

今晚Happy Friday！相約很久沒見的她去「撈得喜火鍋冰室」打邊爐。這間新開的冰室地方寬敞，裝修風格簡潔明亮，價錢相宜，可以任飲任食兩小時。蔬菜和海鮮吧選擇頗多，而且食材十分新鮮，特別是蠔、蜆、聖子等海鮮。還有一個專門放牛肉的凍櫃，最驚喜的是有一台棉花糖機和甜品櫃，絕對適合一家大小來吃一個火鍋放題。胡椒豬肚雞煲鍋底選擇很多。可以吃烤魚、雞煲、或普通火鍋湯底，任君選擇。單是烤魚和雞煲的味道也有幾款，有麻辣的、椒鹽的；還有椰子雞煲甚至連泡椒牛蛙及水煮魚也有！真的選擇繁多！我們最後選擇了胡椒豬肚雞煲作為鍋底。湯底的味道清新，胡椒香氣濃郁但不過於刺鼻，過來的料也十足，我們吃了很多豬肚！雞件的份量也多，讓我們都吃不完。湯中有新鮮芹菜、紅蘿蔔、粟米和馬蹄等。值得一讚的是，在煮的過程中，店員提供了一個計時器，讓我們可以掌控雞肉的煮熟程度。雞肉嫩滑，口感鮮嫩，與湯底的胡椒味互相襯托，我們一口接一口的吃着，完全停不下來。打邊爐吃完雞煲後，我們就可以打邊爐。這裏的海鮮選擇算多，冷凍櫃中的基圍蝦、蠔、蜆和蟶子都非常新鮮。每一種海鮮的口感都十分鮮美，特別是蝦，肉質彈牙，鮮味十足。自助吧還有海帶、雲耳、魷

📍撈得喜火鍋冰室朋友介紹話佢屋企附近開咗一間可以食到我最鍾意嘅川式火鍋放題，於是約咗佢一齊試下。入到來位置好寬敞，都幾多人來食吖，一張檯有個火鍋位。🍲鍋底有19款豐富多元嘅選擇，我哋揀咗雙拼鴛鴦鍋：正宗四川麻辣火鍋、健康番茄湯底。兩個鍋底都超級濃郁，味道好濃好足，真係好正～🥘有多款火鍋食材，各類新鮮海鮮、好多唔同部位嘅新鮮牛肉，有各式蔬菜、菇類筍類、肉丸，仲有我嘅火鍋必點響鈴卷都係任食。食完仲有甜品，有cake有雪糕有龜苓膏，仲有個棉花糖機可以自己diy五顏六色嘅棉花糖，小朋友實會好鍾意吖～-特別想讚嘅幾樣嘢：🦐海鮮好新鮮，特別係蝦，超大隻超新鮮，熟咗之後真係好鮮甜，仲係好大隻！食到最後都忍唔住再encore～🥩任食嘅牛肉另外有一個雪櫃雪住，唔擔心會串味，有分唔同部位嘅牛肉，可以全部試埋睇下自己鍾意邊一款！🍥魚皮、響鈴卷都係可以任食（我私心超鐘意），都係用密封盒保存，所以每一塊都係好脆嘅，店家好用心。如果邊一日想要「放開食」，呢款性價比超高嘅火鍋放題實啱你啦！♡♡♡♡♡♡♡♡♡♡♡♡♡♡♡♡♡🍴餐廳：撈得喜火鍋冰室📍地址：大埔翠樂街6號菁泉雅居A座地下1-4號舖💸消費：208@♡♡♡♡

新開張嚟試一試佢嘅火鍋放題我哋叫咗個椰子雞，雞件方面唔知佢係畀半隻我定一隻我份量好少但啲雞嘅質素唔錯。任食食物種類唔多，甜品選擇亦少。最大鑊就係醬油方面只係得豉油，醋，麻油，蒜蓉，芫茜。食物質素方面一般水準，肥牛手切牛等食物佳寶水準，至於蔬菜丸類及海鮮選擇亦唔多。唯一可取就係有棉花糖食。要讚就係佢哋自家製飲品質素非常之高好好飲！

今日去左呢間新開嘅餐廳到食，諗住新開應該都冇咩問題，堂食完之後叫左個外賣，就係呢件事令到佢成為我不會再幫襯嘅餐廳。事源就係叫左早餐，炸菜肉絲米線，餐肉炒蛋方包，熱奶茶。堂食價錢$37，我睇睇張單收左我$40，我仲以為佢寫錯咗，好少見茶記或者餐廳收成$3外賣錢都算，諗住佢會包得好好睇睇，點知一黎到就係咁樣佢將所有嘅餸放晒係一個碗，連埋啲湯，啲蛋都被啲湯浸到一pat野咁，視覺效果極度惡劣，滑蛋咁浸法都唔好食得去邊我之後好聲好氣咁同個店員話想反映下啲意見同比啲建議，話分開裝會好啲，點知個店員仲理直氣壯咁講，‘如果你分湯嘅話要一開始就講！如果唔係我地唔會咁做‘聽到果下真係火都黎，我點知你嘅做法同出面外賣唔洗加錢咁樣姐，收得我$3都仲要咩都講清講楚，講到完全係我問題咁，咁係咪要問埋你$3點計出黎呀（續個計$1都計唔掂喇）你可以話係$3嘅問題，但又反映出佢做生意嘅手法，為左果少少，連外賣盒錢都賺到咁盡，值得咩？對我黎講，永不再幫襯，完！Ps. 堂食嘅沙嗲牛肉麵嘅牛肉唔知食緊咩肉，用左一堆鬆肉粉令到你入口即溶，平價想試和牛嘅texture嘅話可以try try。

住喺大埔嘅朋友話我知，喺菁泉雅居A座開咗間「撈得喜火鍋冰室」，約我一齊去試下。平日7至9點$208/人7點前離座或9點後入座$178/人可以任飲任食兩小時。有椒鹽雞煲蝦、麻辣烤魚、胡椒豬肚雞和清甜椰子雞煲，仲有好多鍋底選擇。我哋揀咗清甜椰子雞煲，湯底裏面已經放咗新鮮椰子片、紅蘿蔔、粟米和馬蹄，跟住就攞半隻雞放喺枱面，店員話等湯滾起先落雞。仲比埋個計時器，沙漏落完就可以食啦！打開就聞到陣陣椰子香味，雞件亦好嫩滑，店家用計時器的確唔錯，又唔會驚啲雞煮到老曬。食完椰子雞煲，可以繼續打邊爐。冷凍櫃有（蝦、蠔、蜆、蟶子、九肚魚）海鮮都好新鮮。肉類有手切牛肉、牛板腱和黑毛豬。蔬菜類、丸類、豆製類都係任食。我最喜歡食嘅炸魚皮和響鈴都有。飲品：有各式各樣汽水和啤酒，仲有自家製嘅杯裝生果茶和白桃烏龍冷泡茶。最後仲有雪糕和糕點食，兩個鐘頭都真係好夠時間，真係大滿足。我哋5點半入座，坐咗一陣，差不多爆滿。地方好闊落，冷氣夠曬大，店員友善，全部都係卡位，坐得好舒服。

大埔近期開咗間新冰室，又可以多個選擇喇！午市客飯，晚市搖身一變火鍋放題只需$178起/位食足2小時任飲任食（連啤酒、自家製冷泡茶包）自助式，CP值都幾高非一般湯鍋種類仲有19款🤩任君選擇，特別推介人氣椰子雞湯、烤魚及豬骨湯鍋全都是真材實料，約埋三五知己嚟滾吓啦！1-2人一鍋｜3-4人二鍋二人揀咗椰子雞鍋（半隻雞）清澈湯頭好足料椰香味，煲內有椰子肉、粟米、甘筍、馬蹄等…雞肉鮮，肥美滑嫩小食涼拌～青瓜及炸魚皮自助配料超過50款估唔有幾款到時令海鮮，優質靚牛、黑毛豬、最驚喜爆汁咖喱魚蛋有噱頭，小心燙嘴甜品方面小cake、雪糕、棉花糖機玩味十足咁

秋風起，最適合就係打邊爐定係雞煲，朋友介紹太和嗰度開咗間新嘅雞煲店，另外都會有有啲小菜可以叫，今次小編就同朋友去試咗呢個雞煲嘅放題，一個價錢就已經包咗雞煲同埋任飲任食，海鮮肉類都非常之高質，而且雞煲呢都有辣度同麻度可以選擇，小編就揀咗椒鹽麻辣雞蝦煲，雞煲份量都幾多，而且都好香 ,另外食完雞煲之後仲可以打邊爐，牛肉方面都好高質，有手切鮮牛肉片同埋牛板腱，而且仲有枝竹+萵筍+芋頭都係小編極力推介，枝竹吸收晒雞煲嘅香味，另外芋頭呢經過特別嘅加工，擺喺個湯嗰度都好容易煮熟，至於海鮮方面都好新鮮，當中呢就有蜆，蝦，蟶子，同埋蠔，各款都好有特色，而且呢都有響鈴同炸魚皮，飲品方面除咗冷凍茶之外都有啤酒可以選擇,仲有任食雪糕添,所以總括嚟講性價比都好高，一個價錢就包晒所有嘢仲要任食兩個鐘😛

轉咗工，就變咗半個新界人🤣🤣 happy Friday就會去嗰邊覓食。留意到香港好多食肆都平咗，質素好咗🥰大家多啲留港消費啦！今次去咗大埔呢一間冰室，位於住宅區裏面，價錢平而且食物新鮮😍我同朋友揀咗唔使加錢嘅胡椒雞煲🥰每人$208就可以任食牛肉、蔬菜、小海鮮、飲品、甜品等😋連鍋底都包埋！第一感覺係選擇都幾多，之後食落估佢唔到地每樣都好新鮮！估唔到呢度連蜆、生蠔🦪蟶子仔同埋鵝腸都有🥳🥳仲要一啲都唔腥，食落好清甜🥰真係有少少喜出望外。蜆仲要好大隻，唔係平時食豉椒炒蜆嘅細size。值得一提的是，呢度有手切牛😋食落好新鮮，回本必拎！最後飽到甜品都冇食，飲埋支水果茶就走咗啦～🏠撈得喜火鍋冰室 (大埔)大埔翠樂街6號菁泉雅居A座地下1-4號舖