撈得喜火鍋冰室

營業中

休息中

今晚約左中同食飯，有啲佢介紹我去呢間打邊爐😄呢間餐廳幾大，座位寬敞，坐低揀湯底先，試下胡椒豬肚湯底！侍應先來了雞，漏斗完了，就可以開始食。雞幾滑喎，唔會肥，有胡椒豬肚味，唔錯！食完隻雞然後出去攞唔同嘅嘢食來淥😎外面有唔同種類嘅海鮮：大蜆、海蝦、生蠔、蟶子、魷魚，豬紅、牛柏葉、魷魚、豬肚，我哋差唔多試晒，海鮮都好新鮮，尤其是係蟶子、好入味，煙煙韌韌，口感一流，仲好鮮甜甜，海鮮好鮮甜，本身海鮮嘅鮮味，加埋藥膳雞嗰個餐底，索晒啲藥膳湯，感覺食緊啲好補嘅海鮮，好正！大蜆都好鮮甜濃蜆味，我地仲食左幾碟添！😙之後我哋加咗個皮蛋芫荽湯底，繼續打邊爐，出去再揀啲食物先，仲見到各類魚蛋貢丸、豆腐、魚腐、雞、唔同種類嘅蔬菜同埋菇，包羅萬有，仲有自家製嘅飲品，全部都係大路的邊爐食材，索埋個湯底，帶胡椒味，配合埋個自撈醬，真好食！😛行入D 仲有肥牛、牛板鍵、黑毛豬、手切牛！ 全部都好香牛味，只係不同質感，小編最中意手切牛，質感嫩滑D，而牛板鍵就比較挺身同肉實D❤️仲有自製棉花糖機同雪糕添！小編食咗曲奇同香芋雪糕，自己裝幾多就幾多，味道都唔錯！🥳每位$208 加一，呢個價錢食到飽晒，真係抵食😎

好耐無食過雞煲、烤魚，天氣凍返心思思好想食。近排大埔開咗間超抵既雞煲火鍋專門店【撈得起火鍋冰室】任飲任食只需$178起‼️今次我哋就食烤魚，其實仲可以揀雞煲、椰子雞、胡椒豬肚雞、花膠雞等等美少女一望啊係咩揀！食完烤魚、雞煲之後就可以打邊爐，餐廳都好有心機，準備左好多款湯底，咁就唔洗由頭到尾食一樣既味👍🏻自助區任食既食物種類非常豐富，仲有好多比較貴價既食材，蝦、蜆、蠔、魷魚等等海鮮都有，岩哂鍾意食海鮮嘅朋友，輕易回本🤣唔食海鮮都有大把選擇，鵝腸、牛柏葉、牛肋條、肥牛等，應有盡有！食材質素高，CP值非常之高～最後記住食埋雪糕、千層蛋糕先走。

唔駛$200 任飲任食火鍋雞煲🍲仲開到晚上12點宵夜時段邊度有？喺撈得喜就有啦🍲湯底多達十款雞煲 酸菜魚 同各式各樣湯底揀咗清甜椰子雞湯🥥三個椰子煮成一鍋精華鮮嫩雞肉滲出滿滿椰汁香 雞皮同肉都偏白色🐓 🐠海鮮生蠔🦪魷魚🦑生蝦🦐蟶子 蜆 款款新鮮爽口有埋漏斗計時⌛️就唔會淥過火🐖肉手切牛🐮牛板腱 肥牛 🐷黑毛豬全部分好一碟一份 方便衛生唔駛等解凍🥤飲品罐裝汽水橙汁啤酒🍺紙包烏龍茶解茶🍵自家製係最受歡迎 手打香水檸檬茶 🍑白桃烏龍 黑糖仙草夜奶🍋柑橘檸檬 拎幾轉食材已清晒🎂甜品一口小蛋糕 彩虹蛋糕🍰雪糕多款口味到食唔晒

天氣凍凍哋，最啱就係打邊爐！今次去咗大埔嘅「撈得喜火鍋冰室」，試咗佢哋嘅麻辣蕃茄鴛鴦鍋，兩小時任飲任食，真係食到飽到上心口！呢度嘅環境乾淨舒服，服務又貼心，啱晒同班friend一齊嚟烚下烚下，傾下計，過一個暖笠笠嘅夜晚～ 湯底係重點！麻辣嗰邊香辣得嚟唔會太嗆喉，香料味好出，愈食愈上癮；蕃茄湯底就酸酸甜甜，好開胃，特別係配蔬菜同雞件，真係無得輸！ 雞件好新鮮，肉質嫩滑，放落蕃茄湯底煮，吸晒啲精華，食落好juicy，完全唔會鞋口，正！ 肥牛油脂分布均勻，輕輕一淥就食得，入口即化，牛味好香！芝士腸咬落去爆漿，芝士味濃郁，食到停唔到口～ 丸類選擇多，牛丸、墨魚丸、龍蝦丸樣樣有，每款都彈牙有咬口，特別係牛丸，咬開仲有肉汁，好滿足！ 食火鍋點可以少得蔬菜？生菜、金針菇、娃娃菜樣樣齊，新鮮乾淨，放落蕃茄湯底煮，清甜又解膩，食多啲都唔怕滯！ 最後當然要食返個雪糕啦！有幾款口味任揀，我最鍾意係朱古力味，濃郁又唔會太甜，食完火鍋再食雪糕，完美收尾！ 總括嚟講，「撈得喜火鍋冰室」性價比高，食物質素唔錯，服務又貼心，環境乾淨舒服，啱晒同朋友一齊嚟打邊爐，吹下水、食下嘢，過一個開心嘅夜晚！ 📍

環境都幾舒服，位夠大，坐得舒服，啲光線又夠晒光猛。我哋一開始揀咗蒜香味烤魚，條魚皮薄脆卜卜，魚肉鮮嫩多汁，食完烤魚之後，仲可以轉打邊爐，超抵食！😋打邊爐我哋揀咗皮蛋元茜湯底，香氣撲鼻，皮蛋同元茜嘅味道好夾👍🏻講到配料，海鮮有鯉魚片、卜卜蝦、蜆，肉類有肥牛、手切牛、黑毛豬等射，全部任食，仲有好多丸類、蔬菜可以揀，絕對唔會悶。特別推介豬紅同魚腐，吸晒湯底精華，食落去真係滋味無窮😍最驚喜係佢哋嘅飲品櫃，除咗大量罐裝同紙包飲品，仲有手搖飲品，杯裝檸檬茶🤣任飲任食兩個鐘，繁忙時間只係$208一位，真係超值！😍

服務～👍🏻門口E E見我朋友又未到，就算book左我未夠鐘，都叫我入嚟坐住等朋友話唔好出邊吹風😍 好細心環境～坐得好舒服，同埋好闊落好光猛煲底～首先揀咗個煲底（麻辣雞煲, 椰子雞煲, 多款唔同口味烤魚），我哋叫咗香辣味BB辣烤魚！ 估唔到條魚皮薄仲要脆卜卜，魚肉就一啲都唔韌，忍唔住成條食晒😍! 淨食條魚都覺得回本🤣! 打邊爐配料～估唔到我都叫好多款，（海鮮）蠔仔、👍🏻小蟶子、蝦、蜆、魚肉、魷魚，（其他）牛柏葉、生腸、👍🏻豬紅、丸、雞件、豬皮、芝士腸、午餐肉、豬肚….，（蔬菜）菇、菜、根莖類, 每樣都有幾款👍🏻！ 足足有兩個大雪櫃肉～黑毛豬、👍🏻牛板腱、肥牛、手切牛另外甜品櫃(實在太飽飽試唔到😞)! 幾款味道雪糕，薄荷朱古力好味，仲要有朱古力粒粒👍🏻! 飲品櫃都有驚喜，估唔到除咗罐裝飲品啤酒之外，仲要有手搖飲品，香水檸檬茶👍🏻裏便有寒天! 值得一讚，手沖飲品，唔過甜👍🏻! 完全食足兩個鐘🤭, 原本想試埋其他，可惜個胃唔夠大， 唯有下次再嚟過🤣🤣🤣🤣

大埔其實都幾多美食，今次就同朋友嚟到呢間性價比超高嘅冰室，入面仲有任飲任食火鍋揀！只要二百幾蚊，就可以有兩小時嘅任飲任食！呢度嘅鍋底選擇多達19款，包括有烤魚、雞煲、水煮魚、牛蛙鍋、酸菜魚，最後我哋揀咗雞煲bb辣，味道香濃，雞肉嫩滑，食完雞煲之後再加湯，就可以加入火鍋配料打邊爐喇！火鍋配料方面，選擇種類繁多，包括菜類、肉類、丸類、海鮮類！所有配料都係出面自取，海鮮類新鮮，包括有蜆、蝦、蟶子，口感彈牙又鮮甜！肉類都有幾款選擇，包括肥牛、牛板腱、黑毛豬，色澤均勻，煮過後，口感鮮嫩多汁！飲品方面，除咗有紙包飲品、罐裝汽水、啤酒之外，仲有自家製嘅飲品，佢哋嘅柑桔檸檬茶非常出色，味道酸酸甜甜，非常開胃解膩！另外，仲有任食甜品、雪糕，都有好多選擇！

任飲任食2小時火鍋！正啊！基本上店舖都係全自助形式，可以自己攞配料同埋飲品～嘢食refill得好快，所以好新鮮！仲有海鮮食添啊！依個價錢性價比真係好高～污嘴狗今次揀左椰子雞湯底，又清又甜👍🏻！𝑭𝑶𝑶𝑫𝑺1〉椰子雞湯底 $208任飲任食一上枱已經聞到香噴噴，流哂口水啦～椰子味好香好吸引！2〉肉類 $0（推薦🌟）肉類選擇多～牛肉都有幾個部位揀，咩都可以食啲！但真係要大讚下豬肉片，味道好香濃，完全吸收哂煲湯既精華！會想不停再食再食！3〉海鮮類 $0有啲小驚喜竟然有海鮮食～本身價錢已經唔貴，仲要有海鮮供應好加分！海鮮類有蟶子同埋蜆～好新鮮好滿足-

【大埔•撈得喜火鍋冰室】@ππππππππππππππππππππππππππππππ🌟鮮甜椰子雞湯底大推介✨最近入大埔探朋友，天氣涼涼哋，諗住打個邊爐暖下個胃。朋友極力推薦呢間「撈得喜」嘅椰子雞湯底，試完真係有驚喜！🐾任飲任食兩小時 成人$208/位 7點至9點✨一坐低就急不及待試佢哋嘅招牌椰子雞湯底。個鍋一上枱，已經聞到陣陣椰子清香，店員仲好貼心咁提醒我哋等湯底滾起先落雞件，仲用漏斗計時，確保雞肉煮得啱啱好😊等雞件熟咗之後，第一時間梗係試下個湯底啦！一啖飲落去，椰子嘅鮮甜味即刻湧出嚟，完全唔係嗰種假假哋嘅化學味，而係真材實料用新鮮椰子肉熬出嚟嘅天然甜味，甜得嚟又唔膩，仲有種回甘嘅感覺，真係令人驚喜！雞件都幾大舊，初時仲擔心會唔會冇咩味，點知椰子嘅鮮甜已經滲透入雞肉裡面，食落去鮮味十足，真係值得一試！配料方面，肥牛、手切牛肉、黑毛豬等都係任食，海鮮類如鯉魚片、卜卜蝦、丸類等都係任點任食。特別推薦大家落支竹同魚腐，吸晒湯底嘅精華，食落更加滋味！最後分享個隱藏食法俾大家：加湯嘅時候可以試下用馬蹄爽做湯底，咁樣可以令湯底嘅鮮味保持得更耐！再按自己口味加入豬骨湯，調出最啱你嘅味道，成餐飯都充

今個冬天最啱同朋友去打邊爐啦！🍲❄️佢哋嘅椰子雞煲🥥湯底清甜又夠味，仲有好多椰肉添！😋 雞件嫩滑，啖啖肉！🤤 除咗雞煲，仲有好多款火鍋湯底揀，例如麻辣、番茄🍅等等！選擇多多！🤩海鮮方面，蜆🐚、蟶子仔、青口、蠔仔🦪、蝦🦐肉類方面，手切牛🐮、牛板腱、肥牛同黑毛豬🐷肉片都好食！ 仲有好多其他配料，例如枝竹、萵筍、芋頭🥔、響鈴、炸魚皮等等！🤤🤤飲品方面，除咗普通嘅汽水🥤同啤酒🍺，仲有自家製嘅水果茶🍹！甜品方面，雪糕🍦任食！仲有棉花糖機可以自己整棉花糖🍬 🥳

突然之間天氣又凍返，臨時出咗去打邊爐！呢間火鍋店上次喺附近食飯已經見到，平日晚市人潮都幾多~價錢亦都好平可以任飲任食兩個鐘~湯底都有好多唔同選擇，烤魚、雞煲等都可以選擇。飲品櫃選擇都算多，除咗基本罐裝嘢飲連啤酒都有，另外亦有餐廳手打檸檬茶、白桃烏龍等。湯底我哋揀咗清甜椰子雞煲，一共有半隻雞，見出面仲有雞件可以拎，所以夠唒食！湯底原汁原味，用咗三個椰子去製作，加埋粟米、紅蘿蔔同馬蹄煲更加清甜。忍唔住飲咗兩碗湯，加入寬粉打邊爐吸唒啲椰子味好好食~~自助區火鍋配料選擇多，除咗基本嘅丸類菜類，亦有少啲喺放題見到嘅鮮鴨血、蜆同蟶子。蜆冇沙好鮮甜，蟶子亦都好甜同爽口。肉類有手切鮮牛、肥牛、牛板腱以及黑毛豬，全部都係喺出面雪櫃自己拎~店內亦有雪糕及甜品任食 ，甚至有棉花糖機可以自己整棉花糖！總括嚟講，呢個價錢可以食到有海鮮嘅放題真係好抵！性價比高！

最近先發現原來太和開咗一間任食火鍋！之前只係食過早餐~今次揀咗星期四晚去食，有好多人幫襯!!👍🏻性價比超高的任食邊爐，只需約二百元，就有兩小時的任飲任食！呢道鍋底選擇多達19款，每一款都有特別之處。我選擇了蒜香味的烤魚，原條的烤魚外焦內嫩，味道濃郁。其他的選擇如雞煲、牛蛙鍋和水煮魚也都非常吸引！下次有機會再食~火鍋配料方面，要自行到自助區取。聖子、蠔仔和香甜的波波蜆，每一樣都能感受到海鮮的鮮美。基圍蝦的肉質彈牙，精選黑毛豬肉肉質鮮嫩，脂肪分布均勻。手切牛和美國肥牛的肉質也不錯。頂級牛板腱肉質滑嫩，燙熟後的味道很好。在飲品方面，有不少自家製飲品。手打檸檬茶的酸甜恰到好處，白桃烏龍清新怡人，柑桔檸檬帶來一抹清爽的果香。任飲的啤酒如嘉士伯、獅威和喜力，搭配火鍋的時候，能有效中和火鍋的油膩感🍺用餐後，雪糕的口味選擇多樣，還有甜品虹彩蛋糕和榴槤千層蛋糕，非常滿足！而自製棉花糖就是小朋友的最愛!【撈得喜火鍋冰室】📌大埔翠樂街6號菁泉雅居A座地下1-4號舖

今日去咗大埔打邊爐，嗰間餐廳坐得好舒服，打邊爐任食，我哋仲叫咗一個酸菜味烤魚。我哋食完酸菜烤魚再打邊爐。發現嗰度仲有一個棉花糖機可以自己整棉花糖，同埋飲品有手打檸檬，仙草椰奶，雪糕和彩虹蛋糕等等。好適合一家大細去聚餐。烤味酸菜魚-十分有驚喜，魚肉鮮香與酸菜酸味，咀嚼時十分爽口。酸菜的酸味提味又不會掩蓋魚肉的鮮美，增添了層次感。除左魚仲可以叫雞煲😍我們要左皮蛋芫荽湯底，呢度的牛，豬任食。不用手機落單，只需要自己在雪櫃拿，方便好多。有手切牛，黑毛豬，牛板腱和肥牛🥰海鮮🦞有蟶子，蠔🦪，蝦 應有盡有。菜有皇帝菜同芫荽，可以盡情落。

住了大埔一段時間，知道在翠樂街一帶開了一家叫撈得喜的火鍋店，每次路經附近都被它的燈光吸引，望望餐廳里邊食客叫了什麼食物。今晚難得完成手頭上工作，準時收工，一於慰勞自己，約了朋友在呢間火鍋店吃晚餐。埋單每人都是229元左右。撈得喜火鍋冰室係一家日頭主要做冰室餐廳生意，夜晚主打自助火鍋打邊爐的兩棲餐廳。因為開業無耐，都係舊年十月左右開張，所以店內的設備都幾新淨，餐廳空間夠寬敞，座位舒適。打開餐牌，見到有烤魚、麻辣雞煲、椰子雞、酸菜魚、羊腩煲等等，應有盡有。今晚點左個BB辣的蒜香烤魚，條魚真係好大條、啖啖肉，內裡鮮嫩多汁，蒜香味濃郁卻不過分，讓人一試難忘。配料包括蓮藕片、蘿蔔、芽菜等，吸滿烤魚湯汁後更加滋味。自助區提供多款食物供應，最每我欣賞係調味醬料材料豐富，至於火鍋配料方面，主要有肉、海鮮、丸、蔬菜。海鮮有蝦、蟶子、蠔、蜆、九肚魚等等，相當新鮮；肉類有手切牛肉、牛板腱、黑毛豬等；蔬菜種類都十分豐富，塘蒿菜、生菜、秀珍菇等等，一應俱全。除了一般的罐裝飲品、啤酒外，仲有手打檸檬茶、椰奶和大大杯的烏龍茶，任君選擇。而甜品有雪糕、蛋糕，供有綿花糖機，都真係幾全面呢。打完邊爐再食雪糕，相當滿足!

聖誕大餐食咗呢間雞煲火鍋，連埋假期前夕加的每位$20，每人才$252，計埋食物質素及服務水平，性價比實在高得驚人，真係要多啲幫襯，如果唔係真係驚佢做唔住。先吃雞煲或烤魚，然後再加湯打邊爐。個雞煲都幾惹味，同埋主要係雞脾肉，啲雞嘅質素都唔錯。至於佢啲火鍋配料都真係算多，海鮮有蜆、蟶子仔、青口、蠔仔、蝦及九肚魚。牛肉有手砌牛、牛板筋及肥牛等，豬肉就有黑毛豬肉片等。特別啲嘅就有白雲耳同鮮鴨血。飲品除咗一般啤酒汽水外，仲有手沖桃膠、水果茶、仙草等。另外仲有雪糕甜品嗰啲。醬料都多選擇。二百幾蚊1.5小時放題，抵到無朋友。