撈得喜火鍋冰室

營業中

休息中

母親節一家人去到, 明明訂咗位又話冇紀錄, 又想老屈自己早班嘅同事, 話我一定係早上打去, 同事冇登記到我摷返電話明明係5月5號晚上7點12分打去, 最終都係冇位畀我態度囂張, 想推卸責任, 又不想理我最後只能離開

之前有食過佢哋元朗間分店所以心心念念想嚟再食過，見大埔開咗間新嘅就試吓呢間有好多湯底揀最後揀咗椰子雞雞件好多同埋個椰子湯底好足料湯都可以飲到幾碗如果嗌椰子雞嘅話，佢會俾個沙漏，咁就唔驚啲雞煮到太老咁就有超多嘢食可以揀我覺得嚟呢度食呢，一定要食佢嗰個花椒油，超級香肉類都有好多款選擇全部肉都算新鮮，食落都幾嫩海鮮都有唔少款選擇，完全冇腥臭味，都幾新鮮最驚喜嘅，佢居然有甜品，每件份量唔算大，咁就可以一次過食到幾款仲有唔同款雪糕可以食

嘩 原來依家大埔都開左間抵食火鍋🍲晚市都係$208/位仲可以兩食先揀烤魚/水煮魚/酸菜魚/雞煲之後再揀返想食既火鍋🍲底配料選擇繁多 蔬菜🥬海鮮都有野飲種類都算多 仲有多款手沖茶🍀白桃烏龍🍀Somersby 三五知己飯局都係一個唔錯既選擇🍀酸菜魚 小辣魚塊大大塊 啖啖肉份量十足仲要夠酸夠辣🍀麻辣火鍋🍲 小辣黑毛豬 牛板腱 手切牛 肥牛唔使落單 唔怕漏單牛肉。豬肉片想食幾多攞幾多另外 仲有幾款甜品 同雪糕朱古力控必食朱古力入面仲有朱古力碎

呢間近太和既火鍋店CP值好高如果平日黎1900-2100 每位都系$208除左火鍋仲有椰子雞煲 / 烤爐魚 / 雞煲食我地揀左蕃茄同皮蛋芫荽湯底, 鴛鴦鍋加$28肉同海鮮都好多樣選擇, 食幾多夾幾多牛肉類有牛板腱、肥牛同埋手切牛etc, 肉質都幾嫩有啲意想唔到任食既質素咁高海鮮方面有蜆、聖子、蝦同埋蠔仔, 睇蝦就知佢啲料新鮮, 蜆無沙, 要大贊🤭甜品有多款雪糕, 最吸引我就系部棉花糖機, 可以自己親自整, 除左呢2樣甜品仲有啲蛋糕仔都可以試下飲品成個櫃都系, 有罐裝亦都有自家既冷泡茶

🩵藥膳雞煲藥膳唔算太濃，雞肉好滑，食完一鍋覺得唔夠自助吧仲有雞件可以任full😍 配料炒得好好食，洋蔥甜得黎又軟淋淋！蒜頭大大粒，好香口🫶🏻🫶🏻🩵火鍋料自助區大大粒蜆、生蠔、蝦，海鮮質素有驚喜！食到鮮味，而且擺放整齊、潔淨，仲有豬、牛、雞肉無限任食，CP值極高～🩵甜品自助區雪糕有紅豆、綠茶、芒果、雲呢拿、朱古力、曲奇味，仲有仙草、冰粉同布丁，以雞煲/烤魚放題黎講，甜品既選擇都算多🥰

📍撈得喜火鍋冰室💡大埔大埔呢間任食火鍋真是一個驚喜嘅體驗！同朋友兩個人去，兩個鐘任食任飲，選擇多到呢，抵玩一開始我哋揀咗麻辣雞煲作為窩底，味道濃郁，麻辣香氣一入口就令人振奮！雞肉嫩滑，吸晒嗰啲惹味嘅醬汁，辣得過癮但又唔會太過。窩底選擇仲有好多其他款式，例如香辣烤魚、酸菜烤魚、椰子雞煲同藥膳雞煲，聽落都好吸引，下次要試吓！食完窩底，就到打邊爐環節，我哋揀咗麻辣湯底，辣度適中，湯底香濃，滾起來特別惹味。火鍋配料真是一個亮點，選擇多到數唔晒！新鮮基圍蝦爽口彈牙，黑毛豬肉同手切牛入口軟嫩，美國肥牛油花均勻，仲有頂級牛板腱，肉質一流！海鮮方面，聖子同波波蜆都好鮮甜，特別係蜆，入口有陣淡淡嘅海水味，超正！另外仲有數十款配料，樣樣新鮮，簡直係火鍋迷嘅天堂。飲品同甜品都係任點，嘉士伯、獅威、喜力啤酒一應俱全，仲有多款汽水同特飲。甜品有雪糕同棉花糖，食完火鍋再嚟一球清涼雪糕，簡直係完美收尾！特別推介清甜椰子雞煲，雖然今次冇試，但見到隔離枱點，望落好吸引，應該好清新解膩。

喺朋友介紹下，今次就嚟咗呢一間兩小時任食打邊爐，佢首先可以揀烤魚或雞煲，食完之後再慢慢打邊爐，而我哋就揀咗呢款烤魚⭐️蒜香烤魚魚的size 有3分2隻手臀咁長，而且係鮮活海鱸魚，令到佢肉質非常新鮮同甜，蒜香味都好濃郁，魚的皮仲有煙煙韌感覺，值得一試⭐️蕃茄湯底食完烤魚之後，我哋就揀咗個蕃茄湯底打邊爐，而打邊爐嘅食材選擇都非常多，除左丸外，仲有海鮮類嘅蜆、蝦、生蠔等等，同時肉類有肥牛、牛板鍵、黑毛豬、手切牛等等，特別一讚嘅係佢肥牛，肉質好嫩滑。最估唔到係佢有甜品任食同雪糕任食，仲有得自己整棉花糖。嘢飲方面選擇都好多，特別推介先仙草椰奶，味道好香滑，同打邊爐好match

今日我地嚟到位於大埔菁泉雅居嘅撈得喜火鍋冰室，呢間火鍋放題開業大約半年，地方好闊落，卡位設計坐得好自在舒適。佢哋嘅湯底有近廿款，每款都好足料。今晚我地揀咗椰子雞湯底，打開煲蓋已經聞到濃郁嘅椰子香，湯頭鮮甜，跟隨煲底有半隻鮮雞，仲提供一個漏斗，店員細心指導我哋，湯滾落雞，以漏斗做計時器，真係方便，簡單過計幾多分鐘，雞件滑嫩，熟度啱啱好。$208／位任食，真係抵！手切牛、美國肥牛、黑毛豬肉都好正，肉質唔錯，特別係牛板腱，灼幾秒就可以食。海鮮方面，基圍蝦同波波蜆、蟶子、蠔仔等，鮮甜可口。呢度採用全自助形式，客人可以按自己所需，睇啱邊度夾邊度，無論涼拌、甜品、特式飲品定雪糕樣樣有，擺得整齊，令你一眼就可以搵到自己想食嘅火鍋料。啲蔬菜洗得乾淨，新鮮脆口，仲有各式各樣嘅火鍋醬料，自由調配。無論你鍾意肥牛定海鮮，撈得喜絕對輕鬆回本！

經過見到任食火鍋價錢$208一位 價錢都挺親民 便進內試試了座位寬敞舒適 適合聚會 ⍢首先可選烤魚或雞煲 2人可選1個鍋底升級為招牌椒鹽雞煲蝦 加$28雞件肉質都嫩滑 入口微辣惹味蝦都新鮮彈牙吃完後可叫店員選其他湯底打邊爐這次選了正宗四川麻辣及豬骨湯湯底都偏濃郁 然後可去自助區取食物食物種類都多選擇海鮮方面有蝦 蜆 蠔 魷魚等肉類方面有手切牛 牛板腱 黑毛豬等等飲品除了常見的罐裝汽水及紙包飲品外亦有自家製手打檸檬茶及黑糖仙草奶值得一提是雪糕有驚喜！！！⧐撈得喜火鍋冰室📍大埔翠樂街6號菁泉雅居A座地下1-4號舖#foodiegoodie_taipo

好耐無食過雞煲、烤魚，天氣凍返心思思好想食。近排大埔開咗間超抵既雞煲火鍋專門店【撈得起火鍋冰室】任飲任食只需$178起‼️今次我哋就食烤魚，其實仲可以揀雞煲、椰子雞、胡椒豬肚雞、花膠雞等等美少女一望啊係咩揀！食完烤魚、雞煲之後就可以打邊爐，餐廳都好有心機，準備左好多款湯底，咁就唔洗由頭到尾食一樣既味👍🏻自助區任食既食物種類非常豐富，仲有好多比較貴價既食材，蝦、蜆、蠔、魷魚等等海鮮都有，岩哂鍾意食海鮮嘅朋友，輕易回本🤣唔食海鮮都有大把選擇，鵝腸、牛柏葉、牛肋條、肥牛等，應有盡有！食材質素高，CP值非常之高～最後記住食埋雪糕、千層蛋糕先走。

唔駛$200 任飲任食火鍋雞煲🍲仲開到晚上12點宵夜時段邊度有？喺撈得喜就有啦🍲湯底多達十款雞煲 酸菜魚 同各式各樣湯底揀咗清甜椰子雞湯🥥三個椰子煮成一鍋精華鮮嫩雞肉滲出滿滿椰汁香 雞皮同肉都偏白色🐓 🐠海鮮生蠔🦪魷魚🦑生蝦🦐蟶子 蜆 款款新鮮爽口有埋漏斗計時⌛️就唔會淥過火🐖肉手切牛🐮牛板腱 肥牛 🐷黑毛豬全部分好一碟一份 方便衛生唔駛等解凍🥤飲品罐裝汽水橙汁啤酒🍺紙包烏龍茶解茶🍵自家製係最受歡迎 手打香水檸檬茶 🍑白桃烏龍 黑糖仙草夜奶🍋柑橘檸檬 拎幾轉食材已清晒🎂甜品一口小蛋糕 彩虹蛋糕🍰雪糕多款口味到食唔晒

天氣凍凍哋，最啱就係打邊爐！今次去咗大埔嘅「撈得喜火鍋冰室」，試咗佢哋嘅麻辣蕃茄鴛鴦鍋，兩小時任飲任食，真係食到飽到上心口！呢度嘅環境乾淨舒服，服務又貼心，啱晒同班friend一齊嚟烚下烚下，傾下計，過一個暖笠笠嘅夜晚～ 湯底係重點！麻辣嗰邊香辣得嚟唔會太嗆喉，香料味好出，愈食愈上癮；蕃茄湯底就酸酸甜甜，好開胃，特別係配蔬菜同雞件，真係無得輸！ 雞件好新鮮，肉質嫩滑，放落蕃茄湯底煮，吸晒啲精華，食落好juicy，完全唔會鞋口，正！ 肥牛油脂分布均勻，輕輕一淥就食得，入口即化，牛味好香！芝士腸咬落去爆漿，芝士味濃郁，食到停唔到口～ 丸類選擇多，牛丸、墨魚丸、龍蝦丸樣樣有，每款都彈牙有咬口，特別係牛丸，咬開仲有肉汁，好滿足！ 食火鍋點可以少得蔬菜？生菜、金針菇、娃娃菜樣樣齊，新鮮乾淨，放落蕃茄湯底煮，清甜又解膩，食多啲都唔怕滯！ 最後當然要食返個雪糕啦！有幾款口味任揀，我最鍾意係朱古力味，濃郁又唔會太甜，食完火鍋再食雪糕，完美收尾！ 總括嚟講，「撈得喜火鍋冰室」性價比高，食物質素唔錯，服務又貼心，環境乾淨舒服，啱晒同朋友一齊嚟打邊爐，吹下水、食下嘢，過一個開心嘅夜晚！ 📍

環境都幾舒服，位夠大，坐得舒服，啲光線又夠晒光猛。我哋一開始揀咗蒜香味烤魚，條魚皮薄脆卜卜，魚肉鮮嫩多汁，食完烤魚之後，仲可以轉打邊爐，超抵食！😋打邊爐我哋揀咗皮蛋元茜湯底，香氣撲鼻，皮蛋同元茜嘅味道好夾👍🏻講到配料，海鮮有鯉魚片、卜卜蝦、蜆，肉類有肥牛、手切牛、黑毛豬等射，全部任食，仲有好多丸類、蔬菜可以揀，絕對唔會悶。特別推介豬紅同魚腐，吸晒湯底精華，食落去真係滋味無窮😍最驚喜係佢哋嘅飲品櫃，除咗大量罐裝同紙包飲品，仲有手搖飲品，杯裝檸檬茶🤣任飲任食兩個鐘，繁忙時間只係$208一位，真係超值！😍

服務～👍🏻門口E E見我朋友又未到，就算book左我未夠鐘，都叫我入嚟坐住等朋友話唔好出邊吹風😍 好細心環境～坐得好舒服，同埋好闊落好光猛煲底～首先揀咗個煲底（麻辣雞煲, 椰子雞煲, 多款唔同口味烤魚），我哋叫咗香辣味BB辣烤魚！ 估唔到條魚皮薄仲要脆卜卜，魚肉就一啲都唔韌，忍唔住成條食晒😍! 淨食條魚都覺得回本🤣! 打邊爐配料～估唔到我都叫好多款，（海鮮）蠔仔、👍🏻小蟶子、蝦、蜆、魚肉、魷魚，（其他）牛柏葉、生腸、👍🏻豬紅、丸、雞件、豬皮、芝士腸、午餐肉、豬肚….，（蔬菜）菇、菜、根莖類, 每樣都有幾款👍🏻！ 足足有兩個大雪櫃肉～黑毛豬、👍🏻牛板腱、肥牛、手切牛另外甜品櫃(實在太飽飽試唔到😞)! 幾款味道雪糕，薄荷朱古力好味，仲要有朱古力粒粒👍🏻! 飲品櫃都有驚喜，估唔到除咗罐裝飲品啤酒之外，仲要有手搖飲品，香水檸檬茶👍🏻裏便有寒天! 值得一讚，手沖飲品，唔過甜👍🏻! 完全食足兩個鐘🤭, 原本想試埋其他，可惜個胃唔夠大， 唯有下次再嚟過🤣🤣🤣🤣

大埔其實都幾多美食，今次就同朋友嚟到呢間性價比超高嘅冰室，入面仲有任飲任食火鍋揀！只要二百幾蚊，就可以有兩小時嘅任飲任食！呢度嘅鍋底選擇多達19款，包括有烤魚、雞煲、水煮魚、牛蛙鍋、酸菜魚，最後我哋揀咗雞煲bb辣，味道香濃，雞肉嫩滑，食完雞煲之後再加湯，就可以加入火鍋配料打邊爐喇！火鍋配料方面，選擇種類繁多，包括菜類、肉類、丸類、海鮮類！所有配料都係出面自取，海鮮類新鮮，包括有蜆、蝦、蟶子，口感彈牙又鮮甜！肉類都有幾款選擇，包括肥牛、牛板腱、黑毛豬，色澤均勻，煮過後，口感鮮嫩多汁！飲品方面，除咗有紙包飲品、罐裝汽水、啤酒之外，仲有自家製嘅飲品，佢哋嘅柑桔檸檬茶非常出色，味道酸酸甜甜，非常開胃解膩！另外，仲有任食甜品、雪糕，都有好多選擇！