搵食工房

營業中

休息中

呢間餐廳開咗一陣子，見諗唔到食乜咪即管試試。環境乾淨衛生，坐個卡位都舒服，係冷氣好大吹住個頭。叫咗兩個意粉🍝卡邦尼溫泉蛋意大利粉味道有水準，配料就少d紅菜頭軟殼蟹意大利粉以為係有d紅菜頭食下，原來係個汁上落個意粉到，冇味軟殼蟹有半隻，都叫做有兩啖食下

夜晚黑，想同朋友食得豐富啲，😘見到呢一間餐廳環境幾舒服，所以就入嚟試下先！食肉獸🐮當然要試下佢哋嘅牛肉啦，見到板燒紐約極級封門柳都好唔錯，🥩148蚊已經可以包埋薯菜或者意粉飯，更加配埋餐湯，同埋多士，🍞非常抵食。牛肉好新鮮，😙而且份量都幾多，食起身啱啱好，好有肉味，😋我好鍾意。另外朋友🍗叫咗一個工房經典美式雜扒套餐，都非常豐富，入邊有牛，🐷豬，雞扒，香草豬肉腸同埋煙肉，份量十足。❤

過去周末經過馬鞍山，看到有新舖開張🎊，所以去試一試。舖頭不大，以木色與白色為主，配上玻璃枱面反射光線，製造空間感。新裝修乾淨整潔。冷氣充足，燈光明亮。餐點種類與港式茶餐廳相似，有常餐、咖喱、多士、公仔麵...etc。有些服務未到位，例如：只能以現金交易，可能只是新開張的關係。餐點方面，份量很足，擺盤也很好，看得出厨房有用心製作，對得住個價錢。👍味道方面各人口味不同，不作詳述。(請參考附圖)📷

難食到嘔。我知一分錢一分貨，$82蚊一份扒餐，但都冇理由難食過大活活嗰啲架。個薯仔完全冇味，冇焗過⋯塊扒有一半都係肥膏，其餘嗰啲都入唔到口，好L難食。塊扒五分鐘出餐，仲要唔太熱。要唸清楚先好去食。希望你哋真係聽吓人意見，改善吓，如果唔係好快執。

身為馬鞍山沙漠居民，最近開咗新式茶記，當然要黎試吓，搵食工房有中式、西式、印度咖喱等，種類有好多選擇，裝修為木色為主，配上白色色調，設計簡單，但坐得舒服。板燒紐約極級封門柳 $148封門柳燒到5乘熟左右，用上鹽、黑椒等，因為封門柳肉質好嫩，簡單調味已經好好食，另外伴上嘅薯蓉會同薯仔一齊攪勻，口感好好。焗印度皇室咖喱牛魔王 $65咖喱好香唔辣，帶有微微酸味，而牛魔王有牛腩、牛舌、牛筋同肥牛，材料好似夠，全部材料都好入味同夠腍。焗芝士肉醬熱狗配薯條 $43芝士同肉醬都非常多，醬汁好濃好惹味，香腸爽口唔會軟腍腍。黑松露鹹蛋黃雞翼配薯條 $43雞翼炸得好香脆，夠哂大隻，肉質嫩滑，食落有陣淡淡黑松露同鹹蛋黃味。

同哥哥去完仁安覆完診已經六點幾，肚仔餓返去馬鞍山搵地方食晚餐。試咗呢間餐廳，見佢幾光猛企理。其實之前經過吾多覺眼，原來真係新開業大概2-3個月。覺得佢哋嘅食物品質唔錯而價錢又好合理，要推薦一下。本人尤其鍾意個《焗咖喱牛脷飯》，十分出色，汁夠香濃，係炒飯底，面鋪有芝士，牛利厚切足五大片，真心好味又超值。另一個揀咗晚餐，係《紅酒野菌鴛鴦扒配吉列蠔》，鴛鴦扒係牛扒同雞扒，扒煎得好好，表面微脆而仍保存多肉汁，配菜係焗薯，然後仲包餐湯及飲品都係$78 ，真係好味又抵食。餐廳食物選擇很多，除了焗飯，亦有意粉和沙律。此外，亦有扒類供選擇。價錢相當合理，真係益街坊價，難怪七點多少少已經斤爆埸。

我本身係一個馬鞍山之友，一有新餐廳開我一定要去試吓，個餐廳名幾特別叫做搵食工房，入到店內裝修別緻、整齊、清潔，感覺舒服😌印度咖喱牛筋腩飯 😋😋😋咖喱非常之香，帶少少甜、少少微辣，令人增加食慾，配白飯一流，牛腩肉非常鬆軟，一層筋一層肉，牛筋極軟綿，入口即化，薯仔洋蔥非常入味。公司三文治配薯皇非常足料（蕃茄、生菜、芝士、炒蛋、火腿、餐肉）雖然很快就上菜，全部都是熱辣辣，絕對唔係整定，公司三文治勁多了，一口咬落D料爆曬出嚟，非常美味。鮮牛油多士鮮牛油多士是香港茶記的特色小食之一，簡單的烘焙麵包，中間夾一片厚厚的牛油，配熱辣辣的麵包，吃出濃厚的牛油香味😋😋😋😋😋

屋企樓下呢間餐廳新開左一排都未試過趁睇明日戰記前近近地食埋飯先估唔到份量咁大咁抵食每個晚餐跟一個餐湯同多士羅宋湯超正 酸酸辣辣咁好開胃薯條配松露鹹蛋黃醬薯條炸到超脆 點埋個醬又香又好食唯一問題係太大份 食唔晒好浪費晚餐A 羊架配煎雞扒飯羊架厚肉但唔會韌 面層嘅焗芥末脆脆同羊肉好夾仲有煎雞扒配洋蔥汁 咁先78真係平得過份工房雜扒大堆頭有豬扒 牛扒 雞扒 煙肉 肉腸 有炸紅蔥頭同揀左蒜蓉汁 所以勁香焗鮮茄豬扒飯炒飯底粒粒分明 豬扒都幾厚身又軟腍蕃茄汁同芝士夠平衡 有拉絲效果跟餐轉特飲都係加6蚊揀左雜果賓治同綠綠無窮 兩款都唔錯今餐埋單300有找呢個份量呢個質素 絕對值得推介俾各位馬友

打風後天氣風平浪靜，老公提議不如去遠啲地方行行，霖霖下都有4-5年冇去過馬鞍山，今日就陪老公去行吓睇下呢幾年有咩變化。一出火車站行幾步就撞到朋友，同佢傾計嗰陣佢介紹咗間平靚正的餐廳《搵食工房》話可以去試試。餐廳唔大，整體感覺舒服清潔，坐低睇睇餐牌，選擇超多，價錢都好平，一於叫多幾款試試。叫咗一大堆野，最係埋單唔使300元🤣先來個午餐B：雞軟骨雞扒配肉醬意粉$60跟餐有湯飲同埋熱飲，真係平到你唔信，店員一攞上嚟，好大盤，份量多，雞軟骨酥脆，雞扒帶汁嫩滑，意粉軟硬適中，啱啱好。午餐D：焗印度皇室咖喱海鮮飯$58跟餐也有湯同埋熱飲，份量一樣超多，有青口、扇貝、蝦、魚、蟹柳，薯仔。入口有濃郁嘅咖喱椰香芝士味。煙三文魚凱撒沙律$60煙三文魚有四大塊，配上沙律醬好好味😋黑松露鹹蛋黃雞翼配薯條$43雞翼炸得非常酥脆，入口有濃郁嘅黑松露同鹹蛋黃味，齒頰留香，薯條炸得金黃，唔過火，冇叫錯！竹炭爆芝未來漢堡伴脆炸薯條$72呢款好特別，是素食人的恩物，竹炭包皮比漢堡更有趙口，末來漢堡可以以假亂真，值得一試。

行過馬鞍山，揾下有咩餐廳好食😋見到呢間叫 揾食工房，好特別，然後睇下個餐牌，見到某幾個key word，我就即刻衝左入去啦😂😂黑松露咸蛋黃炸雞翼 🐔我嘅最愛係雞翼、黑松露、咸蛋黃醬❤️❤️呢個小食滿足晒我三個願望當然係必叫之選🤣🤣脆炸雞翼好多地方都有得食，但係好多餐廳唔係炸到又乾又扁就係油膩膩咁。當雞翼到左，我聞到好香嘅黑松露味，我咬咗一啖，哇，好酥脆酥脆！我會聽到咔嚓咔嚓的香脆聲😆重點係咩？啲肉汁仲流埋出嚟，配埋咸蛋黃醬，好似食神話齋~~~好好味呀😌😌😌😌焗白汁牛脷飯🐮當焗飯黎到，我驚訝左一下，好大份呀！上面嘅白汁就黎滿寫啦，成個雲團咁☁️，仲有d焦濃😋。然後我再睇下入面，哇！炒飯底仲有三色椒🫑好鮮甜！重點黎啦！呢間餐廳好大方，竟然有6塊牛脷！！！啲牛脷仲要好嫩，一啲都吾乾👍🏻👍🏻👍🏻懷舊雜果賓治🥤夏天一定要跟返杯凍飲。雜果賓治酸酸甜甜配上雜果，飲落好開胃呀😋

今日同屋企人係附近食lunch，又黎幫襯呢間人氣餐室，價錢幾抵食又多選擇，一人叫一個餐平均都係$50-$60左右。.🍴招牌印度皇室咖喱吉列豬排飯 $62 次次嚟都必點佢個咖喱飯，椰香味重又有幾舊薯仔，吉列豬扒炸得夠香脆可口。.🍴焗鮮茄拿玻里厚切豬排飯 $60焗野都好唔錯，多芝士，豬扒厚切得黎唔會成口粉，炒飯底。.🍴英式全日早餐 $48多料抵食，包括：原條吉列魚柳、黑松露炒蛋、薯餅、香草炒雜菌、蕃茄、英式鬆餅、香草豬肉腸… 雖然轉左煎雙蛋但都係好味道。.🍴常餐瑞士雞翼撈公仔麵 $48配丹麥多士同炒滑蛋👍🏼 瑞士雞翼入味唔會太甜，撈公仔麵夠惹味。丹麥多士必點，牛油味香。.🍴蔥油雞排拼鹽燒雞髀菇意粉 $60 是日午餐，跟餐仲送紅/白湯，蔥油雞排煎到勁香，又大塊又厚身，意粉口感岩岩好，唔會太淋身。紅豆冰另+$6。.想講佢凍coffee幾好飲，咖啡味好濃🙏🏻但呢間成日要等位🥲不過野食真係幾抵食大份😃

🧂🍽【 揾食工房 】🍴🧂⋄ —————⧫♟⧫————— ⋄馬鞍山新開業西餐、茶餐廳🍴平民價錢夠抵食👍🏻⋄┄ ┄ ┄ ┄ ❖ ┄ ┄ ┄ ┄ ⋄🥘焗印度皇室咖喱海鮮🦐（$65）（可選配飯或意粉）係辣辣地嗰種印度咖喱，唔係日式甜咖喱，我同朋友都鍾意食。🍳重口味邪惡鹹蛋黃醬芫荽大蝦意大利麵配軟殼蟹🦀（$72）芫荽味嘅意粉真係好特別，估唔到同鹹蛋黃又幾夾，顏色都夠eye catching. 🐙普羅旺斯大蝦海鮮墨魚汁意大利飯🍚（$78）墨汁意大利粉煙煙韌韌，食完一定要抹咀😂🧀芝士流心西多士🍞（$27）非常邪惡嘅西多士，入面嘅芝士爆曬漿，分量超多！🍓莓莓相見🍹（跟餐 特飲+$9）🧋新潮奶茶紅豆冰🫘（跟餐 特飲+$6）⋄┄ ┄ ┄ ┄ ❖ ┄ ┄ ┄ ┄ ⋄📍地址：馬鞍山鞍誠街8號新港城中心大街(3期)地下28-29號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers

第二次試食，沙嗲牛肉麵，丹麥多士，奶茶都算ok, 馬鞍山區比較少有丹麥多士，我好鍾意食，牛油香口，沙嗲牛正常，肉入味夠淋，比較遜色是黃金雞亦，好像食唔太出黃金味，但肉都嫰，薯條好正，我喜歡。暫時還未試意粉，希望佢地會推出更多款式選擇，和更多款的茶餐，西式餐湯能加入更好，如羅宋湯等等。

今日天氣炎熱，閒聊相約朋友在馬鞍山新港城茶聚，地膽朋友講附近有一店舖開張不久(揾食工房)，店名都好別緻，裝潢簡簡單單，窗明几淨，座位空間都寬敞，店員有幾位年輕少女都有禮貌，遇到熟客都閒談幾句，都很親切。她們都介紹是日午餐有幾款，而且每天都不一樣款式，而且價錢都非常大眾化。1.焗咖哩牛魔王飯~牛魔王(牛脷、肥牛和牛腩)牛脷香滑淋、肥牛肉汁豐富、牛腩鬆軟帶牛汁味😋😋拼咖哩飯啖啖香噴噴，而且食材多過飯啖啖牛魔王😆😆2.扒餐柳封門柳跟意粉+餐湯+特飲~ 真材實料羅宋湯開胃醒神，封門柳是横隔膜肌肉，先將外皮弄至少許焦香，內裏肉汁非常juicy 😋😋，肉質鬆軟，而且牛肉味極富豐👍👍凍奶茶紅豆~大大粒紅豆爆花軟棉棉起沙配搭上奶茶配搭一流👍👍

馬鞍山又有新開嘅餐廳， Menu種類選擇都好多， 當中有樣食物吸引左我行入去！ 我地揀左兩款扒餐， 一份係雞扒，一份係牛扒。 先講下雞扒餐，揀左要野菌，跟薯蓉和厚多士。雞扒又大塊又厚，燒汁唔會係死鹹， 整體上都唔錯。 而牛扒都大過我隻手掌， 都係配左焗薯和厚多。 好少見到扒餐可以跟厚多， 都幾特別。 重點黎啦！ 就係呢個芫荽大蝦意大利麵配軟殼蟹， 芫荽配西餐食材， 仲要係茶記食到真係好吸引， 食物一上枱， 每一條意粉都沾滿芫荽， 對特黎講就好吸引， 因為我係芫荽派 味道唔係好濃， 但就好fresh. 中意芫茜既可以一食！ 蝦肉都好彈牙， 我整體俾出幾高既分數！