捌捌陸台式料理 (D2 Place ONE)

營業中

休息中

同事2人去食,我點花鵰醉雞卷伴麵加套餐$28跟青瓜同凍蜂蜜柚子茶,同事叫牛根肉麵加$28套餐跟豆芽同凍冬瓜茶。我見侍應拿碗麵黎見到個湯甘黑甘深色諗住個湯幾好,應該會較濃味,點知係超級咸,但佢話d肉幾冧好食既,。我個伴麵都有足夠湯汁,醉雞卷就唔係切出黎圓型,似係醉雞片,雞有酒味少凍都唔太差,但我地都覺得加得$28個餐就唔好甘孤寒小食得青瓜,豆芽,雲耳比人選,小食個餐牌甘多款野,比多少少款人食下,份量可以唔駛太多啫,飲品基本係無料就唔駛加錢,但飲品份量都叫大杯,有料如珍珠個d就加$10,其實都幾貴,選一項就加一項錢好似唔太抵食 。我最欣賞係張枱夠大,坐位都唔係好迫

平日放工時間相約朋友到附近餐廳享用晚餐～經過門口一陣雞煲的香氣撲鼻而來～於是我與友人便選擇這間台式料理作晚餐進門便看見十分有台式風味的菜單～不過坐底就會告知你用QR code落單十分方便～可選室外或室內座位因為大熱天時又想食雞煲於是選擇左室內位😛出面位置好靚只唯有下次天氣涼小小再去打卡晚間用餐繁忙時間餐廳室內位亦機乎滿座小菜選擇左涼拌大豆芽同埋花雕醉雞卷而飲品有台灣菠蘿啤酒同埋捌捌陸水果茶涼拌大豆芽好清爽 醬汁帶些醋味 十分開胃花雕醉雞卷入口有濃濃酒味！涼涼既雞肉好入味適合夏天食用十分推薦呢個小菜台灣菠蘿啤酒捌捌陸水果茶兩個飲品都與每個菜式都好相襯呢主菜方面我與友人選擇了台式三杯雞雞煲加了一份娃娃菜與皇帝菜當然記得要加埋跟餐價既芋圓！台式三杯雞雞煲味香葉味道濃郁雞肉有咬口，肉質彈牙軟滑用料亦是十分新鮮醬汁味道亦調教得不錯能增加雞肉香氣！享用完雞煲後加水打邊爐既話湯底味道都不錯！加牛肉一定好好味不過真係胃容量不足下次約多些朋友再嚟一試今次加菜煮出黎味道都好好仙草芋圓好好食推薦一定要食

捌捌陸餐廳的食物真心好吃！他們的招牌菜藥膳排骨真的是超級香，肉質也很嫩滑，配上特調醬汁，一口接一口根本停不下來。還有他們的日月潭紅茶，我一定要點，加了點牛奶和糖，味道醇厚順口，夏天喝最適合了。甘蔗青茶也是他們的招牌，裡面有鮮嫩的甘蔗和椰果，喝起來超清爽，甜度不算太高，我一定會叫少冰少糖。如果你喜歡吃火鍋，他們的火鍋蛋餃也超級好吃，餃子皮薄有彈性，肉香十足，配上火鍋湯底，真是絕配！除了招牌菜，他們的皇帝菜也非常健康，用清蒸的方式烹調，保持了食材的原味，蔬菜和肉類都很新鮮，吃起來很清爽。還有他們的台式三杯雞雞煲，口感濃郁香氣十足，非常適合喜歡吃台式美食的人。最後，我一定要介紹他們的鹽水手撕雞蔥油乾伴麵，真的是太好吃了！麵條煮得剛剛好，配上手撕雞肉和蔥油，讓人食指大動。總之，捌捌陸餐廳的食物真的是非常好吃，你一定要去試試看！

在離開荔枝角工作區之前，來一個下午茶餐。誤打誤撞嚟咗呢間餐廳，感覺開陽，悠閒，尤其下午茶時段，沒有太多人，加上餐廳不停播新進的台灣歌，感覺猶如在台灣。（不過音樂的聲浪可以較細一點，因為有時聽不到朋友的聲音）我與朋友每人叫咗一碗牛肉麵，牛肉入味，右面嘅口感彈牙，配合龍龍的湯，與台灣的牛肉麵冇分別。因為三點才有下午茶，最後我哋都係叫咗午餐，而佢嘅午餐一定包一個小食，以及一杯嘢飲我哋叫咗芽菜，雲耳絲，小食出乎我哋期望嘅好食，不過飲品就一般。雖然成個餐差唔多$100 ，不過好味，都算抵返。值得推介！

我今日去咗捌捌陸食餐廳食飯，真係唔錯呀！我哋叫咗兩份拼盤，一份係台式滷水拼盤，仲有一份係台式小食拼盤。台式滷水拼盤裡面有好多款肉，包括牛肚、牛筋、豬手、牛𦟌同百葉豆腐，全部都入味。而台式小食拼盤就更加豐富，有花枝丸、甜不辣、番薯條、台灣腸同蝦膠油條，每樣都好好味，好滿足。我另外叫咗兩碗麵，一份係滷水豬手麵，我揀咗王子麵同紅燒牛肉湯底，湯底好香濃，麵條十分掛湯，豬手就更加腍身，好食！另一份係鹽水手撕雞麵，我揀咗台灣麵同紅燒牛肉湯底，雞肉好滑好嫩，麵條又彈牙，湯底仲有啲微微咸咸地味道，真係啱啱好！我哋仲叫咗一份肉燥燙青菜，青菜好新鮮，肉燥醬又係香甜好味！最後嚟杯飲料，我揀咗水果茶同黑糖珍珠奶茶，水果茶有好多款水果，飲落去好清新，而黑糖珍珠奶茶就好濃郁好香甜，珍珠又好Q彈，真係好好味！總括嚟講，捌捌陸嘅食物好好味，嘢食多款價錢又抵，份量又夠，真係值得一試！

要去長沙灣拎啲嘢俾人順便食飯點知一出地鐵站口就落雨即刻閃入去D2 Place 喺裡面是但搵間餐廳入面都幾多選擇不過朋友就話想食台灣嘢所以就入咗去呢一間886（聽到就諗起薛凱琪）😆開放式嘅設計啲枱凳都幾闊落寬敞舒適度高午市套餐有一個主食+一個小食+一杯飲品我地就叫咗個花雕醉雞卷滷肉飯同紅燒半筋半肉蔥油乾拌麵拼涼拌木耳同涼拌小黃瓜飲品就係珍珠奶茶🍛（$68）首先個醉雞滷肉飯係幾好食雞肉應該係用雞髀肉所以唔會鞋口煮得幾滑但係就重手咗啲啲花雕酒味太濃濃到有啲苦唔夠香同埋遮蓋左啲雞嘅鮮味滷肉就正正常常不過可能炆得得唔夠爛比較痴牙🍜（$78）個紅燒半筋肉乾拌麵牛肉入味炆得透徹麵條煙韌乾身有油香份量都好大食唔哂😆🥒🍄 (套餐附送）涼拌青瓜同埋木耳又係落料落得太重手超級鹹不過食完就唔係太口渴應該無味精🧋（套餐+$10）杯珍珠奶茶就真係麻麻哋茶底好濃但係偏向苦澀唔夠奶香珍珠係好林無煙靭嘅口感好似一pat嘢喺個底度咁🙄🍠（$38）逢親去台灣我每一日都要食地瓜球呢度嘅地瓜球係偏向實心厚重外皮鬆脆中間煙韌有豐富嘅番薯味個質感可以話有啲似麻糬波波我覺得幾好食但係就唔係太抵食我俾燈💡7/10 （太鹹）

捌捌陸長沙灣長義街9號D2 Place 1期3樓306號辅D2 place係荔枝角站對出 地點位置方便作為一個活化左嘅文化藝術氣息商場有別於其他大型連鎖商場 連鎖品牌呢度特別多嘢睇 喺3樓有間食台灣菜有兩大區域俾你揀 室內室外同樣精彩鹽水手撕雞麵王子麵＋特濃蕃茄湯底有雞肉既鹽焗風味，又有番茄湯底的酸甜王子麵有D似媽咪麵煮熟嘅口感 可以一試藥膳排骨豬排骨 雞腳為主要材料，加入多種中草藥和調料，烹制出口感鮮美、營養豐富用文火慢慢燉煮，直到排骨熟透、湯汁濃郁係時候補一補身台式鹽酥雞炸得好香脆，鹽酥係特別惹味捌捌陸水果茶鮮橙 蘋果 火龍果肉 有著鮮明的口感和濃郁的香氣茶葉的清香與水果的甜味相得益彰口感清新 消暑解渴一流

#fafafoodblog台灣菜 #fafafoodblog荔枝角🍴花鵰醉雞卷滷肉飯 68 蚊🐥🍚加20 蚊套餐 有野飲同小食小食點左大豆芽野飲再加12 蚊 轉珍珠奶茶🥤小食大豆芽夠大碟 質感幼身爽口 加 d辣椒好惹味 , 花鵰雞卷雞味幾夠 花鵰味入味 口感偏彈牙 滷肉比較大粒 肥瘦大慨73 都好夠豬油香 撈埋飯一齊食 仲有隻蛋 🥚 一啖放落口 正👍🏻 珍珠奶茶溝得唔錯 奶味香 少甜都夠 珍珠幾彈牙👍🏻🍴紅燒半筋半肉麵78 蚊🐂加5 蚊轉蕃茄湯底 🍅加20 蚊轉套餐 熱甘庶鮮奶🥛牛筋好軟林 牛展好彈牙 麵轉左闊麵 好爽口 個湯底好夠蕃茄味 好香濃 點 d辣粉都好好味👍🏻🍴麻辣雞煲 138 蚊呢個麻辣雞煲好台式 佢係偏香辣 d麻味比較少 雞好夠肉 大部分都係近脾位 好夠彈牙 辣汁好入味 要黎撈飯或打邊爐都正🍴台式小食拼盤 88 蚊酥炸花枝丸 花枝足料好彈牙 點 d 甜醬好食🦑， 地道台灣腸 皮夠爽口 豬肉夠香咸🐷好煙 un 既酥炸甜不辣 , 黑糖地瓜條 個地瓜切成條狀 好軟熟 黑糖醬好香甜 仲有 蝦膠油炸鬼 一半香脆 一半彈牙蝦膠 好夠口感 🦐 正#台灣菜 #花枝丸 #牛展 #雞卷 #滷

經過，見有間新野。雖然似乎有冷氣滴水，師傅在開機整，都試下。食物平平，只為飽肚。不過張單要歸零我第一次見，可能見識少。e家多用卡或電子支付，點解要有e項？點歸法?係好少錢好小事，但印象差哂。

平日晚餐搵左間位於荔枝角嘅餐廳捌捌陸 同朋友撐枱腳。餐廳喺D2 Place ONE 3/F，非常近地鐵站。我地叫左幾樣share。紅燒牛肉麵，揀左寬麵。份量都幾多，寬麵厚身但唔會難咬，幾煙韌湯汁望落好深色，但食落唔會好鹹或者得死鹹味。 牛展厚切，炆得夠諗仲好入味，肉質保持到嫰滑。有質素！黑糖地瓜條，地瓜粗條，仲好甜。外脆內軟外面再裹一層黑糖，食落甜蜜蜜但不失蕃薯嘅香甜。推薦！涼拌小黃瓜，份量正常，食落清新，加左少少辣椒，夠惹味。小黃瓜咬落爽口，去膩一流。飲品方面，好少台式飲品店有 甘蔗青茶嘅選擇，甘蔗青茶飲落清新，啖啖都飲到甘蔗鮮甜味。唔好珍珠奶茶等手搖飲品嘅客人可以一試，飲到清新甜味。捌捌陸裝修簡潔，選擇多，價錢合理，晚市仲有雞煲，仲有戶外座，係唔錯嘅聚腳點~

朋友生日，所以揀左間特色餐廳。呢度pet friendly，見到大家帶哂寵物黎真係開心😆。我地嗌左三杯雞雞煲，好有醬油香。啲雞唔會話好多雞皮，好嫩滑，仲有店員過黎幫手炒雞，我地就坐係度等食😆正。食完雞仲嗌左啲火鍋料。其實食完雞都好飽，所以都係嗌左啲。最欣賞個蝦滑，夠彈牙同滑😙我地仲嗌左個特色嘢飲，蔗汁鮮奶。岀面好少見，好有特色，甜甜地又有奶香，正。呢度d2place ，平時行完市集可以過嚟食，正。

去完Aeon買完貓罐罐，就去D2 one搵晚餐食，隔咗一段長時間無去，有d食店已洗版，轉咗新店，今次揀咗間台式店試食。店內環境餐卓夠大夠寬敞，唔會迫迫喼喼嗰種，另有戶外坐位但太熱，留秋涼先😁台式店當然要選滷肉飯，有幾款配搭可選，有鹽酥雞，鹽酥排骨等等，因為唔想食炸嘢，就揀咗鹽水手撕雞滷肉飯，傳台式味道，滷肉夠香，鹽水雞亦夠味道，飯量足夠男士享用唔錯👍套餐加$20可選涼拌小食+飲品，唔算貴！涼拌木耳絲+青瓜，好香嘅醋味😋，調配到剛剛好，食後令人開胃，亦可消除炸物的油膩值得一讚👍另一套餐主食揀咗醉雞卷蔥油拌麵，開頭心諗都怕太淡味，但因為唔食牛肉唔食炸嘢，所以選呢款！但出奇地好味，雞卷咬一口已有陣陣酒香味😋，肉質都適中，而蔥油拌麵就唔夠香，但因此又唔會太肥膩，啱晒女士！飲品就揀咗兩杯蜂蜜柚子綠茶，份量夠，味道正常！

今日去咗行D2 Place然後見到呢間台灣嘢都幾多人食，仲有人排隊咁就決定咗今晚dinner食台灣菜餐廳仲有戶外位，可惜今日落雨，如果唔係坐出面應該幾好feel 睇咗Menu都算有幾多嘢食揀 仲有雞煲添 見到都有唔少人食雞煲，聞到好香！我同男友都話下次要嚟試吓佢個雞煲！🍴紅燒牛肉麵🍜牛肉湯好燶 仲可以揀配王子麵 牛肉煮得好琳好入味 本身鍾意食偏軟面 佢個王子麵煮得啱啱好🍴鹽水手撕雞蔥油乾拌麵呢個有驚喜 好香蔥油味 份量都幾大碗個鹽水手撕雞雞肉夠嫩 唔會太鹹，鹽水味道調得好好🍴台式鹽酥雞炸得香脆又唔會太鹹加上九層塔真係好香 係有台灣嘅味道啊！🍴地道台灣腸個人好鍾意食台灣腸 份量兩個人食嚟講啱啱好唔會煎得太燶 配搭生蒜真係冇得頂🍴肉燥燙青菜個青菜係菠菜 肉燥唔會太油 重帶有少少九層塔香味好惹味 值得推介嘅 下次決定要食佢嘅肉燥飯！珍珠奶茶奶茶夠滑偏重茶味 黑糖珍珠好煙韌冬瓜鮮奶冬瓜茶味濃 就算加左鮮奶都解到渴 個人覺得唔錯！

餐廳主打台式食品，亦有晚市推出台式雞煲，可選三杯雞或麻辣口味。平日6點左右入座，已經有唔少食客，可選室內/外座位。三杯雞雞煲($138)，有陣陣酒香味，加入洋蔥、香料炒香，拌勻雞件，令每件雞塊都好入味好上色。雞件數量超多，啖啖肉，又嫩滑。 之後可以再追加配料，加入湯後，就可以打邊爐。menu有各式各樣既配料選擇。手切美國prime肥牛紋理超明顯，每塊都有一定厚度，濃郁牛香味。台灣鴨血滑嫩，有鴨血應有既結實口感。而蜂巢豆腐非常吸汁，打邊爐必點。台式小食拼盤($88)，可以滿足食唔同款既台灣美食。蝦膠油炸鬼新奇，酥炸甜不辣、酥炸花枝丸唔油膩。黑糖地瓜條黑糖濃郁，幾乎可以拉絲。 而地道台灣腸配蒜片一齊食，香口。 如果食雞煲，可以加$20配仙草芋圓。仙草滑嘟嘟，芋圓同樣煙韌，做飯後甜品一樣。飲品方面種類多，黑糖珍珠鮮奶($38)，珍珠煙韌，黑糖甜。古早味冬瓜茶($28)，冬瓜味清甜，熱飲養生。整體，難得係商場入面可以輕鬆嘆台灣菜，仲有雞煲、邊爐食添。menu仲有大量台灣飯/麵、蛋餅，今次冇叫到，下次可以再去食～

同朋友行緊D2 place嘅時候，見到依間台灣菜好受歡迎，已經mark定夜晚要黎食！ 晚市推出咗雞煲，全隻$138，仲可以額外加其他台灣火鍋材料。雞煲可以揀麻辣式者三杯雞味，我地叫咗三杯雞，雞件嘅份量好多，件件都好惹味。至於配料，我地要咗手切美國prime肥牛，紋理分明，一啲都唔肥，每片都好嫩滑，肉質鮮甜。我都非常推薦鴨血同埋蜂巢豆腐，可以索哂啲湯汁~ 花雕醉雞卷蔥油乾伴麵，+$20可以升級做套餐。醉雞卷好入味，雞肉好淋。套餐要咗涼伴木耳，好開胃，同埋黑糖珍珠鮮奶，鮮奶好香滑，珍珠好有口感。 最後再叫咗台式滷水拼盤，有牛展、牛筋、牛肚、豬手、百頁豆腐，滷得好夠味，特別中意牛展，夠厚又煙韌，百頁豆腐都唔錯，外皮硬硬入面軟軟。 朋友再叫咗杯水果茶，佢話好濃郁，果味清新，好解暑！