捌捌陸台式料理 (D2 Place ONE)

營業中

休息中

今日原本諗住去x哥食個米線快lunch,點知排哂長龍等好耐。咁轉餐廳轉咗去呢到，望落間餐廳裝修燈光夠光猛，不過啲飯腳想户外啲坐室外，室外位就寛敞啲，空間感大啲，不過個景附近都高樓大廈，所以冇乜景可言。咁事不宜遲啦，睇下個menu，可選擇的菜式少之又少，起有限嘅菜式到揀咗紅燒牛肉麵，點知上個鹽酥雞滷肉飯比我，趕時間照食啦，食落去啲滷肉好硬唔知點解，肥瘦唔均勻。啲飯軟硬度適中，不過就淋得太多汁，食到底有少少變食湯飯嘅感覺。雞就食落都嫩口嘅，鹹度都可接受。食完埋單呢間就收加一，要加一可能整個QR落單服務你好高成本，所以收你加一。

今日同朋友去咗荔枝角呢邊行街，咁啱行到攰打算搵嘢食，就去咗啲D2一期3樓呢一間台灣餐廳食lunch 我哋一行三個人，打算叫多幾樣小食試吓味，始終疫情之後都仲未有機會去到台灣 餐廳係用QR code落單，非常方便，餐廳嘅設計亦都分戶外嘅位置，方便鍾意帶寵物嘅朋友餐廳嘅空間感亦都非常闊落，每一張枱之間都有足夠嘅位置，唔會有太迫既感覺首先推介有紅燒半筋半肉麵，面嘅軟硬度適中，咬落亦都非常爽口，碗麵有牛筋牛展同半隻滷水蛋！牛筋炆得非常入味，入口亦都非常軟滑，非常好吃 牛展就有濃厚嘅牛肉味，咬落亦唔會有好硬嘅感覺！麵條融合咗湯底嘅精華，忍唔住連湯都飲埋，值得推薦！ 另外都叫咗幾款小食，鹽酥雞都炸得非常鬆脆，份量亦都非常多，我哋三個都差啲食唔晒，鹽酥雞唔會炸得太乾，每一件雞咬落去都有肉汁，再配埋適當嘅調味，小食價錢嚟講算幾抵食另外雙色地瓜球都幾好食，首先炸得唔會好油膩，識落口亦都有鬆脆嘅感覺！每一粒入邊都有紫薯，鍾意食紫薯嘅朋友，絕對唔可以錯過！！最後仲叫咗珍珠奶茶飲！珍珠都做得非常煙靭，我叫咗少甜，店員都好貼心咁行埋我地度問我味道啱唔啱，呢個位非常值得加分 鍾意食台灣嘢嘅朋友唔可以錯過呢一間餐廳

間中想食下台灣野又想享受吓，可以去D2 place 搵野食！！這間捌捌陸，已經食咗第二次啦牛肉牛筋麵（牛筋好淋又入味）醉雞拌麵 -醉雞好入味！如果有帶狗仔，仲可以選擇坐係戶外🤭

今日d2 place搞咗個潑水節，咁啱去開附近就去趁下熱鬧睇下。上咗樓上食嘢有間叫做士林夜市捌捌陸嘅餐廳。佢出面有個outdoor位好舒服，仲可以居高臨下睇人哋玩潑水，唔使濕身。啲位又擺得闊又有梳化位，環境冇得輸。我叫咗個滷肉花雕醉雞飯，我畀90分，花雕夠味，雞又唔會老。仲要佢係珍珠米，粒粒好軟硬適中。另一個係牛展伴麵，牛展厚咗少少有點硬，但係個寬麵就非常之有效口味道都唔錯。仲有啲炸乾蔥伴碟，值得加分有誠意。夜晚唔知係咪有啤酒飲，格局都有啲酒吧feel，下次同朋友嚟試下

放工經過D2商場見佢裝修好 都未食過就試吓 叫咗一隻麻辣雞煲 好難食嘅雞煲👎雞肉是梅的 很像死了很久 雞肉還有一浸怪味 捌捌陸的買手真的要正視這個問題 我食咗一嚿已經唔敢再食驚會肚痾😡😡😡

見到佢新開，諗住同朋友入去試下，入咗店之後，就搵位坐低，過咗一陣，都冇人理，但見到隔離枱有QR code , 咁就行去問吓店員拎code啦, 點知佢勁冇禮貌話「你行返去坐！」跟住再見到後來嘅客人都有QR code ,我哋都未有我地一行三人，叫咗3樣主食餐，2個小食，野食就一般啦，唔係難食嘅，兩款炸野都係比較硬同乾，牛肉麵就ok啦，正體性價比都比較低，應該都唔會再黎，因為見到幾個店員，都係冇乜禮貌埋單約$400

💬近期家事頻頻撲撲，小狗🐶都有少少失落，走到荔枝角可以入寵物嘅商場，能夠與寵物享用美食都已經好滿足，美食係需要提升，希望下次會更好☺️———————————————————————————🥢花雕雞卷乾伴麵🍜💬雞卷淡淡花雕酒香，味道比較清淡，伴麵嘅湯汁略嫌鹹咗少少，若然用比較杰身嘅醬汁會更好🥹.🥢鹽酥雞滷肉飯🐔💬好大碗嘅滷肉飯，鹽酥雞即炸唔係整定，超有份量，比起麵更為出色，豐富而且飽肚☺️

😌 見好耐都冇行D2 Place，依日行下睇有咩食嘅時候，發現開咗間新台麵店！🥳🍜 湯麵套餐 - 紅燒牛肉麵 (寬麵) 😋😋😋😋紅燒湯底帶啲微微辣度，鹹鹹地有微微藥材味。小編揀咗少食啲嘅寬麵，紅燒湯油包裹住令麵條好滑而且麵條軟身得嚟有咬口！🥩牛肉有四大舊，肉質幾嫩有肉香，係相當厚身！半隻滷蛋🥚同小棠菜🥬！用料唔馬虎！仲好貼心咁另附一碟酸菜伴麵食！😎🍽 湯麵套餐 - 涼伴大豆芽 😋😋😋😋😋依款小食係套餐送嘅，比想像中大份，醃得好好食，微酸微甜，大豆芽好新鮮爽脆！👍🏻🍹 湯麵套餐 - 蜂蜜柚子茶 (凍) 😋😋😋😋蜂蜜柚子茶都係比想像中大杯，整體都甜，夠晒凍！配熱辣辣嘅湯麵幾好！午餐 💵💵 約港幣$100/人 💁🏻‍♀️ 食物質素對得住價錢！新店喺D2 Place開張，地方光猛，內外空間夠！一直播住90至千禧年代嘅台灣國語歌！大家喺荔枝角返工又多一間選擇啦！🤗🙆🏻‍♀️ 最後，喜歡嘅話，歡迎follow @foodirectory.hk！

分別於兩個星期日，去食午餐及晚餐。由於用手機落單，手殘既我，唔知點解auto 落左凍綠茶，好失望之際，同小店姐姐講，我想轉烏龍鮮奶，當然最後轉到，好開心😊小店內係冇乜服務，但要幫忙時，一班後生既店員係好樂意幫手。所以還是服務ok 的。餐廳有台灣歌聽，一邊食魯肉飯一邊聽台灣歌，好想去台灣夜市🤣🤣🤣好喇，晚餐個手機點餐，按左小菜買完，其實是可以按茄子的；又舉手改單🤦🏻‍♀️🤦🏻‍♀️🤦🏻‍♀️好喇，今次小姐姐又成功幫到改單，有返份茄子（因為叫餐）。好感動午餐：1）茄子前菜2）鹽酥雞滷肉飯（鹽酥雞麻麻炸粉多，冇乜雞肉，魯肉飯好吃，肥🐷肉同汁都好好味）3）烏龍鮮奶（烏龍味重，但杯野個顏色唔得。）4）醉雞台灣麵晚餐：1）茄子前菜2）紅燒牛肉麵（冇乜特別）3）醉雞魯肉飯（醉雞有燒酒味同雞滑，但外觀不討好。好明顯我好喜歡吃魯肉飯，好味😋好味😋）4）黑糖珍珠奶茶🧋（好普通）

今日約朋友去chill下 想平平地搵個舒服地方食台灣菜見到D2 place呢間有室內又有露天座位嘅台灣餐廳就決定試吓啦個露天地方好大好闊落 坐得好舒服🤭唔會好似其他地方咁迫 如果十幾個朋友嚟都大把位坐由於見到價錢太抵 所以叫咗好多嘢食🤤鹽酥雞滷肉飯🤎麻辣鴨血❤️ 唔會太辣 麻得黎好過癮酥炸花枝丸 熱辣辣好好食💛黑糖地瓜條 大推！好食到傻咗外脆內軟 仲要好大碟💛奶蓋烏龍茶 仲可以揀甜度冰度 無糖都勁好飲仲嗌咗個牛肉麵 不過朋友仔一嚟已經食咗 冇得影相😭總結呢間餐廳真係好有驚喜 性價比極高🤎 小食抵食夾大件 當放題咁嗌都得😂重點係坐得舒服 見到有炭爐 冬天坐都唔驚凍店員高大靚仔 有兩三個都好型😂下次一定會再嚟❤️

好耐冇去行市集，趁有時間就同媽媽去D2 PLACE行吓，順便食LUNCH。行哂成棟D2一期，最後揀咗3呢間「捌捌陸」食台灣嘢。雖然天氣有少少風，不過有太陽都唔算好凍，所以我哋揀咗坐室外。個人覺得打卡一定要揀室外，佈置好休閒舒適。我哋叫咗一個紅燒半筋半肉湯麵，一個鹽酥排骨滷肉飯。紅燒半筋半肉湯麵：湯底唔錯，少少辣，牛肉同牛筋都炆得入味又夠淋，麵身軟硬適中。鹽酥排骨滷肉飯：排骨肉質唔錯，滷肉比較大粒。不過因為有風，所好快凍。夏天食應該會再好味D。價錢嚟講我覺得OK啦，D STAFF又好人。下次希望冇咁大風可以影多D相~

台式牛肉麵很好，被普遍認為是美味、營養又實惠的美食。牛肉麵湯頭清淡，麵條筋道，容易下口。 牛肉又嫩又好吃。 牛肉麵通常配上蔥和香菜，使這道菜更漂亮。總的來說，台灣牛肉麵不僅味道鮮美，而且價格親民，是非常受歡迎的美食，適合日常飲食。

見到係新開餐廳 亦都鍾意去食台灣野 所以諗住同個朋友試下尼間餐廳。本身見到個餐牌想試佢個三星蔥油雞卷麵 點知scan code 落單個時見唔到有得賣 所以點左另一個花雕醉雞卷麵，另一位朋友就點左鹽酥雞滷肉飯。本身佢加20蚊有小食再加飲品都覺得價錢ok，但d野食就覺得麻麻。朋友覺得鹽酥雞滷肉飯太咸。而我碗麵既湯唔算好熱，醉雞d肉質唔算滑 ，當d雞肉同d湯浸埋一齊令到個味道有d怪，所以我都係剩食麵。食完之後仲有腸胃炎

原先諗住食同層另一間台式便當，點知老婆見到有新台式餐廳開咗，二話不說就話試新嘢喇！點知…後悔了…1. 鹽酥雞滷肉飯鹽酥雞粉勁厚，肉有啲硬，味道只屬正常。但係滷肉真係不得了，又肥又硬又大粒，似係切細嘅東坡肉（但冇東坡肉嘅嫩滑）。個飯底又勁多汁，多汁到食到半碗已經要放棄碗飯。2. 鹽酥豬扒滷肉飯飯同滷肉飯都係同鹽酥雞一樣唔掂，鹽酥豬扒又係勁厚粉好乾同炸到啲肉有啲黑，好少有鹽酥嘢啲餸係食唔完….3. 紅燒牛肉湯麵湯底個味勁怪，完全唔係平時食開紅燒牛肉麵嘅味道，感覺有啲藥材味。牛肉係牛𦟌嚟，完全唔淋，直情係硬，牙力唔夠真係唔好食。4. 熱珍珠奶茶少甜要少甜，但杯野係直情甜都唔甜，茶味有啲苦同冇咩奶味基本上食咗四樣嘢冇一樣嘢係食得入口，好少見台灣餐廳可以整到咁唔好食。唯一讚係waiter都幾高大有款。試業成個場都坐滿客，但食物質素咁惡劣，真係玩唔耐喎⋯⋯亦都令我地有啲後悔試新嘢。伏….

喺餐廳門口已經冇人帶位 一位係自己搵位再嗌野食 點知坐左15分鐘一個服務員都冇埋過黎 比menu 或者落單qr code 但係我一直見到有人行入黎 有code落單 到我問番服務員拎code既時候 個服務員啤番我轉頭 仲要用惡劣既態度同我講依家去整code比我啲野食又無比咁難食 湯麵淋到唔知擺左幾耐 又唔熱 網上個menu一啲都唔好用 搞到落錯單都算 咁咪食番我落錯既野 點知都係好難食雖然天氣好坐出面 但係食完都唔想坐下先走 立即埋單離開 都唔知呢間野係咪做生意 寧願食同層既譚仔mos burger 或者落去食個大快活都冇咁嬲