捌捌陸台式料理 (D2 Place ONE)

營業中

休息中

👧🏻👸🏻好掛住台灣既美食🥲❤好彩係香港都搵到d好味又抵食既台灣菜餐廳💁🏻‍♀-🍴台式三杯雞雞煲 全隻雞既雞煲都係$138🤩好抵食 另外味道都好特別 佢係台式既雞煲 好香蒜油同九層塔既味道 好入味👍🏻 食完雞煲當然可以加湯變打邊爐😏🍴台灣直運鴨血 因為想食多d小食🤭所以淨係加左👧🏻好想食既鴨血❤好煙韌有咬口另外叫左大量既小食😍好似去左台灣夜市咁💕🍴雙式地瓜球🍴台式鹽酥雞🍴地道台灣腸🍴黑糖地瓜條🍴滷水蛋(一隻)每樣的份量都好足👍🏻👸🏻比較中意食台灣腸 連埋生蒜片食 好惹味 而👧🏻比較中意食雙式地瓜球😍係實心既 外皮好酥脆 唔會有油既感覺🥤甘蔗鮮奶🍺台灣菠蘿啤酒飲埋手搖飲品加台灣啤酒更似去左台灣😂🤭🍴黑糖仙草芋圓(小)最後食個細細的甜品❤ 芋圓好煙韌 另外黑糖味都好足👍🏻📍捌捌陸@荔枝角長義街9號D2 Place一期3樓306號舖

喺荔枝角D2 Place有唔少小店，今次去呢間台灣小店，見到都好多人幫襯，可能因為價錢都好平民，選擇都幾多，而且仲係可以帶寵物嚟嘅餐廳，所以吸引咗好多附近上班族同埋居民。本身冇諗住食雞煲，但係見到一份全隻嘅雞煲只係買$138 ，覺得超級吸引，我哋就點咗麻辣口味，上菜嘅時候真係嚇咗一跳，估唔到$138有咁大煲，唔好期望佢係四川味道嘅麻辣，佢係台灣麻辣嗰一種多啲，都好欣賞佢放好多配菜例如香芹芫荽同埋蔥頭，雞件係有泡過油嘅，金黃色好靚仔，而且啖啖肉。另外都有嗌啲配菜當火鍋一齊食，我覺得蜂巢豆腐都係必點嘅，放落去入晒未係正。另外就點咗一個拌麵，滷牛肚同埋牛腱都好入味，而且有落乾蔥調味，口感好豐富。另外點左個肉燥湯青菜，清清地得來又有有啲功夫，幾好。我覺得呢度嘅飲品水準都幾好嘅，叫咗一個市面比較少嘅甘蔗清茶少甜，甜度非常適中，清清地唔會太甜，有時唔想飲奶茶嘅時候呢個係一個好選擇。總括嚟講呢度嘅嘢食都幾好嘅，平日簡簡單單唔想煮飯，又想平平哋食一餐，呢度係一個不錯選擇！

估唔到平日夜晚嘅D2 place都咁多人，今次隨便入咗間台灣野，質素都幾好~👍🏻店舖唔大，位同位之間有啲逼menu一頁睇哂，都係基本台灣野，自助QR code落單嗌咗鹽酥雞滷肉飯同半筋半肉牛肉麵鹽酥雞非常大舊，粉唔會太厚滷肉飯都好夠味，但啲肉好大粒，唔似係台灣食，仲食到好大粒冬菇😂切細啲就更好牛肉麵揀咗粗麵，麵真係好厚好粗，但唔夠彈牙，湯都濃味，正常水準有5大舊牛肉，肥瘦均勻，都幾抵食另外嗌咗小食拼盤同地瓜球啲甜不辣好彈牙，花枝丸炸到好脆，更外加泰式辣醬冇得輸！最驚喜係個黑糖蕃薯條，外脆內軟，食到停唔到口😍😍地瓜球就普通啲，始終同台灣嘅差好遠，個皮太厚喇，唔夠q彈，不過值得一提係凍咗個地瓜球反而仲qq過熱食~入面係紫薯餡，甜甜地~最後點少得台式野飲，我地嗌咗冬瓜牛奶同珍珠奶茶，正正常常唔會太甜咁兩個食到勁飽，性價比非常高👍🏻👍🏻平日8點幾都要排隊，所以大家要食就早啲去喇😆

D2 Place嘅捌捌陸，人氣極旺，長期都有條隊輪候！食店上菜效率頗高，流轉亦快，唔洗等太耐！食物飲品質素頗高，價錢相宜，做到價廉物美！八川綠茶 $28 加椰果 $6風味獨特嘅台灣綠茶，帶一點點茉莉花嘅清幽，加埋甜美嘅椰果，都真係幾正！捌捌陸水果茶 $48由橙、百香果、火龍果、蘋果等鮮果製作，酸爽怡人，消暑一流！黑糖珍珠鮮奶 $38又香又濃又甜又滑，都幾邪惡！台灣啤酒 - 白葡萄味 $28有多款口味選擇，白葡萄味香甜，係微醺嘅感覺！台式滷水拼盤 $78有齊牛肉麵嘅皇牌牛三寶 - 牛筋、牛𦟌、牛肚，仲有豬手同埋豆腐！牛三寶嘅牛筋軟糯入味，入口即化！牛𦟌軟腍可口！牛肚、豬手、豆腐同樣出色！酥炸花枝丸 $38花枝丸紫菜湯 $48台灣嘅花枝丸爽彈＋鮮甜，令人欲罷不能！炸有炸嘅香口，湯品仲要有埋肉碎，多咗一份肉甜，特別好飲！地道台灣腸 $38台式鹽酥雞 $58兩款經典嘅台灣小食，台灣腸夾生蒜片點解可以咁好食，仲一啲都唔會嗆！而鹽酥雞就香酥可口！

難得有個朋友返嚟香港🇭🇰 要同佢食餐好既 今日就去左D2 place 食台灣菜😁😁發現呢到有得叫雞煲/ 台灣食物 由於我地覺得今日太熱了 最後都係叫幾個台灣菜一齊share!第一個主食我地食左花雕醉雞卷蔥油乾拌麵 然後揀左 台灣寬麵 配蔥酥豉油天口熱食呢個 就最好不過了 😛 佢唔會好乾身 同埋麵質軟硬到剛剛好😎 啲炸蔥油撈埋個麵食真係更香更好味😋 同埋個雞卷很健康 唔油膩 😋第二個主食就點了 鹽酥雞滷肉飯 真係好大碗！ 啲滷肉好多 勁足料 所以差不多每一口都食到滷肉 同埋啲汁也剛剛好 所以整體上唔會太乾😁 加上鹽酥雞 都有成4-5舊 😝連埋半隻蛋又真係幾豐富呢此外 我地也叫左肉燥燙青菜🥬在菜上面加埋啲肉燥作點綴真係令整碟菜生色不少💕 啲菜也很新鮮朋友大推雙色地瓜球 😍佢煙煙un un 超好味道同埋個黃色地瓜球包紫薯餡 紫色地瓜球包番薯餡 好特別😋 可以點沙律醬🥗我地最後也一人一杯捌捌陸水果茶 大大杯 好解渴😁 同埋啲火龍果切左粒粒 飲水果茶果陣可以啜埋啲生果粒 勁refreshing ! 個蘋果片仲要好甜呢😍 朋友表示很滿意😋 嚟開D2 place 真係唔好錯過呢間餐廳了😆

D2 Place 又發掘一間好食餐廳，好彩早入座，7點後都要排隊~~ 台灣食品百吃不厭~~佢仲會有室外位，夏天唔怕熱都可以坐戶外CHILL 下~~平日常見既台灣食品都有，主要比台式雞煲吸引台式三杯雞雞煲少有既台灣餐廳有得食台式雞，價錢超抵食，有成隻雞份量先$138!!有濃郁醬油同酒香，件件都啖啖肉，加上雞肉本身既鮮甜，非常開胃!鮮草芋圓(細)叫雞煲可以加$20要埋甜品，但份量係細份，如果想食多D就要分開叫個大既。仙草底加左黑糖，偏甜少少，勝在芋圓夠Q彈!紅燒牛三寶麵(牛展、牛肚、牛筋)超大推!!! 佢個麵底好出色，軟硬度岩岩好，湯汁濃郁，無任何味精，麵同牛都可以索曬D精華! 牛展超厚切，但都煮到好淋，口感鮮嫩多汁。牛肚處理得好，無任何膻味又彈牙!肉燥燙青菜肉燥係用純瘦肉，岩曬唔中意肥肉既我，平時一般肉燥都偏肥，會有漿住既口感，呢個完全無。青菜清甜，肉燥唔太咸，配合得幾好!花枝丸紫菜湯除左有花枝丸，仲有滿滿既肉碎，飲落一D都唔寡。花枝丸口感彈牙，紫菜香味清新，湯汁帶點調味，都清淡不膩口🍹古早味冬瓜茶額外加左椰果，意外地好夾，甜度本身都少甜，飲落清爽怡人，消暑解渴岩曬🍹黑糖珍珠鮮奶珍珠Q彈

D2 Place係其中一個寵物友善廣場可以帶埋自己嘅愛犬四圍走今日係度行街睇野晚上係呢間捌捌陸食野餐廳除左室內仲有戶外區戶外區空間比較大仲好有特式由於帶住愛犬關係所以選擇左戶外區有部冷風機加上夜晚吾算好熱餐廳有套餐提供麵或飯加＄20就可以轉成套餐有一杯野飲同埋涼伴小食我地叫左2個套餐、2個拼盤同1個小食．鹽酥排骨滷肉飯－鹽酥排骨原塊大大舊切開－滷肉比較特別係肉丁．紅燒半筋半肉蔥油乾伴麵－半筋係牛筋入口即溶又滑－半肉係牛展又鬆又腍．涼伴木耳絲及涼伴大豆牙－小小酸，幾開胃．台式滷水拼盤－有牛展、牛肚、牛筋、豬手同豆腐－全部鬆腍又入味．台式小食拼盤－有蝦膠油炸鬼、炸花枝丸、台灣腸、甜不辣同蕃薯條－蝦膠油炸鬼炸到脆卜卜－蕃薯條配上黑糖醬好好味．台式鹽酥雞（小食）－大大份低食

Sat 15th July 2023喺荔枝角 長沙灣廣場 D2 Place 1，唔好搞錯呀。搵到扶手了碌到上3樓，望向右手邊就見到。就算唔認得，睇吓邊間啲夥計最高大威猛靚仔俊俏神采飛揚，就係佢哋啦。坐落好舒服，對住大玻璃窗，覺得陽光總會驅走黑暗。佢哋出邊有個大露台，唔怕熱嘅可以出去chill吓。刀削麵呢好咬口搞煙靭，牛腱好厚身嘅超過2個手指公，咁有5片咁多，晏晝呢個價錢嚟講，佢算係性價比超級高。同埋午餐可以揀一個小菜嘅。涼拌青瓜好爽口。餐飲 黑糖珍珠奶，濃郁嘅奶香味，彈牙唔死甜嘅黑糖味。嗰度仲有好多狗狗呀貓貓呀係呀真係食緊嘢嘅時候呢你就可以睇到啲狗仔喺度嗌交啊，好似去咗朋友屋企好多狗仔一齊玩嘅好有貴嘅好友喺屋企食飯嘅感覺。佢哋好仲有個甜品7彩乜乜乜，係hidden menu,綠色嘅斑斕、番薯、紫薯芋圓。又有包住啦豆腐花、黑糖珍珠仙草。組合都好清爽，好豐富。好大碗。

每次黎到D2 Place買寶貝狗狗既日用品就一次會係到食埋飯先走, 因為香港真係好少pet friendly既餐廳🥹🥹今次黎到D2 One既捌捌陸, 佢地主要食台灣食品, 聽講抵食又大份！見價錢幾花算我地兩個人就忍唔住叫左好多款😂1/ 紅燒牛三寶麵 配蕃咖湯底 🍜有牛肚, 牛𦟌同牛筋, 三款都燉得好入味, 肉質腍滑, 特別係牛筋, 骨膠原質當當既感覺, 配上彈牙既麵條同特濃蕃咖湯味超正！2/ 鹽水手撕雞蔥油乾拌麵 🍜連條有彈性, 配上手撕雞口感盡常清爽, 整體黎講好開胃3/ 藥膳排骨 🥣整盅藥膳湯好清甜好味, 排骨好淋而且十分入味又唔油4/ 台式小食拼盤 🍽️有好幾款唔同既小食, 例如有蕃薯條, 台灣腸, 花之丸等, 全部都做得酥脆可口, 非常惹味！5/ 黑糖珍珠鮮奶加奶蓋🧋黑糖再加奶蓋好邪惡但就好好味！黑糖甜度恰到好處, 而鮮奶夠滑👍🏾6/ 甘蔗鮮奶加奶蓋🧋平時飲甘蔗就飲得多, 但加埋鮮奶真係未試過! 估唔到又幾夾, 甜度岩岩好7/ 七色彩雲🍮有珍珠,椰果啫喱,豆腐花,紅豆,仙草,三色芋圓,黑糖而成! 口感非常豐富! 超級推介大家食呢個, 而且只係$38超級抵食！

喺D2行完市集,原本想過長沙灣廣場食嘢但係大熱天時就唔想行，見到三樓都有一間台灣嘢就上去望一望 等兩三張枱就入得，價錢都幾公道就叫就入去坐下食下嘢先再行街今日一行四人 總共叫咗兩個主食套餐、 三個小食、四杯嘢飲、 一個甜品, 每人食啲就可以叫多幾樣，唔要叫太多主食主食揀咗1.半筋半肉牛肉麵牛肉主要係牛展同埋牛筋、湯底有藥材味牛展夠淋入口即化2.台灣滷肉飯套餐大大碗， 有很多件酥炸豬扒魯肉粒比較肥，用嚟撈飯重油香小食叫咗3個1. 甜不辣感覺好似魚餅煙煙靭靭2.雙色地瓜球 內脆外軟裏面仲有不少芋泥， 但係食落就唔係好食得出兩隻色有太大分別3.黑糖番薯條嚟到畀佢嚇死,超大份最尾係食唔曬加咗黑糖之後, 令到番薯嘅香味更加出口感唔係脆身嗰種但係番薯味濃最尾大家都食到好飽就淨係叫咗一份甜品大家不少少食七色彩雲樣樣都有啲，有芋圓、紅豆、仙草、 蒟蒻大家分享吃分量剛剛好整體覺得一定要叫黑糖地瓜條因為小食部全部都38蚊，大大分好抵食飲下嘢食下地瓜條真係一流作為飯後小食或者甜品都ok

平日3pm 左右去D2 Place 1 食個tea…搵到呢間台灣嘢，有下午茶餐，所以就坐低食…餐廳一邊個落地大玻璃，好光猛同舒服，職員話戶外位都係佢地嘅，但今日落雨冇人坐出去，天氣好坐出面應該幾chill😎兩個人點咗兩set下午茶，再加小食。下午茶可選迷你飯/麵或蛋餅，再配飲品。我食迷你肉燥撈麵，份量都唔少，魯肉好淋、魯水味濃，而唔係咸味，仲有唔少冬菇，好有咬口😊芝士肉鬆蛋餅個拉絲效果好勁，成份6大舊，其實唔明點解係下午茶😅 兩款餐都係$40幾蚊 each，好抵食☺️見到小食好多選擇，又唔係貴，就叫咗3款…點知出事🫣係好大份！！！手撕雞、台灣腸都係大大碟，我以為得幾舊…台灣腸配生蒜真係冇得頂😋😋😋最出事係黑糖地瓜條，$38碟點會咁大碟🫣 呢個份量4-5個人share都夠…地瓜條做到每條都有脆黑糖包住，好好味…但我食唔晒，最後要pack走😅坐咗成個鐘，餐廳全程播國語歌，仲要係新歌、國語rap嗰啲，好似去咗西門町咁☺️佢哋夜晚有雞煲，下次要試

放左工同朋友去左荔枝角D2，睇下手作仔精品，行到晚飯時間，見到水牌有間新開台灣小店，於是上去試下---捌捌陸環境一個開放空間餐廳模式，而且都係pet friendly，戶外重有個大花園，可以選擇在外用餐，不過怕熱嘅我地都係選擇留番喺室內涼冷氣😆台灣滷肉飯套餐 | $68+$28花雕醉雞卷滷肉飯+涼伴小黃瓜+仙草凍奶茶雞肉帶酒香，肉質嫰滑，滷肉香軟入味，滷汁咸甜適中，配飯一流，加上配菜和半隻蛋，份量十足。仙草奶茶冰冰涼，炎夏好選擇湯麵套餐 | $78+$28紅燒半筋半肉麵+涼伴小芽菜+黑糖珍珠奶茶紅燒牛肉湯底出色，味道夠濃，牛筋牛腩煮得淋身軟糯又入味，配上清甜小豆芽可減低肉嘅油膩感。黑糖珍珠奶茶味道出色，珍珠Q彈口感好酥香花枝丸 | $48香脆可口又彃牙，真係食唔停，個人最喜歡嘅小食，有泰式甜辣醬加持，真係無得頂台式三杯雞雞煲+鴨血 | $138 + $38一開煲蓋香噴噴，九層塔香料同雞肉味道相得益彰，食落啖啖肉，醬汁惹味，食完雞件加湯再煮鴨血，掛哂湯汁超入味，大滿足黑糖仙草芋圓(小) | $20仙草冰涼可口，黑糖甜度適中，芋圓無粉感，煙韌有咬口

本人叫了一個魯肉飯套餐，魯肉竟然可以做到好像蔗渣一樣，咬到很辛苦。只怪被裝修欺騙…而且不但難食，還要加10%服務費（沒服務可言）不明白為何這麼多人排隊食….唯一優點是送餐快，如果想快快趣食個飯，對食物冇要求可以一試

睇戲前諗住食少少嘢，上次同女朋友經過呢間佢話想試 好啦，今日下午茶時段就出嚟試吓啦坐低 擺低個QR code 掃碼下單但要收+1服務費 👍我心諗你都係捧個餐俾我 憑咩收多10幾蚊服務費好啦 嘢食嚟到 女朋友揀咗下午茶迷你紅燒牛肉湯麵 係呀個碗細啲囉我揀咗午餐 貴$20個碗大啲囉但係啲面同埋啲餸嘅份量係一樣 少幾啖食完 好味又唔見得上 唔係難食囉人哋對面億利樓上果間台灣野好食過佢兩個人埋單，加埋一 $172無下次 超級伏伏伏伏伏

放假去開D2place行街，行到咁上下見有啲餓就搵下有冇好嘢食啦。好耐冇食台灣野，一上三樓就見到依間，唔揀Lu就佢啦舖頭都算闊落，都坐得幾舒服，唔會太逼夾。加分加分我同朋友呢，就叫咗幾款小食一個主食，味道都幾唔錯woo花雕醉雞捲（$48）花雕酒味都幾出，雞肉都算幾嫩身。唔會浸到過左龍。黑糖地瓜條（$38）呢個其實都幾好味，唔好睇佢係黑糖，但係其實佢一啲都唔會太甜，加埋啱啱炸好嘅地瓜條，都幾夾，不過份量都幾大份，建議可以同多幾個朋友一齊share☺️地道台灣腸（$38）台灣腸不嬲都出名脆皮又juicy ,原來加埋蒜片一齊食個味道都幾特別，好似多左一種風味咁。主食呢我就叫左個滷水豬手麵（$68）平時唔係好食豬手嘅我都連續食咗3,4舊。因為佢真係滷得好腍身又入味，一放入口就已經好易食到啲肉，呢個係意料之外嘅😍我哋最後仲叫咗個糖水-七色彩雲（$38）入邊呢就有三色芋圓，紅豆，珍珠，蒟蒻，丸子，仙草凍同豆腐花，都幾豐富架。😋Overall依間都幾好味，好似去左台灣夜市咁，選擇又多又性價比高😚😚