拉麵Jo (已結業)

今日趕時間，要食個快速午餐，見拉麵JO無乜人，就入去試下啦。兩個人，叫咗兩個lunch set, 可能因為閒日，落單後好快上齊食物。小食**先上嚟兩個小食。**炸八爪魚球：味道不錯，但唔算有驚喜。**雞皮餃子：想點想唔點之間，因為太邪惡了，最後，當然豁出去！雞皮餃子皮脆、香口，入口有點雞油味，唔理了，照食。🤭拉麵**兩個拉麵外觀差不多，都是兩片薄豚肉加些配菜。**蒜油豚骨拉麵：上枱已聞到蒜香味，湯亦很濃郁；豚肉雖薄，但入口嫩滑，滑嘟嘟，幾好味。**醬油豚骨拉麵：湯底畧嫌咸，要飲水😅，豚肉唔錯。飲品選擇比較少，多是罐裝飲品，加$8有乳酸梳打，我哋悶悶哋揀咗可樂和檸檬水。整體上食物算唔錯。

今日食評✍🏻 Yo拉麵@yoho mall 試食指數⭐⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·店舖唔大但座位安排妥當令食客唔覺得逼夾·我哋點了兩個午餐sets1️⃣豚骨拉麵$128配八爪魚球三粒2️⃣麵豉拉麵$98配迷你叉燒飯拉麵偏咸食材配料都係冇驚喜諗住128會同98有不同原來只係多舊肥豬肉多咗粒性價比不高八爪魚球好味但不夠燙咀叉燒飯面上的醬汁都係咸餐飲配送可樂3️⃣鐵板豆腐本來想叫玉子燒但係晚市才有失望鐵板豆腐也不見得有驚喜鐵板上的豆腐而已二人296·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

雖然係為咗等睇戲求其食，都唔係咁…1. 叫咗杯熱檸水居然係室溫2. 碗豚骨拉麵基本上係冇落鹽嘅鹽水，冇味3. 配料到曬但碗麵未到公平啲講1. 蟹湯拉麵幾好食2. 啲小食例如雞皮餃子，有heart嘅可惜，真係冇辦法彌補上面3個缺點

家人想配眼鏡，加上熱辣辣嘅天氣又無人煮飯，就提議去Yoho Mall商場兼食飯。店舖唔大，等左幾分鐘就入得。特製沾麵份量都唔少，沾落去熱湯到係好食。魚介豚骨拉麵個湯底有d偏杰身嘅質地，魚介味道幾算濃郁，雞胸都吸到少少湯嘅味道，又唔會好鞋。迷你豬腩飯一d都唔算太迷你，如果唔太肚餓的話都可以叫飽的。蝦餃子包住一隻蝦，都幾大件，ok好食嘅！

經過好多次我都冇特別想去食，因為門面覺得不是正宗的拉麵😅，同埋是開放式，完完全全比外邊等位的人睇住你食和座位都比較迫。今次經過不用等位，所以同朋友就一試。- 拉麵全部都是叫淋啲，但是都不是淋的，是適中。如果有下次，就要叫”淋啲淋啲” 😝- 麵中的醬油蛋 - 唔錯，很入味，蛋黃約七成熟👍🏻1. 特製豚骨拉麵 - 湯底唔錯，不是太濃，麵嘅份量都算多，一個人未必食得晒，豚肉少少肥，少少”鞋”😅2. 特製蒜油豚骨拉麵 - 蒜油味都幾香，可能比較油，朋友腸胃又敏感，所以返到屋企有少少清腸胃😂3. 特製醬油豚骨拉麵 - 湯底都可以，朋友話四方形嗰舊肉好食過豚肉😂😂4. 明太子煎蛋 - 有點失望，蛋不夠嫩滑，有少😔 “鞋”，不過是熱辣辣的5. 鐵板安格斯牛柳粒 - 都係有啲失望😔，雖然味道夠，但是 “鞋”的總括來講，湯底唔錯

話說我同家人每人叫左一個拉麵同小食， 有碗麵其他人都到晒， 甚至隔離枱既人遲過我坐低， 佢地到晒都未到我， ok！ 我好有禮貌咁問職員係咪漏咗單呀，佢地話無， 跟住先鬼鬼祟祟再幫我入單， 想請問係咩玩法？ 佢其實可以同我講唔好意思漏咗單， 馬上整返比你好嗎， 但係當我再吹問隔離枱都到埋， 我都等咗半個鐘， 佢地只係好冷淡咁話整緊架喇，完全無解釋同say sorry, 態度咁差，真係幾好食都唔會再幫襯， 更何況， 食物質素真係好普通， 又唔夠熱。

之前真係覺得呢一間拉麵好好味，但係前兩天晚上和老公放工去食二人餐，簡直不知所謂。拉麵到嚟，湯係完全冇味，最離譜係碗麵竟然完全未熟，咬都咬唔開，告知店員情況，佢竟然問我有冇食過日本拉麵，日本拉麵是這樣，對住佢簡直無語，根本冇可能麵質硬到係咬得開，最後我老公開聲要求店員必須換過另一碗。 另外叫咗兩個小食，鐵板豆腐個底燶曬，仲喊到不得了，我老公叫咗嘅鰻魚飯，啲飯淋到不得了，好難食，最後埋單三百幾蚊， 怎樣嘅質素，以後一定唔會再幫襯。

夏日炎炎🔥，天氣不穩⛈️，最好行商場，呢間拉麵店🍜，銅鑼灣總店一路都想去試，原來開左分店，平日人流唔算多，決定一試！點了限定二人餐$278/2位👥🍄內容有兩款拉麵/飯🍜兩款小食🧆兩個飲品🥤🍜特製魚介豚骨湯麵我個人一向喜愛魚介🐟，窿窿嘅湯底，滿滿既魚介味！一隻溫泉蛋🥚，一片雞胸肉，兩片叉燒，飲埋個湯底，大滿足！🍜特製醬油豚骨拉麵味道同一般醬油豬骨湯底一樣，普普通通，但係呢一款拉麵係用（幼）拉麵, 如果唔喜歡食幼麵，就要特別留意！🧆小食類蝦餃子🦐，先講賣相，一客有五隻，隻隻都非常飽滿，還有一隻蝦🦐，感覺將餃子提升咗！ 味道就正常！🧆炸雞翼和風汁雞翼炸得好乾身，熱辣辣，一邊還有少少肉汁💧，不錯！🥤飲品無糖可樂凍巨峰乳酸梳打（+$8）總結💝： 呢個優惠價，有麵食+小食+飲品，的確係幾抵！味道就中中挺挺，唔算好突出！

🅻🆄🅽🅲🅷 🆂🅴🆃特製低溫叉燒麵配雞皮餃子 𝐇𝐊𝐃𝟏𝟑𝟖震撼擺盤𝐆𝐄𝐓!!💯有十幾塊薄切叉燒圍住個拉麵碗🍜低溫慢煮既叉燒食落比另一款嫩好多不過眼闊肚窄一個人真係食唔曬分左一半比男友食𝐡𝐚𝐡𝐚𝐡𝐚(˶‾᷄ ⁻̫ ‾᷅˵)雞皮餃子有驚喜 個皮好脆又充滿雞油味🥟重口味人士最愛～安格斯牛扒溫泉卵蛋飯配雞皮餃子 𝐇𝐊𝐃𝟏𝟑𝟖樣貌比味道出色太多🥩牛扒雖然燒得幾靚仔但無乜肉味 而且調味偏鹹🤏🏻白飯無粒粒分明偏濕🍚個汁俾得太多了⋯辣味豚骨拉麵🍜配炸八爪魚球🐙 𝐇𝐊𝐃𝟗𝟖兩款拉麵既湯底都偏鹹 膩感較重🥲叫左辣味有少少辣都幾惹味既麵偏幼 我就比較中意食粗麵多啲比較有口感反而小食幾好味炸八爪魚球係脆卜卜 唔係關西口感XD

今日特意去Yoho買外賣午餐，外賣便當$54-$74，價格實惠。美國牛柳粒便當$74這牛柳粒便當賣相也不錯，牛柳粒炒得又香又有蒜味，肉質仲幾軟身又有肉味，分量方面也10分合宜，加埋薯仔沙律及日式煎蛋，10分飽足。咖喱豬扒飯便當$73這炸豬扒大大件，炸皮香脆，豬扒無骨啖啖肉，唔算太乾身，加上香甜嘅日式咖喱，質地唔算太稠厚，味道香濃，又有少少配料，10分惹味，送飯一流。

👦🏻👧🏻之前去元朗行街果陣已經食過拉麵Jo🍜，印象中對餐廳都幾滿意。咁岩👦🏻要出元朗做野，就同同事們一齊去形點食拉麵，今次就一齊黎睇下拉麵有冇退步到。🌟迷你蒜油豚骨拉麵黑蒜油湯底比出邊食開無咁油膩，五花腩叉燒肥瘦均勻，麵底夠硬身，好有咬口。至於溏心蛋唔會太熟，岩岩好，醃得好夠味👍。🌟迷你滑蛋豬扒飯滑蛋豬既蛋整得好滑，吉烈豬扒炸漿唔會太厚，食落唔覺無雪味，豬扒亦都夠腍👍😼。整體而言，Lunch嚟講性價比高，大家可以Try Try😙。

聽聞呢間拉麵店連續七年入選米芝蓮推介食府。難得見無咩人排隊，即刻入去試試佢😋〰️特選蒜油豚骨拉麵🍜 $88湯頭係好濃郁嘅豬骨香，但並無油膩感。蒜油嘅香都好突出，令到成個湯嘅層次提升左。叉燒肥瘦均勻，如果可以多幾塊就好🤣麵條十分掛湯！〰️特製低溫叉燒拉麵 $118鋪到成碗都係肉😋叉燒用66度慢煮處理，所以食落依然保持到肉質嘅嫩。之後再用烤烘方式，更加帶出到肉質嘅鮮味。不過相對嚟講個湯味道有啲淡。〰️〰️📍 拉麵Jo (元朗)元朗元龍街9號形點一期1樓1072號舖

特製低温叉燒麵味道還好，可以一試，薄切叉燒好味，叉燒份量多。味噌拉麵湯底太過鹹，味道普通，麵條一般，配料尚可。炒北海道帶子最好味的菜式，帶子炒得剛剛好，菇味濃，醬汁能帶出鮮味，配搭得宜。炸雞肉雞件大件，鬆脆內軟。兒童餐質素非常差，炒飯變味，食咗之後肚痾，中伏之選，好彩個女無食到。員工沒有服務，態度極差入座時，詢問有沒有廂座，職員反應十分大，告知你一眼已經看到，我們沒有。剛坐下來另一位職員就即時問叫什麼食物，告知等陣再叫，之後仍然問叫什麼食物。吃飽後，我去洗手間，還有家人在座位，職員拉著我的手說還未付款。

行街行到攰就黎咗呢間食店員見我地抽住咁多野比咗張大枱我地☺️如果唔係都幾狼狽今次就叫左2個小食同1個沾麵：1) 炒雜菇野菜 ($58)同行友人唔鐘意食芽菜而呢個小食有芽菜但加意外嘅係連一個唔鐘意食芽菜嘅人都覺得呢間餐廳整得好食味道都唔差2) 炸雞軟骨 ($48)份量算多同埋都幾大粒咬落係都唔會太硬食得多都唔會牙痛3) 辣味沾麵 ($95)如果你係呢間鋪嘅常客叫親辣味沾麵就要有心理準備個辣度一係吊下味嘅辣一係就好辣咁今日就撞正係好辣🥵份量正常已經好飽麵嘅掛湯能力都幾好叉燒就一般般都仲叫做放得入口

食拉麵 去元朗 YohoMall 「Ramen Jo」晚飯時間人多，先拎個籌等等, 餐廳環境裝潢一般啦晚市拉麵2人套餐 ($278)任選主食兩款、任選小食兩款小食及指定飲品（汽水）特製魚介豬骨拉麵濃郁湯底、不油膩，咸香醬油味道，拉麵份量多，飽呀配料：紫菜、筍條、軟軟 叉燒 夠淋正呀…溏心蛋，色澤漂亮。滑蛋豬扒飯大大塊 厚切豬扒，薄薄粉炸脆、滑嘟嘟蛋香、肉質嫩蝦餃子4隻餃子🥟煎香包住原隻蝦🦐及豬肉豬肉，舖上沙律醬 蔥花牛舌薄切，不韌，味道不錯炸蟹肉忌廉餅 $32滿滿忌廉，好似😀唔覺有蟹肉冰凍雪碧😀爽