拉麵Jo (已結業)

黎到YOHO想食拉麵，見到呢間都幾多人等位就試試啦😆其中位店員仲係日本人，同我地講廣東話好搞笑呀🤣有分3個價錢嘅套餐，有主食仲可以揀小食，整體都係普普通通啦🙌🏻🔸特製沾麵麵嘅份量十分多，粗粗地以及較扁嘅麵條形狀🍜而豚肉就淋左啲，無咩口感，湯底就略鹹左啲～🔸特製博多豚骨拉麵拉麵嘅配料好豐富，包括紫菜、筍、木耳、叉燒、溏心蛋。湯底夠味，食落唔會太油。塊狀嘅叉燒就偏瘦左啲😆🔸炸雞(2件)上枱時仲係熱辣辣，咬落都脆身，帶少少肉汁😎🔸炸八爪魚球(3件)質感略粉，唔太食到八爪魚，呢個係有少少失望嘅🧐

晚市拉麵2人套餐 ($278)• 套餐包括兩碗拉麵、兩款小食及指定飲品，個別食物會另加收費，性價比頗高。特製醬油豚骨拉麵• 湯底相對一般外面飲到的來得輕盈、油膩感偏低，帶點醬油獨有的咸香。• 配料豐富：紫菜、筍乾、木耳、肥瘦叉燒、味付溏心蛋、味付鵪鶉蛋等等。• 拉麵的質感偏向軟身滑溜，掛湯力不俗。• 叉燒以片狀和塊狀呈上，片狀的油脂量較高，口感亦更香腍；塊狀口感則較厚實。兩款肉味同樣香濃、非常入味。• 整碗拉麵敗筆在我的味付溏心蛋變熟了☹。鐵板豆腐• 保持高溫的鐵板令豆腐仍在香煎狀態，亦令豆腐一面會帶有焦香、外層口感變得帶有點紥實，而內𥚃口感則非嫩滑香口。• 面層舖了一些木魚碎碎，帶來了木魚獨特的咸香味。蝦餃子• 以豬肉餃子包裹著原隻新鮮蝦肉，面層再淋上一些沙律醬。• 餃子皮薄，經過輕輕香煎令餃子變得香口；內裡餡帶點肉汁，跟蝦肉十分匹配，只是餃子不能把蝦肉包實，容易鬆散。

如果你去yoho mall想食拉麵 真係唯有揀拉麵Jo 其實我第一次食佢既時候 我覺得佢係幾唔錯 但今次食就覺得咸左小小不過可接受 另外佢有個雞皮餃子 我就覺得個皮唔夠薄唔夠脆 一般般

阿仔得三歲淨係食飯，老婆想食拉麵，咁我點算？A. 陪阿仔食飯 B. 陪老婆食拉麵。三歲細路哥唔食得晒一碗飯，冇得揀嘅情況下唯有選擇A。點了一個照燒雞扒飯，這一碗飯不得了！格局分明。如下圖所顯示，廚師要在飯煲𢳂半碗日本米飯，在上面左下角灑上蔥花，左上角放兩隻半邊糖心蛋，右邊放上懷疑預先整好的雞扒，再淋上燒汁，加少少芝麻，大功告成。廚師不需要廚藝了得，但需要識得做勞作，將適當的材料放到適當的位置。為什麼我會覺得雞扒是預先整定？因為皮一啲都唔脆，有可能因為燒汁的影響，浸淋左啲皮，但平時去開有質素的居酒屋，不論灑上什麼汁，照燒雞扒的皮是脆卜卜的。但諗深一層，也有可能因為師傅只懂得做勞作所致，雞扒也是即整的。最後發現原來可以滿足晒兩個願望！拉麵餐係可以追加迷你飯！下次嚟拉麵Jo都係食返拉麵。味道：（以往食拉麵Jo嘅拉麵 - 照燒雞扒飯的分數）環境：服務：特色：泊車：（新地商場就是揸車Friendly，但周末午飯時間成日無位）評語：如題，食拉麵Jo都係食返拉麵

唔想煮飯嘅一日就決定買外賣～ 經過拉麵Jo見佢地推出咗一系列外賣便當 就決定試下😎/叫咗滑蛋豬扒飯便當（$58）原本外賣所以都預咗豬扒會變淋豬扒好大塊、蛋份量好多！🤩 蛋依然做到嫩滑口感 好食😋 豬扒炸粉正常 變淋咗但撈蛋食後相當好送飯😝 拌碟嘅薯仔沙律同玉子要讚！👍🏻👍🏻👍🏻 有誠意嘅配菜，玉子香甜、沙律都好食～/明太子炸雞便當（$49）炸雞有四舊，份量足夠👍🏻呢種炸雞味道偏甜，我個人嚟講一般般😮‍💨食落仍然脆，配明太子醬係幾好送飯😝/扣分位係外賣盒非常唔堅固、好軟身，稍有不慎好易倒瀉，而且個蓋都閂唔實個便當😢

最近經常在元朗出入，打算返元朗的美食試遍。 我叫了鰻魚牛肉飯，鰻魚沒有腥味而且汁料很香，也沒有細骨，算是食得比較輕鬆。 略嫌牛肉有時比較肥，因怕肥要咬出嚟丟掉。 米飯粒粒分明都OK！ 我們還加了兩個小食，相對來說，比較失望。 小丸子太粉，入邊唔夠料，好似食緊煮熟咗嘅麵粉甘；雞皮都幾脆，但有一陣油益味，怕肥的我不喜歡。飲料也很一般， 很甜，又假假地。我和朋友一致認同，不算特別抵食咩，也沒有特別難忘，應該沒有下一次。

去Yoho 行完，想食拉麵，就入左呢間。叫了沾麵一客。賣相ok，麵較拉麵粗身而扁平，而湯則非常濃而且咸。即刻夾一口麵放入去，拎番上黎，唔掛湯既沾麵沾完食都唔太夠味，唯有常湯麵咁試下食，但湯底好濃縮既關係超級咸，兩頭唔到岸。唔會再食講番豚肉，好淋，但就得兩塊，晚餐食呢個略嫌份量太細。呢間餐廳唔收八達通，如果之後想用消費券，就要小心啦

遠離銅鑼灣最繁華的地段，但其實附近小街小巷也是餐廳雲集，部份更是有名小店，經常大排長龍。𝟮𝟬𝟭𝟰-𝟮𝟬𝟮𝟬年連續𝟳年米芝蓮的拉麵𝗝𝗼，總是低調以高質取勝，它的木魚豚骨沾麵在我心中的排行是最高的！今次來到遇上有期間限定新品，當然也要試試看！🍜特製低溫叉燒麵 $𝟭𝟭𝟴實物與相片非常相符，𝟭𝟮片叉燒鋪滿整個碗，誇張！食肉獸當然很高興，上桌前還怕這種吸睛擺盤只為視覺效果，實物可能有一點距離，果然拉麵𝗝𝗼對出品質素的一絲不苟沒讓我失望，絕對不會虧待食客！低溫叉燒非常嫩滑，薄片同時保留質感，肉味濃郁，比一般帶有肥肉的叉燒更深得我心。拉麵的麵質較沾麵幼身，煙韌爽口，配上香濃豚骨湯底，掛湯效果一流！這個期間限定新品希望可以加入主餐牌，讓我下次再𝗘𝗻𝗰𝗼𝗿𝗲！

呢間拉麵JO未食過，openrice見港島間分店咁多好評（雖然都有唔少負評），心諗係咪真係咁好食呢。咁岩元朗都有一間，呢間食評就少d，咁就試下啦。晚餐時段叫外賣有折，但只限佢門口招牌個幾款便當，全部都係飯。食拉麵就無折啦。叫左一個滑蛋豬扒飯，一個牛舌飯。外賣包裝盒都係好頹。個膠袋好薄，lup唔實，輕輕一推就推開。外賣時要小心handle。飯唔夠多汁，但落左七味粉，都叫ok。牛舌調味惹味，食唔到平時既牛舌味，而且太薄。個薯仔沙津幾中意。Well, 但整體而言，好簡陃，算唔上咩美食，食完有種頹廢的感覺。

有啲湯底濃烈，有啲湯底好淡，想選擇湯底嘅時候，問清楚店員。牛舌薄得嚟爽口，非常好食。豆腐喺鐵板上好夠熱。如果唔選擇單叫，可選擇二人套餐。份量足夠二人餐一定夠食。飲品選擇比較少，嚟嚟去去都係得汽水。

最近🕕六點前要埋單，引致下午茶時段都勁多人，想快快食完一揀啲「快靚正」嘅選擇。以前好喜歡吃呢個集團嘅「🍜麵屋一平安」，而「🍜拉麵Jo」反而第一次🧐.拉麵店唔算大，有拉麵🍜同丼飯🍱套餐供選擇，價錢尚算合理，保證飽肚又滿足😃———————————————————————————🍜特製蒜油豚骨拉麵💬果然係特製，好豐富，好足料，🐽豚腩、🐽叉燒、紫菜、流心蛋、鵪鶉蛋、🥬椰菜，好豐富唔太鹹，不錯喎😅.🍜蟹拉麵🦀💬原隻上嘅軟殼蟹🦀，超多膏，不過放湯上好快淋晒，仲有三文魚子，不過又做好快熟透，雖然好有誠意，味道亦不錯，但食落滿足感驟降，分開上比較好🧐.🗣跟餐仲加配炸雞🍗或餃子🥟，同埋汽水🥤或乳酸梳打🍹

好耐冇嚟過今次係第二次。 朋友話想食拉麵🍜，但我唔想食就諗住嚟呢度可以叫下其他嘢。 印象之中不嬲拉麵jo 嘅拉麵都唔係超好食， 所以自己就想食牛肉飯，同埋細叉燒飯。朋友就叫咗特色拉麵，同埋炸雞。 最後炸雞同埋細叉燒飯都好出色，拉麵同牛肉飯就一般般冇咩味道。

鍾意食拉麵既小編今日又再出動喇😋，今次就去到元朗形點同朋友搵一間拉麵店，而拉麵店個名叫做「拉麵Jo」，聽落個名有新穎有特色🤔，再望一望外觀係開放式既餐廳，一眼望晒入面整體環境👀，感覺都好似唔錯，就不如近近地入去食呢一間啲拉麵🙌。✦✦✦✦✦✦✦✦✦✦✦✦✦✦🎈蔥花牛舌牛舌煙韌，有咬口，如果同朋友慢慢邊談邊食😁，不錯。不過味道方面就比較一般，唔係太突出到應有味道，而係份量方面係足夠兩人食✌。✦✦✦✦✦✦✦✦✦✦✦✦✦✦🎈自製餃子自製餃子既味道同形狀都出面無太大分別，都係以豬肉、菜為主，日式店必有餃子款式✨。不過師傅就煎得啱啱好，餃子皮並唔會煎得太燶而感覺好硬💦。✦✦✦✦✦✦✦✦✦✦✦✦✦✦🎈蟹拉麵一大隻軟殼蟹放埋係拉麵入面🤯，小編一開始覺我軟殼蟹咁樣浸係湯入面會變得無咁脆，擔心可能會影響整體既口感，但當咬入口時仲帶點脆身😳，而且一大啖咁咬入口，香濃蟹味加上咀嚼既感質非常好食🤤，所以連殼咁食又脆又多肉，外觀上亦非常吸引😌。✦✦✦✦✦✦✦✦✦✦✦✦✦✦小編覺得比較可惜既係唔可以去揀麵既粗幼同軟硬度，所以對於食開拉麵既小編嚟講會有些少跌分😐，不過依個整個軟殼蟹拉麵就比較少見，小編食得亦都好大滿足

用左eatigo book 枱，優惠寫半價，不過其實得6折，睇睇下其實同佢d下午茶套餐差唔多價錢，2個人去食，咁叫左一碗蒜味既湯拉麵，一個名古屋沾麵同小食-豆腐，無論係拉麵又好沾麵又好都係無咩味，如果沾麵2個辣椒都吾辣都算，無味就。。。搞到成餐食緊d無味既烏冬就算加埋七味粉都補唔到，我差d以為自己有肺炎失咗味覺，點知食個豆腐又有味，真系俾佢d湯嚇死，如果正價100蚊個麵，真系吾會試，連半價都吾會有下次！

依然係下午茶餐當lunch既慳錢大法～依間下午茶餐 （$68）有正常size拉麵, 小食同飲品，都幾抵！✅ 蒜油豚骨拉麵蒜油湯底勁香😍 麵質正常 份量合理 叉燒好淋 半肥友岩岩好！木耳絲同蔥係我最愛～-✅ 炸雞肉 (2pcs)即炸 熱辣辣 外面夠脆 入面肉夠滑～-✅ 雞皮餃子 (2pcs)朋友個餐既小食 佢話都唔錯 幾惹味～-🦁 拉麵Jo (元朗)元朗元龍街9號形點一期1樓1072號舖銅鑼灣加路連山道3號地舖尖沙咀柯士甸道西1號ELEMENTS圓方水區1樓1030號舖