拉麵天王

營業中

休息中

最近看到有YouTuber 推薦這間拉麵良心小店💛鐘意食拉麵既我當然要黎試食支持一下晚上大約六點幾幸好仲未出現人龍，不用等位便可直接內進我和友人分別點了赤天王和黑天王。湯底濃度選了正常，湯底很香，但不算很濃，喜歡濃味的朋友可能選濃湯會較好。豚肉是半肥瘦的，帶有油香，拉麵硬度適中，配合溏心蛋，整體就是不錯赤天王不算太辣，味道特別，但個人還是偏好帶黑蒜香的黑天王，下次再來可以試試其他的湯底P.S 食完出黎既時候已出現人龍

相信呢一間拉麵店放假時期都需要排隊食🤣不過入面嘅座位數量都比較多所以其實都唔駛等好耐今次叫咗一碗白天王同赤天王白天王好濃烈嘅豬骨味 赤天王好香就算食唔到辣都會食到不過唔知關唔關我揀咗淡味 所以食落去先會覺得唔辣 佢嘅溫泉蛋都非常之好味😋 最特別嘅地方就係，可以揀選你鍾意淡、普通/濃味 真係好適合我同我男朋友去食因為我係鍾意好淡嘅味道 佢係鍾意食超級濃嘅味道 麵嘅口咁選擇都好多食呢一間我哋就可以兩個都食得咁開心😚

琴日去咗紅磡食拉麵，試咗呢間拉麵天王。今次試咗白丸，黑丸，同埋燒椒鳥。今日去嘅時候因為已經過咗食飯時間，所以都冇乜人坐得好闊落好舒服。先講吓白丸先啦，白丸係豬骨湯底，湯底味好濃，正呀！跟住就黑丸啦，原來都係豬骨湯底，黑丸只係加咗黑蒜油落去。雖然兩個都係豬骨湯底但係加咗黑蒜油之後就有另外一番風味啦。再講下個燒椒鳥啦，原來燒椒鳥係冇燒焦到嘅，佢只係落咗胡椒嘅炸雞姐。原本以為鳥係雞翼但原來係炸雞粒，都幾好食咁啦。

拉麵天王睇個名就知勁嘢店舖裝飾好有人情味好多勵志嘅句子黑天王即係叉燒豬骨濃湯拉麵配蒜油～有：椰菜、木耳絲、蔥花、半隻味蛋～叉燒薄片比較肥～蒜油好香令成個叉燒豬骨拉麵味道昇華赤天王湯底一樣～麵上面有一層厚厚嘅辣椒油～食落唔辣～但係真係比較肥膩口感麻麻～下次都係食返原味豬骨濃湯豚角煮係烤醬汁豬肉粒～細細碟5-6粒～有肥有瘦一啖一粒～好香口好有炭燒味烤餃子同煎餃嘅分別係烤出嚟皮乾～配以日本醋～裏面D餡半生熟麻麻哋拉麵真係值得一試

噚日 (19-3-2022 Sat)同老公喺紅磡周佢男友人歡聚後走人,老公話想坐低食少少嘢.其實我哋都唔餓,我哋行行吓,行入呢條巷,見到齊柏林熱狗店,但要企喺喥食,所以唔食,望到對面見到咁日本風嘅呢間,我即上網睇,係黃店,咁要懲罰啦.入到去,個女仔好有禮貌咁招呼,佢介紹限定天王係神秘嘅,咁老公就揀咗佢,盛惠$95.00,佢揀咗麵嘅硬度為軟,其他嘢都係普通.可要$6.00半隻味蛋,$20.00嘅巨峰乳酸梳打同$38.00有5件嘅燒椒雞.落完單,半隻味蛋同巨峰乳酸梳打即到,巨峰乳酸梳打飲落幾舒服,唔會太甜,不過o衣o家至知原來有乳酸,但飲嗰時唔多覺有.然後限定天王到嚟,見到面上有芝士碎,我哋開動喇,啖湯有啲辣,係胡椒嘅辣,而湯底質感係杰同濃味嘅,即係呢個係胡椒芝士拉麵,三片叉燒都鬆軟嘅.最後燒椒雞嚟到,個女仔提醒我哋小心熱.唧咗檸檬汁後食,外脆內裡鬆軟juicy,原本驚有黑椒會辣,但又唔辣.其他:呢喥每位最低消費係$75.00.抵食係2.7分

這間拉麵店已是我在很早期收藏了的一間餐廳，今次平日的晚上終於有機會來用餐了。舖頭在大街邊有幾間食肆的橫巷內，舖裡比想像中細，基本上一眼就看完。程長型的店鋪以近門口的前半部份用作開放式廚房，看到師傅們忙碌地製作食物，而廚房出面有些比較窄的吧檯座位，想要大少少的空間就可以選一般的檯凳座位，亦不算坐得很舒服但起碼檯的長度會深一些。看到黑天王($85)就立即吸引了我。初次到來，我們因不清楚此店食物的狀況，例如麵究竟是粗還是幼、拉麵的基本配料有甚麼等等，令我們有點困惑。店員留意到我們的疑問，主動過來向我們提供協助。除了麵選了硬一點之外，其他項目例如濃度均選了普通。食拉麵當然要先飲它的湯底，而這裡的湯底令我喜出望外。上菜時的確聞到很香的黑蒜油味，喝起來味道沒有聞起來那麼濃；但是豬骨湯的味道香濃，不是很鹹的那種，而是有豬骨香、不會濃得搶去所有味道的那種，黑蒜油的角色是輔助帶出豬骨味，兩者互相合作令味道幾夾，把豬骨湯的口味提升了一個層次這裡的拉麵是幼身的，我選的硬麵浸在熱湯裡也很容易吸收湯底，味道濃郁美味帶點爽口質感，在凍凍的天氣下吃起來特別滿足配料方面叉燒切得很薄、有點肥，肉質都是滑的；木耳絲、椰菜

喺紅磡附近想食拉麵就一定會諗起呢間！價錢以拉麵來講唔貴但係環境都相當唔錯好有日式居酒屋嘅感覺～今次同朋友叫咗碗湯拉麵～吸引到我唔記得影相就已經食左🤣🤣🤣平時食拉麵最驚個湯底太濃好鹹但呢間叫返正常濃度都OK！好欣賞佢哋落單嘅時候可以指定湯嘅濃度，麵嘅軟硬度，要唔要蔥等等😋好細心！不得不提佢哋喺枱面擺嘅芽菜！係任食㗎超級好味！！！大家一定要試吓🤍🤍

位於紅磡巷仔入面嘅一間拉麵店， 位置不多大概容量20人左右，一入到去新聞到好香濃嘅豬骨味， 即刻覺得自己無簡錯。沾麵並盛賣相吸引，叉燒肥瘦相間， 溏心半熟蛋暖暖的， 蛋黃清澈濃稠。 沾麵汁很濃郁， 麵條掛汁，每一啖都好似飲咗好多豬骨精華入肚， 最後仲可以叫店員加清湯， 飲曬麵汁， 好味道一滴都唔想嘥。

拉麵天王是已開業了七年時間的黃店，以往小妹便常有到此光顧，恰巧是日下班後路過黃埔，便想起其舊有味道，於是特意前來回味一番。餐廳是位於內街的小店舖，裝潢上使用了紅色、木系為主元素，再配搭日式擺設、紅燈籠等裝飾，整體甚具日本風味。店內的拉麵恆常款式分別有白天王、赤天王、黑天王三款，而另一款較為特別的限定天王就是指大約每季或每兩季便會推出不同的新款，屬於每日限量售賣的，因而是日我便特意挑選了它。上桌可見其舊時用作盛載拉麵的黑白碗碟，現時已換成黑色燙金圖案，但在其他方面則仍是保留了舊有的風貌。限定天王是次的限定天王是濃厚豚骨魚介沾麵，而份量我選擇了沾麵並盛。沾麵特色就是湯底與麵條是分開盛載的，食用時只需夾起一部分麵再置入沾醬中涮一涮即可享用。其湯底用上經過醃製、曬乾、磨成粉的魚乾再混合豬骨湯製作而成的，飲用時濃厚鹹香，並有著出眾的豬、魚香氣。而麵條特意使用了蛋黃幼麵，有別於一般餐廳選用曲麵製作，由於我選擇了超硬口感，因而食用時是彈牙爽口，煙韌順滑，並帶有湯汁。配料中的叉燒切得薄身，肉質肥瘦均勻，咀嚼口感甘香即化，肉味濃郁。而溏心蛋則製作流心，味道蛋香十足，綿密滑溜。總結而言，店舖裝潢環境富有日

🌱赤天王 $85 有紫菜，木耳，椰菜，半隻流心蛋，蔥辣湯底黎講唔算辣，湯底係豬骨濃湯，除咗濃厚嘅豬骨仲多咗份黏度感，幾特別，麵條可能因為我揀普通所以冇乜特別，叉燒有3塊，比較薄身，可能個豚角煮好好食所以比較之下麻麻地，其他配料就正正常常唔會出錯，總括而言都唔錯🥰🌱白天王 $75個人認為原味好食過辣湯，其他都差唔多👍🏻👍🏻👍🏻👍🏻🌱沾麵大盛 $105熱湯冷麵係沾麵嘅傳統同埋精髓，佢都做得到嘅，因為叫咗大盛所以流心溫泉蛋都俾足一隻，不過叉燒嘅份量都係得三塊，而麵嘅份量算多😸🌱豚角煮 $25一口豚肉，有二十小粒左右，每一粒都半肥瘦適中啱啱好，入口唔油膩但係好香，叫豚角煮但其實係燒，磯燒炭燒嘅風味，推介仲有甜甜地應該有蜜糖，燒完變焦糖😻🌱烤餃子 $30（5隻）有白菜同豬肉做餡料，皮香脆唔太厚，餡料十足。平時配餃子點嘅汁或醬油有酸或者咸，呢個係咸鮮✋🏻3個人$327 價錢合理👍🏻環境服務都算唔錯

由佢初開食到而家，中間有段時期唔係肥哥哥整麵難食好多所以無黎，好彩而家個味道又番返黎啫，我地又多番個飯堂！推介赤天王同黑天王比愛濃味嘅人，又或是佢近期嘅魚介沾麵都無得頂，記得問佢地拎辣芽菜加埋落個麵度食仲正！

舖頭細細，有大概20個位，得一個拉麵師傅同埋侍應。餐牌得四種，白、黑、赤、限定天王，可以揀湯底口味同香油濃淡、麵質軟硬、要唔要蔥同叉燒。白天王 $75豬骨湯湯底，口味香油都係揀普通，聞落豬骨香味淡，色澤亦偏淡，有薄薄一層油係湯面頭，但飲落係濃而不膩嘅豬骨湯，豬骨膠質唔多，唔會太過重口味同埋張口。麵底份量足夠，男仔可以未夠飽啦，麵條幼身有韌度，麵質揀咗普通，掛湯能力正常，食起嚟食到豬骨湯又唔會太濃。叉燒有兩片，唔係平時卷起嘅の形叉燒，係單純一片片，叉燒半肥半瘦，瘦肉肉質有少少乾，連肥肉一齊食油脂感重，亦差啲叉燒應有嘅焦香味。配料紫菜腍咗；非常罕見嘅椰菜，脆又甜但冇豬骨湯味；半隻味蛋，蛋黃過熟，而且蛋外層冇醬油味。同場加映黑天王，黑蒜豬骨湯，無論係香氣定味道都好淡，唔建議黑天王。

呢間之前有出過tg拉麵，都想試好耐🍜限定天王（胡椒天王） $95 (8.4/10)用上等黑胡椒粒提煉出濃香胡椒油，融合拉麵天王專屬湯頭，再配上特選香濃芝士，以上係poster上面啲說明，口味同香油都揀左普通、麵質揀左硬，我覺得佢啲芝士加唔加都唔會影響到個湯，佢個胡椒同湯真係好正，個湯係好濃嘅豬骨湯，完全飲到骨膠原嘅味，我好鍾意佢個湯，會令人好想飲，食得出佢個叉燒真係有燒過，唔錯，呢個拉麵有粟米有椰菜、幾正🍜黑天王 $85 (7.8/10)黑蒜油嘅拉麵，口味同香油揀左濃、麵質超硬，黑蒜油偏淡，就算叫左濃都食唔到濃味，呢個拉麵冇粟米、有椰菜，有啲木耳絲增加返個口感，呢樣做得唔錯嘅，想個黑蒜油再濃啲🤪，就算落多好多芝麻都係唔夠味

入左關注組裡面有間日日都會提既舖頭就係紅磡既泓一果次其實本來係想去食泓一既但夜晚七點幾去到都好多人排隊自己又趕時間等得太耐頂唔住就轉左去附近另一間拉麵天王舖頭係德民街橫街門口唔算太起眼都係日式木制趟門呢間最主要因為佢係黃店相傳係武肺初期講到明話唔接待支那人亦都有派水果晚我地排唔到泓一入到黎係一個食客都無無係關注組吹奏真係係差天共地舖頭入有長bar檯亦都有二人同四人檯我地坐角落頭位就幾闊落三張二人檯隔開左兩邊坐而店入面見到有位女侍應同兩位香港廚師味道應該係好傳統分唔同顏色既天王好似藍色連鎖店差唔多咁玩亦都有每日限量既沾麵價錢由75-105不等可以揀口味但其實正常都係想試下拉麵店自己既特色好多年前沾麵開始傳入香港香港人都唔係幾識乜野係沾麵就用呢d四格既圖示黎表達沾麵既食法先黎既黑天王跟半隻蛋我自己就覺得真係好豚王feel咁我就當然係要沾麵寫話係豚骨魚介湯都算濃味道好正常麵就應該唔係自己整但都算有咬口三塊叉燒隻蛋都算靚仔整體黎講都ok既紅磡黎講好過aeon入面間誠拉麵好多果間之前食過真係世界級垃圾個湯稀到痴左線最後食完麵會見到碗底印左香港兩字好有心思我就唔係食家但係香港都食過唔少開始會覺得好

有一日小編出到紅磡番工，lunch就搵左附近一間黃店試下🤩 真心好好食，真係有驚喜🤪好得意個拉麵師傅會係出面煮比你食，你坐bar 枱位就可以完整睇晒佢煮麵既過程😎赤天王 $85叫左一款辣拉麵😋 湯底超香濃同埋食得出好濃既豬骨湯味！我叫左硬麵😋 超有口感呀！本身碗拉麵已經包左叉燒，比較薄但肥瘦適中😙 溏心蛋不在話下😚我最中意佢連埋塊大大紫菜，上到枱塊紫菜仲係好脆🤪邊打食評邊流緊口水😭 雖然lunch價格黎講真心有少少貴，但絕對值回票價😚