拉麵天王

營業中

休息中

每次經過開紅磡，都會掛住呢間拉麵☺️☺️✌🏽最鍾意光顧拉麵小店，因為每一間都會比到唔同嘅驚喜你，有啲可能係湯底，有啲可能係麵質，有啲可能係親切感😇😇🫶🏽 呢個就係我識個綜合來講比較出色嘅拉麵小店。推薦：⭐️限定王（芝士胡椒湯底$95）：一開始都係以試食心態，唔知芝士同胡椒係咪夾！點不知食落，芝士中和左胡椒個陣沖味，而胡椒亦都令芝士無咁流 ☺️☺️🫶🏽但係襯湯熱芝士一定要盡快同啲拉面撈勻，咁就可以連埋啲芝士一齊食拉麵 🤭🤭出奇地好味，有時我會忍唔住連湯底都飲埋。碗拉麵亦都包咗半隻流心蛋，相當出色！⭐️味付竹筍（$7）：每次食拉麵都會額外叫一碗，口感正 呢排咁凍，食一碗熱辣辣嘅拉麵最啱☺️ 小店嘅職員亦都十分之熱情，有問必答，熱心助人。充分感覺到人情味 ☺️極力推薦大家黎試味道：🌼🌼🌼🌼🌼服務：🌼🌼🌼🌼環境：🌼🌼🌼🌼抵食：🌼🌼🌼🌼🌼

💁🏻‍♀️💁🏻‍♂️沾麵呢間沾麵都算經濟實惠，落單嘅時候可以揀麵質、湯底濃度、香油多少。我平時鍾意食粗麵，感覺有口感啲。呢間食幼麵嘅，麵幼得黎都有咬口，冇野要投訴～配菜方面，我鍾意佢夠多蔥！隻蛋呢就冇乜流心，但係比足一隻，都好滿足！叉燒得兩塊，亦都唔係厚切，稍為遜色少少。值得一提嘅係每一台都有辣芽菜可以加，就好似去大家食，瘋狂食佢啲辣菜脯咁😹沾麵湯底我揀咗濃味，冇我想像中杰，好夠味！食完唔會好頸渴，岩晒我呢啲重口味人士！

呢度有4款口味既拉麵選擇，白天王/赤天王/黑天王/限定天王（見到近期做緊胡椒天王同元氣彈天王），我揀左黑天王，朋友就食赤天王。我一如以往揀左比較硬身既麵條不過個人更喜歡朋友order嘅赤天王，湯底唔會過於辛辣，同時食到豬骨鮮甜味，特別適合不太好辣又想試辣拉麵既朋友

坐低10分鐘都唔夠食完😂職員態度好友善冷氣充足座位亦都算寬闊佢上得快 我又食得快個湯底一般 有啲太鹹同埋豬骨嘅味道唔夠出麵太幼 湯底冇得選擇小辣大辣一係就白天王豬骨湯底 ，一係就要赤天王就直接係辣嘅湯底對於平時鍾意食辣但係淨係食小辣嘅人好有善🤣叉燒好食不過得2片評分60分 都合格既餃子幾好食 芝士年糕都好食另外加嘅粟米係一食就食得出係我平時食開嘅罐頭牌子支持小店，希望下次嚟，會再好食啲😆職員態度親切會有下次

幾好味嘅紅磡拉麵小店😋基本上係糽磡黃埔呢頭諗起食拉麵一定係呢間🤣因為食得太密所以相都冇影到😆三款固定湯底都食過，但最中意都係黑天王😋通常我都會揀濃口味，佢既黑蒜味都幾出色，啲麵質啱啱好，叉燒同糖心蛋都好味。有時一個人諗唔到食咩都幾推介呢間😋正

店員講一句，咩面都冇；自己一個人嚟食冇所謂，唔好帶朋友嚟諗住開開心心嚟食碗麵，叫埋三個朋友，因為睇到大島與龍威，諗住嚟食好嘢，坦白講呢度嘅座位都叫寬，冇一般拉麵店逼夾夾嘅感覺，但係可惜空間彌補唔到我心靈上嘅傷痕。一坐低已經好似俾人呼喝咁樣，然後打開得返睇來得一半嘅芽菜，諗住食完睇吓可唔可以問佢添點知親愛的男性服務員，打開個我細細碗的芽菜，睇一睇之後見到冇晒，就話每台得壹個，唔會添講到淨係好似去元氣食薑咁！其實做餐廳唔使好似針對每個人都好似食霸王餐咁嘅….. 四個人食$500 ，唔算多都唔算少；食半碟芽菜姐，唔使咁小氣真係未食麵已經覺得好唔開心，你話要加錢先有唔係出聲囉，唔使撩交打咁嘅樣嘅點都好啦，下一次好唔開心嘅經歷，不過裏面有個女店員就真係幾好下次唔再嚟，諗起都唔開心

<黑天王 赤天王>黑天王: 黑蒜味唔出 赤天王: 一啲都唔辣 差啲懷疑自己係咪中左Covid正常豬骨湯底叉燒半肥瘦得好適中 幾好食麵係幼麵黎 如果粗麵更好 揀左硬麵都覺得唔夠硬

星期六LUNCH本身想食隔離間雞白湯拉麵，點知裝修中….想食Pancake Burger，點知又勁多人😑。嚟到拉麵天王，門外等位人數唔多，只有4位，加上等候嘅位置又無太陽曬住，所以決定食佢。最後等左半個鐘就入得。餐廳座位大概20個，但只有兩位職員，一位負責廚房，另一位就樓面，明顯唔夠人手😶。白天王 $75每碗麵都有兩塊叉燒、半隻溏心蛋、少量木耳絲、椰菜、紫菜、蔥花。先試啖湯，有豬味；由於師傅會先將碗熱左，之後先放麵放湯，所以個湯夠熱👍；質地幾杰身，有少少黏口，配埋幼麵，掛汁力強。第一啖鹹度還好，但之後就越食越覺得鹹😐。溏心蛋有蛋香，不過得半隻唔夠喉。叉燒大塊但薄切，而且好肥，肥膏位係彈性口感，而非入口即溶，個人比較中意後者，所以麻麻地呢度個叉燒😅。黑天王 $85由於見到好多食評都推介，所以朋友放棄赤天王。蒜味真係幾濃，估計蒜香主要來自湯面嘅黑蒜油；我煸走D油，飲落個湯味同白天王差唔多。自己並非黑蒜愛好者，所以個人比較中意白天王多D。湯底較濃，比較適合重口味人士。

隱身於巷仔，無論係舖面同店內，裝修好日本風，湯底有4款選擇，3款係固定，一款係限定，當時限定湯底係胡椒1️⃣🍜黑天王 & 白天王兩款麵質都揀左軟，香油都係揀左，而湯底黑天王就揀左濃，白天王就揀左普通，湯底都好夠熱，開頭都擔心湯底揀濃會好油，但濃湯底真係出色過普通，黑蒜油一上枱就好香，個湯底唔會好咸，叉燒就半肥瘦，亦煮到好淋，隻蛋仲要係好糖心🤤🌟店員都好有禮貌，記得飲哂碗湯，碗底有驚喜🫣🫶🏻想睇更多食評，記得留意IG __imfoodieb

▫️白天王$75已經有半隻蛋食( ´▽｀)湯底幾香 肉都夠大塊爽口 麪夠硬身有口感 抵食!!▫️赤天王幾香口 唔會真係辣！不過我鍾意豬骨湯會揀返白天王多啲～▫️炸雞粒唔記得影相QAQ好食！重胡椒味 加埋檸檬 熱氣之選但好惹味！can try!!!

呢間拉麵店都算係有讀書時期幫襯到而家啦！食物水準依舊無變，甚至比記憶中嘅味道更好食。.比起以前，依家舖頭多咗沾麵。佢嘅魚介沾麵必須要揀濃味😍😍超龍嘅湯底，加上唔錯嘅彈牙麵條。好推薦比大家另外我其實仲食咗一款期間限定嘅黑胡椒拉麵，佢嘅芝士味同拉麵好夾，我覺得如果你係屬於鍾意試新口味嘅人就可以揀呢款芝士拉麵！最起碼我覺得佢係新口味之餘但唔會伏。甚至係幾好食嘅一款拉麵。不過黑胡椒就唔好揀濃味😂如果唔係就真係超重胡椒味啦！

💛拉麵天王 @紅磡📍紅磡德民街17-27號B5B地下終於去左黃埔試下拉麵天王 果然好食既嘢要排隊 當日都排左起嗎半個鐘左右 但我地試完之後覺得一定會再encore 所以呢半個鐘都值得！😌呢度既拉麵可以比客人自行選擇口味、香油、麵條軟硬度🤍白天王 $75 白天王湯底係好濃味既豬骨湯底 而且食完都唔會好頸渴 拉麵揀左普通 硬度適中 好爽口 叉燒薄片 肉質偏肥 但好正 帶油香🤤 溏心蛋🥚做到半熟效果✨🖤黑天王 $85如果中意麵條偏軟 揀軟身真係啱啱好👍🏻黑天王加入黑蒜油 比白天王濃味少少 但放心唔會重口味 唔會好油同唔太咸 味道剛好 食得好舒服🥰黑蒜油 令湯底更香成個拉麵味道昇華咗😋 配料有半隻糖心蛋、椰菜、木耳絲、蔥花🥟烤餃子 $30/5件個人覺得味道一般 冇咩特別 烤餃子個皮比較乾～🧀芝士年糕 $12/件好軟熟 芝士味好香 值得一試！😋🍇巨峰乳酸梳打 $20食拉麵要配番杯飲品解下膩～呢杯甜度剛好 唔會太甜👍🏻👅好味：4.5/5💲價錢：3.9/5🌟性價比：4.2/5👀環境：3.8/5👥服務：3.8/5

呢日行開紅磡，睇吓有無d小店可以幫襯吓。行咗一陣見到呢間拉麵店，可能過咗lunch時間，門口未見有人排隊，再望望入面有幾個吉位唔使等，於是行入去試吓。佢哋有四款拉麵，分別係：白天王(原味豬骨)，赤天王(辣味豬骨)，黑天王(黑蒜油豬骨) 及限定天王(每星期不同)。因為想試原味湯頭，所以我叫咗 "白天王"，再另外加一份叉燒(3片)。先講個拉麵：我覺得佢個湯底唔算好鹹；個麵嘅硬度我係叫普通，keep住有質感又不會太硬；而日式叉燒係肥瘦適中，見到有少少燶邊，應該上碟前有燒過，所以聞到好香嘅味道，但食落係入口即溶，真心超正！

款式選擇唔多 只有白、赤、黑同限定天王當日限定天王係胡椒天王-客人可以自由選擇香油同口味 濃淡度麵條 軟硬度-當日試咗《白天王》$75 & 《黑天王》$85白天王係傳統嘅豬骨湯底 黑天王就額外加入黑蒜油拉麵送上熱辣辣 出哂煙♨️湯底帶甜味 頗濃郁選用幼麵條 爽口唔會過份油膩-叉燒係一層脂肪一層肉 層層搭住但個人認為少許偏肥 唔係我鐘意嘅類型-糖心蛋做到半熟效果 但醬汁可以更入味-黑蒜油豬骨湯底唔知係唔係因為選擇左「普通」濃度黑蒜味唔算太濃郁 下次再食 我會選擇口味濃

去咗黃埔睇醫生順便食晏，今日幫襯左拉麵天王，佢好似係區內幾出名。門面就夠晒風味嘅，我坐喺吧枱位，第一個感覺係張枱好笠痴痴…，店員又無乜招呼。拉麵有幾款選擇，限定湯底係胡椒天王，見湯底幾特別就試試。出到嚟感覺一般，不過起碼係熱辣辣嘅。胡椒味係濃，但有啲搶喉，唔似胡椒豬肚湯嗰種飲完好舒服，而且上面堆芝士感覺好九唔搭八，溶唔晒，又無拉絲，而且湯底面有層油。至於其他部份就冇乜賣點或者記憶點。價錢接近成百蚊碗，都幾貴，而且味道唔係咁值囉。我反而最印象深刻係嗰幾隻公仔擺設囉。