手拉麵小廚

營業中

休息中

耐唔耐經過新蒲崗就會見到呢間舖頭，成日心思思想去試。撞正有個朋友要去旅行問我借行山裝備，咁就約佢喺呢度食飯。出邊等緊位嘅時候，見到啲師傅喺度包小籠包已經心情相當雀躍。要齊人先入得，兩個人基本上都係搭枱，二人餐嘅份量啱啱好放滿半張枱。凍菜蜜唔會太甜有冇冰幾好！小食雞絲粉皮嘅份量都幾大兜啲麻醬都好香濃，雞絲都唔嚡口。估唔到個朋友唔怕羞，嗌蔥爆羊肉，食落去都幾滋味。我就冇嗌菜飯淨係嗌咗個擔擔麵醬，但係淡淡面我花生味就唔算好出可能做法唔同。小籠包比出邊嗰啲都大好多，姐姐講笑話遊客投訴佢哋個小籠包太大，我真係忍唔住笑咗下。皮仔好夠薄，但係唔易穿。湯汁都好夠，出完啲汁先至再加醋落去食，認真一流。會再嚟食嘅，下次要試酸辣湯。

位於新蒲崗嘅小店，店面唔大，只有幾張圓枱同卡位當日下午3點幾去到，唔洗排隊但入面已經8成full，相信繁忙時間一定大排長龍由於當日已經食咗午餐，淨係叫左兩籠小籠包配凍菜蜜上菜速度超快！小籠包外形飽滿，外皮少少透光，唔算厚都幾大隻😯雖然我筷子勁麻麻地，但係一粒都冇穿到！湯汁非常多，接近上海食嗰種湯包level不過肉餡冇乜口感，比較鬆散如果追求肉質同口感就可能唔啱你但如果追求多湯，可以一試肉湯調味較重，追求清淡就可以避雷～由於調味重手，加3蚊嘅凍菜蜜就發揮到功效**請留意凍菜蜜係冇配冰嘅～

睇YouTube推介呢間嘢吹到全港最好食嘅小籠包山長水遠嚟試試佢體驗真係好失望首先喺呢區嚟講價錢定價已經係偏貴食物質素又唔見有幾特別最出名嘅小籠包除咗多少少汁之外皮又厚肉又散完全冇特別最離譜係下面呢碟雞絲粉皮幾條雞絲夠膽收$60🤷🏻‍♀️🤷🏻‍♀️喺中環食兩姊妹同佢差唔多價錢份量係佢Double個麻醬得個甜字其他餸都係冇乜特別座位唔好坐店員態度亦一般你啱啱食完嘢 佢已經趕住過嚟執碟但明明出邊冇人等位 唔明佢咁趕佢做乜？如果大家唔係街坊真係唔建議嘥時間嚟試

成日經過都見好多人排隊，所以都忍唔住搵日試試，食完覺得無論味道價錢都對得住個名氣！雞扒擔擔麵好食！雞扒香脆好juicy，食得出係即炸。麵條有粗有幼，彈牙又有嚼勁，掛汁力max ，食得出真係師傅即場手拉出黎。湯底比我想像中濃但偏辣，有好香嘅花生味。所有野好夾 會再encore！酸辣湯雲吞好足料！口感豐富，唔會單一，加上個湯比想像中無咁酸同辣（反而擔擔麵辣啲），但係就愈飲愈開胃，同埋天氣凍飲一流，飲完個胃好c伏講真，一碗麵都只係67蚊，咁嘅味道同份量 值得encore !

係門口等緊個朋友嘅時候，睇住個師傅點樣拉啲面出嚟，都幾得意。我同個朋友嗌咗兩籠小籠包，同一碗豬頸肉擔擔麵share,個小籠包一到，好少見到小籠包咁大粒，小籠包個皮薄然後見到係爆多汁，我個人就好鍾意食😍😍😍個豬頸肉擔擔麵，好香好好濃麻醬花生味，不過個人就辣咗啲啲，豬頸肉整得好入味，外脆內軟😋😋不過新鮮拉出嚟嘅面同一般交嚟嘅麵真係好唔一樣，嗰種爽口彈牙嘅味道真係令人食完一啖又一啖，停唔到口🤤🤤🤤🤤

員工自己落錯單,仲要態度極差呢間嘢座位不多 ,所以如果人少嘅話要搭枱.今日去到同阿姐講兩位,但係朋友未到,所以阿姐叫我坐咗一張圓枱。 後來有一男一女入來， 阿姐就叫佢哋坐我嗰張圓枱， 之後冇耐我朋友先到。但係嗰個阿姐竟然將個男人食嘅嘢計埋落我同我朋友張單度。 而果一男一女，係個男人離開先， 之後個女人埋單。到我哋走嗰陣個阿姐要我哋畀埋個男人食嗰碗麵嘅錢。我同佢講話個男人我哋唔識㗎喎， 佢係同另一個女人一齊嚟。 個阿姐自己mark錯單仲要惡人先告狀。今日叫小籠包同埋豬扒拉麵， 其實又唔係特別好食。 點解仲要受你哋阿姐嘅氣，畀你哋屈？結果浪費差唔多十分鐘時間， 解釋咗無數次 ，個阿姐先肯收返我哋兩位嘅價錢。大家入去食嘢真係小心搭枱，畀阿姐mark錯單，到時又屈你俾錢。以後會blacklist呢間嘢唔會再來，大家小心!

這是一間舊舊小區內的小店，充滿時代痕跡既店面和有溫度有效率的店員聲音，好幸運坐了最後一個空位子上，我order了一碗豬扒湯拉麵和一支豆漿，豆漿是膠樽裝的那種沒什麼特別，看著目測只有一般水吧大小的位置內，傳出一陣陣滾油炸物的聲音，隱約看到有位廚師哥哥手起刀落，一碗熱騰騰的湯麵就上枱了，塊豬扒超級驚喜地好食，Juicy非常呢～～～可恨當時只有自己一個人，胃部空間有限所以沒能點更多的東西呢，所以必定會mark起在 encore 的 list 內

小籠包基本上是每間上海菜館的必備菜式😋亦是盡顯廚師功架的考牌之作👨🏻‍🍳新蒲崗有一間小店，就是以爆汁小籠包打出名堂💥成為不少區外客到該區的必食之選🔥———————————————————————小籠包外形十分巨大😳目測是一般小籠包的兩倍🫨外皮堅挺不易破爛，即使是筷子功力較淺的我也不用擔心湯汁泄漏👌🏻但相應地外皮亦因而較為厚實😐小籠包內的湯汁一如傳聞所說的多🤩海量湯汁在口腔內爆發的確暢快🥳但肉汁味道略嫌調味較重，肉鮮味稍為不足🧐另外豬肉餡料亦比較鬆散😕口感欠奉，無論是「皮薄」和「餡靚」兩方面都未夠出色😗正如餐廳名字所述，這裡的拉麵主打人手拉製🤘🏻在輪候入座時亦能從門口玻璃見識到師傅的功架🫡手拉拉麵每條粗幼不一，口感煙韌有彈性🍜即使在湯內浸泡一段時間亦不易軟爛👍🏻担担湯質地濃稠，味道濃厚得來不會過鹹過辣😋花生醬比例十分之多😎令湯底充滿花生香氣🥰唯一缺點是熱度不足🥲上枱時都只是微暖，令湯底香氣未能充分發揮🤨豬頸肉方面份量充足🐖十分厚肉，口感爽彈😋有油香，豬肉表面尤其是邊位香脆可口😚頗為高質👍🏻———————————————————————手拉麵小廚的小籠包湯汁量果然名不虛傳🫡但在味道和口感方

#pb食在新蒲崗 #pb中式系列 新蒲崗人氣抵食上海菜🍜今次想介紹一間超抵食上海菜😋 佢位於新蒲崗 店外可以望到師傅整小籠包、手工麵👍🏻 店內環境唔大 座位之間有少少逼🤪 平日夜晚去到滿哂座 等20分鐘左右就有位 相信唔少街坊去食😍.佢主打小籠包、手工麵😋 晚市自選2人套餐有4款食物、2碗飯 / 拉麵、2杯熱飲 價錢$258 幾抵食👍🏻 散叫亦有湯麵、冷麵、炒麵、年糕、客飯等選擇 價錢$56-$75不等😍🔹自選2人套餐 （$258）🍽️🔸雞絲粉皮🐣雖然係小食 但比想像中大份👍🏻 粉皮口感夠滑 唔會好厚身😍 花生醬份量足夠 可以啖啖都撈到😋🔸回鍋肉🌶️幾大碟👍🏻 五花肉唔係好鞋 不過整體味道偏鹹 略嫌重口味左少少🤪🔸小籠包🥟推介❤️ 好大粒、好飽滿嘅小籠包 拎起都冇爛😍 入面有好多湯汁 外皮好薄 食落啖啖肉汁😋🔸蝦米津白🥬有好多蝦米👍🏻 味道正常發揮🤪🔸担担麵🍜推介❤️ 套餐加$10就可以轉担担麵👍🏻 師傅係門口整嘅手打麵 麵質彈牙😋 佢嘅担担麵味道偏辣 有微微嘅花生味 愈食愈上癮😍🔹豆沙鍋餅🥠豆沙餡好足、好厚身👍🏻 口感幾脆 但有少少油膩🤪.整體✨ 呢間位於新蒲崗嘅上海菜主打小籠包、手工麵 店

食小籠包，除咗多汁之外，佢個靈魂就係醋同薑絲一齊食！已經唔係第一次執漏俾我，幾次外賣都執漏咗！有次外賣返到屋企先知冇跟到，其實都覺得愕然，因為嗰陣時都見到好多客人食，諗住佢地忙執漏咗！第二次打電話嗰陣有講，去到拎外賣嗰陣又冇，即時叫姐姐俾返我！第三次就係打電話嗰陣都有講，但今次唔係我本人去拎，幫我拎外賣果個人，話去到即刻包好灑，門口交收！佢話見到餐廳都冇人咁制，重點係餐廳多客小客與否，即係唔係忙先執漏咗！我打返電話去問其實外賣係咪唔跟，佢哋話唔係，俾漏咗！其實一打開個外賣真係好失望，仲要係唔止一次啦！其實呢個小籠包都唔平，都要平均10幾蚊一個！真心想問一句小籠包跟醋同薑絲，不是基本嘢嘛？！真係食到好失望，我諗下次外賣小籠包唔會再考慮食呢間.

山長水遠就係為咗食個小籠包，但係呢一間真係好食得食。 雖然佢價格係有少少貴$66/ 1籠。但係佢真係粒粒都好大粒，同埋入邊係滿滿嘅湯， 每一啖食落去都好滿足，絕對係可以留黎再encore另外仲叫咗一個雞扒擔擔麵，一碗嘅份量足夠兩個人食，雞扒大大塊仲要肉質鮮嫩唔嚡！ 呢間小店真係好出色

聞名不如見面超巨型小籠包嚟了！算係味道幾正完嘅一間上海舖，有酸辣湯、擔擔麵、小龍包等等。可惜就係無菜飯、栥飯，同雲吞變咗廣東皮🤔🤔➊ 雞排擔擔面🍜冇諗過塊雞扒咁大塊！而且都炸得非常之香～湯汁唔會話太油膩 調味都啱啱好 會想一啖接一啖咁食➋ 多湯小籠包 🌟 （五粒）有料到！啲湯真係鎖晒喺入邊好夠湯汁 同埋肉餡都超大粒 不過皮就唔算係勁薄～➌ 酸辣雲吞🥟酸辣湯嘅味道都尚算幾正宗 不過唔知點解雲吞用咗廣東皮。搞到嗰個酸辣湯食落去好似稀咗 同埋雲吞就唔係上海feel 不過overall都OK整體嚟講味道上面都係一間 我會再返去食嘅餐廳～但係就預咗要排隊、會坐得迫啲、同埋唔可以坐太耐啦。

📍手拉麵小廚（新蒲崗）新蒲崗既小店❤️本身想食cafe但呢間既豬頸肉太吸引所以就bookmark咗呢間🙉🩵豬頸肉擔擔麵🩵豬扒清湯拉麵🩵招牌小籠包豬頸肉同豬扒都係即炸 超級juicy 豬頸肉有焦香味 豬扒厚身 浸湯好食😆拉麵彈牙 索湯 睇得出係手工製作🤣小籠包一上到嚟就wow wow聲👍🏻$55 有5粒 粒粒拳頭咁大✊咬開爆汁 肉汁好正🙌🏻見到隔離左右都有叫羊肉湯拉麵 同 回鍋肉炒拉麵下次再嚟都想試吓～～

今日專程嚟到新蒲崗嘅手拉麵小廚，呢間小店好出名，食完之後覺得味道對得住名氣，係值得試嘅餐廳。麵條係由師傅即場手拉出嚟，粗幼均勻，彈牙而有嚼勁，烤雞排非常香，雞皮烤得香脆，係近來食過最好食嘅雞排。擔擔麵湯底好濃，不過唔算好香，但手拉麵掛汁能力好強，成碗嘢都好夾。小籠包好大粒飽滿，非常多湯汁，好食

住喺香港咁耐真係好少去新蒲崗，今日去Mami間公司度，順便經過見到呢一間小店，環境真係好平民好地道，冇話特別裝修得好光鮮，但係呢啲大概就係香港小店嘅特色，食地道風味。叫咗碗豬扒拉麵，好值得讚賞，個豬扒做得好入味，軟硬度適中。另外叫咗個羊面，個羊肉蘇味係我女朋友最鍾意食嘅感覺，所以兩個面都做得好出色！另外再叫咗個小籠包，個小籠包都等咗一陣，證明真係即叫即整，熱辣辣，好難唔好食！食物係好出色嘅，不過服務員長期都好似唔喺位咁，好多人都想叫佢埋單或者叫食物嘅時候佢都唔知去咗邊。