戀 (QRE Plaza)

營業中

休息中

最近發掘到一間隱世日式餐廳「戀Tsukiau」，位置响QRE Plaza，由串燒、燒肉，到魚生，壽司樣樣有驚喜，絕對係日料愛好者必試之選！ 🥗 田園沙律，清新之選！自然系健康美味！西班牙黑豚燒🔥炭香十足。即叫即燒肉質彈牙，炭火逼出肉香，夠哂惹味！上枱熱辣辣，師傅火候控制得剛剛好！特上壽司拼盤推介這款壽司拼盤絕對是海鮮愛好者的夢幻組合！食材新鮮、層次豐富，每款魚生都展現出獨特的風味與口感，絕對值得一試！ 三文魚🍣 肥美油潤，入口即化，經典中的經典！ 帶子🍣鮮甜軟嫩，帶有淡淡海洋香氣，口感如絲綢般細膩。 吞拿魚🍣肉質緊實鮮美，魚味濃郁，喜歡魚鮮原味的朋友必點！ 油甘魚🍣油脂豐腴卻不膩口，帶有獨特的甘甜餘韻，高級感滿分！ 炸蝦牛油果反卷🍣搭配微酸壽司飯，完美平衡！ 💡食用小貼士建議從淡到濃品嚐：帶子→三文魚→油甘魚→吞拿魚→反卷，風味層次更分明！🍯 蜂蜜冰糖菊花凍飲 & 荔枝藍蝶花凍飲 🦋呢兩款凍飲風格迥異，一款清潤養生，一款夢幻甜美，絕對是夏日解渴的首選！🌟 總結「戀Tsukiau」由味道到環境都充滿和風氛圍，食物質素對得住價錢，呢度都能滿足！

與絲打的午聚，由她推介來到這家日式餐廳。店內裝潢以木系為主，簡潔企理，感覺舒適。一口和牛以鐵板呈上，我們原以為整碟都是滾熱燙的，詎料上面的蒜片及洋蔥是凍的！蒜片不熱，明顯烘得不足，令致蒜香釋放不出。牛肉還可，卻似乎比起預期差了一截。和風沙律的沙律醬乃芝麻風，味道還不錯。沙律菜多是夠多，只可惜雪得超硬超凍，未能突顯菜的鮮香。另一問題是沙律汁勁少，食到一半已沒有汁，需向店員額外拿取。魚生十貫包括三文、吞拿魚、帶子、帆立貝等等，屬中上級數，鮮美肉厚，魚油更是不少。跟配的味噌湯烏冬亦很不俗，湯頭帶著味噌的鹹香，我倆都一飲而盡！串燒最為精彩，有茄子、豚肉、牛肉、雞肉及蘆筍卷，每串皆燒得均勻，當中最受小人喜愛的是牛肉，焦香腍軟，脂位更是甘香無比，遠勝之前的一口和牛！配合燒飯糰一流！甜品是雪至冰凍的日式麻糬，麻糬不怎麼樣，反而中間的忌廉打得軟棉細滑，吃下好像是溶化的雪糕般，加上不是太甜，好易入口！最後來一杯凍烏龍茶，完滿！為了串燒，會再回頭的。

餐廳環境舒適寬敞，坐位之間有一定既距離，唔會感覺太逼同唔舒服。冷氣亦都好夠涼，係炎熱既夏天食野就算飲熱野都唔會流晒汗。員工態度親切有禮。上菜速度亦都好快，最適合係時間緊迫既lunch食野。前菜揀左面豉湯，湯既材料十足，味道岩岩好唔會咸到乸喉。牛肉丼： 牛肉份量非常多，肉汁鮮甜滲晒落d牛肉同飯度，非常美味可口。肉質嫩滑唔會好韌同難咬，加上洋蔥既配搭，令味道同口感既層次感提升。豬扒丼：滑蛋好滑，有好多蔥同洋蔥伴飯，豬扒炸到金黃鬆脆，上枱時熱辣辣非常脆口，肉質鬆化唔會韌，肉汁香滑濃郁，令食豬扒時唔會有乾爭爭既感覺。蜂蜜冰糖菊花散發住淡淡既菊花清香，蜂蜜唔會甜到蓋左菊花既香味，感覺好清甜

Tsukta坐落灣仔皇后大道東QRE Plaza，屬商業核心區，晚餐定價（人均$284）匹配地段消費力，餐廳裝潢舒適充滿日系，適合商務聚餐或紀念日。推薦的晚市套餐每份均含前菜：可選沙律或麵豉湯＋甜品(當日係雪糕糯米糍）＋特調飲品（冷/熱可選），平均HKD250定價十分抵食！我們選了一份M1安格斯牛小排定食HKD258，餐廳另付小烤爐，可供食客自行調控肉片的熟度，炭香焦脆鎖肉汁，油花勻稱，肉汁豐盈，風味十足！搭配御飯及刺身三點：三文魚、北寄貝及甜蝦，刺身厚切夠新鮮，飲品點選了冷泡荔枝紅茶，冰涼配搭巧妙平衡油膩感，肉食愛好者優選！讚！N2特上壽司拼盤（12貫） HKD258，有三文魚x3吞拿魚x2帶子x2油甘魚x2炸蝦牛油果反卷x2，刺身厚切夠新鮮，絕不馬虎，12貫HKD258好抵食！跟餐配熱蜂蜜菊花茶，平衡生冷感，凸顯經典日料儀式感。 每份均含沙拉＋甜品＋特調飲品（冷/熱可選），$258定價結構合理。 在灣仔高端日料競爭中，Tsuktau以清晰的定食結構、成熟的數字化體驗站穩一席。晚市套餐平均HKD250，適合追求食材與效率兼顧的顧客，體驗完滿！值得推薦！

工作壓力大，同同事食餐開心lunch❤️<串燒五式拼盤配日式燒飯團>有汁燒茄子、五花腩、厚切安格斯牛、蘆筍豚肉卷，五花腩入口即溶，幸福、邪惡感滿滿🤭日式燒飯團外層脆卜卜，非常香口。<黑豚燒配刺身三點、御飯>黑豚燒份量十足，豚肉肥瘦適中，咬落夠Juicy，撈哂成碗飯🫣刺身三點有甜蝦、北寄貝、吞拿魚，魚材新鮮🫶🏻甜品係Puff，happy ending🤟🏻📣2-3位訂座贈送串燒六式拼盤，非常豐富，五花荔枝肉係我至愛❤️唔好錯過喇！<冷泡荔枝紅茶><烏龍茶>

雖然灣仔食肆選擇繁多，但來到QRE就可減少點煩惱了，今日就來到QRE Plaza 10樓的「戀」。他們主打日式串燒、各款燒海鮮及燒肉料理，環境寬敞，坐得舒服，現進行午市訂座贈串燒拼盤優惠，2-3位贈串燒六式拼盤；4位起贈串燒八式拼盤，相當抵食！午市定食-特選壽司拼盤A餐（10件）定食中先有小食（沙律/麵鼓湯）、飲品、甜品，當然不可缺少壽司拼盤（三文魚、吞拿魚、帶子、甜蝦），件件壽司口感鮮味，順滑軟彈，啖啖滋味。午市定食-雜錦魚生丼拼烏冬雜錦魚生丼定食會有小食（沙律/麵鼓湯）、飲品、甜品，而且還有香口海老天婦羅/彈牙烏冬，還會有雜錦魚生丼（三文魚、吞拿魚、帶子、玉子等粒粒魚生，食起來層次豐富，種類繁多。串燒六式拼盤預早訂位所贈送的串燒優惠都絕不遜色，有齊冬菇、車厘茄、秋葵、荔枝豚肉、五花腩、雞肉，都是即時燒製，香口滋味。

和風沙律炎炎夏日，清爽沙律菜醒胃。串燒四色拼盤五花荔枝肉厚切安格斯牛/ 厚切牛舌汁燒雞翼調味要「鹽味」還是「燒汁」可選。我卻交俾廚師發板，相信廚師經驗。鹽味比較清淡，而燒汁則口感偏甜，是以醬油為基底調配出的醬汁。調味因人而異。五花茘枝肉比較清淡，由於有荔枝肉中和了肉的膩感。牛串肉質軟腍，牛味濃厚。牛舌味道比較濃烈，微鹹，不用再蘸任何調味料都可以。雞翼廚師就採用燒汁，夠入味，肉質軟熟。在桌上也擺放鹽巴和醬汁調味料，品嘗過原本的味道之後，再考慮要不要加其他的調味料。日式燒飯團醬油風的飯團有點像爆米香，外層脆脆的口感，內裡軟熟，口感一流。

尋日同朋友shopping行完街，本身諗住去另一間日本餐廳食，嗰間之前食過，好好食嘅，可惜因為係即興冇預先book位，得返個近住炭爐嘅位，實在太熱，唯有離開，已經好失望，喺附近諗住搵都係日本餐廳，見OpenRice呢一間嘢評價唔錯，仲有得即刻book位，就即刻上去入到去已經覺得唔對路，餐廳內非常冷清，得一兩台客，裝修燈光都怪怪嘅，過嚟招呼我哋嘅係一個有大陸口音嘅女人，嗰下我朋友已經覺得唔對路，但係因為我哋已經好攰，就費事離開，我話算啦，食完快快走送咗幾串串燒，所有都細細粒咁，放題質素，都算食得落口。叫咗一個晚市套餐，極上壽司set，個set有兩件三文魚，兩件油甘魚，兩件赤身，兩嚿帶子，同埋三舊炸蝦卷。我想講我真係唔知幾耐未食過咁難食嘅壽司，三文魚油甘魚同赤身唔知點解可以食落去都係同一個味，帶子叫做正常，我諗都係雪藏刺身帶子切出嚟，嗰嚿炸蝦卷我都唔知點形容，我唔明點解可以炸蝦咁難食，我感覺嗰個唔係炸蝦，係唔知乜嚟嘅，一擺入口咬兩咬我即刻成嚿吐返出嚟🤢 另外叫咗兩串雞軟骨棒串燒，一嚟到我呆咗，嗰兩串嘢又乾又瘦，好似雪藏嘢兩攞出嚟燒一燒咁，最奇怪係跟嗰隻生雞蛋，個顏色好奇怪，正常呢啲餐廳都係

8:45入座，話9:15 last order,10:00閂門8:55就問仲有咩叫叫咗支720清酒，不斷話飲唔晒可以拎走9:30熄晒冷氣趕客串燒又乾又燶價錢唔貴，但一定唔算平，質素差到！

是夜微雨，QRE Plaza亂點咗間網上訂座優惠多嘅試試佢用咗兩項優惠：2位送6支串燒特盛刺身拼盤送七賢清酒(300ml)串燒先上如圖：3菜+3肉普遍燒太乾，車厘茄、荔枝豚肉卷比較好啲特盛刺身7款x每樣3件北寄貝、帆立貝比較好，其他不夠新鮮刺身未上枱前叫咗兩隻生蠔試吓，見唔算大隻就問吓邊度嚟，係愛爾蘭生蠔$48/pc，冇再encore未飽但冇再叫喇～ 轉場去食拉麵😂btw樓面姐姐一個打晒10-12位客人仍然有笑容又推薦優惠做得好呀

呢間日本餐廳主打串燒刺身 mix and match, 好多灣仔嘅地膽應該都識, 我就第一次去晚餐, 太多嘢食唔知點叫! 蒜香一口和牛爆多汁! 必叫! 即刻食牛肉好亂燉入味必試照燒免治雞肉可以點蛋黃豉油, 加分鰻魚炒飯師傅即炒, 魚油好香!牛油燒粟米香甜好味, 原條上, 都係必叫!晚市定食串燒四色拼盤跟甜品+沙律+嘢飲+飯團感覺抵食, 所以嗌咗一個share, 覺得係一個幾好嘅Strategy😄最尾仲散叫咗啲串燒, 有蘆筍豚肉卷, 孜然羊肉串☺️

同老婆難得睇Drama之前拍下拖，搵咗間灣仔區日本菜排名比較高嘅餐廳，就係呢間戀，上到去一個人都冇已經覺得唔對路之後點咗兩個套餐，其中一個套餐係特上壽司拼盤，有三件叫做炸蝦牛油果反卷，嚟咗之後我發覺好似純粹係個炸蝦卷完全冇牛油果，問其中一個侍應佢堅持話有牛油果隱藏咗喺入面，然後我哋咬開，係少少都冇，之後叫返嗰個侍應返嚟，佢個樣已經好唔耐煩，話整過畀我哋之後過咗勁耐，新整嗰三件啲牛油果少到鼻屎咁，可以睇下相嘅對比圖。但重點係全場得我哋一台客，完全唔係忙，兩個廚師一個副經理一個侍應全程喺度自己有自己傾計我哋立即埋單同時同副經理反應，副經理淨係識講係咩係咩唔好意思，會同廚師反映，然後就沒有了，埋單之後我哋再坐咗半個鐘，係呢段時間佢完全係同你一個侍應自己傾計冇同個廚師講任何嘢。我估唔到一個套餐接近200中嘅價錢，啲壽司又唔好食，而所謂嘅天婦羅炸蝦只不過係普通炸粉，唔係天婦羅粉，真係難怪咁多香港人寧願返內地消費

戀 (QRE Plaza) (灣仔)地點📍 灣仔皇后大道東202號QRE Plaza 10樓太耐冇食過日本嘢，又想食串燒又想食壽司所以決定試吓呢間嘢依家Open Rice 訂座仲即刻送個串燒拼盤一個字 正👍👍---------------鐵火卷火炙三文魚壽司火炙油甘魚壽司帶子壽司三文魚壽司💲296壽司份量全部大小適中，全部無腥味口感滑嫩---------------特盛串燒拼盤💲388依家簡佢呢個特盛串燒拼盤，仲送300ml 清酒👍👍串燒燒得岩岩好，唔會太"鞋"同太乾件件份量都唔小配埋清酒就好開胃👍---------------

戀Tsukiau(QRE Plaza)灣仔人氣旺日式居酒屋,餐廳位於港島灣仔皇後大道東202號QRE Plaza 10樓,餐廳裝修以日式木係為主,座位寬敞舒適,餐廳主打日本菜,餐廳有訂座優惠,二至兩位贈送串燒6式拼盤,服務員招呼殷勤有禮。串燒6式拼盤（訂座贈送）拼盤有燒秋葵,雞肉,車厘茄,五花腩,冬菇,五花荔枝肉,廚師烤串燒烤到微微焦香,焦香撲鼻,至喜愛五花荔枝肉,甜甜地帶有果香味。午市定食套餐鹽燒鯖魚配御飯套餐配有茉莉綠茶和和風沙律,鹽燒青魚烤到微微焦香,帶有鹹香味,點埋日式醬油更好美味香口。特選壽司拼盤B餐（十件）套餐配有和風沙律和即磨咖啡,拼盤上桌顏色好吸引,拼盤有炸蝦牛油果反卷,帶子,甜蝦,吞拿魚和三文魚各兩件,三文魚和吞拿魚肥美新鮮,帶子和甜蝦入口鮮甜,炸蝦牛油果反卷外面蟹籽口感外脆內軟,有層次感。

Tsukiau is located in QRE and facing directly to Hopewell center, the environment is quite tranquil in dinner time, there’re quite a lot of Japanese dishes to choosePork Cutlet Don is quite tasty i like coming with onion and egg hahaa, pork cutlet is crispy but the taste is a bit weird, and the don rice is too wetBeef Don is in good standard Sea urchin and salmon Don looking good and sea urchin is fresh and  coming with seven pieces of salmon, the best dishes of today hahaaYellowtail sushi is no