影片
以上資料只供參考, 請與餐廳確認詳情
今次已係第二次光顧呢間點心餐廳，覺得呢度係好啱靜靜地聚會，來一個心靈對話的絕佳地方，而且係神父所創立，感受到餐廳的確有正能量。我今次點了一個餐，包埋一盅飯和一碟菜加飲品，都係$55。再點了雞紮卷和馬拉糕，兩個人都係每人$50。雖然地方細小，但食物質素尚好，最緊要係好乾淨，期望啲飯可以用啲再好一點的質素，或可令飯汁的融合更上一層樓。而菜心就好新鮮，健康不膩！ 呢個係會我再返黎嘅食店，值得推介！ 適合和朋友傾計^
繼續閱讀
呢度嘅食物好抵食，價錢非常親民，一個蒸飯套餐（蒸飯加菜加熱飲）只需$50 ，如果只想食飯就$28 ，咁嘅價錢有咁嘅質素係非常高性價比。餐廳亦提供好多點心，可以一試。今次試咗芝麻卷，味道係一般，唔及蒸飯咁高性價比。不過下次都想試吓其他點心，其他點心賣相都唔錯。 呢間餐廳係由外籍神父開嘅，幫助好多弱勢社群。只可惜平日lunch Time嚟都只係得幾位客人，希望更多人認識呢度，消費之餘又有意義，絕對值得多多支持
繼續閱讀
依間點心食堂由有「廟街神父」之稱嘅胡頌恆神父創辦，致力提供就業機會予更生人士同弱勢社群。早排見到佢哋有耶穌生日應援，將店舖裝飾得好得意，所以中午專程出一出廟街幫襯 😎🥯 黑金流沙包 😋😋😋😋😋小編逢飲茶都必點流心奶黃包 😚 依次適逢係應援點心，仲有支得意嘅生日旗仔～ 奶黃包真心「流」，唔係硬心，有沙沙嘅口感 👍🏻 甜得嚟唔過分，包身軟熟 🤗🍡 三色燒賣 😋😋😋😋三色燒賣分別係原味、菠菜味同麻辣味 😲 小編對麻辣味最有印象，有麻香味，食落微辣，惹味！菠菜味唔算突出，反而食到豬肉香味多啲；原味則豬同蝦味都好平均，而且粒粒都唔會蒸過龍，仲保留到少少爽彈口感 😚🐤 迷你珍珠雞 😋😋😋😋兩件細細舊，約小編三分二拳頭👊🏻大，同老人家一人一個，份量啱啱好～ 糯米熟軟，內餡有蝦米🦐同碎肉，較乾身、偏鹹～🥟 素餃 😋😋😋😋三件素餃內餡主要係🍄菇菌類，外皮通透，菇粒爽口，有胡椒香，整體味道清啲～🥛 薑汁鮮奶 😋😋😋紙杯有靚靚插畫設計 👏🏻 打開杯蓋，薑汁味湧出 ☺️ 薑汁好有蛋白酶，係真材實料，不過同熱奶一齊，就容易變成「撞奶」凝固，唔知攪唔攪勻好 😅 如果加返少少糖就會好啲，依家飲落過於清淡。午餐 💵 約港幣$60/人💁🏻♀️ 食堂空間唔算大，約20個座位，繁忙時間需要搭枱坐～ 如果唔開茶，而好似小編咁叫嘢飲，就唔使計$5茶錢 🤔 聖誕節期間，埋單嘅時候都可以抽一張聖誕閃卡 ☺️ 嚟緊12月25日佢哋有聖誕福傳派對，有興趣可以去睇睇㗎～🙆🏻♀️ 最後，喜歡嘅話，歡迎follow @foodirectory.hk！
繼續閱讀
前後嚟過兩次在廟街夜繽紛旁的「慈悲香港食堂」：一次跟同學聚餐，一次跟家中老人家嚟，兩次都獲大家好評。餐廳主打點心，款式超多；也有蒸飯，啲飯非常好食(應該用咗優質嘅米）。整體食物質素很高，好好味。而人均只是$50-100，性價比高。𥚃面環境舒適，冷氣充足，有d特飲俾我哋飲住嘢慢慢傾，不失為聚會的一個好地點。況且交通便利，就近佐敦地鐵站。最後要感謝店內職員，她們很有耐性，笑容可掬，我哋傾耐咗佢哋都毫不介意。十分推薦，下次再嚟😀。
繼續閱讀
在新年前，訂購了蘿蔔糕、芋頭糕及馬蹄糕，料超足，味道剛剛好，不會太鹹，正式料多過粉。煎食最香，明顯地沒有味精，明年會再幫襯。而其他點心也是吸引，堂食了幾款，都味道剛好，沒有太多味精的感覺。雖然店面小，但安排不錯，只有少許逼狹感。整體都算不錯。員工服務也算可以，有禮貌。
繼續閱讀