意粉狂熱 (雅蘭中心)

營業中

休息中

作為西餐控平時鍾意搵唔同嘅西餐廳食見到呢間餐廳 叫意粉狂熱名副其實 真係有好多款式嘅意粉揀最大路嘅意粉菜式幾乎大部分都有但因為今次只係一個人食所以只係叫咗一個意粉蘆筍帶子蒜香欖油意粉 $88正常水準

外賣叫了一個焗飯同薄餅，真是超難食，吃了幾口，已吃不下，個薄餅餅底超硬，幾乎咬不到，跟相片賣相完全不同，個焗飯沒什麼配料，沒什麼味道，好像只是在吃有小小芝士汁的飯，真的超失望，完全blacklist!我好少寫負評，是真的難吃到一個極點，才忍不住寫！真心不建議吃！！

😋日本產帆立貝忌廉意大利飯$138帆立貝新鮮飽滿，意大利飯質地較粘稠，但味道很creamy香濃😚黃金四重芝士比薩（配蜜糖）$58芝士薄餅有三片，淋上滿滿的蜜糖帶點咸香，可以作甜品吃🤗意式芝士蛋糕$38有2小件，咖啡味香濃，不會過甜😘咖啡焦糖沙冰$53賣相吸睛，味道香甜😗蒜香白酒汁海蜆意粉$78意粉是偏乾身，蒜香味十足💰人均: $101-200🌟推薦: 日本產帆立貝忌廉意大利飯黃金四重芝士比薩🧚🏻‍♂️祝各位食極唔肥Nevergetfat ~

餐廳位於旺角鄰近地鐵站方便又快捷餐廳主打的就是意式食品，這天和朋友一同前往定必好好品嚐一番。帕爾馬火腿三色沙律披薩，新鮮即叫即做就是這麼美味餅底，帶點香脆，口感也不錯，最重要火腿和沙律菜的比例剛剛好，配搭起來十分健康，又有清新的感覺。蒜味芝士雞翼(4隻）（蒜味芥末醬），香脆可口，肉汁豐富，配搭自家調製的醬汁，更為美味。脆炸薯角，外皮香脆，內裏卻是軟綿綿的口感，十分喜愛。日本產帆立貝配蒜蓉蕃茄鮮製寬麵，大滿足，寛麵餐廳自家製作口感不錯，配搭茄汁，帶有濃厚的蕃茄味，又不失意大利風情，和日本帆立貝配搭起來，成了一個不錯的配搭。

今日同朋友一齊去意粉狂熱，比我想像中好味！我們叫了黃金四重芝士比薩、日本產帆立貝配羅勒醬鮮製寬麵、日本產帆立貝忌廉意大利飯和玫瑰蜂蜜果茶。黃金四重芝士比薩（配蜜糖）皮薄煙韌，芝士淡味，配上蜜糖真係絕配！日本產帆立貝配羅勒醬鮮製寬麵羅勒醬係意大利菜好常用既醬汁，香草味濃烈，好入味。帆立貝好有口感，很爽口。日本產帆立貝忌廉意大利飯意大利飯煮得煙韌有口感，香濃忌廉汁及帆立貝鮮味，太好味！玫瑰蜂蜜果茶玫瑰果茶甘醇高雅，香氣怡人，餘韻清新，有美容及延緩老化的功能。

雖然係連鎖店但係喺香港好似又唔係好常見星期日閑來無事第一次食 又唔差喎旺角呢間舖頭唔算多人 坐得都幾舒服枱同枱之間唔會太迫 嘢食發揮在水準之內 價位經濟 不失為快食好選擇

久不久就會去吓唔同嘅地方搵食，行完信和後，就行了去雅蘭，乘扶手電梯上去2樓就見到佢，望下都幾吸引於是便取票等位，餐廳入口有兩邊，一邊是和民另一邊就係今晚睇中了嘅意粉狂熱，入去座下後再望望餐牌就可以落單，方法都係掃瞄二維碼處理，十分方便！沙律就主廚精選沙律，有齊煙燻三文魚、煙鴨胸、雞蛋、沙律菜，入口清新，當係餐前一個清新前菜係門口已經鎖定了這個日本產帆立貝配蒜蓉蕃茄鮮製寬麵，用了嚴選鮮甜美味的日本產帆立貝，配搭意大利飯都十分滋味。而個意大利飯煮得煙韌有咬口，吸收了香濃忌廉汁及帆立貝鮮味，味道十分配合！而在這裡當然要加埋個意粉，餐牌內意粉可以加大1.5倍都只係加多$10，就係咁加了特製巴馬臣芝士蕃茄意粉，使用日本製小麥粉製作，經烹調後與一般意大利粉不同，吃起來口感彈牙，而且質感非常軟滑，亦能嚐到小麥味道。加上香濃蕃茄醬汁混埋巴馬臣芝士，除了帶點酸味外，還有濃郁嘅芝士味道，互相十分配合還加了份照燒雞蛋黃醬披薩，上枱時陣陣香氣撲鼻，披薩外脆內軟，香味濃郁，上面還有入味軟熟嘅照燒雞，一齊入口陣陣香味在口中回盪飲品就係玫瑰蜂蜜果茶，茶壺內已經調制好嘅玫瑰蜂蜜果茶，茶壺裡面有好多玫瑰花外，還有士多啤

同友人放左工想搵個地方坐得舒服同平平地食下dinner, 見好耐冇食意粉狂熱又唔洗等位就入左去食lu, 我地叫左個豪華小食拼盤, 雙重辣味煙肉蒜香魔鬼意粉同溫泉蛋松露油蘑菇鮮製意粉。不過下次都係叫番2人套餐, 抵好多, 又會隨餐送湯/沙律同飲品。小食我地都覺得不過不失, 覺得蜜糖雞翼冇咩味, 好淡味; 至於雙重辣味煙肉蒜香魔鬼意粉同釜我地兩個都好鍾意, 友人鐘意雙重辣味煙肉蒜香魔鬼意粉, 全因夠惹味, 但佢覺得有小小辣, 我就唔覺, 唔太食得辣既朋友可以唔選呢個; 個人鍾溫泉蛋松露油蘑菇鮮製意粉多啲, 口感似手工意粉, 好煙韌, 大like 呀至於店舖環境不過不失, 唔會限用餐時間, 又坐我okay 舒服。間中都可以再去食 

同老公出咗旺角砵蘭街睇裝修材料，朗豪坊附近雅蘭商場2樓和民集團嘅《意粉狂熱》，中國元宵佳節(情人節)兩個人撐枱腳輕鬆下食餐好嘅，日式意粉薄餅都好啱 一家大細，朋友相聚，情侶拍拖。特別餐牌今期做帆立貝，日本產帆立貝配蒜蓉蕃茄鮮製寬麵($138)~大大隻日本帆立貝伏咗係手製意粉上面， 山咁高，鮮製關係，寬條麵較煙韌有口感，感受到意大利風味。香草烤雞凱撒沙律($38)~喺好肚餓時能夠迅速上菜好重要，新鮮蔬菜雞胸肉最啱開餐前開開胃。蒜味芝士雞翼4隻($38)~配蒜味芥末醬，雞翼面灑上大量芝士粉，新鮮熱辣辣炸起，即叫即做，特別美味。海蝦牛油果法包多士($38)~牛油果好有益，豐富飽和脂肪，加入海蝦彈牙爽口，一道美味的小食。美式辣肉腸披薩(小)($58)~食意粉又點可以冇pizza呢，呢個size二人份量啱啱好，意大利薄餅加入新鮮沙律菜及辣肉腸，材料豐富值得一試。玫瑰蜂蜜果茶(熱)($48)~暖暖的果茶，香香的花果味，一壺兩杯同老公慢慢歎。

第一次來，餐廳的定價不高、價錢相宜，當晚所見食客不少呢‼️👅▫️❥$𝟭𝟯𝟴 日本產帆立貝配蒜蓉蕃茄鮮製寬麵🍝餐廳最新系列的菜式‼️日本製小麥粉製成的寬麵口感爽彈‼️🫶🏻 加了大量的蒜蓉蕃茄醬，一整碟色彩鮮豔、氣味迷人，不知不覺中令人食慾大增‼️🤤 輕微煎過的日本帆立貝一絲絲的纖維鮮甜得很‼️👍🏻▫️❥$𝟵𝟴 帕爾馬火腿三色沙律披薩🍕所有的食材放在熱乎乎的餅皮上，一目瞭然‼️🥬🥓 這裡的ᴘɪᴢᴢᴀ是薄批，輕輕鬆鬆吃掉半底絕無難度‼️🙌🏻▫️❥$𝟱𝟴 忌廉煮青口🦪略為失望的青口，還好醬汁是不錯的‼️▫️❥$𝟭𝟴 日本牛乳布甸🍮小巧的牛乳布甸擠上了大量的忌廉，香滑無比又不過甜‼️😉▫️❥$𝟰𝟴 玫瑰蜂蜜果茶🫖有玫瑰香又有士多啤梨的果香，氣味清新，擁不錯的喔‼️🌹🍓

2023年2月1日 星期三放完假返咗幾日工，都好似不在狀態咁，所以決定今晚放工之後同老婆出去食返餐好嘅係旺角雅蘭中心見到呢間主打意粉嘅餐廳，睇門面嘅圖片好似幾吸引咁，而且好似係新開左冇幾耐，我哋又未試過，一於決定食黎睇下入到去坐低咗再睇返餐牌，發現種類都幾多，而且咁啱做緊日本帆立貝祭，有帆立貝嘅菜式新登場，價錢唔算太貴，旺角商場來講反而仲覺得有啲平添，意粉加大1.5倍都只係加$10，於是我哋點咗一個帆立貝意大利飯、卡邦尼意粉、小食拼盤同果茶首先嚟到嘅係玫瑰蜂蜜果茶，原來係成個壺咁上，見到裡面加左好多玫瑰花，所以一沖出嚟就好香，而且因為加咗蜂蜜，所以甜甜哋幾清新之後有溫泉蛋芝士卡邦尼意粉，份量已經加到1.5倍，兩個人食啱啱好，醬汁好濃郁，令到意粉每一條都好掛汁，唔算太鹹，食完都唔覺得口渴，加上意粉煮得好彈牙，煙肉都唔算太韌，上面仲灑上咗芝士粉，增添左鹹香呢一個小食拼盤，除咗有薯角之外，仲有炸雞同煙三文魚包芝士，炸雞同薯角炸得好香口，點埋茄汁一齊食更加滋味，至於煙三文魚包芝士就有好香嘅芝士味，因為芝士好大粒，又夠鹹香，同三文魚好配合最後仲有帆立貝意大利飯，飯煮得啱啱好，唔會太過硬，醬汁好C

想快想平但又要有位星期日旺角真係要搵地方食飯都唔多易呀當日6點15食仲有位遲多30分鐘都無位呀268加一一個2人餐包2湯，一沙律，2主食，2飲品同2件小甜品都叫抵呀希望唔好太頹食估唔到又ok wo上菜快，味道無想像中咁頹洋蔥湯甜，而且幾多洋蔥粒無hea蘑菇湯就怪怪地用咗菇粒有啲怪味主食叫咗千層麺同檸檬汁蝦意粉後者比較好啲千層麺一般啦啲粉唔太入味唔夠食後加咗個明太子海鮮pizza細size有3件雖然唔係好食得出有明太子味但都幾creamy味道唔錯

和民集團企下的這間意粉狂熱主打西餐，有意粉，pizza, 焗飯等多款選擇，重點是價錢平民化。近排餐廳推出了一系列的日本帆立貝菜式，日本帆立貝配羅勒醬鮮製寬麵$138, 賣相不錯，鮮製寬麵頗有咬口，跟圖片一樣，有4粒帆立貝，輕輕煎香，配上什菌，車里茄及香濃的青醬，好味。忌廉蘑菇湯跟蒜蓉包都只是$28, 十分抵食。檸檬蜜糖香烤雞翼，4隻都只是$38,雖然比較細隻，但味道不錯。精選沙律，有三文魚，有蛋，有水牛芝士配新鮮沙律菜，$38 抵食。烤北海道產香草豬扒$148, 賣相不錯，鐵板盛上，夠熱，可自行加上牛油再烤到自己鍾意的香脆程度，薄切的豬扒烤得不乾身，夠入味，配上脆薯角。

日本產帆立貝配羅勒醬鮮製寬麵$138 選用日本產帆立貝，微微香煎帆立貝保持原有鮮味和口感爽滑，配上日本小麥粉製作而成的寬麵，吃起來口感比一般寬麵彈牙，而且有質感非常軟滑， 寬麵沾滿濃濃醬汁，惹味非常。鮭魚牛油果忌廉焗飯$78 焗飯有大量芝士，作為芝士控嘅我表示好喜歡，每一啖都有拉絲效果，鮭魚冇骨，可以放心大啖大啖吃，配以牛油果，是健康之選。玫瑰蜂蜜果茶$48 內裏有士多啤梨，菠蘿，玫瑰花等材料… 茶味甘香醇厚，香味怡人，花茶有助美容及抗衰老功效，女士們至愛。黑松露蘑菇披薩 (Small)$58 批底又薄又脆，熱辣辣即叫即整，配料有芝士，蕃茄，蘑菇，黑松露…黑松露香味突出，與蘑茹嘅味道非常之夾，喜歡烤至有少少焦脆，非常香口。香烤雞翼(檸檬蜜糖)4隻$38 烤雞翼配蜜糖，越食越開胃，檸檬清新，可解除雞翼油膩感覺，烤雞皮很好吃，雞皮很有彈性，內裏肉汁豐富，肉質很嫩滑。地點很方便，旺角站E出口 雅蘭中心，上兩層電梯就到，遇著打風落雨都唔洗怕。

見OpenRice都幾出名，而且喺公司附近，所以就去咗試吓，同朋友去所以揀咗個二人餐，味道都不過不失嘅，千層麵都好邪惡，醬汁都好足夠，而且成個套餐都幾抵食，因為最尾都叫咗兩杯白酒都只係加$12😍而且環境都坐得幾舒服好闊落