意房菜

營業中

休息中

二人晚餐點了:a) 意式香草蕃茄醬燒豬仔骨拼吉列墨魚餅配飯$59 芝士焗青口+ 雜菜湯+ 包+ 金桔檸檬綠茶b) 瑞士芝士白汁焗龍蝦配意粉$49 薯蓉田螺肉+ 白湯+ 包+ 蜜桃紅茶a) 蕃茄醬加落豬仔骨味道怪怪的, 唔係甜又唔係酸咁, 倒不如食番金沙骨算了. 青口芝士味唔太夠b) $49 有龍蝦食真係幾抵, 雖然都知道唔會係上等龍蝦. 蝦肉係唔夠爽, 但都算 有口感有味道. 薯蓉田螺肉ok. 蜜桃紅茶過甜.份量好多, 但味道略嫌不足. 燈光好暗, 可能真係要黎浪漫? 光一點會好些, 真係餐單都睇唔清楚.服務幾好, 有禮貎.要加一服務費, total $119

昨晚同友人上完堂，便到這裡食晚餐。她點了西冷牛扒配芝士條，我點了海膽醬忌廉汁鮑魚帶子燴加寬條麵。兩個晚餐都附送田螺湯和蒜容包，我們點了帶子做小食。湯的味道同一般忌廉湯無異，而蒜容包雖脆，但沒有蒜容味，有點可惜。帶子小食是一隻帶子，味道一般，殼的下面是薯容，加上帶子汁，味道與口感皆不錯。主菜方面，試了朋友的芝士條，個皮太厚了，食落好似炸手指魚咁......牛扒同一般快餐廳的一樣。至於鮑魚帶子燴的帶子細細粒，數量不少，幾好食。但是鮑魚應該用螺片，口感同味道都係螺片。飲品點了茉香珍珠奶茶，珍珠不錯，幾彈牙，不過杯茶不行，味淡而不滑。總括她的水準一般，但份量出奇的多，可以三個人叫兩個餐都得。

一班舊同學，難得聚首一堂，友人建議食私房菜...反正自己未試過，眾人又話之前試過意房菜「好得」，小黃自然冇意見啦！首先，一入內，坐正門口位...出入都要郁吓張凳，星期日，算了吧！但明明係訂咗位喎...而且環境好擠迫...燈光又暗...我們叫的是私房菜，即係俾個total數，叫老細自己搞掂，據聞因為友人是常客，與老細熟落至知可以咁食...結果係搞到連侍應都唔知我地食乜><首先嚟過唔知係法式定意式o既牛腩粒湯配以牛油麵包粒，每人一盅，一入口，已覺咸得來帶點酒味，感覺就係金寶牛尾湯加酒再加麵包粒極咸版...之後嚟主菜，侍應問要配天使麵、飯、意粉定薯菜，咁自然要問吓佢地今晚係乜野主菜，點知個侍應又話唔知><，為安全計，唯有叫薯菜啦！結果原來主菜係「血鴨」...百零蚊話食法國名菜血鴨，我呢啲低下階層食慣大解樂都知冇可能啦...結果當然是不論不類，鴨胸加汁，你想點...除「血鴨」外，仲有一個法式釀吊桶，入面有粒田螺仔...成晚最似樣都算係呢樣，真可憐...加埋啲睇得唔多食得o既伴碟沙律...唉接著嚟咗一個幾位友人都嘩嘩聲話一流o既「雪降」，其實原名係乜我就真係唔知啦

連日食了多餐日菜，是時候轉轉口味了。突然很想食石頭飯，就和男友來了這間又可食石頭飯又有pasta供應的店子。韓國石頭飯餐($59):石頭飯真的不好味!飯又過濕，牛肉不新鮮，我只食了一小口便完全沒再食了!而且整個飯都是沒有味的!泡菜亦差，只是一味辣，真叫人失望。鴨胸螺絲粉($39):雖然是特價晚餐，但不見得抵食!將鴨胸切成絲，賣相已不好了。男友還說愈食愈咸呢!餐湯一般，但是蒜蓉包沒有蒜蓉味。餐飲分別要了蜜桃紅茶和咖啡，都是過甜了。男友喝了半杯都沒有呢!環境也不好，沙發已經十分殘舊，而且枱與枱之間的距離真可以說沒有，離開時要搬枱才能走過!!唉，這樣一間餐廳，雖然有多種食物選擇，但是沒一樣做得出色!我是不會再光顧的!

中午食飯，因為不是太餓，所以點了地獄拉麵加照燒雞扒，午餐送珍珠奶茶。等了一會，麵便送來了，先試湯，辣是辣，聞聞飄來陣陣香味，但是沒有別府的濃和甜，算是不過不失吧。雞扒是滑嫩，可惜汁液被湯沖刷了，令其味道變得淡了一點。麵就真的普普通通，不是太出色。總括來說她是普通的吧，不過看到對面的食客食西餐，個個都食得津津有味，下次都是點西餐會好一點。

d嘢食都ok, 不過唔知係咪因為我坐咗係冷氣位, d嘢好快凍晒.我食佢個招牌蘇皮鵝肝牛柳都還不錯, 當然$59唔洗expect鵝肝會好好食啦, 但牛柳就適中size仲幾好食添...男朋友呢就叫咗個豬仔骨, 都係$59, 個source係蕃茄蓉, 好好味, 不過主角豬仔骨呢就好普通喇! $59又有湯同蒜蓉包, maincourse, 仲有一款小食, 連埋飲品(不過d飲品竟然係台式! 珍珠奶茶囉!!!)算係好抵喇.但係環境真係嚇死人...發酶既藍色, 黑嗎嗎, 唔好情調, 逼就預咗架喇, 但係行出行埋要搬開d枱既真係有點誇張.同埋老闆好似有點惡, 當住咁多客面教d waiters做嘢, 語氣唔係咁好, 有點影響心情, 好彩d waiters真係好nice, 因為我第一次食, 殷切地介紹畀我同男友, 值得一讚!!

通常出到旺角，好餓，又無乜preference0既時候都會去左意房菜。因為第一次去食0既時候，有一位超好0既服務生，於是我地就時不時會返去幫襯。(雖然似乎佢已經無做。)最近果次同其他食客一樣點了招牌法式酥皮鵝肝牛，味道得ok0既，其實食物咁0岩我地每次食都ok。但係地方就真係嘛嘛。尤其是藍色的深海燈光，令人有d唔舒服。餐廳窄係預左，因為成條街0既餐廳都係咁上下。希望燈光可以改變下就好。

d食物好一般咋,我個白汁龍脷柳都天使麵唔錯既,男友個西冷扒意粉就好似茶餐廳既特餐咁既質素law..兩個西湯就幾好味!甜品難食!我地order時個問個待應飲呢d洗唔洗加錢呀,佢話唔洗,點知埋單時見到點解多左$6,問個經理係咩黎架,佢話我地果兩杯飲品要加錢law!!我地都費事同佢嘈,但就覺得呢間野有d唔老實!

同朋友去完行街,係附近找食店,行左半條街, 又唔想等,所以黎左呢度。其實入到去都唔係太中意, d 坐位唔好坐都算啦, 仲要比左個近收銀處既位我地, 我同朋友一路傾計,側邊一路有人係度"yum yum 揚揚"咁。仲要成間餐廳都有煙味,分唔分食煙區都無分別la, 一個人食,全世界一齊食;唉,而且間餐廳呀..好似無電咁,燈好暗,又唔係有情調;坐坐下,無啦啦好大冷氣=.=,所以全程都唔開心!講返d食物啦, 我叫左個豬扒拉麵,朋友要左個唔知咩扒餐,我本來諗住唔要其他野(唔跟餐), 但係個waitress又問我要咩湯,我以為係咁既, 點知收錢果陣係跟餐價喎=.= d豬扒,入面肥肉多過肉..求其炸左就當豬扒比人, 唉,個麵又無乜湯,可以話係難食(其實我唔高要求); 仲有呀,個餐湯(雜菜湯) 好咸好咸; 無試朋友個碟..不過相信都唔好食得去邊, 埋單一人要七十蚊, 我覺得自己返屋企食公仔面/去茶餐廳食好過。

今日中午出o黎食飯,點知落鬼咁大雨,於是求其入來幫襯.呢度D冷氣仍好凍.叫牛肉石頭飯同咖喱鱈魚煙鴨胸飯.餐\湯(紅,白湯各一)就一般;石頭飯仍然同上次一樣好熱,味道亦差唔多,仍然係炒牛河咁o既牛肉;咖喱鱈魚煙鴨胸飯咖鱈魚係炸,冇乜味,煙鴨胸就煎過下,反而幾好喎!餐\飲蜂蜜綠茶好蜜糖味,胚芽珍珠就好多胚芽同珍珠,ok架!侍應服務好殷勤,今日落大雨,佢\地一入去就幫我地放好把濕雨傘,唔使唔見,走時侯番!我下次仍然會幫襯!

星期六陪男朋友食飯,行行吓唔想再行,就是但入o左一間嘢度食啦.因為我食o左飯o既關係,我無叫嘢食,只係叫o左杯peach green tea, 男朋友就叫o左個韓國石頭飯set.好彩個green tea 叫o左少甜,如果唔係就真係唔敢飲啦,點解?因為我o個杯都好好好好甜,如果唔叫少甜o既話咪超級甜.真係唔係好得law我男朋友個石頭飯仲哀,一d都唔似石頭飯,個汁仲無咩味,而且個飯又唔夠熱,又無飯焦.我男朋友一路食盲一路話,可想而之有幾哀啦.食完之後我男朋友仲叫我black list o左佢tim,真係好慘呀

呢排食日出o黎食lunch,今日去呢間試下.入到去發覺燈光好黑,地方好窄同冷氣好凍!坐底後叫個韓式牛肉石頭窩飯及日式照燒牛肉拉麵,個set 送餐湯同餐飲.兩個main course味道一般,但唔知點解兩個main course牛肉味道一樣?!照計係唔同o架,一個韓式牛肉一個日式照燒牛肉!最奇就係兩種牛肉味係式干炒牛河牛肉味!!!餐飲我地叫木瓜珍珠奶茶同芝珍珠奶茶.木瓜珍珠奶茶比較甜,唔夠木瓜味;芝珍珠奶茶味道好淡.其實食物水準一般,不過侍應服務ok,尤其係企門口果個侍應好落力咁sell;另外,一點前埋單重減5蚊(每個set)!又唔使加一,真係好平,如果可以改善下食物質數就更好!

各位,很對唔住> <\'\'！其實我們一直沒有換老闆，只是老闆娘大肚後，一直沒有時間睇住啲食品及服務及其他問題，現在我會跟進番，請不用擔心！但地方淺窄,,實在冇得改,希望各位兄弟姐妹俾我機會，多謝晒!^^\'

行了幾間, 見呢間餐廳幾多選擇...入了去.環境麻麻...有點迫.點了個招牌法式酥皮鵝肝牛...跟餐有碗湯...綠色的, 很可怕...還有兩隻青口, 牛肉唔熟..有血, 食唔到, 鵝肝size大約是半隻大拇指..不特別. 餐茶苿香珍珠...淡淡的....真的很唔好食.

食物質素、賣相、味道好ok, 極力推薦穌皮鵝肝牛扒, 忌廉湯亦好足料, 部長同侍應的態度也不錯不過間野的環境好狹窄, 非吸煙區果排梳化d二人檯係痴住0既,人客要出入係要推開張檯先出到去-_-".... 食得唔係咁舒服除環境問題以外,都可以一試!