意房菜

營業中

休息中

上個月尾係呢個網search到呢間餐廳，決定去試一試。星期六去到七點左右，以為會冇咁多人，因為行過附近的餐廳都冇乜人開始食飯，但零零捨捨係呢間勁多人，入到去我地一行兩人已經坐最後一張，只係見到侍應很忙，很忙。睇過餐牌後，發覺好抵食，佢有五十幾六十蚊的套餐，包蒜容包，餐湯，飲品，重有前菜或甜品揀。另外重有石頭飯，聽到隔離的朋友係尋日食過，今日又帶另一朋友黎食，所以水準應該有返咁上下。首先係西蘭花忌廉湯，真的用心做，非常好味，之後我叫了個肉眼扒，嘩，真的好好味，熟到剛剛好，加條炸芝士條，飲品先好，有得揀珍珠奶茶或其他紅茶，有好幾款您揀，最好係凍飲唔洗加錢。勁飽之後，再黎過餐送的意大利芝士餅，睇落去好似麻麻地，但食落真係好掂，唔求其。兩個人加埋一大約食左百三蚊，真超值。不過係坐得冇咁舒服，因為個度d位比較迫。

這兒曾經是我中學時期的飯堂，學生午餐不過廿五塊（當時），有湯又有飲品（還要是珍珠奶茶！），味道又不錯，十分划算。自從畢業後已很久沒在這裡吃過午餐，間或一兩次，好像都是吃石頭飯，感覺仍然良好。可是，最近和爸爸來這裡午飯，水準大跌，令人很失望。我點了一客甚麼意式茄醬芝士焗雞排意粉，要了忌廉湯。湯乏善可陳，而我以為我選的是焗意粉，即是一盤意粉上鋪上雞排澆滿茄醬再灑上芝士碎的焗意粉，原來我會錯意了，只是一塊鋪了半溶芝士片的雞排，配煮意粉。而且，當我把雞排全切成一塊兒後，才發現它竟然不熟！侍應樂意替我把生雞拿回廚房著廚師再煮，煮好再端上來的還是一塊兒一塊兒的雞排，沒有偷龍轉鳳／偷工減料。味道是十分十分的普通。最可取的是那杯餐飲－－胚芽珍珠。爸爸選的餐（好像是牛排意粉之類的）一樣普通極了。午餐要三十多塊吧，肯多付幾塊錢，不難在旺角找到一間做到更好的西餐廳。希望這裡的石頭飯依然可口，而非只能在記憶裡的翻尋它的美味。

1.) 白汁吞拿魚豬扒焗飯→白汁吞拿魚蓉, 對於好此道我講, 唔可以話係好好食, 極其量只可以話係合格咁啦~ 但係豬扒就...叫做都可以放得入口咁囉2.) 韓式牛肉石頭窩飯→飯真係好難食, 尤其係隻生蛋撈勻埋飯之後; 窩底飯焦冇飯焦香, 得個硬掘掘; 泡菜都幾辣, 我雖然鍾意辣, 但係要送飯就唔太好; 反而牛肉幾好, 幾軟滑; 唔好聽佢話係「窩」, 佢都幾細碗~3.) 香珍珠綠茶& 青蘋果綠茶→好好飲, 由其係後者, 清涼解渴~埋單2 人$46, 抵到爛啦~P.S. 以今次所食下午茶同之前食過晚餐相比, 感覺真係差好遠, 不過我都會再去, 試一試佢新出promote 和牛餐~ ^^

我原本其實想試隔離個間西門町﹐但實在太多人﹐見到呢間好似ok﹐故且試下啦。叫左個意法套餐﹐食物全部都唔錯﹐熱辣辣咁上﹐同埋因為有成十三樣野﹐感覺上有好多選擇咁﹐都幾滿足。最好食係有炸芝士個碟小食拼盤﹐同埋個豬仔骨。最唔得係個火焰雪山﹐外層都幾難食﹐內裡食得出係牛奶公司D雪糕!服務非常好﹐我懷疑有幾個侍應其實係老闆。但D位真係好逼好逼!Overall算係咁啦﹐都有回頭既。

今日同男朋友去食呢間一入到去,,老闆就好熱情咁介紹.up左成5分鐘都有!而且一卵咀咁其實唔係好聽得清佢講乜!最聽到係佢介紹佢新出既和牛餐,佢話佢做得最平,人地sogo 賣二百幾100g佢賣百幾200g!佢咁落力咪叫個黎試試lo個餐包龍蝦湯﹑蒜容包﹑A3和牛配薯菜﹑珍珠奶﹑tiramisu ($118)另外我地仲叫左個芝士焗原隻龍蝦$59男友叫左個普通晚餐- 龍蝦汁海鮮意粉$69我個人覺得,,1) 個湯好咸2) 個包好un..唔係新鮮焗..不過覺得佢係小食,,冇太大奇望3)等左15分鐘左右,個和牛到喇,,一食,,雖然覺得有d生,,但d味都幾香!d肉汁都幾多!見到肉中間的脂肪. 配菜果d potato幾好食~似m記的薯皇4) 珍珠奶都ok,但中途發生小插曲,,就係食食下,,杯野未飲曬,waitress已經收左(雖然得返4分1杯左右),,男友同佢講,佢即刻say sorry同比過杯我地,服務都算係咁5)tiramisu..一般啦,細細舊咁,入得下口6) 芝士焗原隻龍蝦幾大隻,算係抵食,但唔算太新鮮,d肉有d林但勝在熱騰騰!d醬汁都ok7) 龍蝦汁海鮮意粉- 唔好食.冇咩料之餘,,d疑似鮑魚的

星期五, 我跟友人到旺角食晚飯, 本想試西門町台灣麵食, 但太多人掛隊, 於是試這間.我們要了兩個set dinner.餐湯是忌簾湯, 好香滑& creamy.set 1) 龍利魚天使麵($59)~ 天使麵好幼滑~ 正! 龍利魚都吾錯, 好滑.set 2) 西冷扖 拼薯菜($59)~ 西冷扖好大又吾"un",薯菜是連薯仔皮的炸薯仔~好好味! 送小食/ 甜品我們share 小食~帶子(1隻) & 甜品~tramisu ~ 太濃酒味, 我們都只吃了一口.這是一間環境& 食物都不錯的西餐廳, 服務& 價錢都ok, 所以我會同朋友再來的!

3月2日, 諗住請個朋友食飯當慶祝生日, 但出到嚟都唔知食乜好, 決定走入去通菜街睇睇,最後一行四人走咗嚟呢間「意房菜」,我哋可能早入嚟, 所以好多位, 但坐咗一半, 約八點左右,竟然坐滿晒人呀!! 睇嚟呢間嘢都唔差架喎~~諗咗好耐, 終於決定叫個「法意二人餐\」($168),另外要多個「豬仔骨套餐\」($59) 及「鵝肝牛柳扒套餐\」($65),個「法意二人餐\」勁多嘢食, 有成十三樣餸咁多!!先嚟煙三文魚沙律, OK 啦! 叫做足料既!兩個套餐\跟一個忌廉湯及蒜蓉包, 出奇地幾好食!跟住係我哋個二人餐\既酥皮湯, 熱辣辣, 又係唔錯喎~呢個係芝士雜菜, 可能食既時候已經凍咗, 麻麻哋。黑椒牛柳粒, 普通! 呢個係跟豬仔骨套餐\既焗元貝, 幾好味。二人餐\既炸魚柳(前)、炸芝士條(後左)及炸雞柳(後右), 全部都幾好味!「豬仔骨套餐\」, 豬仔骨都係意粉屋好食好多, 但呢度既薯仔又超好味!「鵝肝牛柳扒套餐\」, 片鵝肝真係細到丫................. 仲要唔好食, 鯹既!同埋唔知佢\塊印度薄餅想點囉! 反而呢個二人餐\既「

是晚男友本身建議去CAFE食飯但我又想食完飯去行下街所以唔想去CAFE諗起上次0係度食過一次覺得幾抵於是就來了7點零來到,未有太多客人,一去到就有位本身唔係好餓,所以唔想叫SET DINNER單叫了一個特濃芝士汁龍利柳天使面($38)男友叫了SET DINNER,唔記得叫咩名,但記得係芝士汁,有雞柳又有蟹鉗的天使面($58),佢\加$5轉左酥皮湯個湯來到,YEE???點解冇酥皮既??問下個侍應,原來個湯係我架!!!下?!!侍應話原來單叫餐\牌D野佢\都有跟餐\,有湯送同埋飲野只要俾飲品正價既一半,幾抵WOR!雖然D湯只係一般既忌廉湯,但都OK,唔會水後尾個天使面個人覺得普通個芝士汁唔叫特濃,只係普通姐同埋D天使面好似吸血鬼咁好快吸哂D汁搞到D面一PAT PAT= =龍利柳亦一般,冇咩味同\"\"鞋鞋地\"\"男友的那個就好D雞柳OK滑,炸蟹鉗只要係熱既就會OK好味佢\0個個D芝士汁反而濃過我依個所謂特濃的..無奈= =最後佢\個餐\有野飲送,叫了茉香珍珠因為止次飲過覺得幾好但今次D珍珠一舊舊...幸好野飲還好,不太甜OVERALL都可接受值得讚的是服務態度幾好^^本身諗住影相,但D藍色

晚餐~ 本來諗住睇下有乜新野食, 點知好多都係日本野, 真係有d悶....算,本來打算去西門町, 但好多人等......去左隔離睇下, 見呢間都好多人等, 但2個人就好快有位,就試下啦~~~入到去....嘩.... 迫到死...佢真係用儘間鋪所有位去放枱 ~~我點左: 車厘子汁拌法國鵝肝煙鴨胸配闊條麵女朋友食: 韓國餐我個餐都ok 煙鴨胸好香, 都有6~8塊,鵝肝唔大,味ok啦~ 韓國餐: 女朋友話唔好味...食左一半就無食了** 飲餐湯時老闆話鵝肝餐有個優惠, 加"一張戲飛"價錢可以有隻手掌大的焗龍蝦....頂又唔早講(落order時),而家先再加隻龍蝦點食得晒, 所以都無加, 同唔知"一張戲飛"價錢係指幾多$ (3D 戲院好貴下嫁喎)Total : $160.00可能食扒會好d, 但坐得真係好迫....會唔會再黎真係要考慮下

情人節當日..周圍都勁多人想搵餐食都幾難..因book唔到位..所以黎呢間惡夢就此開始...一入去.. 迫到真係死...郁一郁都唔掂..雖然情人節忙.. 但入去坐左5分鐘都有先有人比menu...過份點野果陣又求求其其,都未點晒就走去做其他野叫拎d野.."哦"左之後就唔記得..服務0分..野食方面...真係超唔掂...同女朋友一人叫一個餐,,叫左個所謂既招牌菜,,焗酥皮法國鵝肝牛柳同紐西蘭西冷個焗酥皮法國鵝肝牛柳..酥皮林晒,點酥法?? 咁叫做招牌?連餐廳都比唔起紐西蘭西冷.. 件所謂既西冷林到可以飲!唔洗食都可以全部唔熱..涷既全部..咁岩坐左係個廚房附近..佢一開門我見到佢地居然係一早整定d野..再用微波爐丁返熱=.= 勁! 野飲..淡到同水冇咩分別..食個車仔麵加杯豆漿都好味過佢...好彩冇叫個$398既情人節套餐=.=唔係一定好慘...依家唔係錢既問題..而係本身想食餐好好地一年一次既情人節就比佢既野食...破壞叫我再去都係咪搞好d~~

有晚同2個fd行完旺角, 見肚餓就周圍搵嘢食...行過呢間嘢, 見幾多人食應該唔會太差...點知入到去,逼到吖...睇餐牌..開頭大家都諗住叫SET DINNER!到想落柯打時,個侍應係咁SELL我地食個意法二人餐..講到識飛咁濟....我地見佢都有成十幾樣嘢食,好似好抵食咁~就係咁...我地就落咗叠...D野食ge份量真係少得可憐...莫講話兩個人食, 一個人食都嫌佢細份...d嘢又凍又求其,炸急凍小食..得嗰幾嚿又話係一味餸.....最好笑係我地食咗四五樣野度,佢就上個甜品俾我地, 一"pat"所謂ge火焰雪山....仲話d嘢嚟齊.....吓!!!錯哂囉!!!即刻嘈佢啦...咩事呀!!!跟住即刻上返齊d嘢俾我地...餐飲叫咗珍珠奶茶同芝麻珍珠奶茶....d珍珠少都遮唔到個杯底..仲要杯嘢稀到好似溝左水咁.....食一餐咁ge嘢"sai"咗我地個幾兩個鐘....食左好似冇食咁......埋單差唔多2嚿水....我拎2嚿水去食燒賣魚蛋起碼食得飽....呢間嘢俾我地blacklist....一定冇下次!!!!

雜菜湯-個碗唔係暖的,個湯偏咸吉列豬排-塊排幾薄下,唔會太多油鰻魚-好細件,1/3size, 味道普通,室温汁-吉列汁??唔係特別出色飯-有少少紫菜絲o係面

食得出係有誠意0既制作, 但係d 位就迫左少少.同理d 飲品ma ma.

女人街有很多美食。今晚嘗試的是意大利菜。7:00前會較少人，容易搵位。食耐左出面會出現排隊情況。環境以藍色為主題。燈光暗暗地，幾舒服，傾計都唔錯嫁。味道唔錯。以$70價錢食到咁既質素都算唔錯。餐前有得選擇青口/帶子/沙律.. 帶子好好味=)青口都好新鮮。用料真係唔錯!仲有脆卜卜面包添。正餐叫左個意粉，可能平時唔慣落咁多汁..sauce略為多了一點，(不過可以掃走佢既)都好好味。餐飲叫了珍珠奶茶。服務都okay丫。收碟上菜都很快。有名帶眼鏡既男侍應，服務態度幾好，有禮貌*v*整體黎講..以咁既價錢享受依個質素，是值得一試嫁!!!

行開MK, 係咁諗食乜好, 平時通常都係去金太郎, 不過行過女人街時順便睇有乜食, 估5 到就遇到間好~經過呢間意房菜睇menu, 有個4 眼哥哥仔係咁sale, 問一問gf, 冇問題~ 入座~~食物:1.) 金裝廚師推介A 餐- $79 + $29 (轉焗龍蝦)a.) 餐湯- 龍蝦海鮮湯→湯中間有少少白色, 未撈勻時剩飲龍蝦湯只覺得重龍蝦味, but 撈勻埋笪白色之後再飲好好飲呀;b.) 餐包- 蒜蓉多士→掛住影相, 凍, 好鬼硬, 就算蘸埋湯食都仲係好硬, 同埋可能擺得耐, 已經差5 多冇哂蒜蓉味;c.) 主菜- 紐西蘭特級牛肉眼扒(燒汁) 拼焗龍蝦(芝士) 配寬條麵→其實佢本身係拼扒大蝦(意式番茄醬), but 我地加$29 轉龍蝦(個女侍介紹)。肉眼扒好淋, 好易切, 冇筋, 好有口感, 肉咬完5 會攝牙縫, 真係極之好味!!! 龍蝦係細隻, but 佢連埋焗芝士食, 超好味呀!!!!!!! 好慶幸有加$ 轉, but 佢芝士味又5 係好重~ 連佢薯蓉都5 放過~ 而寬條麵就係菠菜麵, 一般咁啦;碟份量真係好有睇頭, 送上時就連隔離檯都「嘩」一聲~d.) 餐飲- 蜜桃紅茶→味道