想甜嚐甜

營業中

休息中

想甜嚐甜 - 大角咀》前日同朋友們喺旺角食左間一般般既火鍋店🥸諗住食番個美妙甜品調節一下空虛的心情，OR search 左一下附近有咩好食既糖水鋪🤔見到呢間甜品店好多人介紹，仲有我近期著左魔瘋狂去搵既開心果甜品😎於是一行三人走過大角咀😂當時九點七左右，去到見好多人排隊，咪跟住一齊排囉🥹點知一等就係九個字啦😭但要等咁耐既原因唔係因為人多咼，而係佢廚房同樓面冧檔🥹當日去到餐廳唔算坐滿，應該話有枱但佢地執唔切，差不多20分鐘有兩張枱空左都無人執無放人入去，入面既食客有四成客人枱面係未有野食🤔不過我諗佢地真係好辛苦，成個場得三人員工做野，樓面妹妹應該新黎好無助，而廚房既同事又忙到無停手，最後我地入座後大約15分鐘左右有第一個甜甜💁🏻‍♀️開心果心太軟（$65）😅不過我果個心太軟真係唔太軟，無Lava效果🥲當係brownie 食其實都ok 既，配埋乳酪雪糕幾解滯，之後約10分鐘左右黎左個黑朱古力心太軟（$49）😣朋友果個有Lava仲要係流過不停😭朋友話相對來話較甜，但係好食既，而再等5分鐘左右，最後一個阿華田心太軟終於都到（$59）但由於我哋等待嘅時間太長，朋友嗱嗱聲食完都冇乜comment😂但係

以前喺堅尼地城食過幾次，食物同服務態度都非常好👍🏼😋前排同朋友入大角咀食完晚餐，醒起大角咀有分店，即刻走左過嚟食，一坐低唔洗諗，一定係嗌開心果心太軟😋，嗰日都唔算太多人，落單時店員(應該係店長/經理？)語氣態度勁差，完全不尊重😡，落完單後就坐左係收銀，黑口黑面，見佢間唔中會望下我哋，本身以為我做錯左啲咩要針對我哋，但見佢對枱枱客都係咁，我建議老細要再培訓下呢個店員，咁樣真係好趕客囉。下次冇咩事，我都係去堅尼地城分店食算😓，點解兩間分店服務態度可以差咁遠😵‍💫

【大角嘴良心甜品店🍭想甜嚐甜】-食完飯梗係要食返個飯後甜品🤪於是就同朋友嚟到🤍想甜嚐甜🤍食糖水-甜品店夜晚人氣高企😗幾乎滿座😝餐廳採用落地玻璃👍🏻增加空間感牆上仲有唔少創意插畫😁個性十足食物選擇多元化😋有心太軟、窩夫🧇、雪糕🍦、香蕉船🍌、中式糖水同芋圓等應有盡有🤩仲要每款都好吸引😗真係唔知嗌咩好🥹💝溫馨提示💝店舖設有最低消費😗每人最少光顧一杯飲品或食品🥤-😋開心果心太軟配乳酪雪糕 $65佢有好多款心太軟🤩我地最後就決定試佢嘅招牌開心果味🥳甜品造型特別😝綠色嘅心太軟非常搶眼仲有個倒轉嘅雪糕🍦心太軟淋咗層白朱古力🤍一切開啲開心果醬好似熔岩咁慢慢流出嚟🌋非常治愈😍食到開心果嘅香醇🥹仲可以加埋碟上面嘅開心果粒同餅乾脆脆一齊食🥰口感十足😍再配埋乳酪雪糕🍦酸酸地可以中和心太軟嘅甜膩美中不足嘅係心太軟外皮唔夠脆😗同埋個人覺得白朱古力偏甜😝但整體都相當唔錯👍🏻好味指數：🌕🌕🌕🌕🌘-😋芒芋🥭$46+10(熱情果)呢個糖水相當豐富🥳我地仲加咗熱情果😚芋圓｜ 地瓜圓｜ 紫薯圓｜丸子｜奶凍｜水晶珠｜芒果🥭｜芒果糖水啲芋圓食落煙煙韌韌😍透明嘅水晶珠食落脆脆的🤩增加口感奶凍香滑😝芒果都夠甜🥭而畫龍點睛嘅就係個熱情

想甜嚐甜🧇🍦💛……….呢間係良心黃店甜品店，好耐以前去食過黃大仙店，依家就得返兩間分店，分別係大角咀同西環。營業時間由下午2/3點至12點，食完晚餐行下再食甜品都可以。呢度無加一服務費，但每人需要購買一份甜品或飲品！呢間都有其他甜品選擇，最推薦就係心太軟， 必試！🤤……….🟢開心果心太軟配乳酪雪糕 $65🌟•推薦！呢度有好多不同特色嘅熔岩心太軟口味道可選擇，有阿華田，開心果，紫薯，積及橙心，經典朱古力，宇治抹茶，奶醬多，就連芫荽心太軟都有。我只係食過阿華田同開心果味呢兩款味嘅心太軟，兩款都好好味。心太軟即叫即整，上枱嗰時仲係熱辣辣。焗到外層香脆得黎口感夠鬆軟，一用匙羹整開嗰心太軟，就有源源不絕嘅開心果漿流出來，絕對夠哂流心！開心果味真係好香又夠濃郁，每一啖都有香而不膩又重nuts嘅味道，甜度啱啱好。擺盤仲有開心果碎，一齊連埋心太軟食，嗰口感同味道都有提升！仲有嗰原味乳酪雪糕，味道酸酸地，口感似雪皅，食哂成個都唔會好heavy😋……….💰人均 $65/per person (1人)

有光環，食物好，唔代表可以咁態度。先講食物，開心果和橙的心太軟的確唔錯，味夠濃，賣相得。原本影咗想打算分享，但因為受到不禮貌對待而怒刪。其實佢講明係限時，我相信唔會有呢件不愉快事件發生。事源：當晚排隊，入座前員工要求先點食物，這個有部分地方有此做法，本人覺得可以配合，又指明入坐後不能加單，這個雖較少見，但諗住食完傾一陣就走，也沒問題。入坐後，等了大約5-10分鐘，甜品上枱，享用咗大概20-30分鐘左右，杯嘢飲到一半，忽然個女睇場就插張單埋嚟，同我哋講出面有人要你張枱，請埋單。果下我哋真係O晒咀，我重以為阻咗佢成個幾鐘，跟住睇下入場記錄，再望下錶，喂！阿姐，好似35-40分鐘左右咋喎，個心太軟都係食完無耐咋喎。跟住眾人無奈快速飲埋杯嘢離開，朋友也自己走去埋單。如果個朋友唔係咁快手，我就走去問下係咪唔歡迎我哋。我明白人多，我都明白唔速食速走阻住間舖做生意，在間舖立場我哋係奧客，在舖立場係無問題架！但在客人立場，你咁態度對客係相當有問題。第一，我哋都跟規矩排隊，唔係插隊。第二，從來無人講過限時，要速食，咁其實食個飯坐半小時或一小時有幾出奇？要急我不如外賣？你咁急要人入坐前落單，係咪事實想客速

-一直知道好出名，想試好耐，終於有機會去試😍😍😍星期六8點半左右到，唔洗等位yeah🥳-😋 黑草 ($42)👉🏻 入面有芋圓、地瓜圓、紫薯圓、丸子、珍珠、西米、黑糖條、仙草、台灣黑糖，佢可以揀配花奶或者忌廉，我地揀左花奶👉🏻 開頭驚會勁飽，好彩佢啲煙煙韌韌嘅野 (eg 芋圓)同仙草嘅比例都平均，唔會過多，配合花奶，食落唔會太膩，反而有食涼粉嘅清爽感覺👍🏻👍🏻👍🏻-😋 星球玫瑰 ($44)👉🏻 粉紅色就係女仔必備嘅顏色，一上枱已經被影個不停🥰🥰👉🏻 入面有玫瑰、荔枝、鮮乳同乳酪雪糕，係非常適合夏天嘅味道，玫瑰同荔枝好balanced，加埋個乳酪雪糕，好透心涼，好消暑！-🙋🏻‍♀️ 其他說說👉🏻 留意返呢到有限每人最低消費一個甜品，不過甜品唔算誇張地大份，一個人食都食得落🥰

book mark左勁耐既餐廳😋終於有機會去食下。呢間係大角咀同堅尼地城都有分店，今次去左大角咀個間。地方唔係好大不過樓底高身無咁有壓迫感，而且服務質素都唔錯。開心果心太軟好濃既開心果味🤤一切落去啲朱古力即刻流晒出黎超邪惡！配埋酸酸地乳酪雪糕就岩岩好😋除左啲流心朱古力，擺盤上都有啲開心果碎同醬，岩晒開心果既fans🤣

幾年前試過它的甜品，印象良好。今日剛好在附近，就再去食吓。5pm 左右，店內冇客。只有 2個店員 (1個廚房，1個收銀)。一入門口，由check 針紙 etc 開始，那個收銀店員都係黑口黑面。到我 睇完 menu，想落單，那店員在收銀枱講電話。我等了一陣，發覺她只是講私人電話，那我直接叫佢來落單。她一邊走來，一邊繼續講電話，到我問她雪糕什麼味，她才答2個字荔枝。繼續講住電話，收起本menu 走咗去。之後我見佢去廚房外等我個order，一邊同廚房店員傾計，隻手一邊玩隻木匙羹。我擔心那木匙羹是 將給我用。結果，正是。單單講 開心果心太軟，係好食！個荔枝軟雪糕，我非常欣賞！食物 90分不過，店員服務和衞生方面，我就不會再去食。

呢一間甜品店最正一定係佢哋嘅特色口味心太軟🍮呢度竟然有海鹽拖肥花生煉奶心太軟！外層焗到好香脆 切開啲奶醬流晒出嚟 再配埋旁邊酸酸甜甜嘅乳酪雪糕🍦食落甜而不漏 唔錯！

心太軟好一般整體味道一般無乜特別，唔算太甜還可以，不過切開個心太軟流出嘅中間嘅餡好稀，只可以話係汁唔係做到心太軟應該嘅醬狀慢慢流出嚟嘅效果。阿華田味道一般，開心果比較好，好夠開心果味。伴碟嘅乳酪雪糕反而比心太軟好食，沾上燕麥中和咗乳酪嘅酸幾好食好夾。不過，服務態度認真麻麻，落單後過咗15分鐘追單同佢講咗趕時間睇戲，個姐姐仔只係隨口話要8至10分鐘，之後佢自己睇返張單已經過咗15分鐘，隨口就話“就出、就出“，最後等咗25分鐘先上哂兩個心太軟，仲要坐低成20分鐘後先同我哋講要每人要點一樣嘢，加單無問題，但係已經咁趕時間佢自己又整得慢，點解唔落單嘅時候講清楚，問題係喺佢自己身上，但仍堅持迫要客人咁趕時間仲要咁遲先叫你加單，明明未整好仲話“就出、就出“喺度拖延時間，最後三個人用5分鐘食完兩個心太軟同一杯雪糕，食到一肚氣，好差！唔會再去！

身為芫茜愛好者嘅我 見到有芫茜嘅甜品梗係即刻衝去試啦🤤先講乳酪雪糕 味道好fresh 完全可以解決心太軟好漏嘅感覺 中和一下🙃 而且個cone都幾脆口 增加唔少口感🍦到主角-芫茜心太軟實不相瞞 有少少失望嘅😗個味道冇想像中咁茜 可能我要求太高太愛芫茜 但同行嘅友人K就覺得個味都幾足🤔但始終都係少見嘅芫茜甜品 溝埋朱古力個味道好新鮮 鍾唔鍾意就見仁見智🤭本身心太軟都啱啱好 冇overcooked/undercooked切開真係流心架😍但食耐咗會有啲漏 所以唔大食嘅話就兩個人share啱啱好🥳價錢都合理 值得一試！

今次推介間良心小店俾大家「想甜⦁嚐甜」。之前都幫襯過佢地買同四喜麵包西餅聯乘既月餅，味道好特別，仲送左個小袋仔，方便放落手袋做分格。講番野食先⋯ ⦁焦糖香蕉爆谷窩夫 配 原味乳酪雪糕 $74滿滿焦糖包裹住條香蕉，外脆內軟。再配上濃郁蛋香味既waffle，以及香口既爆谷，多重口感既堆疊，令成件事好完滿。不過重點之中既重點就系果乳酪雪糕，每啖都好fresh，令到果甜品冇咁膩。 ⦁芝士蛋糕 配 原味乳酪雪糕果芝士蛋糕好綿滑，有種入口即融既感覺。 ⦁炭培烏龍珍珠奶茶 $26茶香味濃，並且散發出微微炭燒既味道。 ⦁海鹽奶蓋炭培烏龍珍珠 $34果奶蓋好綿滑，仲要唔太咸，配埋濃濃既茶香，口感豐富。

呢間甜品舖本店係係堅尼地城，主打心太軟，連餐廳logo都係一個心太軟嘅圖形。今次去咗大角咀嘉善街分店，坐位大概目測20-25個左右，二人枱比較細。佢menu上面嘅成品圖全部都好靚好吸引，好多樣嘢都想叫。今次先試咗2個特式甜品:1.奶醬心太軟🥜🍼🍦$58賣相相當不錯，係心太軟上面仲望置一舊牛油，再鋪上鍊奶同花年碎圍邊，旁邊緊貼住乳酪雪糕。本來諗住將牛油搽勻係個心太軟度，但最後都係即刻切開個心太軟望望係咩料先。由頂一切開，首先舊牛油跌咗落去個心入面，再順住中間熱辣辣嘅流心流返出嚟，成個畫面好豐富。個心太軟表皮香甜軟糯，連埋個醬同啲花生碎食，口感好有層次。你會試到個皮嘅綿香，個醬嘅順滑，同加埋花生嘅脆，係不得了！係舊牛油如果再大舊啲，一定更香濃。之後再食乳酪雪糕，個乳酪雪糕係雪皅質感，入口清爽，清咗剛剛食完心太軟嘅濃膩。整體成件事好夾。2.椰汁紅豆丸子$ 50🫘☕️🥥食完咁膩嘅心太軟，食返個正常糖水。呢個糖水入面嘅配料都幾多，有紅豆，白玉丸子，咖啡果凍，椰果，再用椰汁西米做底。面上鋪有花生碎同牛油脆餅。食落其喺唔係太特別，係咖啡果凍夾椰汁西米比較得意，好有q彈口感，同時又食到椰汁同咖啡味。個椰

幾年前係黃大仙食過一次，個陣未有疫情，好興夜媽媽約friends食甜品🙈不過睇返原來黃大仙分店已經執左了。呢日食完飯經過大角嘴分店，再重拾返之前嘅回憶haha🍮-紫薯心太軟配乳酪雪糕 $64個紫薯心太軟真係好痴線！吉開中間嘅紫薯汁流曬出黎，食落好重紫薯香味，而且熱辣辣，唔會好甜應該減左糖😍佢地最signature嘅倒轉乳酪雪糕，同樣都係好好味，酸酸甜甜一d都唔heavy🍦-焦糖火焰忌廉泡芙雪山 勁大座雪山用來呃like就一流😆外面係綿密嘅cream，裡面用焦糖爆谷、泡芙同乳酪雪糕堆砌而成，泡芙我覺得麻麻地，其他都好好味，半融嘅雪糕真係超級正！不過整體偏甜。-

朱古力味嘅心太軟食得多都會厭🍫呢一間嘅心太軟有紫薯味 真係夠晒特別💜切開啲紫薯汁流晒出嚟 食落真係好濃香 唔係死甜味！而且佢係配乳酪雪糕 唔係普通雪糕 食落酸酸甜甜好開胃 又健康啲🍦