想甜嚐甜

營業中

休息中

個店員全程黑面，坐低先講五分鐘規矩，我以為我今日過黎見工？我媽好似都未試過咁對我45分鐘每一分鐘望你一次，我見到佢黑面黑到以為間鋪無燈。我呢45分鐘彷彿坐監，好似食多一啖就會被人毆打。全場其實咁多吉位，可能我坐個位斷佢財路？一句講嗮芒果同荔枝都難食，價錢喺大角咀可以食兩餐兩餸飯，可能仲包嘢飲添。可能想快執，但租金比嗮到夏天？唔得唔開工？我俾錢果一刻佢，我感覺到解脫，人生最難熬呢四十五分鐘，終於結束。

好嘢寫係頭，食材配搭係有佢嘅特別之處，叫左個香蕉船，雪糕味道係獨特，口味比較輕盈，配搭焦糖香蕉唔會太漏，適合女仔。但加左服務態度同做生意手法成件事係負數，唔值得為左野食幫襯🫠1 - 有人均最低消費，但坐低左先講你知。係咪因為係門口講知道會趕客呢。唔緊要嘅，雖然當日食完lunch，兩個女仔都飽到塞唔入一人一個甜品，但人均又唔係貴，咪同侍應講叫一個先，另一個一陣先落外賣。跟住5分鐘唔埋，個侍應驚死你唔落咁又黎催一次，再同佢講咁我依家睇下叫咩，再隔左3分鐘，佢又黎催單。ok，我都入左你間食店啦，我驚你多過你驚我走數喇。2 - 一入去就會發現間舖寫住好多條款，好bad vibe。除左低消，仲周圍貼住規定淨係可以食45分鐘（定一個鐘？），同埋食物到先可以除口罩。其實好多甜品店都有低消有限時，防疫規定亦都全港都有，但係得你présent 到感覺咁差，你嘅小家服務，客人係會感受得到！🥱總結成個服務衰過澳牛🐄，真係bad vibe only .

在大角咀吃完泰國菜，想吃晚後甜品，就去了泰國菜後方的「想甜嚐甜」！📍位置：近奧運站C1出口，大約走十分鐘。🏠環境：落地玻璃門窗，雖然面積不大，但座位疏落有致，有大木枱、吧枱和展示爆穀🍿的收銀櫃，廚房在後方。整體以水泥工業風格為主，簡潔大方！🤵🏻服務：雖然不收加一，但規定每人需點一個甜品，對於這點不太滿意，因為如果兩個人想分享一個約一百元的甜品就不可能了，寧願設計限額，而不是數量。🍰甜品：本來想吃最新款的挪威的雪山，但怕一個人吃不完就放棄了。🥧開心果心太軟配乳酪雪糕🍦 $68必吃推介👍，因為平凡的外表下，內在是澎湃流心的開心果醬，味道非常濃郁😍，暫時是我吃過最棒的心太軟😙，真正做到開心果味！🤩最驚喜是伴碟的乳酪雪糕🍦很出名，打卡了一會兒都不見有溶化跡象☺️，而且口感是厚滑，有淡淡乳酪味，配火熱的心太軟，有冰火交融的口感🥰，無敵🥳！🍰巴斯克芝士蛋糕斑蘭麻糬 $62這個就較失色了😗，因為芝士蛋糕不軟熟😕，幸好有中間的麻糬增添軟韌的口感😉，斑蘭味淡淡的，蛋糕面灑有椰絲，亦配了乳酪雪糕🍦，正常水準！😆

呢間甜品店有好多唔同款式既甜品 心太軟 芋圓 雪糕 窩夫🧇 etc 每樣甜品都好出色😋 每次係大角咀附近食完飯 都會想過黎食埋甜品先肯走😝黑芋 💰42入面有芋圓 地瓜圓 紫薯圓 小九子 珍珠 西米 黑糖條 仙草鍾意食芋圓仙草既朋友呢個一定岩晒你☺️ 湯底係淡淡黑糖味品會太甜 每樣材料份量都唔少 每啖有唔同口感好滿足🤤 驚唔夠甜既話可以落小小花奶 配合到唔同人既口味👍🏻芒芋 💰45入面有既材料同黑芋差唔多 但湯底就係芒果汁 酸酸甜甜咁更加開胃😙 芒果味好出 似係用新鮮芒果🥭打出黎～呢間甜品店已經encore過幾次 食物質素唔錯 但服務真係較差 感覺唔休做咁… 希望會改善下啦🥹

喺大角咀想食甜品，一早就bookmark定呢間，今次食咗：▪️桂花蜂蜜紫薯窩夫 $80-窩夫一共有5款，每款窩夫都跟一枝倒轉放嘅乳酪雪糕，附一小樽桂花蜜糖。-焗窩夫期間成間舖都充斥住窩夫嘅味道。一嚟到先試乳酪雪糕，底部有啲穀物脆脆增加口感。唔知雪糕筒入面有無料呢？筒入面係空心嘅，所以係先唧雪糕再放個筒喺面。-新鮮即整嘅窩夫係最好味🤤窩夫表面有鹹鹹哋嘅忌廉（奶蓋？）、紫薯粒、桂花。一切窩夫就知佢有幾香脆，啲碎碎彈晒出嚟😂桂花蜜糖應該唔會用得晒，除非真係食得好甜🫣要㗳真啲先有桂花味。紫薯粒份量都足夠食晒兩塊窩夫🧇

✍︎︎身為開心果粉絲，一定要嚟試吓呢個甜品食朱古力味/抹茶味心太軟就食得多呢間嘅口味好多元化：奶醬多、阿華田、玄米茶等，每隻味都想試♡´･ᴗ･`♡🍨開心果心太軟 $62心太軟固之然係重點，但上面嘅奶蓋同果碎點啜不少，伴碟亦係開心果醬講返個重點心太軟！一切開開心果醬擁晒出嚟，超級流心味道濃郁唔會過甜，蛋糕香軟而不過濕，面層仲焗到微脆感配搭乳酪雪糕，雪糕下面仲有脆脆粒唔單止冷熱交融仲令罪惡感下降食完都唔覺得膩仲會好開心好滿足( ´▽｀)❥呢個心太軟雖然價錢睇落好似好進取，但完全值回價格誠意用心之作，並且絕對滿足到開心果控(◕ᴗ◕✿)❥每人最低消費一個甜品••••••••••••••••••••••••••••••🔎想甜嚐甜 大角咀嘉善街18號利奧坊二期地下G703號舖🔎西環堅尼地城士美菲路15號地下••••••••••••••••••••••••••••••

今日晚飯後，就去呢間甜品店。一去到，我哋見門口冇人排隊，就直接行入去，我話兩位，等咗一陣，但個店小姐就當我哋透明，好冇禮貌地推開度門叫我哋出返去排隊。。。我吓咗一聲，冇人我點知要門口排隊。。。轉頭又入返嚟，叫埋甜品，老老實實，賣相係靚嘅，呃like一流，但味道就好一般，冇乜特別。。。到埋單，行去cashier等收錢，又係等咗勁耐，我明白得你一位小姐做樓耐面，等你冇問題，但俾啲禮貌好冇！？一句唔好意思，麻煩等一陣嘅說話都冇。。。到戲肉，我問收唔收八達通，佢好大聲指住個圖話唔收。。。佢個圖寫住，我哋唔x收八達通。然後收完錢一句多謝都冇。其實食嘢有時都好睇店員啲態度，食到一肚氣，你有幾好食幾靚都冇用！相反有好多甜品小店，真係用心去做，食都食得開心啲。。。呢間嘢，一次就夠，不了！

同朋友喺大角咀食完飯想再黎多個甜品，上openrice搵就搵到呢間想甜嚐甜😋佢好似咩類型既甜品都有啲，朋友就嗌左個芒芋而我就嗌左個黑糯米芒底🥭🥭佢既芒果係有少少溶溶爛爛咁，食落口都感覺到唔係好新鮮，有種發酵既氣泡感😵‍💫😵‍💫其他野都正正常常😶😶但特別想提出既係佢既份量真係好細🤏🏼我估唔到我俾左$44食個甜品可以咁細兜🥲🥲另外我地仲加左$10加個乳酪雪糕🍦佢既乳酪雪糕同坊間既味道係有啲唔同，佢呢隻係再酸多少少乳酪味再重少少😯因為我冇太鍾意乳酪所以第一啖食時有少少衝擊🫣但食多幾啖又真係幾好食👍🏼👍🏼👍🏼不過都係嗰句，份量真係有啲少🫣🫣🫣🤏🏼朋友就唔多鍾意個芒芋，佢話啲芋圓好似未煮熟咁，咁我都試左幾粒，中間的確有麵團未煮熟既感覺，同埋味道方面都唔多出色，芒果同我果兜一樣都係怪怪地😵‍💫😵‍💫😵‍💫其他野都尚算正常但未到好🥹🥹我諗下次黎大角咀應該都唔會黎食佢😶😶

🧀挪威國民美食 | 𝘛𝘐𝘕𝘌 𝘉𝘳𝘶𝘯𝘰𝘴𝘵焦糖芝士😍挪威的雪山甜品 挪威家傳戶曉嘅品牌TINE® Brunost™終於嚟到香港啦!!最近係韓國超級hit嘅焦糖芝士，依加係香港都品嚐到佢嘅甜品😋 挪威焦糖芝士同一般芝士造法好大分別😳用乳清、cream同原乳加熱到糖份焦糖化，顏色係焦糖橙啡色🧡🤎食落有焦糖香甜味，比一般芝士更濃郁奶香味🥛入口微微融化後會變杰身，鹹香味道停留係口，市面上未食過一種芝士做到呢個口感!!🤤✧ 挪威的雪山 Norwegian Alaska $90呢款甜品好大堆頭🏔️落咗超多焦糖芝士，係火槍燒過嘅蛋白霜裡面有泡芙同frozen yogurt，撈埋焦糖醬同爆谷🍿一齊食，唔會太甜太漏，又有焦糖芝士鹹香味，兩個人share啱啱好，一人自肥亦得!🧀TINE® Brunost™ @tine_brunost_asia📍想甜嚐甜 Sweet Dreamer Dessert大角咀嘉善街18號利奧坊二期地下G703號舖@sweetddhk

想甜嘗甜應該算係大角咀嘅人氣甜品鋪(?)，喺一個老化嘅小區，呢間西式甜品鋪幾特別。叫咗兩個甜品，一個係開心果心太軟配乳酪雪糕($65)，另外一個係伯爵茶巴斯克芝士蛋糕($60)。芝士蛋糕芝士味濃厚，伯爵茶嘅味中和咗，無咁膩，蛋糕texture厚實。乳酪雪糕酸酸地配上芝士蛋糕啱曬，可以解膩。開心果心太軟好正好特別，因為開心果味好少見。開心果味好濃好出，一啲都唔假，又唔會太甜，流心效果唔錯。兩款甜品都好唔錯都推薦，可以一試，如果價錢稍為降低更好🤪。

呢間算係大角嘴附近 不錯嘅甜品店😋佢自家乳酪雪糕同好多餐廳做過Crossover之前就出過雪糕拉麵 創意爆棚布朗尼可可香蕉木船 $56上枱賣相勁吸引 兩大球雪糕配上烤焦糖香蕉仲有粒粒brownie仔 見到都覺得好興奮原味乳酪 酸酸甜甜 好快樂好滿足另外呢個芒芋 $45份量比較少 味道一般般啦～建議食芋圓都係返返去鮮芋仙！想甜嚐甜 Sweet Dreamer Dessert地址：大角咀嘉善街18號利奧坊二期地下G703號舖

想甜嘗甜應該算係大角咀嘅人氣甜品鋪(?)，喺一個老化嘅小區，呢間西式甜品鋪幾特別。叫咗兩個甜品，一個係開心果心太軟配乳酪雪糕($65)，另外一個係伯爵茶巴斯克芝士蛋糕($60)。芝士蛋糕芝士味濃厚，伯爵茶嘅味中和咗，無咁膩，蛋糕texture厚實。乳酪雪糕酸酸地配上芝士蛋糕啱曬，可以解膩。開心果心太軟好正好特別，因為開心果味好少見。開心果味好濃好出，一啲都唔假，又唔會太甜，流心效果唔錯。兩款甜品都好唔錯都推薦，可以一試，如果價錢稍為降低更好🤪。

甜品味道其實好普通，冇咩特別，係賣相幾好，啱打卡。但係！職員服務態度好差！好串！想睇下餐牌有咩食都叫我地出去睇，唔好阻住個門口出入。入座俾左張我懷疑係全場最細張檯我地坐，窄到冇朋友，完全唔合理。職員話最低消費係每人一份甜品，但係周圍都唔見有白紙黑字寫出黎今次食左芝麻糊同紫薯乳酪雪糕（好似係）。芝麻糊好稀⋯唔好食⋯ 紫薯乳酪雪糕好酸。唔難食，但都唔係好食總結就係：食物又唔係話好好食，仲要坐得咁唔舒服，好似俾錢貼難受咁絕對冇下次！

本身個地址已經好難搵，入到去嗰位粉紅色衫呀姐得我哋一台客都好似唔優做咁，一除低口罩已經鬧人！成班侍應連埋個阿姐一齊傾偈仲嘈過我哋一台客，係咁講去旅行，咁鍾意防疫咪淨係做外賣囉，同埋唔使鬧人嘅，講嘢又冇尾音，就算係同路人都唔會盲撐，正如其他食評話齋，服務態度非常之差，唔會再特登去食，又唔係特別平，仲要受你氣。見佢對後來入嚟嘅客人，態度都係咁差，祝佢早日關門大吉！成班一齊去旅行，慢慢傾傾飽佢。

服務態度超差，之前冇講明叫一份甜品，我哋六個人去，其中有一位朋友肚痛去咗廁所，返嚟嘅時候都冇食到甜品，買單的時候店員話你哋要每人我一個甜品，枱面有寫，我話我哋冇睇到，店員亦都冇提我地，朋友肚痾根本都食唔到，你態度10分差，話叫我哋叫一個外賣，我哋話根本都食唔到。但係喺期間佢又冇提我地個朋友去落單⋯⋯服務態度超級差佢叫他店員來對質，店員話有枱我哋，我哋喎我哋冇人聽到、我哋話咁如果我哋有朋友暈低咗你唔通都叫我哋叫多一個甜品…