影片
更多
2022-06-03
115 瀏覽
呢間甜品舖本店係係堅尼地城，主打心太軟，連餐廳logo都係一個心太軟嘅圖形。今次去咗大角咀嘉善街分店，坐位大概目測20-25個左右，二人枱比較細。佢menu上面嘅成品圖全部都好靚好吸引，好多樣嘢都想叫。今次先試咗2個特式甜品:1.奶醬心太軟🥜🍼🍦$58賣相相當不錯，係心太軟上面仲望置一舊牛油，再鋪上鍊奶同花年碎圍邊，旁邊緊貼住乳酪雪糕。本來諗住將牛油搽勻係個心太軟度，但最後都係即刻切開個心太軟望望係咩料先。由頂一切開，首先舊牛油跌咗落去個心入面，再順住中間熱辣辣嘅流心流返出嚟，成個畫面好豐富。個心太軟表皮香甜軟糯，連埋個醬同啲花生碎食，口感好有層次。你會試到個皮嘅綿香，個醬嘅順滑，同加埋花生嘅脆，係不得了！係舊牛油如果再大舊啲，一定更香濃。之後再食乳酪雪糕，個乳酪雪糕係雪皅質感，入口清爽，清咗剛剛食完心太軟嘅濃膩。整體成件事好夾。2.椰汁紅豆丸子$ 50🫘☕️🥥食完咁膩嘅心太軟，食返個正常糖水。呢個糖水入面嘅配料都幾多，有紅豆，白玉丸子，咖啡果凍，椰果，再用椰汁西米做底。面上鋪有花生碎同牛油脆餅。食落其喺唔係太特別，係咖啡果凍夾椰汁西米比較得意，好有q彈口感，同時又食到椰汁同咖啡味。個椰
1.奶醬心太軟🥜🍼🍦$58
賣相相當不錯，係心太軟上面仲望置一舊牛油，再鋪上鍊奶同花年碎圍邊，旁邊緊貼住乳酪雪糕。本來諗住將牛油搽勻係個心太軟度，但最後都係即刻切開個心太軟望望係咩料先。
由頂一切開，首先舊牛油跌咗落去個心入面，再順住中間熱辣辣嘅流心流返出嚟，成個畫面好豐富。個心太軟表皮香甜軟糯，連埋個醬同啲花生碎食，口感好有層次。你會試到個皮嘅綿香，個醬嘅順滑，同加埋花生嘅脆，係不得了！係舊牛油如果再大舊啲，一定更香濃。之後再食乳酪雪糕，個乳酪雪糕係雪皅質感，入口清爽，清咗剛剛食完心太軟嘅濃膩。整體成件事好夾。
2 瀏覽
0 讚好
0 留言
2.椰汁紅豆丸子$ 50🫘☕️🥥
食完咁膩嘅心太軟，食返個正常糖水。呢個糖水入面嘅配料都幾多，有紅豆，白玉丸子，咖啡果凍，椰果，再用椰汁西米做底。面上鋪有花生碎同牛油脆餅。
食落其喺唔係太特別，係咖啡果凍夾椰汁西米比較得意，好有q彈口感，同時又食到椰汁同咖啡味。個椰汁底唔太甜，但亦唔夠香。如果之前晚飯食到好飽但又唔想食咁膩嘅糖水，呢個就適合你。
張貼
