悠蔬食 (渣甸中心) (已結業)

朋友話呢間素菜好食，晚飯又上去試試裝修清新簡單，以紫白為主，帶點小清新既感覺平日晚上七點上到去，估唔到咁多人。到八點，已經full晒叫左個dinner set，有前菜，湯，主食，甜品，餐飲，每個餐$228-$238。晚餐每人最低消費$200。以素菜黎講，價錢唔算平，但試過之後，會覺得值呢個價錢。先黎湯，叫左中湯，係"蟲茸竹苼黄耳百合燉湯"，好甜肯定百分百無味精，好飲過阿媽煲既湯。足料，湯渣都食埋。前菜都唔hea，三款用料都十分新鮮，好食手卷二選一，我揀左"香芒牛油果苜蓿芽手卷"，芒果好甜，一啲酸味都無，苜蓿芽好爽脆主食叫左"牛油果鮮豆包雙薯藜麥焗千層麵"，勁好食，配搭起上黎真係好夾，上枱係熱辣辣既。甜品二選一，揀左"黑加倫子乳酪蛋糕"，細細粒，好滑素食店，以為咖啡會好普通。但杯cappucino 十分好飲，有咖啡店水準成個set既食物都好滿意，就算素食都食得好滿足，難怪平日都咁旺場下次黎，要試下佢既lunch set，千層蛋糕，點心都好似好好食

good try. if you want to have vegetarian food, its a good choice.food are good but a bit expensive, and the portions are small. need $200 per headcount。(min. charge). If there is.no min. charge, I will consider to visit again.

早前到訪過裝修風格走少女風的雅.悠蔬食，覺得創意味道兼備，今天再訪總店悠蔬食，當然抱著很大的期望！小店平日夜晚坐無虛席，想不到那麼多人也被他們的低油低調味的健康配搭吸引到！三前菜是四喜烤夫，麻醬蒟蒻菜絲沙律跟香芋鮮果伴果仁香芋醬非常搶眼，伴著真.非罐頭生果粒吃起來甜而爽口；蒟蒻菜絲沙律比較淡口，麻醬比較少，四喜烤夫反而調味過度，略略過咸香芒牛油果苜蓿芽手卷，牛油果跟香芒份量不俗，至底部仍有，而且味道清新亦無渣。取代白飯的苜蓿芽青味較重，所以餐廳巧妙利用2塊新鮮的脆紫菜辟味，感覺很新穎。牛肝菌忌廉湯非常濃郁，但又不會過咸，入口菇香四散，很是出色！主菜點了一個牛油果鮮豆包雙薯藜麥焗千層麵，採用薯仔跟蕃薯的健康咸甜配搭，加上超級食物藜麥跟牛油果及芝士等配料，即使件頭不大仍非常飽肚，沒有過度油膩感，是我吃過最不邪惡但又好吃的Lasagna。風乾秋葵烤茄子意粉用料都不錯，意粉夠al dente，但醬汁略甜，似是有點遷就港人口味多於本來就這個調味，因為尖沙咀店的蕃茄湯也是十分忠於原味，如果可以的話，希望可以用更少的調味會更出色。最後的甜品黑加侖子乳酪蛋糕十分好吃！超濃郁的乳酪在濃酸中加入少許黑加侖

素食，算係呢幾年漸漸得到大家認同同關注所以今日試下吃素先 ， 於是去左銅鑼灣渣甸中心25樓既悠蔬食門面都幾靚仔，俾到我舒服既感覺坐低後，睇下有咩食先午市套戲主要係前菜，一款湯，主菜同飲品前菜係滷水拼盤滷水味好夠，所以羅白好入味，為之後既送菜打好根底之後我地嗌左粟米野菜忌廉湯 ，一飲就知真材實料，絕非罐頭湯之流同行友人嗌左呢個，佢話呢個點心拼盤好好食，特別係燒賣我自己就嗌左蘆筍青醬忌廉磨姑意粉 好fresh 好好味 不會太creamy 令你感到太飽 係味道方面取到平衡大家如果行開銅鑼灣想食素食 不妨一試呀！

時不時都會想食餐素食，但好多素食店的食物都比較偏油，咁岩俾我搵到呢間一d 都唔油的，必推！青紅蘿蔔腰果什豆湯，清清的，沒有味精！秒制滷水拼盤，一道好有心思的小食，用面粉制成豬大腸、牛腩！露荀蘑菇青醬扁意粉，蘑菇份量十分多，煮得十分入味，青醬好香，加了忌廉汁，帶點兒甜甜的味道，十分香！扁意粉質地軟硬適中，是帶菜味的意粉，香香滑滑！蕃茄芝士吉列猴菇飯，蕃茄味十分濃，帶點兒酸！淡淡的芝士配飯十分好味，第一次食吉列猴菇，比較軔，但我知道猴菇是十分難處理及健康十足！新嘗試！紅豆抺茶千層蛋糕，十分出色，層層均勻，十分香濃的抺茶味配上甜甜的紅豆！

一直都知道素食多好處，但對素嘅印象就係啲橙橙地色嘅素叉燒之類😂今次朋友帶我黎食晚飯，第一次食素食餐廳，已經令我對素食大改觀😆原來素都可以咁好食！！係店外面等左一陣就有位了，店面幾靚，似茶樓feel~素食都有好多選擇，而且感覺都好健康。我地叫左幾個set 加啲小食。前菜分別係麻醬蒟蒻沙律、四喜烤夫同香芋鮮果伴果仁。烤夫嘅口感夠鬆軟，湯汁唔會過咸或太油膩。香芋鮮果伴果仁食落口感清新，好開胃！鹽酥靈芝菇外皮爽脆，入面係有汁好新鮮嘅菇菌，配搭起黎唔會太乾。雖然鹽酥煮，但唔會調味得太咸，食落味道岩岩好😎香芒牛油果首蓿芽手卷首蓿芽熱量低高纖維，取代米飯製成壽司，食落好爽脆，加埋沙律汁同香芒就唔會好寡，又有營養。竹炭薄餅食落同普通平時食有肉嘅pizza真係冇咩分別，三色椒味道夠香，芝士均勻咁淋係表面，食落惹味又可口。薯蓉釀大啡菇真係好鍾意食大啡菇，呢個都係水準之上😆菇同薯蓉嘅味道好夾，反而醬汁冇點試清楚個味，反正就咁食已經好好味，冇特登去點個醬都好夠味，我地叫左兩款野飲，分別係紅石榴蘋果汁同五青汁。五青汁甜甜地，青瓜味道好出好重，我自己就覺得紅石榴蘋果汁較好飲同開胃～蘋果汁真係好似鮮榨咁，蘋果味重，

女友鐘意間中食下素食，上Openrice搵左呢間叫悠蔬食既，似係新派素食，中西都有咁餐廳系渣甸中心25樓，都算易搵分3個時段，午餐，下午茶，晚餐，見下午茶都幾抵食，下次再食午餐包前菜，主食，飲品，另外可以加錢要埋甜品仲有散叫點心，樣樣都好似幾好味，松露蘑菇包好似幾好咁，點知太好賣賣晒，下次一定要食到前菜係滷水小食，都幾好食，唔太咸我就叫左個粟米野菜忌廉濃湯，超有水準勁好味主食係蘆筍蘑菇青醬忌廉扁意粉，勁有高級意大利餐廳水準，勁Creamy勁開胃好食

上次帶太太食素菜，佢食得津津有味，又讚好食，所以決定再帶太太去多次。今次同佢去左銅鑼灣間悠蔬食門口都裝修得幾靚我地叫兩個Dinner Set香芋鮮果伴果仁、日式麻醬蒟蒻菜絲沙律和四喜烤夫每一款都好味松茸竹笙黃耳百合燉湯d燉湯好夠熱好足料好夠味，太太好鍾意，話好飲所以話其實素湯都可以好好味牛肝菌椰菜忌廉濃湯個湯好濃郁，夠creamy蘆筍素香鬆苜蓿芽手卷 & 芒果牛油果苜蓿芽手卷侍應仲會好好咁提你快d食，免得啲紫菜變淋太太超級鍾意食呢個，好新鮮好好味南瓜栗子野菜松子意大利飯 伴 香酥蒟蒻意大利飯好煙韌，好有口感，好味牛油果鮮豆包雙薯藜麥焗千層麵應該係即叫即焗，非常熱，好味侍應又係會好細心咁提我地隻碟好熱，唔好燙親千層棗皇糕 & 黑加倫子乳酪蛋糕太太唔係咁鍾意食甜品，我可以獨食最後太太都係encore多一個芒果牛油果苜蓿芽手卷今次太太都係食得好滿足

Happy family day 所以就帶媽咪同妹妹嚟食新派素菜👅👅 我地2半先去到仲有lunch & tea set👀👀 先嗌左lunch set 點心拼盤+番茄麵($108) 😀番茄麵都幾濃茄味，而淮山麵好滑身，配上菇菌一齊食好fresh🤗點心拼盤幾特別，春卷夠脆身，燒賣口感幾似真燒賣😮 另一個lunch set 嗌左burger($98)🍔🍔 素buger真係第一次食，原來炸左嘅素肉都幾唔錯，似硬身炸豆腐🌝 而跟餐薯角亦夠香口若味🤤 Lunch set 餐湯要左一中一西😶中湯夠清甜西湯粟米多，幾creamy❤️ 前菜小小咸🍡 Tea set嗌左擔擔麵($58)🍜🍜有麻香，小小辣最後加左20蚊要抹茶紅豆千層蛋糕，好驚喜！食落有回甘，必食🎂

身邊有不少素食者，所以早就聽聞這間餐廳提供新派FUSION素食，味道一流＋很有GIMMICK，今天終於約到一班同事一起GREEN 一GREEN～我們點了2個DINNER SET ，再散叫了一些小吃和主菜。首先來到的是每個SET都包含的3款前菜，左起 四喜烤麩、香芋鮮果伴果仁、麻醬蒟蒻沙律我最喜歡中間那款，真的非常REFRESHING，鮮果和果仁搭配得宜，口感很清新SET可以選擇一款手卷，我們兩個SET分別選了蘆筍香鬆苜蓿芽手卷和香芒牛油果苜蓿芽手卷另外加了3個香芒牛油果的。沒想到香芒和牛油果這麼配，手卷裡面有一點醬汁，令苜蓿芽沒有那麼乾，服務員也很貼心提醒手卷上桌後要趁紫菜還脆時儘快吃湯品選了中西湯各一，牛肝菌忌廉湯非常香滑、菌味香濃，不會漏喉中湯是松茸竹笙黃耳百合燉湯，十分足料，感覺比一些專賣湯品的餐廳還要好味！主食方面，選了青咖哩野菜猴頭菇配印度薄餅及珍珠糙米飯喜歡咖喱的質感不會很濃稠，也不會太辣，跟香酥的薄餅一起吃真的是絕配另一個SET 的主菜選了黑松露野菜螺絲粉，表面鋪滿了芝士，黑松露也很多，醬汁較為稀，所以不會很HEAVY我們散叫了一個日式竹炭PIZZA，批底超級香脆，餡料豐

傳統食素只會想起將色素和化學劑混合，變成仿肉，一d都唔健康。但悠蔬食的食物水準高，對少食素的朋友，真心推介！餐廳好用心推廣新派素菜，用好多不同種類的新鮮蔬菜，中西合壁，任君選擇!! 點了兩個 ， 一中一西。分別點了西湯和中湯，粟米野菜忌廉濃湯/ 青紅蘿蔔粟米湯西湯，又香又濃，有粒粒粟米，口感厚實！中湯十分鮮甜，十分足料，即使冇肉都好夠味，有家的感覺。鮮茄芝士焗吉列猴菇飯勁多芝士鋪面，仲要拉晒絲！焗得好香！雖然是吉列猴頭菇，卻一點也不油膩，猴頭菇表面炸很乾身，不帶半點油。鮮茄醬酸酸甜甜，加上有不同種類的蔬菜一齊烤焗，口感清爽，吃起來沒有任何負擔。點心拼盤拼蕃茄麵叉燒包 ----- 師傅好勁，幾可亂真，食落簡直一模一樣!春卷 ----- 炸得很脆，但一點也不油膩， 餡料豐富，值得一讚。香菇燒賣 ----- 吃下去跟外邊的豬肉燒賣 。。。味道上沒有分別，好結實，有口感。 蕃茄麵 餐廳用粗麵(麵身混合左蔬菜汁) ，吃起來很健康 。麵條淥得啱啱好，口感煙韌彈牙， 配上微酸的蕃茄湯，愈食愈開胃 。配菜有西蘭花、椰菜花、 冬菇片， 好健康。午餐可加配甜品千層綠茶班戟和鮮磨腰果露。 我在餐廳裡看到，差

原本打算散點，但店員說dinner set更抵，所以選擇了青咖喱野菜𤠣頭菇套餐（$238）。三款前菜（左起）分別是四喜烤夫、日式麻醬蒟蒻菜絲沙律和香芋鮮果伴果仁。我最喜愛四喜烤夫，麵筋質地有彈性。每一份套餐有一件香芒牛油果苜蓿芽手卷，圖中是兩份套餐份量。紫菜非常脆，我拿著手卷時也小心翼翼，生怕紫菜會被我掐成紫菜碎。苜蓿芽多得像要溢出手卷外，乾身爽口，配上香芒和牛油果，整體感覺清新。真材實料的松茸竹笙黃耳百合燉湯，濃郁帶菇香。青咖哩野菜𤠣頭菇配印度薄餅及珍珠糙米飯青咖哩汁偏甜，不太能吃辣的朋友也能吃。猴頭菇口感有點像咕嚕肉，薄餅煙韌，與青咖哩汁同吃更是美味。

平時好少食素，但間唔中食下都幾滋味！之前食過尖沙咀分店的雅悠蔬食，今次係銅鑼灣附近搵食，就心血來潮黎食多次啦！星期日一樣有lunch set跟餐的小食係滷水拼盤，比想像中好食呢！餐湯我就揀左西湯，今日係粟米野菜忌廉濃湯，又香又濃，好味！主菜揀左露荀磨菇忌廉意粉，材料好豐富，個醬都好香，不過淡左少少。另一主菜就叫左鮮茄芝士焗吉列猴菇飯。嘩！真係勁多芝士，仲要係拉絲果隻！焗得好香呢！最後加多左個甜品係鮮磨腰果露，其實食落好似合桃露咁，甜甜地，唔錯！

已經第二次嚟呢度，自從上次友人帶我嚟呢度食過，一直念念不忘，呢度嘅環境，及清新嘅素菜～工作日嘅lunch，有如此悠閒嘅環境，心情即刻放鬆一下～新派黎麥蘋果沙律做頭盤，清新～ 蘋果南瓜甘筍濃湯，濃濃嘅南瓜甘筍蓉加上蘋果粒粒，細滑鮮甜～冬天良品，檸檬蜂蜜，好潤喉～芋頭栗子豆腐煲配珍珠糙米飯，豆腐煲非常入味，俾我送哂成碗糙米飯～🍚黑松露薯蓉焗大啡菇，好香黑松露味，薯蓉大啡菇配上茄汁，仲想再encore～焦糖奶茶布丁🍮... 好濃郁嘅奶茶味，配上脆脆焦糖，好豐富嘅口感及味道～

每款都咁好味，超高水準，完全没有素食感觉，傳統素食好油膩，呢度反而好清，特別喜愛他的腐皮，上菜時以為係雞鎚，味道都似雞鎚，原來係腐皮，好好味。服務的兩位姐姐又細心，初一，十五，十九又可以多一个点食飯。正正正