悅

營業中

休息中

小編今日來到銅鑼灣一間中菜館「悅」🥢 以手工粵菜為根底，將不同時令食材及烹調手法融匯貫通，呈現傳統中菜講究色香味俱全的精髓😍 餐廳環境☺️「金湯浸千絲日本大根」功夫就在細節中，把日本蘿蔔切成幼絲並再捲起來，加入濃縮成精華的雞湯中燴煮至入味🐔雞湯經熬製成濃湯後，隔渣去油，只保留最鮮美的湯汁，呈現出金黃色的濃湯，更突出日本白蘿蔔的甜味，口感清新爽口，舖上金華火腿肉絲提鮮😍「潮式滷水凍鵝肝」厚身的鵝肝質地細嫩，入口即化，潮式鵝肝以溫水慢火灼至半熟，經醇香的滷水慢慢浸熟，透出淡淡的滷香，沒有渣而且不帶油膩感😊鵝肝在吸足滷汁而且還能吊起鵝肝的獨特食味，加點酸酸甜甜的薑絲更開胃🧡「蜜汁叉燒」叉燒口感鬆化肉嫩，蜜汁香甜惹味，外邊微微焦香👏🏼 燒出焦香、油光和肉汁纏繞的蜜汁叉燒，啖啖美味令人垂涎三尺☺️🍽 ：金湯浸千絲日本大根；潮式滷水凍鵝肝；蜜汁叉燒👅好味指數：7.75/10；8.0/10；7.75/10💰消費：HK$198；HK$198；Hk$288📍 地址：悅 (銅鑼灣)銅鑼灣勿地臣街1號時代廣場13樓1301號舖

一年前食過，非常滿意，今日再來，水準更勝之前，每一樣都好好食，味道有個性有特色，牛肉球有濃濃的陳皮香同牛味好夾，春風得意腸口感豐富，先係有米香的腸粉皮，之後有脆脆的薄春卷皮，然後係新鮮爽口嘅蝦肉，燒賣乃本人至愛，呢度嘅燒賣豬肉同蝦肉係黄金比例，用料食得出非常新鮮，椒鹽九肚魚只薄薄一層脆漿，香口但不油膩，魚香滿滿，連骨都吞下，最最最最大驚喜係.生.腸，細個果陣食過後，已經好少見，哇竟然响呢度重遇，仲要比兒時食過嘅更好味，爽脆冇渣，入味，配芥辣，一分鐘內清碟，淨係為呢樣已經要返來。價錢5算平，但真係好高汁。

曾於這間食店吃過點心 ，覺得品質不錯， 中午還會看見這裏像教堂的顏色玻璃窗， 大廳遠處還有幾間有風景的房間 。今天試一試他的晚飯小菜， 很喜歡他的高身茶杯， 鐵觀音茶也不俗。 點了三個小菜 ，價錢在二百至三百元之間，大約十五分鐘全部餸菜已到齊。 毛豆炒蝦仁， 蝦仁彈牙爽口有蝦味， 食的時候加入一些黑醋 更加美味， 白色那些我猜是茨實。 黑醋咕嚕肉，外皮脆，內裏有半肥瘦彈牙的豬肉，有無花果及黑蒜作伴碟，令到整碟餸增值了不少。 帶子炒鮮奶，本著嘗試心情點這個菜，果然沒有令人失望， 帶子有很濃的帶子味道😋，炒鮮奶入口有一股香味內裏還夾雜著一些蟹肉，真是令人驚喜😍。

時代廣場新店，拜會一下，原來L集團，想起該食店的空調，此間是否有改進？ 裝修走沉實典雅風，即無大水晶燈，無華麗煊煌氣派，也是另一種幽雅體會。特色茶具，吸引我，會加分。 黑魚子豚肉北菇燒賣$68，黑魚子就给我高檔及有期望，但好一般燒賣， 魚子無卜卜感且冇鮮味，肉又唔彈甜。 鮑汁煎米粉$188，貪佢最平及簡單，盛載鮑汁的器皿上枱有氣派黃底中式纏枝花纹， 鮑魚汁味一般，煎米粉都係一般，香口，無突出過粉之處 懷舊豆沙蘋葉棵$48，名字吸引以為有乜特別，其實係茶棵，我喜歡，但弊過一般糯米糍， 一pat嘢, 應該冇溝個其他粉，單一糯米粉，紅豆蓉就好好味嘅，蘋葉無香味，表面看跟蕉葉分別不大？ 用openrice訂枱，用openrice pay 有$40減。

Overall above average, big plus is easy to book and always have discount from openrice or Times Square!!Need to mention the Julienne Japanese radish w/ supreme broth (濃湯浸千絲日本大根), sooooo good! Def the best one I’ve ever had!! What did we order?*潮式滷水凍鵝肝Marinated Goose's Liver in "Chiu Chow" Stvle $188*金沙鴨紅 Deep-Fried Crispy Duck Blood/ Salted Egg Yoll $138原年鮑汁蝦籽柚皮Pomelo Pith/ Dried Shrimp Roe/ Abalone sauce $148*蜜汁叉燒 Barhecned Pork $268*脆皮蔥油雞(隻) Deep Fried Grispy Chicken w/ scallions $668*金梅陳醋咕嚕肉S

同老人家去食飯，佢鍾意食中餐 ，揀嚟揀去揀咗呢一間悦。上過openrice見過啲菜色都唔差，就去嘗試下。 估唔到喜出望外，材料平凡，但係煮法做法都幾特別 。 煮法同用料同其他地方食嘅有好唔同 ，老公最愛個 脆皮蔥油雞，個女就最鍾意金沙鴨紅， 我就最鍾意金梅陳醋咕嚕肉 ，老人家鍾意濃湯浸千絲日本大根， 各有各喜好，個砂鍋生拆蟹粉炒飯好香，但係冇乜蟹味。 總括嚟講啲嘢食都好好味 。睇得出佢好用心機煮。 但係晚市好多點心冇得提供，下次會再搵機會去試下

有時代coupon又試下新野，用openrice book位好方便個蔥油雞真係超好食，未食過咁好食的燒雞，皮脆肉質剛好又juicy, d汁都好食。咕嚕肉香脆味道幾特別京都腐皮浸時蔬都正，難得夏天都食到咁新鮮既腐皮全部都值回票價

一切由一壺靚茶開始，叫咗「天山雪菊」味道好特別，崑崙雪菊，清新花香，純花冇茶，飲落好舒服。叫咗四個點心：💫原隻鮑魚蛋煎糯米雞 $128一開四嘅糯米雞輕輕用蛋漿煎一煎，外脆內軟，如果師傅再煎長時間一點，效果應該更好。💫胡椒濃湯小籠包 $68一籠三件，肉質鮮甜胡椒味不會太濃烈。💫虎皮尖椒 $108每件都大大隻，最欣賞佢嘅醬汁，微辣。💫山竹牛肉球 $58每件都有少少嘅馬蹄粒💫鮮辣醬蒸水庫大魚頭 $298除咗大魚頭之外，仲會跟魚腩部位，魚身鋪滿辣椒、香蔥、豆豉。💫蛋白杏仁茶 $68用新鮮杏仁磨成，小許蛋白，小甜

我老公有一日睇YouTube見到介紹呢個蔥油淋雞就話佢生日飯要食呢個😂悅yue都算新新地, 喺食通天上邊咁就去試吓我哋叫咗：涼鵝肝，黃金鴨紅，叉燒，蓮藕餅，椒鹽九肚魚，柚皮，避風塘茄子，蟹肉粉絲，煎排骨，咕嚕肉，蔥油淋雞，豆腐花質素同味道都唔錯，都算係高質。隻雞真係好食嘅，個皮好脆，肉質都算嫩，不過又好似冇想像中咁好，可能太大期望，同埋攞出嚟嘅時候好似唔係好夠熱，好似攤凍咗少少。叉燒好好食，不過要$288一碟，我哋本身都想encore ，點知到九點佢話已經冇得再叫叉燒。其他嘢大致上樣樣都幾好，我自己鍾意鵝肝，蓮藕餅同埋避風塘茄子，茄子入邊好似有少少包住啲蝦滑，口感唔錯。咕嚕肉我就覺得太細粒..唔係我心目中鍾意嗰種。蟹肉粉絲更加係唔見蟹肉😂呢個可以唔使叫。豆腐花一定要叫，超級滑，好好食！見到佢哋都有合時小廚嘅招牌菜薑蔥蟹腸粉，同埋豬扒飯，不過我哋就冇叫到。總括嚟講，份量好細，價錢偏貴，不過服務同環境係唔錯。整體上都係一間好decent, 好味嘅中菜。Rating : 8/10 Around $600-700pp (冇飲酒）

Went to yue.hk for our 2nd cny lunch. Actually really liked the taro cake, I can't remember the full name of the dim sum but there's the word 'box' in it. It's a deep fried taro pastry with a slice of scallop on top, super fluffy taro so well done. Something else I noticed though was how gross the carpets were, hope someone will fix it because I couldn't bear to look at the floor without loosing my appetite.

時代廣場的中菜廳，裝潢典雅寬躺，主打潮式點心小菜，點心賣相精緻有心思。海中龍皇伴金魚餃 ($108)高貴的擺碟，金魚餃做得好精緻栩栩如生，下面湯汁好清好濃海鮮味，唔錯但略貴。推薦金沙鴨紅($138)好似脆炸豆腐但換上鴨紅，外脆內軟係好食既。胡椒濃湯小籠包 ($68)第一次見，小籠包做得唔錯皮薄但唔易穿，咬開爆湯汁，個湯其實冇胡椒味，但個豬肉餡就超重胡椒，一齊食就真係好似食緊胡椒肉湯咁。芙蓉帶子芋盒 ($68)外層勁鬆脆，裡面薄薄一層的芋泥包著鮮帶子，係升級版的芋角。豉油皇香煎日本淮山 ($118) 未試過香煎淮山，又幾好食喎，煎至金黃食落有啲似薯餅的感覺，略嫌味道偏淡，豉油皇可以再重手少少。其他點心小食類不過不失，沒有什麼驚喜。脆皮乳鴿 ($88) 亦令人失望，皮唔夠脆。潮式滷水鵝肝份量幾多，厚切入口溶化，但滷水味不強所以沒想像中咁好味，反而喜歡旁邊的酸薑伴碟解膩唔錯。係得呢個地點都預咗價錢會偏貴，已經去到酒店級價錢但食物又冇預期中咁好，性價比唔高，個人會寧願差唔多價錢去酒店中菜廳食。

我哋今日叫左五個點心，一個XO醬日本大根蘿蔔糕，幾惹味，一個芙蓉帶子芋盒，幾特別，一個招牌蝦餃皇，冇乜特別，一個翡翠野菌餃，菇味几香，一個原隻鮑魚蛋煎糯米雞，好味道，不過大部分食物偏油，地方夠大，服務員態度都好好

補寫食評用餐日期：2022年1月6日 星期四Times Square新店 (當時是新開不久)，手上有 LUBUDS Group現金券和免費小食券，當天到期，趕緊約朋友來吃午餐，以免浪費。我們點了以下的：#香片：挺好喝的。#鮮百合海蜇花：手機app充值，送的指定小食，單點價168元/份，鮮百合清甜，海蜇味道一般。#胡椒濃湯小籠包：餐牌有２款小籠包，鮮肉小籠比較常見，就試試胡椒濃湯小籠包，好好吃，１份有３隻。#懷舊乾蒸牛肉：也是１份３隻，能吃出童年回憶的懷舊點心。#芙蓉帶子芋盒：帶子肉厚嫩滑，配芋泥和酥皮，爆好吃！#香辣肉絲炒銀針粉：我對銀針粉情有獨鐘，可惜不夠熱，吃着有點油膩。#金銀流沙煎堆仔：流心奶皇餡，朋友非常喜歡。

突然想飲茶，又要去銅鑼灣，就search下有咩新酒樓。見呢間好多posts，話又有傳統又有新派，又介紹兩位師傅，好似幾好咁就試下~~裝修門面係ok 既，古典風格又會太黑太陰沈，訂枱既時候要求左窗口位，比較闊落，同隔離枱沒咁近。兩個人叫左一堆點心黎試，續一講。首先係蜜汁黑毛豬叉燒腸粉，味道正常，啲叉燒切到好碎，唔係特別好食，腸粉皮都唔夠滑，可以唔食。之後呢嗰就比較好，高湯鮮蝦炸粉果。炸皮薄而鬆化，啲蝦都爽甜，就咁食幾好。覺得太熱氣就浸下高湯，但係就咁飲嗰湯就唔好了跟住係艷紅龍珠雞粒粿，其實係雞肉版鹹水角，加多左脆米喺嗰皮。變左嗰皮脆啲同薄啲，係幾好食既，特別係對比其他...再黎高湯蟹肉灌湯餃，呢嗰做法其實係湯餃。稱唔上好食，啲蟹肉好少又沒鮮味，嗰湯又係炸粉果嗰個，似普通味精湯，失望...之後有招牌蝦餃皇同胡椒湯小蘢包，正常發揮，不過不失。試埋黑魚子豚肉北菇燒賣，黑魚子沒味既，就係一粒正常既燒賣~ 少肥偏瘦，較硬身嗰種。最後叫左嗰椒鹽九肚魚，呢嗰真係衰過屋村酒樓嗰皮稔既，啲蒜蓉硬既，成碟既一啲都唔脆！啲九肚魚沒咩肉，好明顯係啲貨唔靚！原材料唔得就唔好賣啦，同啲客講沒咪算囉，好過出碟咁既野比

屋企人最鍾意食中菜，趁着疫情好啲又可以帶屋企人去食吓飯喇今次揀咗位於銅鑼灣嘅''悦'' 係Lubuds旗下的高級粵菜館 一入去也帶到比我舒服的感覺快啲睇吓有咩食先豉油皇香煎日本淮山 估唔到咁樣食都幾香脆日本准山鮮嫩爽口 帶點豉油豆香很開胃金沙鴨紅 呢一道有驚喜 酥脆嘅外皮入邊包住嫩滑鴨紅，而鴨紅味道鮮美 加上鹹蛋黃味道鹹香三樣嘢夾埋一齊好夾好好食 令到我一粒接一粒停不下來大紅片皮乳豬 乳豬皮燒得好似薯片般香脆 入口鬆化乳豬肉鮮嫩肉味濃 正！黑蒜海玉竹燉豬展呢度湯一打開個蓋芬香撲鼻 啖湯入口甘甜美味 飲下有一陣陣黑蒜頭獨有的甘甜味充滿整個口腔 呢碗湯飲完喉嚨好舒服海鮮雜菜煲 蝦球同鮮魷魚沒有雪味味道鮮美 湯底咸味也恰到砂窩生拆蟹粉炒飯打開砂窩蓋熱氣洋溢 十分開心 加埋蟹粉拌勻先食也on top加一點☺️ 蟹膏的香濃 加埋蟹肉 帶子的鮮 認真滋味！而且飯粒炒得粒粒分明乾身也不油膩 ，滿足！懷舊黑糖糕 最後幾飽都忍不住來一份甜品黑糖糕質地鬆軟 咬開黑糖味很香濃但不是死甜Nice!